Morgunblaðið - 09.07.1987, Blaðsíða 63

MORGUNBLAÐIÐ, FIMMTUDAGUR 9. JÚLÍ 1987
63
Bikarmeistararnir úr leik:
Annað tap
ÍA í bikarn-
um í sex ár
Morgunblaðið/KGA.
• Þórsararnir Arni Stefánsson og Nói Björnsson fallast I faðma.
Þeir höfðu ríka ástœðu til að fagna í gær!
Keflvíkingar héldu sókninni
áfram og á 116. mínútu skoraði
Sigurjón Sveinsson, sem var rétt
kominn inná sem varamaður, sig-
urmark þeirra eftir góða sókn.
Gunnar Oddsson og Þorsteinn
Bjarnason voru bestir hjá ÍBK, en
Sigurður Lárusson og Birkir Krist-
insson hjá ÍA.
Lið ÍA: Birkir Kristinsson, Heimir Guð-
mundsson, Siguröur B. Jónsson, Sigurður
Lárusson, Sigurður Halldórsson (Jóhann-
es Guðlaugsson), Ólafur Þórðarson,
Aðalsteinn Viglundsson (Valgeir Barða-
son), Sveinbjörn Hákonarson, Guðbjörn
Tryggvason, Þrándur Sigurðsson, Harald-
ur Ingólfsson.
Lið ÍBK: Þorsteinn Bjarnason, Jóhann
Magnússon, Guðmundur Sighvatsson,
Ægir Kárason, Rúnar Georgsson, Peter
Farrell, Freyr Birgisson (Sigurjón Sveins-
son), Freyr Sverrisson, Sigurður Björg-
vinsson, Gunnar Oddsson, Óli Þór
Magnússon. -J.G.
Lengsta
kast
Sigurðar
SIGURÐUR Einarsson stóð sig
mjög vel á stigamóti f frjálsum
íþróttum, sem fram fór í Aust-
ur-Berlín í gærkvöldi f tilefni
750 ára afmælis Berlinar, og
Einar Vilhjálmsson var ekki
langt frá íslandsmeti sinu.
Sigurður kastaði spjótinu
80,84 metra, sem er hans
lengsta kast til þessa, bætti sig
um 1,10 m og hafnaði í fimmta
sæti. Einar varð í áttunda sæti,
kastaði 79,42 metra, en ís-
landsmet hans er 82,10
metrar.
Sigurður fer til London í dag,
þar sem hann tekur þátt í öðru
stigamóti, en Einar kemur heim
og keppir á landsmótinu á
Húsavík á laugardaginn. Úrslit
í spjótkastinu urðu annars
þessi:
ViktorYevsyukov, Sovótr. 84,50
Tom Petranoff, Bandar. 83,25
Jan Zelezny, Tékkóslóvakíu 82,72
Detlef Miohel, A-Þýskal. 81,56
SigurðurEinarsson, Islandi 80,84
Gerald Weiss, A-Þýskal. 80,80
Volker Hadwich, A-Þýskal. 79,74
Einar Vilhjálmsson, Isl. 79,42
„Anægjulegur sigur“
-sagði Óskar Ingimundarson Leifturs-þjálfari
„ÞETTA var dæmigerður bikar-
leikur, mikið af opnum færum og
barátta beggja í góðu lagi,“ sagði
Óskar Ingimundarson, þjálfari
Leifturs frá Ólafsfirði, eftir 4:3
sigur gegn Reyni i Sandgerði í
16 liða úrslitum bikarkeppninnar
í gærkvöldi. Óskar skoraði sjálfur
sigurmarkið, þegar tvær mínútur
voru til leiksloka í framlenging-
unni. „Það var slæmt að missa
niður þriggja marka forskot, en
það er ákaflega ánægjulegt að
vera kominn í átta liða úrslit,“
bætti hann við.
Reynismenn hófu leikinn af mikl-
um krafti og höfðu nærri skorað
mark á fyrstu mínútunni, en eftir
það tóku Ólafsfirðingar leikinn í
sínar hendur og þrívegis í fyrri
hálfleik mátti markvörður Reynis
hirða boltann úr netinu.
Fyrsta mark Leifturs skoraði
Halldór Guðmundsson á 23.
mínútu með góðu skoti fyrir utan
vítateig. Steinar Ingimundarson
skoraði annað markið á 41. mínútu
og Halldór var aftur á ferðinni sex
mínútum síðar.
Sangerðingar voru miklu
ákveðnari í seinni hálfleik og áður
en Ólafsfirðingar vissu af voru
þeir búnir að fá á sig þrjú mörk á
sex mínútum og staðan allt í einu
orðin jöfn.
Fyrst skoraði Grétar Sigur-
björnsson á 60. mínútu, en hann
kom inn á sem varamaður á sömu
minútu. Fjórum mínútum síðar
skoraði Kjartan Einarsson eftir
þunga sókn og á 66. mínútu jafn-
aði hann leikinn.
Að venjulegum leiktíma loknum
var staðan óbreytt og því fram-
lengt. Leikmenn beggja liða voru
greinilega orðnir þreyttir og menn
farnir að búa sig undir vítaspyrnu-
keppni, þegar Oskar Ingimundar-
son tók af skarið og skoraði með
góðu skoti fyrir utan vítateig,
stöngin inn, og fögnuður Ólafs-
firðinga var að vonum mikill.
Geirharður Ágústsson, Haf-
steinn Jakobsson, Þorvaldur
Jónsson markvörður voru bestir i
jöfnu liði Leifturs, en hjá Reyni var
Kjartan Einarsson bestur.
Lið Reynis: Elvar Grétarsson, Jóhannes
Sigurjónsson, Ævar Finnsson, Guðjón
Guðjónsson, Pétur Brynjarsson, Ivar Guð-
mundsson (Hjörtur Davíðsson), Stefán
Pétursson, Davíð Skúlason (Grétar Sigur-
björnsson), Helgi Kárason, Kjartan Einars-
son, Ari Haukur Arason.
Lið Leifturs: þorvaldur Jónsson, Sigur-
björn Jakobsson, Geirharður Ágústsson,
Friðgeir Sigurðsson (Hermann Baldurs-
son), Ólafur Björnsson, Hafstein Jakobs-
son, Gústaf Ómarsson, Róbert
Gunnarsson, Halldór Guðmundsson,
Steinar Ingimundarson (Helgi Jóhanns-
son), Óskar Ingimundarson.
Gult Spjald: Steinar Ingimundarson
Leiftri.
Áhorfendur: 250.
Dómari: Baldur Scheving dæmdi lítið og
lét leikinn ganga.
BB
Morgunblaöið/Einar Falur Ingólfsson
• Óli Þór Magnússon og Ólafur Þórðarson berjast í leiknum í gærkvöldi á Skaganum. Keflvíkingar höfðu
betur þegar upp var staðið eftir framlengingu.
BIKARMEISTARAR ÍAtöpuðu 2:1
fyrir Keflavík á Akranesi i' gær-
kvöldi eftir framlengdan leik.
Þetta var annað tap Skagamanna
í bikarnum á sex árum, en 1985
tapaði liðið fyrir Fram.
Heimamenn voru betri framan
af, sóttu meira og á 7. mínútu
skoraði Sigurður Lárusson af
stuttu færi. Eftir hornspyrnu frá
hægri barst boltinn út þar sem
Guðbjörn var á auðum sjó og hann
gaf nákvæma sendingu á Sigurð,
sem skoraði örugglega.
Skagamenn voru atkvæðameiri
í hálfleiknum, en nýttu ekki fleiri
færi. Óli Þór fékk besta marktæki-
færi ÍBK á 32. mínútu, en skallaði
rétt framhjá.
Keflvíkingar komust meira inn í
leikinn í seinni hálfleik og á 67.
mínútu jöfnuðu þeir leikinn. Gunn-
ar Oddsson, besti maður ÍBK, gaf
þá fyrir frá hægri á Sigurð Björg-
vinsson, hann var öryggið upp-
málað og skoraði með góðu skoti.
Gestirnir voru aðgangsharðari það
sem eftir var venjulegs leiktíma,
en mörkin urðu ekki fleiri og því
varð að framlengja leikinn.
Þór vann í
vrtakeppni
Akureyri, fró Skúla Unnari Sveinssyni, bladamanni Morgunblaðsins.
einnig sína menn af miklum móð
ÞÓRSARAR eru komnir áfram í
bikarkeppninni. Þeir unnu KA i'
„alvöru bikarleik" þar sem úrslit
réðust ekki fyrr en i' vítaspyrnu-
keppni. Baldvin varði víti frá
Friðfinni Hermannssyni og réð
það úrslitum því skorað var úr
hinum níu vftaspyrnunum.
Þórsarar voru sprækari framan
af og fyrstu tíu minúturnar sóttu
þeir mikið. Gegn gangi leiksins
skoruðu KA-menn fyrsta mark
leiksins á 14. mínútu. Friðfinnur
Hermannsson vann þá boltann af
Sveini Pálssyni á miðjum vallar-
helmingi KA, lék upp vinstri kant-
inn og gaf fyrir. Markakóngurinn
Tryggvi Gunnarsson var einn og
óvaldaður á vítapunkti, skaut, en
Baldvin Guðmundsson náði að
verja. Hann misti þó knöttinn og
Tryggvi var fyrstur að honum og
renndi i markiö.
Fimm mínútum síðar jafnaði
Halldór Áskelsson og var það lag-
lega gert. Hann fékk boltann á
vítateigslínunni, lék á þrjá varnar-
menn og renndi undir Hauk
markvörð sem kom út á móti.
Síðari hálfleikur var ekki eins
fjörugur og sá fyrri. Það eina sem
var í lagi var baráttan, hún var á
sínum stað. Áhorfendur hvöttu
Jafntefli
LANDSLIÐ íslands og Færeyja,
sem áttu að vera skipuð leik-
mönnum 18 ára og yngri, gerðu
1:1 jafntefli á Kópavogsvelli f
gærkvöldi.
Færeyingar sendu lið skipað
leikmönnum 19 ára og yngri og
þeir skoruöu í fyrri hálfleik, en
Valdimar Kristófersson Stjörnunni
jafnaði um miðjan seinni hálfleik.
Jóhann Kristinsson frá Bolung-
arvík lék í markinu og stóð sig
mjög vel, en hann er fyrsti Bol-
yíkingurinn, sem leikur í landsliði
íslands í knattspyrnu.
og minnti helstá landsleik. Nokkuð
sem ekki er algengt hjá stuðnings-
mönnum liða í Reykjavík.
Eins og vera ber í spennandi
bikarleik var vítaspyrnukeppni sem
lauk með því að KA-menn skoruðu
úr fjórum en Þórsarar úr öllum
fimm og unnu þeir því leikinn 6:5.
Baldvin varði vítaspyrnu Frið-
finns Hermannssonar og réð það
úrslitum. Baldvin varði einnig fyrri
spyrnu Árna Freysteinssonar en
hafði hreyft sig áður og Árni skor-
aði úr síöari tilraun sinni. Sömu
sögu er að segja af Einari Ara-
syni. Haukur varði fyrst en hreyfði
sig og Einar skoraði úr þeirri síðari.
Þeir sem skoruöu úr ítaspyrnun-
um auk þeirra sem áður eru
nefndir voru Steingrímur Birgis-
son, Gauti Laxdal og Erlingur
Kristjánsson fyrir KA og þeir Jónas
Róbertsson, Guðmundur Valur
Sigurðsson, Valdimar Pálsson og
Sigurbjörn Viðarsson fyrir Þór.
Bestu menn KA voru Haukur
Bragason í markinu og Tryggvi
Gunanrsson og Árni Freysteins-
son stóðu sig einnig vel. Hjá Þór
var Baldvin öruggur og Hlynur
Birgisson og Guðmundur Valur
Sigurðsson voru sterkir.
Uö KA: Haukur Bragason, Gauti Lax-
dal, Arnar Freyr Jónsson, Erlingur Kristj-
ánsson, Þorvaldur Örlygsson, (Árni
Freysteinsson vm. á 64. min.), Bjarni Jóns-
son, (Stefán Ólafsson vm. á 85. mín.),
Steingrimur Birgisson, Tryggvi Gunnars-
son, Hinrik Þórhallsson, Friðfinnur
Hermannsson, Jón Sveinsson.
Lið Þórs: Baldvin Guðmundsson, Nói
Björnsson, Sveinn Pálsson, Kristján Kristj-
ánsson, (Valdimar Pálsson vm. á 81.
min.), Einar Arason, Halldór Áskelsson,
Július Tryggvason, Jónas Róbertsson,
Hlynur Birgisson, Guðmundur Valur Sig-
urðsson, Siguróli Kristjénsson, (Sigur-
björn Viðarsson vm. á 116. mín.)
Gult spjald; Erlingur Kristjánsson og
Tryggvi Gunnarsson úr KA.
Áhorfendur: 1.327
Dómari: Guðmundur Haraldsson og var
góður.