Morgunblaðið - 15.08.1987, Síða 38

38
MORGUNBLAÐIÐ, LAUGARDAGUR 15. ÁGÚST 1987
Bootlegs
Morgnnblaðið/BAR
MúS8ólfnf
"Xunbiaðið/BAft
Prima
Bláa bílskúrsbandið
Bláa bílskúrsbandið er nálægt
því að vera sjö mánaða um þessar
mundir, en hljómsveitin var ein
þeirra er hvað mesta athygli vöktu
í Músíktilraunum Tónabæjar og
Bylgjunnar í apríl síðastliðnum. í
kjölfarið á því varð gítarleikari
sveitarinnar, Guðmundur Péturs-
son, landsfrægur fyrir fingrafimi
og hefur hljómsveitin víða spilað
síðan. Auk Guðmundar eru í hljóm-
sveitinni þeir Guðvin Flosason
trommuleikari og Björn Logi Þórar-
insson bassaleikari. Bláa bílskúrs-
bandið spilar rafmagnað rokk með
liprum einleik á gítar.
Morgunblaðið/Sverrir
Prima
Hljómsveitin Prima er árs-
gömul. í fyrstu hét hljómsveitin
Harðfiskur en breytingar voru
gerðar á mannaskipan og þá á
nafninu um leið. Hljómsveitina
skipa Hafsteinn Hafsteinsson
söngvari, Ragnar Jónsson gítar-
leikari, Sigurður Pétursson bassa-
leikari, Rúnar Guðmundsson
trommuleikari og Haraldur Krist-
insson hljómborðsleikari. Prima
hefur spilað eitthvað í félagsmið-
stöðvum og skólum en lá í dái um
skeið. Nú hefur sveitin hinsvegar
verið endurreist og ferskari en
nokkru sinni aö sögn meölima.
Bootlegs
Bootlegs er nýlega stofnuð
hljómsveit ættuð úr Garöabæ sem
spilar einna helst „speed metal"
eða „thrash" tónlist, mjög hratt,
hrátt rokk eða pönkað þungarokk.
í hljómsveitinni eru þeir Ellert Ingi-
mundur Þorkelsson sem leikur á
bassa, Kristján Ásólfsson sem
leikur á trommur, Jón Örn Sigurðs-
son gítarleikari og söngvari og
Guðmundur Hannesson sem
bættist við eftir Músíktilraunirnar.
Múzzólíní
Múzzólíní var stofnuð í mars á
þessu ári og er því fimm mánaða
eða þar um bil. Sveitina skipa þeir
Þorvaldur Gröndal trommuleikari,
Henry Henrysson söngvari, Einar
þór Sverrisson bassaleikari og Atli
Jósefsson gítar og fiðluleikari. Þó
Múzzólíní sé ekki eldri en raun ber
vitni þá á hljómsveitin þrjú lög á
snældunni Snarl, sem hér er mælt
með. Tónlistin er framsækin og
textarnir ekki síður.
Óþekkt andlit
Óþekkt andlit er hljómsveit af
Akranesi sem spilar tilgerðarlaust
framsækið rokk. í hljómsveitinni
eru Orri Harðarson rythmagítar-
leikari, Pétur Heiðar Þórðarson
gítarleikari og söngvari, Jóhann
Ágúst Sigurðarson trommuleikari
og Hrannar Hauksson bassaleik-
ari. Sveitin hefur víða spilað og þar
á meðal í Músíktilraunum Tóna-
bæjar og Bylgjunnar þar sem þeim
auðnaðist að komast í úrslit. Þeir
telja helstu áhrifavalda sína vera
The Cure, The Smiths, R.E.M,
Bubba Morthens og Rauða fleti.
Óþekkt andlit