Morgunblaðið - 06.03.1988, Blaðsíða 9
MORGUNBLAÐIÐ, SUNNUDAGUR 6. MARZ 1988
9
HUGVEKJA
Hveiju truir þú?
eftir sr. HALLDÓR GUNNARSSON
■ 3. sd. í jostu
Jóh. 2; 13.-22.
Það er rétt, ég er að spyija þig
og biðja þig um að hugleiða stutta
stund hveiju þú svarar. Ég veit
ekki svarið en hitt þykist ég vita
að spumingar og svör um trúmál
eru næstum feimnismál hjá mikl-
um meirihluta þjóðarinnar. Það
er einhver frumþörf í okkur öllum
sem leitar trúar og við reynum
svo oft að svara þeirri frumþörf
með því að leita til einhvers sem
við höldum að séu vísindi, áþreif-
anlegar staðreyndir um fortíð og
framtíð, sem snerta okkur, sem
sé því auðveldara að fjalla um.
Hér á ég við ýmis konar dul-
hyggju sem styðst við meistara
eða spámenn, sem bækur eru
skrifaðar um eða jafnvel eftir þá
sjálfa og þar er ævinlega tíundað
nákvæmlega hvemig allt á að
koma fram, hvort sem það eru
stjömuspádómar eða önnur fræði
þeim tengd eða draumaráðningar,
spádómar í allskonar spil, í bolla,
í hendi eða íhugun með mörgum
hliðarsporum að Austurlandasið,
klætt í ný föt fyrir okkur á Vest-
urlöndum.
Þessi dulvísindi, ef ég má nota
það orð, eru vafalaust oft til
ánægju og veita tímabundinn til-
gang, en veita þau ekki jafn oft
vonbrigði? Kristin trú byggir á
allt öðm. Hún byggir á persónu-
legu sambandi við Jesúm Krist,
við lestur ritningarinnar og við
bæn, þar sem öllu skiptir hveiju
sinni hvemig við komum fram á
stundinni sem er að líða við ná-
unga okkar. Kristin trú er einnig
„fullvissa um það sem við von-
um“, um lífíð handan við þetta
jarðlíf, um lífið sem hann flutti
okkur fagnaðarboðskap um, þeg-
ar hann sagði: „Ég lifi og þér
munuð lifa,“ um lífíð, sem páska-
dagsmorgunn eftir föstudaginn
langa leiddi í ljós.
Þennan fagnaðarboðskap eig-
um við kristnir menn að flytja
áfram með trú okkar og fram-
komu til hverrar nýrrar kynslóð-
ar, sem vex upp.
Fyrsti sunnudagur í mars hefur
í mörg ár verið helgaður æsku
þessa lands, þar sem við sem eldri
erum reynum á sérstakan hátt að
ná til hinna ungu með ábending-
um og vamaðarorðum og reynum
einnig að kalla eftir þeirra skoð-
unum og þeirra trú. Kjörorð æsku-
lýðsdagsins er: Verið glöð í
Drottni og auglýsing sýnir hlaup-
andi kirkju. Hvort tveggja á að
segja okkur frá gleði þess að
starfa og þjóna í kirkju, sem er
félag manna, sem vill koma öðrum
til hjálpar svo fljótt að við þurfum
að hlaupa til að missa ekki af
tækifærinu.
Forsenda þess að við hlaupum
til starfa til góðs og í kærleika
er að við eigum kristna trú. Þessa
trú getur enginn gefíð öðrum, en
það er hægt að sá til hennar með
handleiðslu foreldra eða annarra
vandamanna til bamsins sem
spyr, barnsins sem heyrir og
bamsins sem sér.
Það er ekki nóg fyrir foreldra
að ætla skólanum að sjá um trúar-
uppeldi bama sinna. Skólarnir
hafa breyst. Nýtt námsefni hefur
tekið við í kristindómsfræðslu,
sem reynir mjög á hæfni kennara
til leiðsagnar. Ef kennarar bregð-
ast því hlutverki er námsefnið
verra en það sem áður var, því
þá kunna bömin ekki skil á krist-
inni trú og þekkja ekki einu sinni
til dæmisagna Jesú Krists. Að
auki hefur ný skólalöggjöf aukið
svo mjög námsefni og bætt við
nýjum valgreinum, að kristin-
dómsfræðsla hefur orðið að hopa,
því ekki er hægt að lengja skóla-
tímann hvem dag og skólastjórar
verða að leysa þennan óleysanlega
vanda með því að minnka eða ein-
falda kennsluna í öðmm greinum.
Er nema von að það bitni á
kristindómsfræðslu? Kennarar
geta sagt að trúarfræðsla eigi að
vera að mestu leyti í höndum for-
eldra, það sé trúfrelsi og kennar-
anum sé aðeins skylt að kenna
bömunum ýmsar siðareglur, því
skólalöggjöfín tali aðeins um
ábyrgð skólans til uppeldis í sið-
gæðisþroska.
Spumingin hljómar því til okk-
ar allra í dag, á öllum aldri:
Hverju trúum við? Hvaða vega-
nesti viljum við gefa baminu okk-
ar út í lífíð, út í baráttuna þar
sem allir virðast vera á hlaupum
eftir því veraldlega. Það dugar
ekki að segja við bamið: Ég vildi
óska að þú yrðir betri en ég, trú-
aðri en ég, sannkristnari en ég.
Það þýðir ekki heldur að halda
bömum að kristinsdómsfræðslu
með skipunum — kenna því bæn-
ir en láta það síðan komast að
því að við biðjum ekki bænimar
sjálf á kvöldin. Ég er ekki að lá
neinum neitt en minni á að barn-
ið gengur þá leið sem foreldrið
gengur, að fordæmi er það eina
sem bamssálina mótar. Hand-
leiðsla, en ekki skipun, lotning og
virðing, en ekki afskiptaleysi,
þátttaka í bæn en ekki innantóm
orð.
Látum bömin okkar finna að
það sé okkur mikið alvörumál, að
kristin trú sé farsælli leið til
lífshamingju en allar aðrar leiðir.
Verum með þeim í bænaiðkun,
göngum með þeim til kirkju og
látum þau finna að við trúum því
að Guð sé til, að Drottinn Jesús
Kristur sé í lífi okkar og að við
sigrum alla erfíðleika og þjáningu
um síðir, því að lífíð haldi áfram,
sigur Jesú sé sigur okkar og líf
hans líf okkar.
Orð ritningarinnar í dag segir
frá þvi þegar Jesús talaði við fólk-
ið um musterið sem hann mundi
reisa á þremur dögum. Þar segir:
„En hann talaði um musteri
líkama síns. Þegar hann því var
upprisinn frá dauðum, minntust
lærisveinar hans, að hann hafði
talað þetta og þeir trúðu ritning-
unni og því orði, sem Jesús hafði
talað.“
Hveiju trúir þú? Lærisveinar
Jesú trúa enn ritningunni og því
orði sem hann talar. Þeir þurfa
ekki að leita annað og þeim ber
að fræða bömin sín um þennan
fagnaðarboðskap. Það er hveiju
sinni æskulýðsdagur.
VÖRN GEGN VERÐBÓLGU
KJARABRÉF - Ávöxtun : 12 - 14%*umfram verðbólgu
TEKJUBRÉF - Ávöxtun: 12 - 14%*umfram verðbólgu
MARKBRÉF - Ávöxtun: 13 - 16%*umfram verðbólgu
BANKABRÉF - Ávöxtun: 9 - 10% umfram verðbólgu
SPARISKÍRTEINI - Ávöxtun: 7,2 - 8,5% umfram verðbólgu
ee w
VAXTAKJORIN I DAC Hér að ofan geturðu séð hvernig TALADU VID OKKUR Sérfræðingar Fjárfestingarféiagsins
vaxtakjörin eru í dag. Þess ber þó að gæta að tölurnar eru birtar eru alltaf til viðtals í Kringlunni og í Hafnarstræti 7. Þeir veita
R án tillits til sölulauna eða innlausnargjalds. Fjárfestingarfélagið þér góð ráð um ávöxtun peninganna þinna, innlausn spari-
g er alltaf reiðubúið til þess að veita þér upplýsingar um bestu skírteina, kaup og sölu verðbréfa, gengi verðbréfa, aðstoð við
f kosti verðbréfamarkaðsins hverju sinni. fjárfestingar og annað sem þú þarft að vita. í dag er nauðsynlegt
* Áœtluð raunávöxtun nœstu nánuði 30 Sér aðst°ð Þeirra Sem Þekkja markaðinn.
GENGl 4. MARS______________
KJARABRÉF 2.679
TEKJUBRÉF 1.368
MARKBRÉF 1.390
FJÖLÞJÓÐABRÉF 1.268
Símsvarinn okkar er í vinnu allan sólar- Tólf ár í fararbroddi!
hringinn. Hann veitir þér upplýsingar um
daglegt gengi Kjarabréfa, Markbréfa,
Fjölþjóðabréfa og Tekjubréfa.
SÍMANÚMER SÍMSVARANS ER 28506
FJÁRFESTINGARFÉIAGIÐ
HAFNARSTRÆTI 7, 101 REYKJAVÍK, S (91) 28566 KRINGLUNNI, 103 REYKJAVÍK, S (91) 689700