Morgunblaðið - 23.03.1988, Blaðsíða 36

86
MORGUNBLAÐIÐ, MIÐVIKUDAGUR 23. MARZ 1988
Flugfélag Norðurlands hf.:
Heildarveltan 1987
yfir 100 milljónir
Rekstrartap rúmar 5 milljónir en
hagnaður af reglulegri starfsemi
Heildarvelta Flugfélags
Norðurlands á síðasta ári nam
105.485.795 krónum og var
hagnaður af reglulegri starf-
semi. Vegna sölutaps af Mitsub-
ishiflugvél, sem seld var á ár-
inu, varð hinsvegar tap á rekstr-
inum, sem nemur 5.267.231
krónu.
Aðalfundur Flugfélags Norður-
lands hf. var haldinn sl. föstudag
og kom þetta meðal annars fram
þar. Á árinu voru fluttir samtals
24.490 farþegar, 620 tonn af vör-
um og 190 tonn af pósti. Vélar
félagsins flugu samtals 5.093
flugstundir og voru flugtök og
lendingar samtals 14.608.
Félagið stundar alla venjulega
flugstarfsemi, þar með talið áætl-
unarflug til ellefu ákvörðunar-
staða með bækistöð á Akureyri.
Grænlandsflug var sem fyrr stór
liður í rekstrinum eða sem svarar
28% af heildarveltunni 1987. 101
sjúkraflug var flogið á árinu, en
auk þess var fjöldi sjúklinga flutt-
ur með áætlunarflugi. Flugfélag
Norðurlands hf. á átta flugvélar,
þijár 19 sæta Twin Otter, tvær
níu sæta Chieftain, eina fimm
sæta Aztec og tvær Tomahawk-
kennsluflugvélar. Félagið annast
sjálft allt'viðhald flugvéla sinna
og reyndar margra annarra í 1.863
fermetra flugskýlum sínum á Ak-
ureyrarflugvelli. Hjá félaginu
starfa 23 starfsmenn í fullu starfí,
þar af tíu flugmenn og sex flug-
virkjar.
Lagning Finna-
staðavegar:
Arnarfellhf
bauð best
ARNARFELL hf. átti lægsta
tilboð í lagningu Finnastaða-
vegar. Tilboð fyrirtækisins var
4,9 milljónir kr., sem er 71% af
kostnaðaráætlun Vegagerðar-
innar sem er rúmlega 6,9 millj-
ónir kr.
Lengd vegarins er 3 km og á
verktaki að skila veginum af sér
fyrir 1. nóvember í haust.
Níu verktakar buðu í lagningu
Finnastaðavegar og voru allir með
tilboð undir kostnaðaráætlun
nema einn. Þessir buðu fyrir utan
Amarfell hf.: Pétur Steingrímsson
Stokkseyri 5,4 milljónir kr., Ýtan
sf. 5,9 milljónir, Vegaþjónustan
hf. Stokkahlöðum 6,2 milljónir,
Halldór G. Baldursson 6,3 milljón-
ir, Ólafur Gíslason 6,5 milljónir,
Fossverk hf. 6,7 milljónir, Jarð-
verk sf. 6,7 milljónir og Norður-
verk hf. 10,5 milljónir kr.
Morgunblaðið/RÞB
Jóhann Hjartarson tekur við verðlaunafé úr hendi Sigfúsar Jónssonar, bæjarstjóra á Akureyri.
Akureyrarskákmótið:
Karl vann Gúrevitsj
KARL Þorsteins vann sovéska
stórmeistarann Gúrevitsj í
síðustu skák alþjóðlega skák-
mótsins sem lauk seint í fyrra-
kvöld. Skák þeirra Karls og
Gúrevitsjs dróst mjög á langinn.
Byrjað var að tefla lokaumferð-
ina kl. 14.00 á mánudag og lauk
skák þeirra ekki fyrr en upp úr
kl. 23.00. Af þeim sökum dróst
verðlaunaafhending um hátt í
fjóra tíma.
Eins og fram hefur komið hlaut
Jóhann Hjartarson átta vinninga
og sigur í mótinu. I öðru sæti hafn-
aði sovéski stórmeistarinn Lev Pol-
úgajevskíj með sjö og hálfan vinn-
ing og í þriðja sætinu varð Margeie
Pétursson með sjö vinninga. Þeir
Míkhaíl Gúrevitsj og Jón L. Amason
urðu í fjórða til fimmta sætinu með
sex og hálfan vinning hvor. Jonat-
han Tisdall frá Noregi og Ungveij-
inn Andras Adoijan urðu I sjötta
til sjöunda sæti með sex vinninga.
Þeir Helgi Ólafsson og sovéski stór-
meistarinn Sergei Dolmatov fengu
fímm og hálfan vinning hvor. Karl
Þorsteins fékk fímm vinninga og
tíunda sætið og Akureyringarnir
Jón Garðar Viðarsson og Olafur
Kristjánsson höfnuðu í ellefta og
tólfta sætinu. Jón Garðar fékk einn
og hálfan vinning og Ólafur einn
vinning.
Golfskálinn ris-
inn úr rústunum
Golfskáli Golfklúbbs Akur-
eyrar á Jaðri er nú risinn úr
rústunum, en, eins og menn ef-
laust rekur minni til, brann skál-
inn aðfaranótt 25. janúar sl. Á
laugardagskvöldið var haldin
mikil vígsluhátíð golfara á Akur-
eyri í skálanum þar sem endur-
byggingu er nú lokið tæpum
tveimur mánuðum eftir óhappið
og er álit manna að mjög vel
hafi tekist til með verkið.
Kylfíngar á Akureyri byggðu við
golfskálann fyrir tæpu ári, þá einn-
ig á aðeins tveimur mánuðum. Þeir
unnu verkið allt í sjálfboðavinnu svo
það var mikil eftirsjá meðal golfara
þegar félagsheimili þeirra hafði orð-
ið eldi að bráð. Myndimar voru
teknar sl. laugardagskvöld þegar
kylfíngar fögnuðu verklokunum.
Morgunblaðið/GSV
Frá maraþonblústónleikum á Uppanum um helgina. Morgunblaðið/GSV
Maraþonblústónleikar:
40.000 kr. söfnuðust
LEIKIN var blústónlist á Uppanum
við Ráðhústorg í 37 klukkustundir
samtals um sl. helgi. Hátt i 50
manna hópur tónlistarmanna sá
um hljómlistina við góðar undir-
tektir viðstaddra og var leikurinn
gerður til að safna fé til handa
Skáksambandi Islands. Sextán
manna hópur tónlistarmanna kom
að sunnan og flestir akureyrskir
tónlistármenn tróðu einnig upp.
Forráðamenn maraþonhljómleik-
ana höfðu gælt við þá hugmynd
að hægt yrði að safna hátt i eina
milljón. Þegar upp var staðið voru
aðeins 40.000 krónur í kassanum.
Friðrik Bjamason stóð að undir-
búningi keppninnar. Hann sagði í
samtali við Morgunblaðið að hljóm-
leikamir hefðu tekist sérstaklega vel
þó fjáröflunin hefði ekki gengið sem
skyldi. „Ég veit ekki hver skýringin
er á þessum litla áhuga. Kannski er
fólk orðið þreytt á sífelldum söfnun-
um. Við höfðum þann háttinn á að
fólk gat hringt inn á meðan á tónleik-
unum stóð og lagt fram áheit. Ég
var viss um að fólk og fyrirtæki tækju
við sér þegar skákmennimir okkar
voru annars vegar. Vitað er að Skák-
sambandið er fjárvana. Litlir sem
engir opinberir styrkir berast og á
meðan eru þetta okkar þjóðhetjur.
Þeir hafa staðið sig frábærlega í
gegnum árin og þarf að styðja mun
betur við bakið á þeim en gert hefur
verið til þessa," sagði Friðrik.
Jón L. Ámason stórmeistari hóf
hljómleikana með því að leika fyrstu
nótumar fyrir Ingimar Eydal. Byijað
var kl. 12 á hádegi á laugardegi og
haldið óslitið áfram fram til kl. 1.00
aðfaranótt mánudags. Uppanum var'
lokað frá kl. 3 til 6 aðfaranótt sunnu-
dags, en þó fengu hljómlistarmenn-
imir að blúsa þar inni þó veitingastað-
urinn mætti ekki vera opinn.
SIEMENS
HEIMILISTÆKI
í miklu úrvali.
Vestur-þýsk
gæðavara’.
Furuvöllum 1, Reynishúsinu,
600 Akureyri. S. 96-27788.
iR
BILALEIGA
með útibú allt í kringum
landið, gera þér mögulegt
að leigja bíl á einum stað
og skila honum á öðrum.
Reykjavík
91-31615/31815.
Akureyri
96-21715/23515
Pöntum bíla erlendis
interRent
Bílaleiga Akureyrar