Morgunblaðið - 25.03.1988, Page 38
38
MORGUNBLAÐIÐ, FÖSTUDAGUR 25. MARZ 1988
Handmáluð páskaegg og gular fjarðir prýða birkigreinarnar, sem
eru þarna að byija að springa út. út og handmál
Zontakonur
selja páskagreinar
Útsprungnar tijágreinar með skrauti í gulum páskalitum prýða víða
híbýli á Norðurlöndum um páskana. Mun þar runninn saman forn
kirkjulegur siður tengdur pálmagreinum í kirkjum frá pálmasunnu-
degi og gleðilegur vorboði sem útsprungnar greinar vekja í hugum
fólks . Nú fyrir páskana ætla Zontakonur að selja slíkar skreyttar
birkigreinar í Kringlunni laugardaginn fyrir pálmasunnudag, þ.e. 26.
mars, frá kl. 10-16. Hafa þær handmálað á fjölda gulra eggja og út-
búið fjaðrir og annað viðeigandi skraut. A þennan hátt vilja konumar
afla fjár til Margrétarsjóðs síns, sem styrkir málefni heymarskertra.
Svæðisstjóri
Zonta á Islandi
Alþjóðlegu Zontaklúbbarnir em kvennaklúbbar á borð við Rot-
aryklúbba sem karlmenn hafa með sér, sá elsti stofnaður í Banda-
ríkjunum 1917. Þeir hafa um áratugi verið starfræktir um allan
heim, m.a. á íslandi, þar sem em 4 ldúbbar og sá fimmti í burðar-
liðnum. Svæðistjórinn á 13. svæði, Karen Dam Johansen, sótti um
síðustu helgi formannafund íslensku klúbbanna á Akureyri, en
svæði hennar nær yfir Zonta í Danmörku, Noregi og íslandi. í
Danmörku em 10 klúbbar með 400 félögum og tveir nýir að bæt-
ast við og í Noregi em álíka margir.
Það er Zontaklúbbur Reykjavíkur
sem stendur að þessari sölu á
skreyttum páskagreinum, en auk
hans eru á íslandi tveir klúbbar á
Akureyri og einn á Selfossi, auk
þess sem nýr klúbbur í Reykjavík er
í burðarliðnum. Fyrsti formaður
Reykjavíkurklúbbsins var Margrét
Rasmus, skólastjóri Heymleysingja-
skólans, sem varð til þess að Zonta-
klúbbamir hafa ávallt stutt heymar-
skerta, lögðu t.d. á sínum tfma allt
til heymardeildarinnar í Heilsu-
gæslustöðinni og hafa gefið tæki og
veitt námsstyrki. Þótt ríkið hafi yfir-
tekið mörg þau verkefni þar sem slík
félög rejmdu að styrkja, er enn þörf
á sérmenntun og hafa verið veittir
styrkir til framhaldsnáms úr Margr-
étarsjóði. Zontaklúbbur Reykjavíkur
er nú að ljúka því verkefni að láta
gera og prenta plaköt með tákn-
málinu.
Karen Dam Johansen var að
koma frá Akureyri er við hittum
hana að máli og lofaði mjög landið,
sem hafði verið fagurt og frítt yfir
að fljúga, og móttökur Zonta-
kvenna í klúbbunum tveimur á
Akureyri. Fundurinn hafði verið í
Nonnahúsi og fannst henni snjallt
hvemig eldri Zontaklúbburinn hef-
ur um langt árabil aflað fjár til
þess menningarstarfs að varðveita
Nonnahús, en Akureyriarkonurnar
rækta kartöflur í fjáröflunarskyni.
Zontaklúbbamir vinna á alþjóð-
legum vettvangi að því að styrkja
stöðu kvenna og veita til þess
bæði námsstyrki og fé til þarfra
málefna, gjaman í þróunarlöndun-
um. Nú er til dæmis í samvinnu
við Sameinuðu þjóðirnar hafin
menntunaráætlun, þar sem greidd
er starfsmenntun ungra stúlkna í
Zambíu, Argentínu og víðar. Er
það menntun til hvers konar starfa,
landbúnaðarstarfa, hjúkruna-
rstarfa, skrifstofustarfa o. fl. og
duga til þess að jafnaði 300 dollar-
ar á stúlku, að því er Karen Dam
Johansen sagði. Tekur Reykjavík-
urklúbburinn þátt í því. A þessu
ári eru 50 ár frá því flugkonan
fræga Emelia Erhart fórst, en hún
var Zontakona og var stofnaður
minningarsjóður um hana, sem
veitt eru úr námslán til kvenna í
flug- og verkfræðigreinum, 6000
bandarískir dollarar. Sagði Karen
Dam Johansen að tvisvar hefðu
danskar stúlkur hlotið slíkan styrk
og einu sinni íslensk stúlka. Hægt
er að veita hann tvö ár í röð, en
ekki lengur, til sömu manneskju.
Karen Dam Johansen, sem rekur
kjólaverslun í Álaborg í Danmörku,
kvaðst persónulega hafa mikið út
úr starfinu með Zonta. Þetta em
þverfaglegir klúbbar með konum
úr ýmsum stéttum og mega ekki
vera fleiri en tvær úr hverri stétt
í hveijum klúbbi. Þannig yrði öll
umræða á fundum mjög upplýs-
andi og uppbyggileg. Og hún
kvaðst fá æ meira út úr þessum
samskiptum sem hún starfaði
meira, fyrst sem formaður, þá
formaður landssambands dönsku
Karen Dam Johansen, svæðis-
stjóri Zontaklúbbanna á íslandi,
Danmörku og Noregi.
klúbbanna og nú svæðisstjóri 13.
svæðis.
Fyrir utan alþjóðastarfið lætur
hver klúbbur gott af sé leiða í
heimalandinu og velur sér verkefni
þar. Danski klúbburinn í Álaborg
aflar fjár með því að selja gamlar
bækur og velur sér árlega styrk-
þega, veitir til Amnesty Intematio-
nal, Fultonskólanna o.s.frv., auk
þess em klúbbur hennar hefur tek-
ið að sér að sjá fyrir tveimur böm-
um í Bangladesh. Þriðja barnið
sem Zontakonumar tóku að sér
er nú uppkomið.
Loks kvaðst Karen Dam Johans-
en hlakka til að koma á Norður-
landamót Zonta, sem er áformað
á íslandi 1989.
Hver er munurinn á þessum páskaeggjum?
Verðmunurinn
í verðkönnun á páskaeggjum, sem VERÐLAGS-
STOFNUN birti 24. mars kemUr fram umtalsverður
munur á smásöluverði páskaeggja.
Til dæmis er mestur verðmunur á 370 gr.
páskaeggjum frá Nóa-Síríus. Eggið til vinstri kostar
699 kr., sem er lægsta verð. Hins vegar kostar eggið til
hægri 1098 kr. og er það hæsta verð á þessari sömu
vöru. Verðmunurinn er því 399 kr. eða 57%.
- Það munar um minna.
Verðsamkeppni í sölu páskaeggja er mjög mikil. Nær
allar matvöruverslanir selja páskaegg á lægra verði en
framleiðandinn mælir með.
Fimm verslanir selja meira að segja páskaeggin á
lægra verði en heildsöluverð með söluskatti.
Könnun Verðlagsstofnunar náði til um 50 verslana og
sjoppa á höfuðborgarsvæðinu. Ekki er merkjanlegur
munur á verði hverfaverslana og stórmarkaða, en
sjoppur reyndust almennt með hærra verð en
matvöruverslanir.
Það gefur augaleið, að það getur skipt neytendur
verulegu máli að kynna sér niðurstöður verðkönnunar
Verðlagsstofnunar og gera verðsamanburð.
VERUM Á VERÐI
VIÐSKIPTARÁÐUNEYTIÐ