Morgunblaðið - 06.11.1988, Blaðsíða 12

12
MORGUNBLAÐIÐ, SUNNUDAGUR 6. NÓVEMBER 1988
son að framkvæmdastjóra fjárhags-
deildar Sambandsins og hefur sú
ráðning farið fyrir bijóstið á ýmsum
mönnum innan sem utan Sam-
bandsins. Jafnframt mun Kjartan
vera einn helsti ráðunautur forstjór-
ans og er sú skoðun útbreidd að
Kjartan hafi hvórki hæfileika né
þekkingu til slíks ábyrgðarstarfs.
Kunnugir segja á hinn bóginn að
kunningsskapur, að ekki sé talað
um vinskapur þeirra Guðjóns og
Kjartans hafi nánast enginn verið
fram til þess tíma er þeir störfuðu
saman hjá Sambandinu, Kjartan í
Skipadeild og Guðjón í Sjávaraf-
urðadeild. Guðjón hafi þurft að
leggja hart að Kjartani að taka að
sér það starf sem hann er í núna
og það hafi hann gert því hann
hafi haft trú á þvi að Kjartan myndi
reynast starfinu fyllilega vaxinn.
Ekki eru allir sannfærðir um að
fagleg sjónarmið hafi verið látin
ráða við ráðningu framkvæmda-
stjóra verzlunardeildarinnar, en það
starf fékk Ólafur Friðriksson síðast-
liðið vor. Að vísu hafí hann tekið
við erfiðu búi af Hjalta Pálssyni,
en þess frekar hafi verið ástæða til
að ráða að þessari deild reynslu-
meiri kaupsýslumann til þess að
taka við þessum erfiða rekstri. Ólaf-
ur var áður kaupfélagsstjóri á Sauð-
árkróki og þar áður á Kópaskeri.
Tap verzlunardeildarinnar á þessu
ári er áætlað að verði á milli 200
og 300 milljónir króna. Kunnugir
segja þó að mikil breyting til hins
betra hafí orðið á rekstri verzlunar-
deildarinnar og að þó erfiðlega hafi
gengið í rekstri þessarar deildar,
séu talsverðar líkur á að það takist
að snúa þróuninni við þar.
Aðrir telja að gagmýni á ráðn-
ingu Ólafs sé mjög óréttmæt. For-
stjórinn hafi staðið frammi fyrir því
að Sambandið vantaði sárlega
sterkari tengsl við kaupfélögin í
landinu, sem þyrftu að vera hvað
traustust í þessari deild. Ólafur njóti
trausts kaupfélagsstjóra um land
allt og sé í góðum metum bæði hjá
Sambandinu og kaupfélögfunum.
VANT-I
VITAMIN
VERÐUR SVARIÐ NÁTTÚRULEGA
—I—SEVEN —r
SEAS
3 TEGUNDIR AF 18 MÖGULEGUM
'Berrce^j.
^VitaminC
:Vh(
JARN
Seven
Seas

60
B-KOMPLEX
VITAMIN-C PLUS
^FVFN ERU NÁTTÚRULEG VÍTAMÍN — ÁN SYKURS
— ÁN ROTVARN AREFN A — ÁN GERFIEFNA
SE AS “ ÖLL1 þægilegum BELGJUM
— BESTA OG HAGKVÆMASTA VIÐBÓTIN
VIÐ DAGLEGAN KOST
ði
orenco
HEILDSOLUDREIFING
Laugavegi 16, sími 24057.
Það hafi tvímælalaust verið rétt
ákvörðun að velja ungan og dugm-
ikinn kaupfélagsstjóra til þess að
taka við þessu starfi, enda hafi
hann þegar sýnt að hann sé þvi
vaxinn.
Jafnframt hefur Guðjón verið
gagniýndur fyrir það að tímasetja
ákvarðanir sínar illa. Sumir telja
að hús Sambandsins við SölvhólsT
götu hafi verið selt of snemma á
of lágu verði . Enn sé Sambandið
með höfuðstöðvar sínar þar en borgi
ríkinu nú rándýra leigu fyrir aðstöð-
una. Á sama tíma séu framkvæmd-
ir við nýbyggingu Sambandsins við
Kirkjusand í fullum gangi, en öll
kostnaðaráætlun sé löngu komin
úr böndunum. Upphaflega hafi
byggingarkostnaður verið áætlaður
um 220 milljónir króna, en síðustu
kostnaðaráætlanir gefi hins vegar
til kynna að nýbyggingin muni
kosta um 350 milljónir. Guðjón seg-
ist vonast til þess að þessar nýjustu
áætlanir eigi eftir að standast,
þannig að kostnaðurinn við nýbygg-
inguna, sem taka á í notkun á vor-
dögum næsta árs, verði ekki enn
hærri.
Á hinn bóginn er því haldið fram
að hér hafi verið um hárrétta
ákvörðun að ræða, þar sem Sam-
bandið hafí ekki getað gengið út
frá því sem vísu að annar kaupandi
en ríkið fengist að húseigninni við
Sölvhólsgötu.
Enn eitt ádeiluatriðið á Guðjón
er það hvemig hann gekk fram í
fyrirhuguðum kaupum Sambands-
ins á Utvegsbankanum. Gagnrýn-
endur hans innan Sambandsins telja
að hann hafi litið fram hjá þeirri
staðreynd að SÍS hafi einfaldlega
getað keypt stóran hlut í bankanum
á verðbréfamörkuðum, án þess að
nokkur vissi um hver kaupandinn
væri. Auk þess áfellast margir Guð-
jón fyrir að Sambandið missti af
Smárahvammslandinu í Kópavogi.
„Það var fádæma klaufaskapur að
Sambandið skyldi missa af þessum
kaupum," segir einn SÍS-toppurinn.
Hann segir að röng tímasetning
með Sambandshúsið og Kirkjusand
hafi haft áhrif í þessu máli og spillt
fyrir því hjá bæjarstjórn Kópavogs.
Þó er alls ekki hægt að segja að
Guðjón hafi tapað tiltrú meirihluta
starfsmanna Sambandsins eftir tæp
tvö ár á forstjórastól. Þvert á móti
eru ýmsir starfsmenn SÍS sem
benda á að Guðjón hafi hrint í fram-
kvæmd umtalsverðum breytingum
innan Sambandsins sem allar miði
að því að draga úr miðstýringu yfir-
stjómar þess og auka völd og
ábyrgð einstakra rekstrarþátta og
deilda. Þannig sé markvisst unnið
að því að draga úr yfirbyggingunni
og ef ráðist verði í þær breytingar
sem verið sé að ræða um, þá sé
það einungis áframhald þess verks
sem þegar hafí verið hafið.
Er verið að ganga að
samvinnuhugsjóninni
dauðri?
Fylgismenn þeirrar uppstokkun-
ar sem nú er rædd meðal Sam-
bands-toppa telja að ekki væri ver-
ið að ganga að samvinnuhugsjón-
inni dauðri, ef hugmyndum þeirra
verður hrint í framkvæmd. Segja
þeir að samvinnustarfið sé fyrst og
fremst unnið í kaupfélögunum og
að Sambandið sé ekkert annað en
þjónustutæki kaupfélaganna. Sam-
bandið reki ekkert annað fyrir
kaupfélögin en það sem sé hag-
kvæmt að rekið sé sameiginlega á
hveijum tíma. Benda þeir á að sala
á smjöri og ostum hafi á sínum tíma
verið tekin út úr Sambandinu og
sett í Osta og smjörsöluna, án þess
að slíkt hafi á nokkum hátt skaðað
samvinnustarfið - þvert á móti hafi
það styrkst við þá breytingu. Telja
þeir að sama myndi gilda um sölu
á búvörum, sjávarafurðum og
fleiru.
Efasemdir um ágæti þeirra
breytinga sem ræddar hafa verið
eru meðal annars til komnar vegna
þess að menn eru ekki fullvissir um
að þær myndu draga úr yfirbygg-
ingu Sambandsins. Yfirstjórnunin
gæti hugsanlega einungis flust til.
Það þarf ekki að vera að nokkur
trygging verði fyrir því að í þeim
fjórum sjálfstæðu fyrirtækjum sem