Morgunblaðið - 01.11.1989, Qupperneq 5
MORGUNBLAÐIÐ MIÐVIKUDAGUR 1. NÓVEMBER 1989
T
Islenskar skipasmíða-
stöðvar standast ekki
samanburð við erlendar
- segir Kristján Ragnarsson, formaður LIU
ÍSLENSKU skipasmíðastöðvarnar hafa átt í verulegum vandræðum
síðustu misseri og í fyrradag sagði Slippstöðin á Akureyri upp öllum
starfsmönnum sínum, 210 að tölu. Stjórnendur íslenskra skipasmíða-
stöðva segjast geta staðist samanburð við erlendar en Kristján Ragn-
arsson, formaður Landssambands íslenskra útvegsmanna, segir að
miklu muni á verði íslenskra og erlendra stöðva.
„íslenskar stöðvar hafa tekið
miklum framförum undanfarin ár
og samkeppnisstaða þeirra skánað.
En þó standast þær ekki samanburð
við erlendar stöðvar," sagði Kristján
Ragnarsson.
Kristján sagði að við nýsmíði hefði
það mikið að segja að íslenskar
stöðvar gætu ekki tekið eldri skip
sem hiuta af greiðslu. „Þegar við
fáum nýtt skip verður annað að víkja
og erlendar stöðvar hafa tekið gömlu
skipin. Auk hefur ekki fengist fyrir-
greiðsla í íslenskum bönkum á sama
hátt og erlendis. Þetta, og fækkun
skipa, gerir það að verkum að
íslensku stöðvarnar fá færri verk-
efni. Hinsvegar gerum við okkur
grein fyrir því að það er nauðsynlegt
að hafa íslenskar skipasmíðastöðvar
en þær verða að vera samkeppnis-
færar,“ sagði Kristján.
Slippstöðin á Akureyri sagði upp
210 manns í fyrradag. Útlit er fyrir
verkefnaskort, enda er framundan
rólegur tími í skipasmíði.
Akureyrarbær á um 33% í slipp-
stöðinni og sagði Sigfús Jósson,
bæjarstjóri, að nauðsynlegt væri að
koma stöðinni aftur á réttan kjöl.
„Það er mjög alvarlegt þegar svo
stór hópur fólks missir vinnuna og
við ætlum ekki að taka þessu þegj-
andi,“ sagði Sigfús.
Hann sagði einnig að erfitt væri
fýrir íslendinga að keppa við erlend-
ar stöðvar sem fengju ýmiskonar
styrki frá ríkinu. „Skipasmíðastöðv-
ar í Noregi og á Spáni fá verulega
fyrirgreiðslu frá ríkinu. Það gerir
það að verkum að samkeppni verður
ekki eðlileg," sagði Sigfús.
Sendibílstj órar mót-
mæla virðisaukaskatti
TRAUSTI, félag sendibílstjóra, heíur gengist fyrir undirskriftasöfnun
meðal félagsmanna sinna þar sem mótmælt er fyrirhugaðri álagningu
virðisaukaskatts á flutningsgjöld með sendibifreiðum. Fjármálaráð-
herra verða afhent mótmælin og bjóst Hulda Waage framkvæmda-
stjóri Sendibílastöðvarinnar við að það yrði gert í dag. Hulda segir
að sendibílstjórar óttist meðal annars að gjaldskrá þeirra fáist ekki
hækkuð í samræmi við álagningu virðisaukaskattsins.
Sendibílstjórar verða skattaðilar í
virðisaukaskatti. Það þýðir að skatt-
urinn fæst dreginn frá öllum að-
föngum til rekstrarins, þar á meðal
sendibílunum, sem verða þar af leið-
andi ódýrari í innkaupum en verið
hefur í söluskattskerfi. Virðisauka-
skatturinn leggst einnig á flutnings-
gjöld og þurfa sendibílstjórar að gera
skil á tveggja mánaða fresti eins og
aðrir skattaðilar.
Viðskiptavinir sendibílstjóra geta
sumir fengið virðisaukaskattinn
dreginn frá flutningsgjaldinu, það er,
þeir viðskiptavinir sem eru skattaðil-
ar. Þeir fá skattinn dreginn frá við
næsta uppgjör • eftir að hann hefur
verið greiddur sendibílstjóranum.
Þetta segir Hulda Waage að sendibíl-
stjórar óttist að valdi því, að fyrir-
tæki sjái sér í auknum mæli hag í
því að reka eigin flutningabíla, frem-
ur en að leita til sendibílastöðvanna.
Einstaklingar og opinber fyrirtæki
og stofnanir eru ekki skattaðilar og
geta því ekki dregið virðisaukaskatt
frá. Sendibílstjórar óttast að kostn-
aðaraukinn af virðisaukaskattinum,
fyrir þessa aðila, verði til þess að
þeir nýti sér þjónustu sendibíia í
minna mæli en áður.
Þá segir Hulda að mönnum þyki
skjóta skökku við, að sumir vöruflytj-
endur þurfi að leggja virðisaukaskatt
á gjaldskrá sína, en aðrir ekki, til
dæmis leigubílar og skipafélög. Þá
telja sendibílstjórar óvíst að virðis-
aukaskattur muni leggjast á flutn-
ingsgjaldið eins og það er, það er
að gjaldið hækki í samræmi við
álagninguna. Þeir óttast að þurfa að
lækka gjaldið, til þess að milda áhrif
virðisaukaskattsins á flutningskostn-
að.
Að öllu samanlögðu óttast
sendibílstjórar að álagning virðis-
aukaskatts á flutningsgjald þeirra
verði til þess að minnka atvinnu
þeirra og að fækki í starfsgreininni,
að sögn Huldu Waage.
Verðkönnun Verðlagsstofiiunar;
289% verðmunur
á heilum steinbít
MIKILL verðmunur er á sumuni fisktegundum á milli verslana,
samkvæmt könnun sem Verðlagsstoftiun gerði fyrir skömmu.
Mesti verðmunurinn reyndist vera á heilum steinbít, 289% og rauð-
sprettuflökum, 257%.
Steinbíturinn kostaði 72 krónur
þar sem hann var ódýrastur en
280 krónur þar sem hann var
dýrastur. Ódýrasti steinbíturinn
fékkst á Eskifirði, Sauðárkróki og
ísafirði. Raunar var fiskur oftar
ódýrari á þeim stöðum á lands-
byggðinni sem könnunin náði til,
en á höfuðborgarsvæðinu. Kíló af
rauðsprettuflökum kostaði á bilinu
135 til 482 krónur og voru ódýr-
ust á ísafirði. Stórlúða í sneiðum
kostaði 255 kr. til 620, og er verð-
munurinn því 143%. Smálúðuflök-
in kostuðu á bilinu 299 til 675
krónur, og munar þar 126%. Gell-
ur kostuðu á bilinu 260 til 550
kr. kílóið, og er verðmunurinn því
111%.
í fréttatilkynningu Verðlags-
stofnunar kemur fram að nokkur
verðmunur er á ýsu en nýlega var
hámarksverð á ýsu fellt niður.
Ýsuflök með roði kostuðu til dæm-
is 359 til 425 krónur á höfuð-
borgarsvæðinu (18% verðmunur)
og 313 til 402 krónur á lands-
byggðinni (28% munur).
Fram kemur að í flestum tilvik-
um var fiskur á höfuðborgarsvæð-
inu seldur á lægra verði í fisk-
búðum en matvöruverslunum.
Myndin var tekin er bijóstmyndin var afhjúpuð, en á henni eru auk Auðar Auðuns, listakonan
Ragnhildur Stefánsdóttir og dótturdóttir Auðar, Auður Ýr Þorláksdóttir, sem afhjúpaði myndina.
Brjóstmynd af Auði Auðuns
fyrrum borgarsljóra afhjúpuð
BRJÓSTMYND var afhjúpuð af Auði Auðuns, fyrrverandi borg-
arstjóra og forseta borgarstjórnar, þriðjudaginn 17. október.
Myndina, sem steypt er í brons, gerði listakonan Ragnhildur
Stefánsdóttir.
Athöfnin var í herbergi borgar-
ráðs Austurstræti 16 þar sem eru
bijóstmyndir af fyrrverandi borg-
arstjórum.
Auður Auðuns sat í Borgar-
stjórn Reykjavíkur í 24 ár eða frá
1946 til 1970. Hún var forseti
borgarstjórnar frá 1954 til 1959
og frá 1960 til 1970. Þann 19.
nóvember 1959 var hún kjörin
borgarstjóri ásamt Geir Hallgrí-
mssyni og gegndi því starfi til 6.
október 1960.
(Fréttatilkynning)
OPNUMIDAG
í hinu stórglæsilega húsi Ingvars Helgasonar hf.
ó Sævarhöfða 2
GLÆSIVAGNAR A GOÐU VERÐI
Kaupendur ath! Mikið úrval bifreióa á góóum kjörum
- jafnvel engri útborgun. Lán í allt aó 2 ár.
Opið virlca daga ffrá kl. 9-18.30,
laugardaga ffrá kl. 10-17.
talú* e<l,rl
T HV 5ö'uskr°
BORGARBILASALANI
GRENSASVEGI 11, SÍMAR 83085 OG 83150 - SÆVARHÖFÐA 2, SÍMI 674848