Morgunblaðið - 01.11.1989, Blaðsíða 33
MORGUNBLAÐIÐ MIÐVIKUDAGUR 1. NOVEMBER 1989
33
Arnar Ingólfs-
son - Minning
Fæddur 22. júní 1939
Dáinn 24. október 1989
Kær vinur er látinn. Hann Arnar
okkar hefur öðlast kærkomna hvíld
eftir baráttuna við erfiðan sjúkdóm.
Fjölskylda okkar hefur átt margar
góðar stundir með Arnari, Heddý,
Sif og Kristjáni.
Sérstaklega hafa jólin verið okkur
kær. Þau verða óneitanlega tómleg
í ár, þegar Arnar verður ekki með
okkur.
Við skemmtum okkur oft yfir góð-
látlegri glettni hans. Hann var sér-
staklega ljúfur og viðmótsþýður
maður og við söknum hans mikið.
Við skiljum illa tilganginn með því
að maður er tekinn frá ástvinum
sínum þegar hann er í blóma lífsins.
En eins og Drottinn gefur þá tekur
hann, þótt okkur sé tilgangurinn
ekki alltaf ljós. En við tnium því að
góður Guð hugi vel að Arnari og
veiti ástvinum hans styrk í þeirra
miklu sorg.
Elsku Heddý, Sif og Kristján,
megi algóður Guð styrkja ykkur í
sorg ykkar.
Oðrum ástvinum Arnars vottum
við einnig samúð okkar.
Deyr fé,
deyja frændur,
deyr sjálfur ið sama,
en orðstír
deyr aldregi,
hveim sér góðan getur. _
(Ur Hávamálum.)
Berglind og Þorsteinn
Vinur minn Arnar Ingólfsson er
látinn. Ekki óraði mig fyrir þeirri
baráttu, sem framundan var, þegar
hann hringdi í mig í marsmánuði og
sagðist vera kominn á Borgarspítal-
ann. Það tók sjúkdóminn hálft ár að
leggja að velli þennan hrausta dreng.
Þessi tími hefur verið Ijölskyldunni
erfiður. Herdís hefur sýnt einstakan
dugnað og þrek. Hún vék varla frá
sjúkrabeði hans þennan tíma, nema
vjnir og ættingjar hlypu í skarðið.
Þannig sá hún til þess, að Arnar var
aldrei einn og veitti honum styrk
fram á síðustu stund.
Arnar vann lengst af við verslun-
arstörf. Hann tók við rekstri Banana-
sölunnar að tengdaföður sínum látn-
um 1979, þar til hún var seld og var
um skeið forstjóri Ágætis. Hann
hafði nýlátið af því starfi, er hann
veiktist.
Arnar vann mikið að félagsmálum.
Hann var lengi í stjórn og formaður
hverfafélags sjálfstæðismanna í Nes-
og Melahverfi. Hann starfaði mikið
með Lionshreyfingunni, var í stjóm
og formaður Lionsklúbbsins Fjölnis
og svæðisstjóri, þegar hann veiktist.
Hann var félagi í Oddfeliow-reglunni.
Við Arnar spiluðum mikið brids
saman. Hann var góður spilamaður
eins og í öllu því, sem hann tók sér
fyrir hendur. Ég mun sakna hans
við spilaborðið, en það má alltaf fá
annan spilafélaga. Hitt er erfiðara
að eignast góðan vin.
Arnar Ingólfsson verður til moldar
borinn í dag. Hann fór of snemma
og vei'ður sárt saknað. Þessar línur
eiga að bera Herdísi og börnunum
hlýjar samúðarkveðjur. Megi Guð
styrkja þau i þeirra djúpu sorg.
Magnús Eymundsson
Góðvinur okkar og samheiji til
margra ára, Arnar Ingólfsson, lést
þriðjudaginn 24. október á Borg-
arspítalanum. Fregnin kom okkur
ekki á óvart, því við höfðum fylgst
með erfiðri baráttu hans við illvígan
sjúkdóm. Harmur okkar er mikill og
söknum við þessa vinar okkar ein-
læglega og biðjum algóðan Guð að
styrkja eiginkonu hans, börn og aðra
aðstandendur í sorg þeirra og veita
þeim hughreystingu.
Við áttum því láni að fagna að
vinna með Arnari í Félagi sjálfstæð-
ismanna í Mela- og Neshverfi allar
götur síðan 1979. Arnar hafði for-
mennsku með höndum 1985- 1987
og leysti hann þau störf af hendi
llrvals
amerískt
sinnep
með frönsku imfí
Eitt það aiira besta
Heildsölubirgðir:
KARL K. KARLSSON & CO.
Skúlatúni 4, Reykjavík, sími 62 32 32
með ágætum. Arnar var ákaflega
þægilegur maður í öllum samskipt-
um, kurteis og blíður en þó ákveð-
inn, átti þægilegt með að finna orð-
um sínum stað og laginn að ná því
besta út úr samstarfsmönnum sínum.
Hann sparaði hvorki tíma né fyrir-
höfn fyrir félag okkar og dafnaði það
vel, á meðan hann var við stjórn-
völinn. Er honum nú þakkað hans
óeigingjarna starf og munum við
ávallt minnast hans' með virðingu. —
Blessuð sé minning hans!
F.h. stjórnar Félags sjálfstæðis-
manna í Mela- og Neshverfi.
Sigríður Arnbjarnardóttir
Útsölustaðir:
Steinar Waage - Toppskórinn - Útilíf - Sparta
- Akranes, Versl. Óðinn - ísafjörður, Sporthlað-
an - Akureyri, Sporthúsið - Egilsstaðir, Krumma-
fótur - Vestmannaeyjar, Axel Ó.
SKIÐAFERÐIR TIL AUSTURRIKIS
Brottfarardagar: 3. og 17. febrúar^
2 vikur
Feröasktilstofa
Guðmundar Jónassonar hf.,
Borgartúni 34, s. 83222.
JAM - JAM
óhefðbundið
og skemmtileg litasamsetning.
W Tiffany
borás áferðarfallegt og látlaust.
W
borás
Paradiso
íburðarmikið með fallegu munstri.
í Borás sængurfatnaði