Morgunblaðið - 01.11.1989, Blaðsíða 26

26
MORGUNBLAÐIÐ MIÐVIKUDAGUR 1. NOVEMBER 1989
Flugfélag Norðurlands 30 ára:
Flytur tuttugu þús-
und farþega á ári
Félagið á nú 8 flugvélar
FLUGFÉLAG Norðurlands á 30 ára afmæli í dag, 1. nóvember. Félag-
ið hefur smám saman vaxið og dafnað á þeim 30 árum sem liðin cru
frá stofnun þess, en í upphafí átti félagið eina vél sem fyrst og fremst
sinnti sjúkraflugi. Nú á Flugfélag Norðurlands átta flugvélar, um 2.000
fermetra verkstæðisaðstöðu og flugskýli auk þess sem það rekur flug-
skóla.
Morgunblaðið/Svavar B. Magnússon
Leiftursmenn
á grasi næsta sumar
Framkvæmdir við gerð grasvallar í Ólafsfirði hafa staðið yfir í
sumar og haust. Bæjarfélagið kostar verkið, en Leiftursmenn
hafa lagt fram mikla vinnu. Eins og sjá má á myndinni eru hita-
leiðslur lagðar undir völlinn og sáu Leiftursmenn um lagningu
leiðslanna. Þeir lögðu einnig hönd á plóginn þegar að því kom
að tyrfa fyrir skömmu og gerðu sér lítið fyrir og lögðu þökur
á allan völlinn, samtals 125 metra að lengd og 80 metra að
breidd. Næsta vor verður unnið við frágang, völlurinn girtur
og æfingasvæði sléttað út. Ahorfendasvæði er frá náttúrunnar
hendi afar gott rétt ofan vallarins. „Við vonumst til að geta
fengt tímabilið uin eina tvo mánuði þegar vöiiurinn er kominn
í gagnið," sagði Þorsteinn Þorvaidsson sparisjóðsstjóri og Leift-
ursmaður. Byrjað verður að spila á vellinum einhvern tíma
næsta vor, en grasvöllur þeirra Ólafsfirðinga er sá eini norðan
heiða sem státar af hitalögn.
Stofnun Norðurlands-
deildar foreldrafélags
misþroska barna
Foreldrafélag misþroska barna hefur starfað í nær tvö ár. En starf-
semin hefúr einkum verið bundin við Stór-Reykjavíkursvæðið og
iiggja til þess ýmsar ástæður. Þar eru félagar langflestir, þar eru
allir sfjórnarmenn búsettir og þar er boðið upp á flesta þá þjónustu
sem þessum börnum stendur til boða. En félagið hefur á stefnu-
skránni að færa út kvíarnar og nú á næstunni stendur til að stofna
fyrstu deildina í félaginu, Norðurlandsdeildina.
Það var Tryggvi Helgason flug-
maður sem stofnaði félagið 1. nóv-
ember árið 1959 og hét það þá Norð-
urflug. Arið 1974 keyptu starfsmenn
Tryggva fyrirtækið, en á árinu 1975
var nafninu breytt í Flugfélag Norð-
urlands hf. og er það nú í eigu fimm
einstaklinga á Akureyri, en þeir eiga
samtals 65% hlut í félaginu og Flug-
leiðir hf. 35%.
. „Félagið byijaði smátt, átti eina
flugvél og sinnti einkum sjúkraflugi,
en fljótlega var sett upp verkstæðis-
aðstaða í litlum skúr,“ sagði Sigurð-
ur Aðalsteinsson framkvæmdastjóri
Flugfélags Norðurlands hf. Félagið
á nú átta flugvélar; þijár Twin-Otter
sem taka 19 farþega, tvær Piper
Chieftain, sem taka níu farþega og
eina Piper Aztec, en hún tekur fimm
farþega. Þá á félagið um 2.000 fer-
metra upphitað flugskýli þar sem
jafnframt er verkstæðisaðstaða.
Flugfélag Norðurlands flj’tur að
jafnaði um 20 þúsund farþega á
áætlunarleiðum sínum og um það
bil 400 tonn af pósti og fragt á ári
hveiju. Hjá félaginu starfa 25
manns, þar af tíu flugmenn og átta
flugvirkjar. Sigurður sagði að félagið
ræki umfangsmikla viðhaldsþjónustu
fyrir önnur flugfélög á landinu, eink-
um Erni og Flugfélag Austurlands,
en Flugtak væri einnig að hefja við-
skipti við fyrirtækið. „Þetta er öflug-
ur hluta af starfseminni og nauðsyn-
legur þáttur,“ sagði Sigurður.
Fljótlega eftir að fyrirtækið var
stofnað hófst flugkennsla og getur
félagið annast alla verklega kennslu
til atvinnuflugmannsprófs, en til
einkaflugmannsprófs í bóknáminu.
Tvær vélar eru eingöngu notaðar í
kennslufluginu.
Grænlandsflugið hefur verið stór
þáttur í starfsemi félagsins, en það
hófst um 1970. Um er að ræða leigu-
flug einkum með leiðangra frá ís-
landi til Grænlands og einnig flug
innan Grænlands. „Það má segja að
við séum brautryðjendur í flugi á
norðausturhluta landsins og þar hef-
ur Twin-Otterinn gegnt lykilhlut-
verki. Flugmenn okkar eru þekktir
um allt Grænland fyrir kunnáttu sína
við erfiðar aðstæður," sagði Sigurð-
ur.
Afkomu félagsins sagði hann hafa
verið misjafna, en í heild hefði það
skilað hagnaði. Á síðasta ári varð
11 milljóna króna hagnaður af
rekstrinum en að sögn Sigurðar er
tæplega von á jafngóðri útkomu á
þessu ári.
„Við höldum ekki sérstaklega upp
á daginn, en það er aldrei að vita
nema okkur detti í hug að gera það
seinna,“ sagði Sigurður.
Þann 4. nóvember næstkomandi
klukkan 14 verður haldinn fundur
í Síðuskóla á Akureyri. Gestir fund-
arins verða þau Sigrún Sveinbjörns-
dóttir, sálfræðingur og fram-
kvæmdastjóri Svæðisstjórnar um
málefni fatlaðra, Geir Friðgeirsson,
barnalæknir, og Matthías Kristian-
sen, formaður Foreldraféiags mis-
‘þroska barna. Mun Sigrún ræða um
misþroska almennt, Geir útskýrir
ýmislegt tengt greiningu og Matt-
hías segir frá störfum og skipulagi
foreldrafélagsins. Að þessum erind-
um loknum mun svo verða stofnuð
deild, ef áhugi er fyrir hendi.
Morgunblaðið/Rúnar Þór
FN-menn að leggja í Grænlandsflug, f.v.: Gunnar Jakobsson, Ármann
Sigurðsson og Jónas Finnbogason.
Herlúðra-
sveit í
Kringlunni
LÚÐRASVEIT konunglega
breska landgönguliðsins undir
stjórn Peter Rutterford, liðs-
foringja, spilar í Kringlunni,
fimmtudaginn 2. nóvember, frá
kl. 17.00-18.15.
Lúðrasveitin, sem hefur aðsetur
sitt í Rosyth í Skotlandi, er eina
lúðraveit landgönguliðsins sem er
að staðaldri norðan Lundúnaborg-
ar. Hún ferðast gríðarlega mikið
um Skotland og Norður-Irland og
einnig um Norður-England. Til
íslands hefur hijómsveitin komið
árlega um langt skeið og hefur
mikla ánægju af að koma hér
fram.
Hljóðfæraleikararnir 47 þurfa
allir að kunna á að minnsta kosti
tvö hljóðfæri og þeir spiia við hin
margvíslegustu tækifæri, svo sem
skrúðgöngur, hljómleika og dans-
leiki.
Á undanförnum árum hefur
lúðrasveitin komið fram á Royal
Tournament, Horseguard Parade
í London, Edinburgh Military
Tattoo, á Samveldisleikunum sem
haidnir voru í Edinborg 1986 og
í júlí 1988 fór hún í tveggja vikna
hljómleika- og sýningarferð til
Hong Kong. Síðan hefur lúðra-
sveitin haldið áfram að ferðast
um, halda hljómleika og gleðja
þúsundir manna með tónlist sinni.
(Fréttatilkynning)
Ferð NVSV á
Veðurstofuna
Á morgun, fimmtudag, kl.
17.30 stendur Náttúruverndar-
félag Suðvesturlands fyrir vett-
vangsferð á Veðurstofii íslands.
Starfsmaður Veðurstofunnar
lýsir nokkrum veðurathugun-
artækjum í mælagerði Veður-
stofunnar.
Þátttakendur fá í hendur eyðu-
blað með ýmsum upplýsingum en
á það geta þeir skráð eigin athug-
anir gerðar með einföldum veður-
athugunartækjum. I lokin verður
hægt að bera þessar athuganir
saman við veðurlýsingu Veður-
stofunnar.
Vettvangsferðin tekur um eina
og hálfa til tvær klukkustundir.
Öllum er heimil þátttaka í vett-
vangsferðinni.
Biblíulestrar
í Breiðholts-
kirkju
í nóvember eru fyrirhugaðir
vikulegir biblíulestrar í Breið-
holtskirkju í Mjóddinni og verð-
ur hinn fyrsti á morgun,
fímmtudagskvöld, kl. 20.30.
Mun sr. Jónas Gíslason, vígslu-
biskup og prófesesor við guð-
fræðideild Háskóla íslands, ann-
ast þessa lestra, en hann sá ein-
mitt um nokkra biblíulestra í
kirkjunni síðastliðið vor.
Eru allir velkomnir til þátttöku
í þessum biblíulestrum, sem
áhuga hafa á því að kynnast ritn-
ingunni betur og athuga hvaða
boðskap hún flytur okkur mönn-
unum í dag.
Fyrirlestur um
mælingar í raf-
dreifikerfí
í DAG, miðvikudaginn 1. nóv-
ember, verður haldinn fyrir-
lestur í Tækniskóla íslands á
Höfðabakka 9 um mælingar í
rafdreifikerfi.
Fyrirlesari er Þorkell Jónsson,
tæknifræðingur. Fyrirlesturinn
nefnist „Mælistöð fyrir lágspennt
rafdreifikerfi". Hér er um að ræða
hönnun og smíði sem byggist á
nokkurra ára nemendaverkefnum
í skólanum.
Fyrirlesturinn verður í sal
skólans og hefst kl. 17.15. Hann
er öllum opinn.
Þetta er þriðji fyrirlesturinn í
flokki fyrirlestra sem efnt er til í
Tækniskólanum nú á haustmisseri
vegna 25 ára afmælis skólans.
Morgunblaðið/ Halldór Jónsson
Lyftarinn hífður upp úr höfh-
inni á Súðavík.
Lyftari í höfn-
ina á Súðavík
ÞEIR eru oft slæmir fyrstu
hálkudagarnir þegar menn eru
ekki búnir að venjast hálkunni
og ekki farnir að haga akstri
sínum í samræmi við það.
Þessu komst ökumaður lyftara
í Súðavík að, þar sem hann var
á ferð við höfnina fyrir skemmstu.
Er hann hugðist stöðva lyftarann
tókst það ekki heidur rann hann
stjórnlaust í höfnina. Ökumannin-
um tókst að komast á þurrt án
meiðsla en kalla þurfti til krana
og kafara til að ná lyftaranum á
þurrt. Óljóst er með skemmdir á
Íyftaranum. - DóJó.
Bæjarstjórn
mótmælir
skerðingu
BÆJARSTJÓRN Egilsstaða
hefúr samþykkt ályktun þar
sem mótmælt er skerðingu á
yfirvinnu lögreglu í umdæminu.
„Bæjarstjórn Egilsstaða mót-
mælir harðlega þeirri skerðingu á
þjónustu sem íbúar bæjarins verða
fyrir vegna gildandi skerðingar á
yfirvinnu hjá lögreglunni í um-
dæminu. Bæjarstjórn bendir á þá
staðreynd að eftirlitssvæði lög-
reglunnar úti á landi er jafnan
víðáttumikið og erfitt yfirferðar,
vegna snjóa og slæmra vega og
því algjörlega óraunhæft að beina
sömu aðhaldsaðgerðum að öllum
löggæsluumdæmum landsins án
tillits til aðstæðna á hveijum stað.
Sem dæmi má nefna að tímar sem
greiddir eru af þriðja aðila, t.d.
vegna gæslu við dansleiki, eru
jafnframt dregnir frá þeim kvóta
sem lögreglan hefur til yfirvinnu.
Þá varar bæjarstjórn við þeirri
hættu sem getur stafað af því að
auglýst er vanmætti lögreglu til
að halda uppi eðlilegu eftirliti.
Bæjarstjórn krefst þess að ráðu-
neytið beiti sér nú þegar fyrir því
að úr verði bætt áður en í algert
óefni verður komið með vaxandi
skammdegi og versnandi veðri og
færð.“
■ ■■■■ ■