Morgunblaðið - 01.11.1989, Qupperneq 14

MORGUNBLAÐIÐ MIÐVIKUDAGUR 1. NOVEMBER 1989
Matarsendingarnar streyma út úr eldhúsinu fyrir hádegið, nær 500
heitar máltíðir afgreiddar til aldraðra íbúa Reykjavíkur. Matreiðslu-
meistararnir Bragi Guðmundsson og Sveinn Friðfinnsson senda út
matarbakka.
Morgunoiaoio/övernr
í tilefiii aftnælisins verður um helgina basar og sýning á handavinnu aldraða í þjónustuíbúðunum við
Dalbraut. Hér eru nokkrar konur við vinnu sína.
Þjónustuíbúðir við Dalbraut 10 ára:
Afgreiðir 500 máltíðir
daglega til aldraðra
TÍU ár eru síðan hafin var starfsemi í þjónustuíbúðum aldraðra
við Dalbraut í Reykjavík, en það var 6. nóvember 1979. Þetta voru
fyrstu vernduðu þjónustuíbúðirnar með þessu sniði og eru það að
vissu leyti enn. Var þarna aukin þjónusta í slíkum ibúðum Reykjavík-
urborgar. Má segja að íbúðir aldraðra við Dalbraut séu mitt á milli
vistheimilis og venjulegra þjónustuíbúða. Ibúar eru 82 talsins, þar
af 18 í hjónaíbúðum. Af þeim sem fyrstir fluttu þarna inn eru þar
enn 19-20 einstaklingar, en meðalaldur er 85 ár. Elsti íbúinn er
Kristjón Ólafsson, 96 ára gamall. Af þessu tilefni leit blaðamaður
Morgunblaðsins þar inn og leitaði upplýsinga hjá Margréti S. Einars-
dóttur, sem veitir forstöðu starfseminni, en hún er mun víðtækari
en við íbúa þjónustuíbúðanna einvörðungu. Þarna er t.d. dagdeild
fyrir aldraða og í eldhúsinu eru framlei(jdar nær 500 máltíðir fyrir
aldraða íbúa staðarins, þá sem koma í mat og þá sem fá sendan
heim heitan hádegismat.
Margrét S. Einarsdóttir, forstöðumaður á Dalbraut, og elsti íbúinn,
Kristjón Oddsson, sem er 96 ára gamall.
Margrét útskýrir fyrst að hvaða
leyti þessar íbúðir séu frábrugðnar
öðrum. „Þjónustuíbúðir hafa þann
kost umfram venjulegar íbúðir aldr-
aðra að þjónustutilboð eru fleiri.
Hér er t.d. starfsfólk allan sólar-
hringinn, sem íbúar geta Ieitað til
og má segja að þjónustuíbúðir
standi nær hinu hefðbundna vist-
heimilaformi. Þó er ekki gert ráð
fyrir hjúkrunaraðstöðu við þjón-
ustuíbúðir nema í formi heima-
hjúkrunar. Kostur þessara íbúða
fram yfir vistheimili og hjúkrunar-
heimili er ef til vill ekki hvað síst
fólginn í því að þær eru ekki rekn-
ar á daggjaldakerfi, sem þýðir að
íbúar halda fjárhagslegu sjálfstæði,
sem hvetjum einum er afar mikil-
vægt. Að auki er hugmyndin að
baki þjónustuíbúða nokkur trygg-
ing fyrir því að hér veljist til dvalar
sæmilega hressir einstaklingar, sem
geta myndað með sér félagslega
samstöðu, og haft áhrif á starfsemi
staðarins. Þannig finna íbúar fyrir
ábyrgð um leið og þeir njóta ákveð-
innar vemdar og öryggis."
íbúamir á Dalbrautarheimilinu
greiða auk húsaleigu og fæðis
ákveðið þjónustugjald, sem felur í
sér margvísleg tilboð um þjónustu.
Þar er starfandi heimilislæknir með
fasta viðtalstíma í húsinu og gegn-
ingarskyldu við íbúa og greiðir
borgin hana, auk þess sem lyf eru
heimsend frá apóteki. Hjúkrunar-
fræðingur frá heimahjúkrun hefur
fastan viðverutíma alla virka daga.
Vakt er í húsinu allan sólarhringinn
og innanhússbjöllukerfi. Allir fá
heimilishjálp, fatnaður er þveginn
í þvottahúsi og rekin er lítil verslun
fyrir þá sem erfitt eiga með að-
drætti. Sjúkraþjálfari er þar alla
virka daga. Búnaðarbankinn veitir
þar bankaþjónustu einu sinni í viku
og segir Margrét að sú þjónusta sé
afar vel þegin, megi segja að nú
orðið hafi nánast allir haft einhver
viðskifti við bankann. Þá er hægt
að fá fótsnyrtingu og hárgreiðslu.
Ýmislegt fleira fellur til og er for-
stöðumaður á staðnum á daginn.
Skömmu eftir að þjónustuíbúð-
irnar vom teknar til notkunar var
komið upp í húsinu dagdeild fyrir
aldraða, sem fá alla sömu þjónustu
á daginn sem íbúarnir. Eru þeir
sóttir heim til sín á morgnana og
ekið heim síðdegis. í dagvistinni eru
40 manns. Þeir borða á staðnum,
eins og íbúarnir og njóta félags-
-starfsins í húsinu, en þar er boðið
upp á fjölbreytt starf í föndri og
handavinnu hverskonar, svo að
flestir finna þar eitthvað við sitt
hæfi. Tvær handavinnustofur eru í
húsinu auk smíðastofu og líta sum-
ir íbúanna nánast á þetta eins og
að fara í vinnuna fimm daga vik-
unnar. Auk þess er reynt að halda
uppi félagslífi á kvöldin með spila-
kvöldum, skemmtikvöldum, bingói,
leikhúsferðum o. fl. Þá eru guðs-
þjónustur í húsinu.
í sambandi við tíu ára afmælið
verður um helgina, laugardaginn
4. og sunnudaginn 5. nóvember,
basar og sýning á handavinnu íbú-
anna. Og samhliða verða sýndar
skemmtilegar brúður af ýmsum
persónum, sem Arndís Sigurbjörns-
dóttir, yfirleiðbeinandi hefur gert.
„Við erum mjög heppin með
starfsfólk hérna,“ segir Margrét.
„Hér er mjög mikið álag á öllum
verksviðum í húsinu. En þótt þröngt
sé, eins og t.d. í eldhúsinu, þá erum
við svo heppin að starfsfólkið er
reiðubúið til að leggja mikið á sig
til að fullnægja nauðsynlegum þörf-
um.“
Það minnir á að úr eldhúsinu
fara daglega nær 500 heitar máltíð-
ir. Heimsending til aldraðra víðs
vegar um bæinn var tekin upp í
maímánuði 1986. íbúar á Dalbraut
borða í borðstofu, svo og dagdeild-
arfólkið, auk þess sem fólk utan
úr bæ er þar í föstu fæði. Þá eru
máltíðir sendar út í stórum hita-
kössum í íbúðir fyrir aldraða við
Norðurbrún, við Furugerði, í Gimli
og hús VR við Hvassaleiti, í íbúðir
aldraðra við Bólstaðarhlíð og sam-
býlishúsin handan götunnar, við
Dalbraut 18 og 20. Þá er sendur
matur til einstaklinga úti í bæ, 140
aldraðra sem búa heima hjá sér.
Eru 3 bílar við að aka þessum
máltíðum út. Sagði Margrét að
bráðlega mundu væntanlega bætast
við hinar nýju íbúðir aldraðra við
Vesturgötu og jafnvel fleiri. Slík
þjónusta miðar að því að öldruðum
sé lengur fært að vera heima hjá
sér eða f eigin sérbyggðum íbúðum.
Margrét S. Einarsdótlir sagði að
nýting þjónustuíbúðanna við Dal-
braut væri alger. Um leið og íbúð
losnar er búið að úthluta henni og
flutt í hana innan nokkurra daga.
„Þetta er ákaflega skemmtilegt
starf og lifandi, eins og allt sem
unnið er með fólki,“ sagði hún,
þegar haft var orð á því að starf
forstöðumanns á svo stórum stað
og með svo fjölþætta starfsemi
hljóti að vera erilsamt. „Þetta er
eins og ein fjölskylda. Við viljum
líta á okkur hér sem eina heild og
gera allt í þeim anda, svo að það
geti orðið sem notalegast fyrir alla.
Og það ríkir mikil samkennd hjá
fólkinu. Þótt það komi víða að þá
finna flestir sér félagsskap og lað-
ast hver að öðrum.“
Blaðberar
óskast
Símar 35408 og 83033
AUSTURBÆR
Flókagata 1 -51

VETRARHJÓLBARÐAR
Nýir fólksbílahjólbarðar
kHANKOOK frá Kóreu.
Mjög lágt verð.
STÆRÐIR:
145R12
155R12
135R13
145R13
155R13
165R13
175X13
STÆRÐIR:
175/70R13
185/70R13
175R14
185R14
185/70R14
195/70R14
165R15
Gerið kjarakaup
Sendum um allt land
BARÐINN,
Skútuvogi 2, Reykjovik.
Simor 91-30501 og 84844.
E.Pá.