Morgunblaðið - 01.12.1989, Blaðsíða 24

24
MORGUNBLAÐIÐ FÖáTUDAGÚR 1. DESEMBER 1989
Kammerhlj óm-
sveit Akureyrar:
Tónleik-
ar í Akur-
eyrarkirkju
Kammerhljómsveit Akur-
eyrar efnir til tónleika í Akur-
eyrarkirkju í kvöld, föstudags-
kvöldið 1. desember, og hefjast
þeir kl. 17. Einsöngvari á tón-
leikunum er Margrét Bóasdótt-
ir, Hólmfríður Þóroddsdóttir
leikur einleik á óbó, einleikari
á fiðlu er Lilja Hjaltadóttir og
Michael Jón Clarke og einleik-
ari á selló Örnólfur Krisljáns-
son. Sfjórnandi er Rovar Kvam.
Á tónleikunum verða flutt nokk-
ur verk, Overture i C-dúr eftir
Georg Telemann, konsert fyrir óbó
og strengi eftir Artur Benjamin,
sem byggt er á sembalsónötum
eftir Domenico Cimarosa, verk
fceftir Arcangelo Corelli, Exultate,
jubilate, mótetta fyrir sópranrödd
og hljómsveit eftir Wolfgang
Amadeus Mozart og Canzon qu-
arti toni, eftir Giovanni Gabrielli.
Morgunblaðið/Rúnar Þór
Gluggað íjólavarninginn
Jólasveinar, járnbrautarlestar og brosmildar Þeir félagarnir Benidikt, Steingrímur og Hafliði
brúður laða ungu kynslóðina að gluggum versl- brugðu sér í bæinn í gær og skoðuðu í búðar-
ana, en undanfarna daga hafa kaupmenn verið glugga og eflaust hafa þeir eitthvað spennandi
að stilla jólavarningi út í glugga verslana sinna. séð sem þeir setja á óskalistann sinn fyrir jólin.
Michael
Kiely spilar
á Uppanum
Fimmta tónleika-
ferð hans hingað
IRSKI þjóðlagasögnvarinn
Michael Kiely syngur og spilar á
Uppanum um helgina og öll
kvöld í næstu viku, eða fram til
9. desember.
Michael Kiely er nú í sinni fimmtu
tónleikaferð til íslands og hann
hefur nýlega gefið út litla plötu
„The Land of Ice and Fire“.
Hann hefur á undanförum árum
ferðast víða um heiminn og flutt
tónlist sína, en hann flytur auk eig-
in verka lög eftir fræga tónlistar-
menn og írsk þjóðlög.
Arsafinæli Ölundar:
Útgáfiikvöld
í Möðruvalla-
kjallara
1 TILEFNI eins árs afmælis fé-
lagsins Ólundar verður efht til
útgáfúkvölds í Möðruvallakjall-
ara Menntaskólans á Akureyri
næstkomandi sunnudagskvöld,
3. desember.
Á sunnudaginn er eitt ár liðið frá
því félagið Ólund hóf starfsemi sína,
en á ferlinum hefur félagið rekið
útvarpsstöð, gefið út blað og haldið
fjölda tónleika ásamt fleiri menn-
ingaruppákomum á .Akureyri.
Haldið verður upp á ársafmælið
með útgáfu smásagna og ljóðabók-
ar, sem inniheldur verk níu ungra
höfunda. Bókin er 80 blaðsíður og
er gefin út í 200 tölusettum eintök-
um. í fréttatilkynningu er vakin
athygli á því að þetta er fyrsta
íslenska bókin sem prentuð er á
endurunninn pappír. Bókin er til
sölu hjá höfundum, en einnig er
hægt að panta bókina með því að
skrifa Ólundarfélögum.
Að kveldi afmælisdagsins verður
efnt til útgáfukvölds í Möðruvalla-
kjallara þar sem höfundar lesa úr
verkum sínum ásamt fleiri uppá-
komum.
Morgunblaðið/Rúnar Þór
Hús undir skrifstofur ogplöntuafgreiðslu
Þeir Jóhannes, Baldvin og Ólafur hafa undanfarnar vikur unnið að smiði húss í Kjarnaskógi, en í
því eiga að vera skrifstofur og afgreiðsla fyrir plöntusölu. í haust verður unnið við grunn hússins,
en framhaldið kemur síðar, að sögn starfsmanns Skógræktarfélags Eyjafjarðar. Með tilkomu húss-
ins verður aðstaða starfsfólks bætt verulega, en hingað til hefur það haft aðstöðu í litlum skúr.
Könnun Fjórðungssambands Norðlendinga á atvinnuástandi:
Óvissu og kvíða gætir hjá for-
ráðamönnum sveitarfélaga
Líkur taldar á stöðvun eða gjaldþroti fyrirtækja hjá 9 sveitarfélögum af 22
ATVINNULEYSI er hlutfallslega meira á Norðurlandi en íbúahlutfall
þess af þjóðarheild segir til um og segir Áskell Einarsson framkvæmda-
stjóri Fjórðungssambands Norðlendinga að atvinnuleysi virðist vera
meira viðvarandi á Norðurlandi um þessar mundir en á landinu öllu.
Fjórðungssamband Norðlendinga hefur gert skyndikönnun á atvinnu-
ástandi í þéttbýlisstöðum á Norðurlandi og náði hún til 22 sveitarfé-
laga. Niðurstaða könnunarinnar var sú að staða atvinnumála á Norður-
landi er mjög í óvissu og kvíða gætti hjá forráðamönnum sveitarfélaga
þar.
í könnuninni kom í ljós að í 10
-$>éttbýlissveitarfélögum á Norður-
landi er atvinnuástandið gott miðað
við sama tíma undanfarin ár. Sæmi-
legt ástandi var hjá 9 sveitarfélögum,
en bágborið hjá þremur og var þá
miðað við sama tíma í fyrra. Þegar
spurt var um framtíðarhorfur var
niðurstaðan sú að hjá 13 sveitarfé-
lögum var útlit fyrir tímabundið eða
viðvarandi atvinnuleysi, en hjá 9
sveitarfélögum var því svarað til að
ekki væri um að ræða líkur á auknu
atvinnuleysi.
Varðandi þá spurningu, hvort við
alí'te'
O
Dansleikur
laugardagskvöld
Hin frábæra hljómsveit Ingi-
mars Eydal leikur fyrir dansi.
Athugið:
Síðasti dansleikur
ársins á KEA.
Hótel KEA.
blasi stöðvun eða gjaldþrot hjá fyrir-
tækjum í sveitarfélaginu, kom í ljós
að í 9 af 22 sveitarfélögum voru
taldar líkur á því. Þá voru taldar líkur
á stöðvun stærri atvinnufyrirtækja í
5 sveitarfélögum. Einnig var spurt
um hvort bæri á auknum brottflutn-
ingi fólks úr sveitarfélaginu og í ljós
kom að í 6 þeirra var talið að svo
gæti verið, en í 16 sveitarfélögum
töldu menn sig ekki merkja aukinn
brottflutning.
Er forráðamenn sveitarfélaga voru
beðnir að segja álit sitt á almennum
atvinnuhorfum í samanburði við und-
anfarin ár, töldu 5 þeirra horfurnar
góðar, 8 sæmilegar, 7 óvissar og í
tveimur sveitarfélögum voru at-
vinnuhorfur dökkar.
Tiltölulega mikið
atvinnuleysi á Norðurlandi
„Ástandið er mjög alvarlegt og
atvinnuleysið er óvenju mikið á Norð-
urlandi miðað við að hér er mikið
um sveitir," sagði Áskell Einarsson
framkvæmdastjóri Fjórðungssam-
bands Norðlendinga. Miðað við nið-
urstöðu vinnumálaskrifstofu Félags-
málaráðuneytisins um atvinnuleysis-
daga í október á þessu ári hefur at-
vinnleysisdögum á Norðurlandi fjölg-
að á milli ára um 1.227, eða 21,2%.
Aukningin nemur 33,9% á Norður-
landi vestra og 17,1% á Norðurlandi
eystra.
Á Norðurlandi eystra er íbúahlut-
fall 10,4%, miðað við landið allt, en
hlutfall atvinnuleysisdaga 12,8%.
Atvinnuleysishlutfallið er þannig
23,1% hærra en íbúahlutfallið. íbúa-
hlutfall Norðurlands vestra er 4,2%,
en hlutfall atvinnuleysisdaga í októ-
ber 4,8%, atvinnuleysishlutfallið er
því 14,3% hærra en íbúahlutfallið.
Ef gengið er út frá því að eðlilegt
hlutfall atvinnuleysisdaga skuli vera
sem næst íbúahlutfalli, er Ijóst að
atvinnuleysi er hlutfallslega meira á
Norðurlandi en íbúahlutfall þess af
þjóðarheild segir til um. Á Norður-
landi vestra svarar þessi munur til
226 daga og á Norðurlandi eystra
til 944 daga, eða samtals 1.170 dag-
ar í október sl.
Könnun íjórðungssambandsins
var kynnt á árlegum samstarfsfundi
stjórnar sambandsins og alþingis-
manna á Norðurlandi fyrir skömmu
og þar var einnig rætt um alvarlegar
horfur í búsetuþróun á þessum ára-
tug. Á landsbyggðinni hefur íbúum
fjölgað um 2263, eða um 10,06% á
árunum 1980-1988, en á höfuð-
borgarsvæðinu nemur fjölgunin
89,94%. íbúum hefur fækkað á Vest-
urlandi, Vestfjörðum og á Norður-
landi vestra um 529. Á Suðurnesjum
er meðalfjölgun 1,5%, en samanlögð
íbúaijolgun á Norðurlandi eystra,
Austurlandi og Suðurlandi er 0,77%,
þannig að meðalfjölgun á Suðurnesj-
um er tvöfalt meiri á þessum árum
en annars staðar á landsbyggðinni,
þar sem á annað borð er um íbúa-
ijölgun að ræða.