Morgunblaðið - 09.01.1990, Side 33

MORGUNBLAÐIÐ ÞRIÐJUDAGUR 9. JANÚAR 1990
33
Morgunblaðið/TKÞ
KVIKMYNDIR
Sérsveitin tekin
á Mýrum
Nýja íslenska stuttmyndin, Sér-
sveitin Laugarásvegi 25, eftir
Óskar Jónasson, sem verið er að
sýna þessa dagana í Regnboganum,
var að hluta tekin upp í fjörunni
norður af bænum Ökrum í Hraun-
hreppi í Mýrasýslu sumarið 1988.
Einn aðalleikari myndarinnar er
Borgnesingurinn Ingvar Sigurðsson
sem er nú við nám í Leiklistarskóla
ríkisins. Ingvar er Borgnesingum
að góðu kunnur fyrir leik sinn hjá
leikdeild Ungmennafélagsins
Skallagrími, meðal annars í Dúfna-
veislunni eftir Halldór Laxness og
gamanleikritinu „Ingiríði Óskars-
dóttur" eftirTrausta Jónsson veður-
fræðing.
íslenskir kvikmyndaleikstjórar
hafa oft áður valið sérstæða og fjöl-
breytta náttúru Borgarfjarðar og
Mýra til að kvikmynda verk sín við.
Má meðal annars nefna Óðal feðr-
anna eftir Hrafn Gunnlaugsson sem
var að verulegu leyti tekin í ná-
grenni Húsafells, myndina Útlag-
ann, eftir Agúst Guðmundsson sem
tekin var að hluta til vestur í Hítar-
dal og gamanmyndina um þá bræð-
ur Jón Odd og Jón Bjarna sem
komu við í Vatnaskógi.
Frá töku myndarinnar „Sérsveit-
arinnar" eftir Óskar Jónasson
vestur á Mýrum sumarið 1988.
Sérsveitarforinginn, sem Ingvar
Sigurðsson leikur, situr fyrir
miðri mynd og virðist vera fær
í flestan sjó, alla vega skortir
hann hvorki vopn né verjur.
- TKÞ Séð yfir búðir Sérsveitarinnar í fjörunni á svonefndu Akranesi sem er norður afbænum Ökrum á Mýrum.
HÉGÓMI
BURT VILL
EKKI SÝNA
SKALLANN
Sól Burts Reynolds hefur hnigið
jafnt og þétt til viðar í seinni
tíð, hlutverk þau sem hann hefur
haft til að moða úr
hafa verið fá og
langt á milli þeirra.
Og mörg hver ekki
upp á marga fiska.
Fyrir nokkru var
þó varpað til hans
líflínu ef þannig
mætti að orði kom-
ast. Honum var
boðið hlutverk
ríkisstjórans Earl
Long í stórmynd
sem mun heita
„Blaze“. Þótti
þetta spennandi tilboð og að flestra
mati tilboð sem ekki er hægt að
hafna. En það gerði Burt þó engu
að síður.
Þannig er nefnilega mál með
vexti, að Burt er ekki einungis farinn
að grána, heldur þynnist hár þessar-
ar fyrrum ímyndar karlmennskunnar
ískyggilega. Kappinn hefur mætt
þessu með hártoppi og litum. Er sá
galli á gjöf Njarðar, að ríkisstjórinn
í kvikmyndinni á einmitt að vera
grár og með miðjuskalla, rétt eins
og Burt án toppsins. Með öðrum orð-
um, þá átti Burt að koma fram og
leika eins og hann raunverulega lítur
út, en það kom ekki til mála.
Framleiðendur myndarinnar ypptu
bara öxhim og ræddu næst við Paul
Newman, sem sýnir glöggt „stærð“
hlutverksins og Newman var ekki
lengi að ræskja sig og skrifa undir.
Burt Reynolds
AÐDÁUN
Candice Bergen beit
af sér Noriega
Sagt er, að einn ólmasti aðdá-
andi Candice Bergen í hlutverki
lögfræðingsins Murphy Brown, s'é
enginn annar en Manuel Noriega,
hinn fallni einræðisherra Panama,
sem nú bíður réttarhalda í Flórída
fyrir meinta þátt-
töku í eiturlyfja-
smygli til Banda-
ríkjanna.
Líkast til hugs-
ar Noriega um
flest annað en
ungfrú Bergen
þessa daganna, en
á meðan hann sat
enn á valdastóli
velti hann fyrir sér
ýmsum leiðum til
þess að koma sér
í kynni og návígi
við hana. Ein leið-
in og sú síðasta
áður en Banda-
ríkjaher steypti
honum af stóli, var
að efna til kvik-
myndahátíðar í
Panama. Sjálfur
ætlaði hann að
vera vemdari hát-
íðarinnar og mikilvægar myndir á
henni áttu að vera kvikmyndir sem
Candice Bergen hefur leikið í gegn-
um tíðina. Þá átti að kynna fyrirbæ-
rið sápuóperur og átti að hafa sem
dæmi hinn vinsæla þátt um Murphy
Brown.
Það var sum sé
kominn grundvöll-
ur til að bjóða leik-
konunni til Pan-
ama sem heiðurs-
gesti hátíðarinnar
og hvað væri eðli-
legra heldur en að
heiðursgestur og
verndari slíkra at-
burða snæði að
minnsta kosti einn
kvöldverð saman?
Það varð hins veg-
ar ekkert úr þessu,
Bergen hafði ekki
hinn minnsta
áhuga á erindi
Noriega og skipti
litlu þótt herstjór-
inn byði henni
milljón dollara fyr-
ir viðvikið.
Candice Bergen stóðst freist-
inguna.
LAUSBLAÐA-
MÖPPUR
frá Múlalundi...
... þær duga sem besta bók.
Múlalundur
s
□
2

Kerfi 1 Likamsrækt og megrun fyrir konur á öllum aldri 1

Kerfi 2 Framhaldsfflokkar 1 og 2 — Lokaðir flokkar

Kerfi 3 Rólegir timar Fyrir eldri konur og þær sem þurfa að fara rólega

Kerfi 4 Nýi kúrinn 28 + T fyrir þær sem vilja fá aðstoð undir sérstakri stjórn Báru

L Kerfi 5 Fyrir ungar og hressar - teygja, þrek - eldfjörugir tímar