Morgunblaðið - 20.05.1990, Síða 43

43
HERNAMIÐ
Snemma
beygist
krókurinn
Ein frægasta ljósmynd sem tekin var hér
á landi á stríðsárunum er án efa myndin
sú þar sem breskur hermaður stendur
varðstöðu með riffil og byssusting um
öxl, en við hlið hans stendur tíu ára
gamall íslenskur drengur, einnig í varð-
stöðu með byssu um öxb Ekki síður ábúð-
armikill en stríðsmaðurinn breski. Þessi
mynd hefur víða birst, en ekki er víst
að komið hafí fram hver drengurinn er.
Hann er enginn annar en Helgi Hall-
varðsson, „aðmíráll" íslensku landhelgis-
gæslunnar. Morgunblaðið ræddi aðeins
við Helga og bað hann að lýsa því hvað
um væri að vera á hinni frægu mynd.
Jú, ég man vel eftir þessu. Bretarnir
voru með herstöð þarna á Sæbóli og
við vorum þarna nokkrir strákar í her-
mannaleik og höfðum herstöð beint á
móti Bretunum. Við vorum við Grænu-
mýri og þetta gekk hjá okkur eins og
þeim, við höfðum vaktaskipti og þess hátt-
ar. Einn daginn, í hádeginu, var ég á vakt
og þá renndi upp að bresku herstöðinni
stór „offiserabíll" og út úr honum stigu
einhver yfirmaður og kvikmyndatökumað-
ur. Ég fylgdist með af áhuga, en allt í
einu kölluðu þeir í mig og báðu mig að
koma yfír. Því næst báðu þeir mig að
standa við hlið hermannsins og gera alls
konar kúnstir með honum, heilsa, setja
byssuna upp og svo framvegis. Þetta
MORGUNBLAÐIÐ FOLK I FRETTUM SUNNUDAGUR 20. MAl' 1990
Snemma beygist krókurinn, Helgi gefur dátanum lítið efltir.
myndaði kvikmyndatökumaðurinn allt
saman í bak og fyrir. Síðan óku þeir á
brott og ég vissi ekkert meir.
Það var svo ekki fyrr en fyrir hálfu ári
eða svo, að í mig hringdi áhugamaður um
gamlar ljósmyndir, maður sem er að ég
hygg að safna myndum í bók. Hann vildi
fá það staðfest að þetta væri ég á um-
ræddri mynd sem hann hafði undir hönd-
um. Ég veit ekki hvort kvikmyndin var
nokkru sinni sýnd og ég veit ekkert um
afdrif hennar, en greinilegt er að ljósmynd-
ir hafa verið unnar upp úr fílmunni og ég
hef gaman af þessari mynd,“ segir Helgi.

sWphej
rra

M&á.
Kosningaskemmtun,
fjölskylduskemmtun
i Laugardalshöll
sunnudaginn 20. maí kl. 15.00
Dagskrá:
Skipulag Laugardalsins.
Öldrunar- og félagsmál.
Skemmtiatriði - Jón Páll.
Stutt kynning á skipulagi hverfa
Gengið um Laugardal.
Félög sjálfstæðismanna
í Langholts- og Laugarneshverfum
Allir velkomnir
Frambjóðendumir Arni Sigfússon, Júlíus Haf-
stein og Vilhjálmur Vilhjálmsson taka þátt í
dagskránni. Frambjóðendur Sjálfstæðisflokksins
verða á staðnum.
Kaffiveitingar
Fundarstjóri
Axel Eiríksson

Borgarstjórnarkosningar
26. maí 1990