Morgunblaðið - 08.06.1990, Blaðsíða 16

16
MORGUNBLAÐIÐ FÖSTUDAGUR 8. JÚNÍ 1990
Heilsuhlaup Krabbameinsfélagsins:
Hlaupið á Akur-
eyri og í Reykja-
vík samtímis
HEILSUHLAUP Krabbameinsfélags íslands hefst klukkan 12 á
laugardag. Þetta er í þriðja skipti sem hlaupið er í Reykjavík, en
nú taka Akureyringar á þátt í fyrsta skipti. Mun Guðmundur
Bjarnason heilbrigðisráðherra ræsa keppendur við Skógarhlíð í
Reykjavík og á göngugötunni í miðbæ Akureyrar samtímis með
aðstoð Ríkisútvarpsins. Olafúr Þorsteinsson framkvæmdastjóri
Krabbameinsfélagsins, segir að áhugi hafí sífellt farið vaxandi
fyrir hlaupinu. Bendi flest til betri þátttöku en í fyrra, þegar 500
manns mættu til leiks í Reykjavík.
Keppendum í heilsuhlaupinu er
í sjálfsvald sett hvort þeir gangaj
skokka eða hjóla leiðina. I
Reykjavík verður boðið upp á tvær
vegalengdir, 4 km og 10 km. Á
Akureyri verða hlaupnir 5 km.
Lúðrasveitir skemmta við rás:
markið á báðum stöðum. í
Reykjavík leikur Hornaflokkur
Kópavogs en Lúðrasveit Akur-
eyrar sér um tónlistarflutning fyr-
ir norðan.
Ólafur kvaðst vilja hvetja þátt-
takendur til að mæta tímanlega
á laugardagsmorgun þar sem
skrásetningu yrði að vera lokið
fyrir kl. 11.30. Þetta væri nauð-
synlegt til að tryggja að ekkert
færi úrskeiðis í beinni útsendingu
Ríkisútvarpsins sem sér til þess
að heilbrigðisráðherra geti ræst
keppendur á tveimur stöðum
10 km HLAUP
Slíogarhlíð - Vatnsmýrarvegur - Hríngbraut - Kaplaskjólsvegur -
Frostaskjól - Kellugrandi - Eiðsgrandi - Ánanaust ■ Mýrargata -
TryggVagata - Kalkofnsvegur - Skúiagata - Rauðarárstigur -
Mikiabraut - Langahlið - Litlahlið - Skógarhlið
10km
HLAUP

4 km HLAUP
Skógarhiið - Vatnsmýrarvegur ■ Hringbraut • ^
umhverfis styttu viðSæmundargötu - Hringbraut -
Vatnsmýrarvegur- Flugvallarbraut -
Flugvallarvegur-Skógarhlið
HEILSUHLAUP
KRABBA MEINSFÉLA GSINS

RASMARK
v/hús Krabba-
meinsfélagsins
v/Skógarhlíð
samtímis. Ólafur. „Til marks um það verða við að því loknu draga nöfn nokk-
„Við leggjum áherslu á að ekki veitt verðlaun fyrir besta urra keppenda úr potti og leysa
hlaupið er ætlað öllum,“ sagði árangur í hlaupinu, heldur munum þá heppnu út með gjöfum.“
Ég byijaði að æfa reglu-
lega eftir heilsuhlaupið
- segir Guðrún Jóhannsdóttir
„ÉG hafði ekkert hlaupið að ráði þegar ég ákvað að taka þátt í
Heilsuhlaupinu í fyrra, en eftir að reynslu ákvað ég að fara að
æfa mig af krafti," segir Guðrún Jóhannsdóttir deildarstjóri í far-
skrárdeild Flugleiða, sem verður meðal þátttakenda í Heilsu-
hlaupi Krabbameinsfélags Islands i Reykjavík á laugardag. Guð-
rún kveðst nú hlaupa með félögum í sínum í Trimmklúbbi Seltjarn-
arness sem hittist við sundlaugina á Seltjarnaresi þrisvar í viku.
„Áður en ég byrjaði að hlaupa
reglulega var ég gjarnan þreytt
og dösuð eftir vinnu, en núna hef-
ur maður næga orku aflögu að til
að hlaupa, ryksuga íbúðina og
baka á eftir ef svo býr undir,“
segir Guðrún.
„Félögum í Trimmklúbbnum fer
sífellt fjölgandi. Það hefur hver
sína hentisemi hversu hratt eða
langt hann hleypur. Við hittumst
fyrst og hitum okkur upp saman,
skokkum um nesið, gerum síðan
aftur æfingar og förum loks í laug-
ina. Þetta er ákaflega góður fé-
lagsskapur og ég vil endilega
hvetja alla sem áhuga hafa að
slást í hópinn,“ segir Guðrún.
Svava Aradóttir hjúkrunarfor-
stjóri Fjórðungssjúkrahúsins á
Akureyri verður í hópi þeirra sem
tekur þátt í Heilsuhlaupinu í höf-
uðstað Norðurlands. Hún ætlar
að hjóla leiðina og býst við að
fleiri íjölskyldumeðlimir verði með
í för.
„Það er mjög ánægjulegt að sjá
þá vakningu sem er að verða fyr-
ir aukinni hreyfingu. Félög á borð
við Krabbameinsfélag íslands
ganga á undan með góðu fordæmi
og Halldóra Bjarnadóttir stafs-
maður Krabbameinsfélagsins á
Akureyri hefut’ unnið gott starf
við að kynna ágæti hollrar hreyf-
ingar á fundum félaga og í skól-
um,“ segir Svava.
Svava kveðst hafa byijað seint
á því að stunda útiveru og hreyf-
ingu sér til heilsubótar. Nú reyndi
hún að fara reglulega á skíði í
Hlíðarijalli á vetrum, en hjóla og
ganga þegar færi gefst. „Kostir
til útivistar hér í nágrenni Akur-
eyrar eru mjög fyölbreyttir. Við í
fjölskyldunni höfum mikla ánægju
af því að ganga og hjóla í Kjarna-
skógi sem er sannkallaður unaðs-
reitur og einnig göngum við oft
inni á Gáseyri."
„Það er gott til þess að vita að
fólk sé að verða betur meðvitað
um gildi hollrar hreyfingar. Við
megum ekki gleyma því að okkur
er aðeins gefið eitt líf og ein
heilsa," sagði Svava Aradóttir.
Morgunblaðið/Þorkell
Guðrún Jóhanns-
dóttir deildarstjóri
ætlar að taka þátt
í Heilsuhlaupinu í
annað sinn á laug-
ardaginn.
Morgunblaðið/Rúnar
Svava Aradóttir
hjúkrunarforstjóri
hyggst hjóla leið-
ina á Ákureyri.
Heilsuhlaupið fer
nú fram samtímis
fyrir norðan og í
Reykjavík.
SIEMENS
Siónvarpsmvndavél frá Siemens:
kjörinn ferðafelagi i sumar!
Við bjóðum 4 gerðir af sjónvarps-
myndavélum frá Siemens.
Siemens tryggir gœði, endingu og
fallegt útlit.
SMITH&NORLAND
NÓATÚNI 4 • SÍMI 28300
Bergljót Leifsdóttir skrifar frá Flórens:
Undirbúningur heimsmeistara-
keppninnar í knattspymu í Flórens
Óðum styttist í að Heimsmeistara-
keppnin í knattspyrnu heijist, en
fyrsti leikurinn verður í Flórens 10.
júní, og er hann á milli Banda-
ríkjanna og Tékkóslóvakíu. 15. júní
leika svo Austurríki og Tékkóslóv-
akía, 19. júní Austurríki og Banda-
ríkin og 1. júní verður leikur í fjórlið-
aúrslitum.
Knattspyrnuleikvangur Flórens-
borgar var byggður árið 1931 og
þegar ákveðið var að hluti Heims-
meistarakeppninnar í knattspyrnu
yrði haldinn í Flórens þurfti að
ákveða hvort ætti að byggja nýjan
leikvang eða gera endurbætur á
þeim gamla. Var síðari kosturinn
valinn. Kostnaðurinn við endurbæt-
urnar var um 4,4 milljarðar íslenskra
króna en áætlaður kostnaður var
3,3 milljarðar. Var leikvangurinn
formlega afhentur FIFA 15. maí,
en samkvæmt áætlun átti hann að
vera tilbúinn í janúar. 45.000 sæti
eru á leikvanginum en engin stæði.
Slysavarðstofa er á knattspyrnuleik-
vanginum og einnig verður sjúkra-
þyrla til reiðu.
Landslið Ítalíu er í æfingabúðum
í Flórens í aðsetri ítalska knatt-
spyrnusambandsins. Flest allar
framkvæmdir i sambandi við keppn-
ina eru á eftir áætlun. Sheraton
hótel átti að vígja 1. júní. Hóteleig-
endur höfðu talið víst að hótel þeirra
yrðu fullbókuð á meðan Heimsmeist-
arakepnnin stæði en þeir hafa orðið
fyrir miklum vonbrigðum því að
meðaltali hafa ekki verið bókuð
meira en 40% herbergja í þessum
12 borgum. Heildarkosnaðurinn við
Heimsmeistarakeppnina ætti að vera
um 500 milljarðar ísl.kr. og hin auð-
fengna tekjulind er að breytast í
svartsýni og heilmikið tap fyrir
ítalska ríkið. Á húsveggjum í keppn-
isborgunum 12 hefur verið skrifað
„Heimsmeistarakeppnin drepur þig“
og einnig voru unnar skemmdir á
skrifstofu Heimsmeistarakeppninn-
ar í Flórens.
Opnunarathöfn verður 7. júní á
Santa Croce-torginu og sama dag
opnar forseti Ítalíu, Francesco Coss-
iga, sýninguna „Hugmyndir Ferrari"
og stendur hún til 30. september. Á
þessari athyglisverðu sýningu verða
til sýnis 9 Ferrári bifreiðir og er
þeim komið fyrir í glerboxum. Er
þar á meðal Barchetta Touring ár-
gerð 1949 sem var öll handsmiðuð.
Á sýningunni eru einnig teikningar,
meðal annars af fyrsta Ferrari
bílnum, „Ferrari 125“. Þetta er
fyrsta sýning sinnar tegundar á j
Ferrari bifreiðaframleiðslunni, en
stofnandi Ferrari bifreiðaverksmiðj-
unnar, Enzo Ferrari, lést árið 1988 |
níræður að aldri.
Framleiðendur hafa reynt að nota j
tákn Heimsmeistarakeppninnar út í
ystu æsar í framleiðslu sinni og er
hægt að kaupa allt frá nær- og sund-
fatnaði upp í veggflísar með „Ciao“
kallinum. I formi Heimsmeistarabik-
arins hefur verið framleidd meðal
annars ólífuolía og vín.