Morgunblaðið - 08.06.1990, Blaðsíða 33

MORGUNBLAÐIÐ FÖSTUDAGUR 8. JÚNÍ 1990
33
Ása Gunnars-
dottir -
Fædd 13. nóvember 1926
Dáin 31. maí 1990
í dag verður jarðsungin frá Bú-
staðakirkju vinkona mín, systir og
fóstra, Ása Gunnarsdóttir, f.v. aðal-
gjaldkeri Sjúkrasamlegs Reykjavík-
ur. Hún lést eftir löng og ströng
veikindi á krabbameinsdeild Land-
spítalans. Veikindum sínum tók hún
af miklu æðruleysi. Af ótrúlegri
þrautseigju og baráttuþreki barðist
hún gegn því óumflýjanlega, stað-
ráðin í að gefast ekki upp fyrr en
í fulla hnefana, en varð að lokum
að lúta örlögum okkar allra, sem
ekki verða umflúin.
Ása var dóttir hjónanna Gunnars
Ólafssonar, sjómanns ættuðum úr
Ytri-Njarðvík, og Ásu Kristínar Jó-
hannsdóttur, f. í Reykjavík, ein tíu
systkina, af þeim eru fimm á lífi.
Hjá Sjúkrasamlagi Reykjavíkur
starfaði Ása samfellt í u.þ.b. 28 ár,
áður starfaði hún við afgreiðslu-
störf og sem gjaldkeri hjá tísku-
versluninni Feldinum og síðar, eftir
að breyting varð á rekstri þess fyrir-
tækis, hjá versluninni Eygló. I raun
starfaði Ása á langri starfsævi að-
eins hjá tveim aðilum. Þannig var
hún í raun heilshugar í því sem hún
tók sér fyrir hendur, trú húsbænd-
um sínum á hveiju sem gekk. Hún
var einlæg í vináttu sinni, gaf sig
alla í það sem hún tók sér fyrir
hendur eða lét hlutina vera. Þar var
engin hálfvelgja.
Ástkæra systur kveð ég með
söknuði sem engin orð frá lýst, —
með þakklæti fyrir allt sem hún gaf
og ég meðal margra annarra fékk
að njóta. Ung missti hún móður
sína, aðeins sautján ára axlaði hún
að meginhluta forsjá heimilis fyrir
föður okkar, — uppeldi tveggja af
þremur yngri systkinum ásamt með
eldri systrum sínum.
Ábyrgðin var mikil, faðirinn
langdvölum að heiman vegna starfa
sinna til sjós, auraráð lítil, húsnæði
þröngt og ótryggt leiguhúsnæði.
Almannatryggingar voru á þeim
tíma í burðarliðnum og aðstoð við
ekkla með ómegð á framfæri sínu
ekki til nema sem sveitaframfærsla,
sem enginn maður með einhverri
sjálfsvirðingu þáði ótilneyddur á
þeim tíma. Hugtakið einstætt for-
eldri var ekki til, hvað þá lausnir á
vandamálum þeirra.
Það kann að þykja kaldhæðni að
halda því fram, að sú ógæfa og
óhamingja sem fylgir að missa
móður sína ungur, geti snúist upp
í andhverfu sína. Aðeins fjögurra
ára missti ég móður mína, en þau
minningarbrot um hana sem ég
átti yoru öllum öðrum fegurri.
Mörgum mæðrum félaga minna
kynntist ég, allar stóðust þær kröf-
ur mínar sem ég í barnshuganum
gerði til móðurímyndarinnar og
margt varð öfundarefnið, en engin
þeirra stóðst þó samanburðinn við
þá móður sem ég hafði átt en misst.
Sú aðstoð sem nú fæst með fyrir-
greiðslu almannatrygginga, aðstoð
sveitarfélaga, bygging verka-
mannabústaða og með hjálp Hús-
næðismálastofnunar fyrir efna-
minni launþega, var áður leyst með
hjálp vina og venslamanna innan
fjölskyldunnar, væri það nokkur
vegur. Af þeim sökum naut ég upp-
eldis og móðurhyggju þriggja
kvenna á barns- og unglingsárum
mínum. Tveggja föðursystra minna,
þeirra Kristínar Ólafsdóttur og
Guðrúnar Ólafsdóttur, sem gáfu
mér af auðlegð hjarta síns þá um-
hyggju og ástúð sem ég þarfnaðist
óg Ásu systur minnar, sem lengst
þessara kvenna handleiddi mig í
gegnum lífið og gerði mér grein
fyrir réttu og röngu og þeim skyld-
um sem fylgir því að vera maður.
Upptekin af ábyrgð þeirri sem
fylgdi uppeldi tveggja yngri systk-
ina og búshaldi fyrir föður okkar,
Mmmng
gáfust Ásu lítil tækifæri til sam-
vista við jafnaldra sína. Af því leiddi
að hún giftist seint eftirlifandi eig-
inmanni sínum, Baldvin Árnasyni,
pípulagningarmeistara, ættuðum úr
Bolungai-vík, orðlögðum dreng-
skaparmanni, sem hollt var að
kynnast og enn betra að eignast
sem vin.
Fyrstu árunum í sambúð Ásu og
Baldvins deildum við hjónin með
þeim í Stóragerði. Ásu sem með
ráðdeild sinni og stjórnsemi hafði
leitt okkur unglingana á loftinu í
rósaböndum fyrstu ár hjúskaparins.
Alltaf reiðubúin að aðstoða og ieið-
beina um hvaðeina til hugar eða
handar. Drengjunum okkar og
börnum þeirra reyndist hún betri
en nokkur amma og nutu þau at-
hygli hennar, ástúðar og umhyggju
til hinstu stundar.
Heimili þeirra Baldvins og Ásu
og umhverfi allt var öllum fyrir-
mynd sem til þekktu, um reglu-
semi, snyrtimennsku og hlýju er
stóð öllum opið sem njóta vildu.
Sambúð Ásu og Balla var einstök.
í veikindum hennar stóð hann við
hlið hennar og studdi af ótrúlegu
þreki og vakti yfir því sem hún
þarfnaðist í einu og öllu.
Ég vil að lokum þakka öllu starfs-
fólki krabbameinsdeildar kvenna-
deildar Landspítalans fyrir einstök
störf þess. Sérstaklega vil ég þakka
því umhyggju og ástúð og einstaka
hjúkrun, sem það veitti Ásu í langri
legu hennar á deildinni. Störf þessa
starfshóps eru öðrum fyrirmynd og
hjúkrunarstéttum og öllum opinber-
um starfsmönnum til sóma.
Baldvin sendi ég sérstakar sam-
úðarkveðjur með einlægu þakklæti
fyrir allt sem hann gaf af sjálfum
sér og gerði til að auðvelda hjart-
kærri systur minni, vinkonu og
fóstru erfiða sjúkdómslegu. Um leið
óska ég þess að almættið gefi hon-
um styrk í sinni miklu sorg og að
minningin um góða eiginkonu og
félaga hjálpi honum til að standast
þessa raun. ,
Löng þá sjúkdómsleiðin verður
lífið hvergi vægir þér,
þrautir magnast, þijóta kraftar
þungt og sárt hvert sporið er.
Honum treystu, hjálpin kemur
hann af raunum sigur ber,
Drottinn læknar, - Drottinn vakir
daga og nætur yfir þér.
(Sig. Kr. Pétursson.)
Gunnar
Mig langar að minnast vinkonu
minnar og samstarfsfélaga síðast-
liðin 17 ár í nokkrum orðum.
Ása lést í Landspítalanum 31.
maí sl. eftir langa og erfiða sjúk-
dómslegu. Hún starfaði hjá Sjúkra-
samlagi Reykjavíkur sl. 25 ár.
Síðustu árin gegndi hún starfi að-
algjaldkera. Ása lagði sig alla tíð
fram við að sinna starfi sínu af
natni og var vart hægt að hugsa
sér ábyggilegri _ og reglusamari
starfskraft en Ása reyndist SR,
enda kunnu framkvæmdarstjórar
SR vel að meta hollustu hennar
gagnvart stofnuninni alja tíð.
Ekki verður sagt um Ásu að hún
hafi verið allra, en hún var sannur
vinur vina sinna.
Ása var úr stórum systkinahópi,
svo frændbörnin í annan og þriðja
ættlið eru orðin mörg. Og það fór
ekki fram hjá okkur samstarfs-
mönnum hennar að hún gleymdi
aldrei neinum á afmælisdögum og
öðrum hátíðisdögum. Gjafirnar
voru líka ætíð höfðinglegar.
Það var mjög gaman að fá Ásu
í vinnuna eftir Ameríkuferðina sem
hún hafði greinilega notið^ í
hvívetna. Síðustu ár hafa verið Ásu
afar erfið, en eftir hveija erfiða
sjúkdómsleguna stóð Ása upp og
mætti til vinnu. Hún sá aldrei
ástæðu til að sitja aðgerðarlaus
heima ef hún komst niður í
Tryggvagötu. Það er mjög lýsandi
fyrir Ásu, enda sló hún aldreþ af
meðan henni entist heilsa til. Ása
hafði gífurlegan lífskraft og aldrei
bar hún sig illa þegar sjúkdómur-
inn var henni hvað erfiðastur.
í kjöifar þess að Samlagið var
lagt niður um sl. áramót og Trygg-
ingastofnun tók við hlutverki SR
hefur margt breyst og samstarfs-
fólkið er margt horfið á braut.
Nú kveðjum við fyrrverandi
samstarfsfólk Ásu og sendum
Baldvini og öðrum ættingjum okk-
ar dýpstu samúðarkveðjur.
Megi orð spámannsins verða
þeim huggun í sorg þeirra.
„Skoðaðu hug þinn vel, þegar þú ert glaður,
og þú munt sjá, að aðeins það sem valdið
hefur hryggð þinni, gerir þig glaðan.
Þegar þú ert sorgmæddur, skoðaðu þá aftur
hug þinn
og þú munt sjá að þú grætur vegna þess,
sem var gleði þín.“
Lára Hansdóttir
Eigendur hlutabréfa:
Við kaupum hlutabréf eftirtalinna hlutafélaga gegn
staðgreiðslu:
Hlutafélag Kaupverð pr. 100 kr. nafnverðs1) Hlutafélag Kaupverð pr. 100 kr. nafnverðs1*
Alþýðubankinn hf. .. 118 Olíufélagið hf 450
Eimskipafélag ísl. hf. 435 Samvinnusj. ísl. hf. . 120
Flugleiðir hf 166 Sjóvá-Almennarhf. . 490
Grandi hf 157 Skagstrendingur hf. 360
Hampiðjan hf 155 Skeljungurhf 440
Hlutabréfasjóðurinn hf. .. 142 Tollvörugeymslan hf. 101
Iðnaðarbankinn hf. 152 Útgf. Akureyringa hf. 150
Islandsbanki hf 152 Verslunarbankinn hf. 120
1) Áskilinn er réttur til að takmarka þá fjárhæð sem keypt er fyrir.
Eigendur og
útgefendur
skuldabréfa:
Vegna mikillar eftirspurnar óskum við eftir góðum
skuldabréfum í umboðssölu.
_ (jármál eru okkar fag!
UERDBRÉFflUlÐSKIPTl
V/ SAMVINNUBANKANS
SUÐURLANDSBRAUT 18 • SÍMI 688568
gróður
v.
MOSAEYÐANDI!
J ARÐVEGSBÆT ANDI!
I grasgarða og limgerði
er best að dreifa og
blanda kalkinu í
gróðurmoldina við
sáningu eða
gróðursetningu. Gott er
að dreifa kalkinu vor
eða haust og raka það
vel ofan í grassvörðinn
með hrífu.
Gróðurkalk er ætlað til
notkunar fyrir gras,
grænmeti, runna og
limgerði. Það stuðlar að
jafnari sprettu og heldur
mosa og varpasveif-
grasi í skefjum.
Gróðurkalk eykur
uppskeru garðávaxta
og skerpir vöxt lauftrjáa.
Gróðurkalk er hagstæð
blanda af fínni mélu og
grófari kornum sem er
þjál í meðförum og
auðveld í dreifingu.
Fínmalað kalkið hefur
strax áhrif en gróf
kornin leysast upp
smátt og smátt og
stuðla að langtímaverk-
un kalksins.
Grænmetisgarða er
hentugast að kalka á
vorin eða á haustin.
Best er að blanda
kalkinu vel í gróður-
moldina um leið og
garðurinn er unninn.
\ ✓
ATHUGIÐ. Vegna
hættu á kláöa þarf ekki
að kalka kartöflugarða
nema þeir séu mjög
súrir. Ekki er heldur
ráðlegt að kalka
skrautrunna sem þurfa
súran jarðveg.
Dreifing:
HEILDSALA - SMÁSALA
SÖLUFÉLAG
GARÐYRKJUMANNA
SMIÐJUVEGI 5. 200KÓRAVOGUR, SÍMI 43211