Morgunblaðið - 08.06.1990, Blaðsíða 48

FÖSTUDAGUR 8. JÚNÍ 1990 VERÐ í LAUSASÖLU 90 KR.
Landsvirkjun:
Borgin tilbú-
in að ræða um
kaupáhlut
’Akureyrar
- segir Davíð Odds-
son, borgarstjóri
DAVÍÐ Oddsson, borgarstjóri,
segir borgaryfirvöld reiðubúin til
viðræðna um kaup á lilut Akur-
eyrarbæjar í Landsvirkjun, en
talsmenn meirihluta bæjarstjórn-
ar þar hafa lýst áhuga á því að
selja bréfin.
Eignarhlutur Akureyrarbæjar í
Landsvirkjun er liðlega 5%,
Reykjavíkurborg á tæp 45% og ríkið
50%. Akureyrarbær eignaðist hlut í
fyrirtækinu þegar Laxárvirkjun var
; -Jfcameinuð Landsvirkjun 1983 en áður
áttu Reykjavíkurborg og ríkið fyrir-
tækið til helminga.
í samtali við Morgunblaðið sagði
Davíð Oddsson, borgarstjóri, að
borgaryfirvöld væru opin fyrir við-
ræðum við Akureyringa um kaup á
þessum eignarhluta. Slíkar hug-
myndir hefðu komið upp áður og
hefði borgin þá einnig verið tilbúin
til viðræðna.
JFormlegri
leit hætt
FORMLEGRI leit að Eggert Davíð
Hallgeirssyni, sem ekkert hefur
til spurzt frá því á sunnudags-
kvöld, hefur verið hætt. Að sögn
lögreglu í Ólafsvík verður þó
væntanlega reynt að Ieita eitthvað
um helgina.
Ekki hefur sézt til ferða Eggerts
frá því hann yfirgaf félaga sína á
Búðum síðastliðið sunnudagskvöld.
Hann er með dökkskollitað hár, þrek-
inn og um 192 sm á hæð. Hann var
klæddur í gráleita blússu, bláa peysu,
svartar buxur og uppháa strigaskó
i -^gíðast þegar sást til hans.
Þeir, sem geta gefið upplýsingar
um ferðir Eggerts frá því á sunnu-
dagskvöld, eru vinsamlega beðnir um
að láta lögregluna vita.
Vestmannaeyjar:
Eyjamenn veiða lax af bryggjunni.
Laxveiði á bryggjukantinum
Vestmannaeyjum.
LAXVEIÐI er ekki daglegt
brauð í Vestmannaeyjum en í
gær brá svo við að Eyjamenn
veiddu lax af bryggjukantinum
við Básasker. Lax hafði sloppið
úr eldisbúrum Isno, á Víkinni,
og hafði leitað inn í höfnina.
Það varð uppi fótur og fit á
bryggjunni laust fyrir kvöldmat í
gær þegar laxar sáust stökkva í
gríð og erg í höfninni og laxa-
torfa sást í sjónum við Básaskers-
bryggjuna. Eyjamenn þyrptust á
bryggjuna með veiðarfæri sín og
mátti sjá allar tegundir veiðar-
færa, allt frá stærstu sjóstang-
veiðistöngum til lítilla dorgprika.
Talsvert veiddist af laxi og sögðu
veiðimennirnir að þeir stærstu
hefðu verið um fjögur pund að
þyngd.
Eitthvað dró úr veiðinni þegar
leið á kvöldið en veiðimennirnir
stóðu þó við iðju sína fram eftir
kvöldi.
Guðni Georgsson, hjá ísno,
sagði að gat hefði komið á eina
kvína hjá þeim og hefði eitthvað
af laxi komist þar út. Hann sagði
að mest af fiskinum hefði líklega
verið í kringum 500 grömm að
þyngd og sagðist ekki telja að
verulegt magn hefði sloppið.
Starfsmenn ísno unnu að viðgerð
á kvínni í gærkvöld og líklegt er
því að Iaxagengdin í höfninni í
Eyjum verði ekki langvinnt ævin-
týri.
Grímur
Slæmt atvinnuástand skólafólks:
Ríkisstjómiii tekur ákvörð-
un um aðstoð á mánudag
- segir Jóhanna Sigurðardóttir félagsmálaráðherra
JÓHANNA Sigurðardóttir, félagsmálaráðherra, segir að á ríkis-
stjórnarfundi næstkomandi mánudag verði tekin ákvörðun um hvort
ríkisvaldið veiti sérstaklega fé til að útvega skólafólki atvinnu yfir
sumarið. Slæmt ástand er nú í atvinnumálum námsmanna. Um 600
atvinnulausir námsmenn eru á skrá hjá Atvinnumiðlun námsmanna
og um 400 hjá Ráðningarstofu Reykjavíkurborgar, en búast má við
að nokkur skörun sé þar á milli. í gær var felldur niður virðisauka-
skattur af starfsemi vinnuskóla nemenda undir 16 ára aldri með
reglugerð fjármálaráðlierra. Einnig verður sumarvinna skólafólks á
aldrinum 16-25 ára, sem ekki hefur rétt á atvinnuleysisbótum, undan-
þegin virðisaukaskatti.
I fyrra beitti ríkisstjórnin sér fyr-
s™r um 55 milljóna króna aukafjár-
veitingu til að leysa úr vanda skóla-
fólks, sem ekki hafði fengið sumar-
vinnu. Ungmennunum var einkum
útveguð vinna við umhverfisvernd
og -fegrun og við sumarafleysingar
hjá ríkisstofnunum. Ríkið greiddi
þá laun fyrir um 360 störf. Jóhanna
^^gigurðardóttir, félagsmálaráð-
herra, sagði í samtali við Morgun-
blaðið, að ef farið yrði út í svipað
„námsmannaátak" og í fyrra, mætti
áætla að fjárveitingin yrði á sama
bili, 50-60 milljónir króna.
Hátt í 400 skólanemendur, sem
verða 16 ára eða eldri á árinu, eru
nú skráðir án atvinnu hjá Ráðning-
arstofu Reykjavíkurborgar. Þegar
hafa verið ráðnir 916 í sumarvinnu
hjá borginni og fyrirtækjum henn-
ar, og að sögn Gunnars Helgason-
ar, forstöðumanns Ráðningarstof-
unnar, er gert ráð fyrir að 40 millj-
óna króna aukafjárveiting borgar-
ráðs til sumarvinnu skólafólks bæti
ástandið verulega, skapi um 150
ný störf.
Gunnar segir að sumarið skeri
sig úr hvað varði atvinnuleysi skóla-
fólks, ásamt sumrinu í fyrra, sem
var það versta um langt árabil. Nú
eru 225 skólapiltar skráðir atvinnu-
lausir hjá Ráðningarstofunni og 160
stúlkur, en voru á sama tíma í fyrra
237 piltar og 240 stúlkur. Gunnar
segir að það sé áberandi að ungling-
ar, sem leiti til Ráðningarstofunn-
ar, hafi fengið vilyrði fyrir vinnu
hjá einkafyrirtækjum, sem síðan
hafi brugðizt.
Gunnar sagðist vonast til þess
að unnt yrði að Ieysa vanda flestra,
sem enn biðu eftir vinnu. Aukafjár-
veiting borgarráðs bjargaði miklu,
og einnig væri enn óráðið í nokkur
önnur störf.
Umsækjendur um vinnuskólann,
unglingar á aldrinum 14 til 15 ára,
hafa allir fengið vinnu. Þeir telja
nú 1787 og enn bætast nokkrir við
daglega. I fyrra fengu alls 1807
vinnu í vinnuskólanum.
Hjá Atvinnumiðlun námsmanna
hafa alls 1.000 manns skráð sig,
en um 330 atvinnutilboð borizt. Um
170 manns hafa fengið vinnu með
aðstoð miðlunarinnar, og á annað
hundrað eftir öðrum leiðum, þannig
að eftir eru um 600 manns, sem
enga vinnu Imfa fengið, að sögn
Siguijóns Þ. Amasonar, formanns
Stúdentaráðs. A sama tíma í fyrra
höfðu um 700 manns alls skráð sig
hjá miðluninni, en um 300 atvinnu-
tilboð borizt. Að sögn Sigurjóns eru
sum þeirra tilboða, sem miðlunin
hefur fengið í hendur, mjög léleg.
Virðisaukaskattur:
Landgræðsl-
an fær ekki
undanþágu
- þar sem hún dreif-
ir áburðinum sjálf
LANDGRÆÐSLA ríkisins fær
ekki frádrátt á innskatt végna
þess áburðar sem hún dreifir
sjálf. Hins vegar fengi hún inn-
skattsfrádrátt ef áburðurinn
væri seldur þriðja aðila, sam-
kvæmt upplýsingum Snorra
Olsen í Qármálaráðuneytinu, en
frá áramótum hefúr áburður til
landgræðslustarfa borið virðis-
aukaskatt, eins og fram kom í
Morgunblaðinu í gær.
Snorri sagði, að ekki væru uppi
hugmyndir um að breyta þessu,
en i gær undirritaði fjármálaráð-
herra reglugerð um virðisauka-
skatt af skattskyldri starfsemi
opinberra aðila. Meðal þeirrar
starfsemi sem telst skattskyld
samkvæmt reglugerðinni er bygg-
ingarstarfsemi, vegagerð og sam-
göngubætur, holræsagerð og
vatnslagnir. Virðisaukaskattur
verður hins vegar endurgreiddur
af þjónustu á borð við sorphreins-
un, ræstingu, snjómokstur, björg-
unarstörf og öryggisgæslu, auk
þjónustu ýmissa háskólamennt-
aðra sérfræðinga.
Reglugerðin hefur þegar tekið
gildi. Akvæði hennar um endur-
greiðslu virðisaukaskatts til kaupa
á vinnu og þjónustu gildir frá og
með 1. janúar 1990.
—.. ■» ♦ ♦---
Bjargað úr
hominni í
Hull með
Björgvinsbeltí
Vestmannaeyj u m.
SKIPVERJI af Andvara VE
stökk í höfiiina í Hull til bjargar
brezkum manni nýlega og var
Björgvinsbeltið notað við björg-
un mannanna. Var það í fyrsta
skipti sem mönnum var bjargað
úr sjó með því.
Tildrög atburðarins voru þau að
Breti féll í höfnina. Skipveiji af
Andvara, sem þarna var nærstadd-
ur, greip Björgvinsbeltið og henti
sér á eftir manninum. Tókst honum
að koma þeim í beltið en í fyrstu
fóru þeir ekki rétt í það og runnu
úr því er hífa átti þá um borð í
Andvara. Þeim tókst þó að komast
í það aftur og gekk þá greiðlega
að hífa þá um borð.
Beltið sannaði ágæti sitt við
björgunina því báðir mennirnir voru
orðnir mjög þrekaðir er þeir náðust
úr sjónum. Grímur
Nýr meirihluti
á Egilsstöðum
SAMKOMULAG náðist í gær-
kvöldi milli framsóknarmanna og
H-Iista óháðra um myndun meiri-
hluta í bæjarstjórn Egilsstaða.
Samkvæmt samkomulaginu verð-
ur Sveinn Þórarinsson, Framsóknar-
flokki, formaður bæjarstjórnar en
Ásta Sigfúsdóttir, H-lista, formaður
bæjarráðs.
Sjá frétt bls. 4.