Morgunblaðið - 17.07.1990, Blaðsíða 29
MORGUNBLAÐIÐ ÞRIÐJUDAGUR 17. JÚLÍ 1990
29
félk í
fréttum
Morgunblaðið/Sverrir
Eymundur Matthíasson leiðbeinir á helgar-
námskeiðum í jóga og hugleiðslu.
SJALFSVITUNDIN
Forstjórar og alþing-
ismenn hugleiða
Eg byija á því að fá fólk til
að finna hvernig það upp-
lifir hluti eins og tilfinnmgar
sínar, hugsanir og líkama. Utfrá
því förum við svo í æfingar með
einbeitingu þar sem komið er inn
á andardrátt og fleira," segir
Eymundur Matthíasson, leið-
beinandi á jóga og sjálfsvit-
undarnámskeiði sem haldið var
í Árnagarði um helgina 6.-8. júlí.
„Megintilgangur námskeiðsins
er að gera fólk meðvitaðra um
sína eigin tilveru. En fólki gefst
líka kostur á að kynnast jóga
og hluta þeirrar heimspeki sem
stendur á bakvið hana.
Við höfum haldið nokkur helg-
arnámskeið af þessu tagi að
undanförnu,“ segir Eymundur.
„Þau eru öllum opin og aðgang-
ur er ókeypis. Yfirleitt hafa
20-30 manns byijað á námskeið-
inu en sumir hafa ekki verið alla
helgina. Þátttakendurnir hafa
verið frá 14 ára unglingum upp
í eldra fólk. Fólkið kemur úr öll-
um þjóðfélagsstéttum," segir
Eymundur og nefnir sem dæmi
að forstjórar og alþingismenn
hafi sótt námskeiðin.
Hann bætir við að flest nám-
skeiðin hafa verið haldin í
Reykjavik. „Við höfum að vísu
farið til Húsavíkur og á Akranes
en við vildum fara meira út á
landsbyggðina. Til þess skortir
okkur aftur á móti fé því það
kostar alltaf eitthvað að halda
svona námskeið.“
Það eru lærisveinar jógameist-
arans Sri Chinmoy sem standa
fyrir námskeiðinu. „Við hugleið-
um saman tvisvar sinnum í
viku,“ segir Eymundur og bætir
við að Sri Chinmoy hafi fyrst
komið til íslands árið 1975.
„Hann hélt tónleika í Há-
skólabíói árið 1988 og ári seinna
í Langholtskirkju. Á tónleikun
um blandar Sri Chinmoy saman
hugleiðslu og hljóðfæraleik en
hann spilar á allt að 20 hljóð-
færi á tónleikum. Fólk upplifir
þessa tónleika ekki einungis sem
tónleika heldur líka hugleiðslu.'
HEIM SHORNAFLAKKARI
Það gerðist ýmislegt við Súez
Pétur Kidson Karlsson heitir
breskur maður sem margir
íslendingar kannast við enda hefur
hann búið hér á landi í fjölda ára.
Pétur kom hingað með breska land-
hernum í síðari heimsstyijöldinni
og starfaði um skeið í breska sendi-
ráðinu en hefur ferðast vítt og
breitt um heimsbyggðina síðan. Nú
er hann kominn til íslands til að
bera beinin. „Það er að segja,“ eins
og hann sjálfur orðar það, „ef guð
og lögreglan leyfa.“
Pétur hefur frá ýmsu að segja
um ferðalög sín um fjarlæg lönd.
„Þetta byijaði allt árið 1938 í
Hull,“ hefur Pétur mál sitt. „Þá var
mér boðinn styrkur til að hefja nám
í Þýskalandi þar sem uppgangur
nasista var mikill. Ég nýtti mér
styrkinn og fór til Þýskalands enda
var ég eins og margir piltar á
mínum aldri hálfhrifinn af öllu
umstanginu í kringum nasismann
og hlustaði ekki á raddir sem töluð-
um um ofsóknir á hendur gyðing-
um.
Talað hafði verið um að ég yrði
tvö ár í Þýskalandi en um haustið
1938 hringdi móðir mín í mig frá
Jórvík og bað mig blessaðan að
koma heim því stríð væri á næsta
leiti. Þrátt fyrir að þýskir vinir mínir ■
segðu mér að stríð við Bretland
kæmi ekki til greina fór ég að vilja
móður minnar og hélt heim til
Jórvíkur. Ári seinna, í blíðskapar-
veðri 3. september 1939, lýsti
Chamberlain, forsætisráðherra, því
yfir í útvarpi að Bretar hefðu sagt
Þjóðveijum stríð á hendur.
í janúar 1940, en þá var ég tutt-
ugu og eins árs, var ég kallaður í
herinn og sendur til Islands. Ég
man greinilega eftir tilfinningunni
sem greip mig þegar við sigldum
inn Faxaflóa í stilltu veðri. Mér
fannst ég vera korninn heim,“ segir
Pétur og brosir. í Reykjavík starf-
aði Pétur hjá bresku öryggisþjón-
ustunni sem hafði aðsetur á Lauga-
vegi 67A. „Á þeim árum kom upp
svokallað Ártic-mál,“ segir Pétur.
„Svo vildi til að breskir leyniþjón-
ustumenn höfðu fengið upplýsingar
um að Þjóðveijar hefðu haft sam-
band við íslenskan loftskeytamann
í höfn í Lissabon og fengið hann
til að senda veðurskeyti frá ís-
iandi. Þegar skip loftskeytamanns-
Morgunblaðið/Börkur
Pétur Kidson Karlsson hefur írá mörgu að segja af ferðum sínum
um (jarla'g lönd.
ins kom í höfn var hann handtekinn
og yfirheyrður af breskum liðsfor-
ingja niður á Laugavegi. Við yfir-
heyrsluna danglaði liðsforinginn í
loftskeytamanninn en þegar ég kom
á framfæri mótmælum við hann
hótaði hann mér þvj' að senda mig
í fangelsi ef ég þegði ekki. Seinna
komst yfirmaður hans, kapteinn
Wise, að þessu og sendi liðsforingj-
ann heim.
Eftir stutt frí í Jórvík í júnímán-
uði 1943 var ég sendur til Egypta-
lands í skipaeftirlit við Súezskurð-
inn. Hitinn var oft mikill við Súez
en varasamt að kæla sig í skurðin-
um því þar var mikið af hákörlum.
Einn eftirlitsmannanna lét sig þá
hafa það, klæddi sig úr fötunum
og stakk sér í vatnið. Eftir dágóða
stund heyrðum við hann hrópa karl-
mannlegari röddu: „Hjálp, hjálp,
hákarl." Og stuttu seinna aftur:
„Hjálp, hjálp, hákarl.“ En að þessu
sinni var röddun skræk,“ segir Pét-
ur og kímir. „Já, það gerðist nú
ýmislegt við Súez.“
Eftir dvölina í Egyptalandi lá
leiðin til Flórens þar sem Pétur
lærði rússnesku af rússneskri
flóttakonu af aðalsættum en síðar
K
VISA
NR. 150
Dags. 17.7. 1990
VÁKORT
Númer eftirlýstra korta
4507 4100 0001 6254
4507 4300 0003 4784
4507 4500 0008 4274
4507 4500 0015 6544
4507 4500 0015 7880
4548 9000 0023 8743
4548 9000 0028 6346
Afgreiðslufólk vinsamlegast takið ofangreind kort
úr umferð og sendið VISA íslandi sundurklippt.
VERÐLAUN kr. 5000,-
fyrir að klófesta kort og vísa á vágest.
VISA ISLAND
dvaldist hann um tíma í Englandi
og Noregi þar sem hann starfaði
við að fara yfir skjöl þýska foringj-
ans Jodl. Þá lá leiðin til Finnlands,
aftur til Englands og til Þýska-
lands. í Þýskalandi var haft sam-
band við hann og hann beðinn að
fark til Moskvu þar sem vantaði
menn í breska sendiráðið. Seinna
starfaði Pétur í Hong Kong og
Tókíó. Árið 1956 hóf hann svo störf
í breska sendiráðinu í Reykjavík og
starfaði þar í fjögur ár. „Þá var ég
orðinn leiður á utanríkisþjónustunni
og ákvað segja upp,“ segir Pétur.
„Ég þekkti íslenska konu sem var
loftskeytamaður og hún hvatti mig
til að fara í nám í loftskeytafræðum
sem ég gerði. Seinna var ég lengi
loftskeytamaður hjá Eimskipafé-
laginu og Hafskipi," segir Pétur og
bætir við að á síðustu árum hafi
hann verið á flakki á milli íslands
og Spánar þar sem hann hefur ver-
ið að kenna ensku. Þess á milli vinn-
ur hann að ritun ævisögu sinnar
en óvíst er að hún verði nokkurn
tíma gefin út enda segist Pétur
aðallega að skrifa hana fyrir sjálfan
sig.
javík • HYGEA Lauaa-
.N, Fjarðarkaupum, Hafnarfirði • Li-
• STJÖRNUAPÓTEK, Akureyri.