Morgunblaðið - 17.07.1990, Blaðsíða 33
MORGUNBLAÐIÐ ÞRIÐJUDAGUR 17. JÚLÍ 1990
33
VELVAKANDI
SVARAR í SÍMA
691282 KL. 10-12
FRÁ MÁNUDEGI
7\ TIL FÖSTUDAGS
Þesslr hringdu .. .
I M m <1 .
Var ekki til betri brandari?
Kona utan úr bæ hringdi:
„Ég fór á seinni sýningu þeirra
Spaugstofumanna sem haldin var
í Reykjavík fyrir skömmu. Strák-
arnir voru alveg ágætir en mér
finnst furðuiegt að ekki skuli hafa
fundist á öllu landinu betri brand-
ari en þessi sem var valinn Létt-
asta lundin. Höfum við íslending-
ar ekki betri húmor en þetta?
Brandarinn var alveg síðasta sort.
Það hlýtur að hafa verið hægt að
velja annan og skemmtilegri
brandara en þennan um krak-
kann.
Annað mál sem mig langar til að
minnast á er um Sjónvarpsvísir
Stöðvar 2. Þegar ég fór í póstkas-
sann 13. júlí sl. lá bunki af Sjón-
varpsvísi á gólfinu. Nú bý ég í
stóru íjölbýlishúsi þar sem póst-
kassarnir eru vel merktir. Það eru
ekki allir í húsinu sem eru áskrif-
endur að Stöð 2 svo hver sem er
gat hæglega nælt sér í Sjónvarps-
vísi sem lá þarna fyrir hvers
manns fótum. Það hlýtur að vera
hægt að vanda betur vinnubrögð-
in þó það taki aðeins lengri tíma
að setja vísirinn í póstkassana.
Og svo er nokkuð seint að fá blað-
ið í hendurnar 13. júlí.“
Hvenær eru hundadagar?
Ragnar hringdi:
„Ég var staddur í sundlaugunum
fyrir stuttu og var verið að deila
um hvort hundadagamir byijuðu
13. júlí eða 23. júlí. Gaman væri
ef einhver fróður gæti svarað því
hvenær þeir eru og hvernig þesSi
nafngift er til komin.“
Blöskrar hækkun skólagjalda
Nemandi utan af landi hringdi:
„Nú þegar sífellt er verið að ræða
um verðlagsstöðvun og að halda
verðbólgu niðri langar mig til að
vita hvernig skólagjöld Iðnskólans
í Reykjavík geta hækkað svo mik-
ið sem raun er á. Þegar mér blö-
skraði gjaldið sem ég þurfti að
greiða fyrir eina önn athugaði ég
hvað gjöldin voru í fyrra. Fyrir
tvær annir í fyrra var greitt 4.400
kr. en núna er greitt 6.900 kr.
fyrir eina önn, eða 13.800 kr.
fyrir skólaárið. Það er erfitt að
sætta sig við svo mikla hækkun
í einu. Þegar ég fékk gíróseðilinn
sendan stóð upphæðin 6.900 kr.
en án nokkurrar sundurliðunar í
hvað peningarnir færu. En þegar
búið var að greiða gíróseðilinn
kom kvittun þar sem sundurliðun
kom fram. Væri ekki réttara að
láta sundurliðunina koma fram á
gíróseðlinum áður en borgað er?“
Reiðhjól í óskilum
Drengjareiðhjól fannst í miðbæn-
um. Þeir sem sakna hjólsins geta
hringt í Axel síma 666349.
Tapaði sportjakka
Dökkblár drengjasportjakki með
gulu og ljósbláu framan á ermum
tapaðist í Safamýri sl. miðviku-
dag. Finnandi vinsamlega hringi
í síma 74033 á kvöldin.
Mikið aftýndum munum eftir
Tommamótið
Sigríður Ólafsdóttir hringdi:
„Eftir Tommamótið sem haldið
var hér í Vestmannaeyjum er
fjöldi muna sem eru týndir eða í
óskilum. Meðal þess sem týndist
eru íþróttaföt, íþróttaskór, bolir,
buxur og fleira. Mig langar til að
biðja foreldra og aðstandendur
barnanna sem voru á mótinu að
athuga hvort börnin þeirra eru
með eitthvað sem þau eiga ekki
og væri þá best að senda það í
Týs-heimilið í Vestmannaeyjum.
Þá væru munirnir allir á einum
stað og væri þá auðveldara að
koma þeim til réttra eigenda.“
Högni í óskilum
Högni er í óskilum. Hann er
bröndóttur á baki, hvítur á fótum,
kvið og hálsi. Far er eftir ól á
hálsinum. Upplýsingar í síma
10749.
Tapaði Cartier silkisiæðu
Blá og hvít Cartier silkislæða
tapaðist sunnudaginn 8. júlí. Eig-
andi tapaði henni á göngu í Foss-
voginum og á Bústaðaveginum.
Finnandi vinsamlega hringi í síma
84339.
Týndi drengjaúri
Svart Sanio drengjaúr tapaðist
í Hafnarfirði. Finnandi hringi í
síma 651297.
Gleymdi hönskum
Brúnir fóðraðir svínaskinnshan-
skar gleymdust í strætisvagnabið-
skýlinu við Glæsibæ mánudaginn
28. júní kl. 8.30 að morgni.
Finnandi hringi í Guðrúnu í síma
36652 eða 602023.
Drengjareiðhjól hvarf
Svart og gult BMX drengjareið-
hjól hvarf frá Rauðalæk 17. Þeir
sem vita um hjólið eru beðnir að
hringja í síma 39212.
Tapaði lífseguljafnara
Ásgerður Sigríður hringdi:
„Þegar ég var í Laugardalssund-
lauginni fimmtudaginn 12.júlívar
tekið frá mér armband sem er
svokallaður lífseguljafnari af
gerðinni Biorey. í leiðbeiningum
sem fylgja armbandinu er þess
getið að enginn annar en eigandi
megi nota það, það gæti því rask-
að ró þess sem hefur sett það á
sig. Armbandið var í töskunni
minni og þegar ég snéri mér
stutta stund frá var það horfið.
Þar sem armbandið er mér mikils
virði bið ég þann sem veit um það
að skila því í Laugardalssundlaug-
ina eða hringja í síma 32954.“
Kettlingur
Einlitan svartan kettling vantar
heimili. Er kassavanur. Upplýs-
ingar í síma 611882.
Hvenær ætla íslenskir ráðamenn
að gefa Bandaríkjamönnum tóninn?
Til Velvakanda.
Á undanförnum dögum hefur
Bandaríkjastjórn komið í veg fyrir
tvær mikilvægar tillögur íslenskra
ráðamanna, þ.e.a.s. hrefnuveiðar
og afvopnun á höfunum. Báðar til-
lögurnar voru byggðar á sterkum
grundvelli en sáu samt ekki dagsins
ljós. Hvenær ætla íslenskir ráða-
menn að gefa Bandaríkjamönnum
tóninn? Af hverju þurfa íslenskir
ráðamenn að þegja þegar Banda-
ríkjamenn eru sífellt að skipta sér
af íslenskum málum? Einu sinni
man ég eftir því að íslenskur ráð-
herra hafði þann kjark að standa
upp fyrir ísland og það var þegar
Albert Guðmundsson fyrrum ráð-
herra stöðvaði kjötinnflutning
Bandaríkjamanna til stöðvar þeirrar
í Keflavík. Eins lengi og íslenskir
ráðamenn láta traðka á sér á er-
lendum vettvangi þá eru ekki mikl-
ar vonir til að Island geti stundað
sjálfstæða utanríkisstefnu. Það
vantar ríkisstjórn þjóðernissinna til
að láta almennilega heyra frá sér.
Þá yrðu loksins teknar til greina
tillögur íslendinga á ýmsum mikil-
vægum málum.
Vilhjálmur Alfreðsson
PayDay
með söltuðum
hnetum,
engu öðru
líkt.
. ms\
fer % - %
PayDay
hefur svo
sannarlega
slegid i gegn.
Það gera söltu
hneturnar.
Dreifing: MATA, Sundagörðupri 10, sími 91-681300
Þegar þú vilt láta
ferskleikann njóta sín ...
Þegar kartöflu- og/eða grænmetissalat, kaldar sósur
eða ídýfur eru á matseðli dagsins er MS sýrði
rjóminn, 10%, betri en enginn. Sannaðu til
- fátt gefur meiri ferskleika.
Hitaeiningar MS sýrður rjómi Majónsósa
10% (Mayonnaise)
1 tsk (5 g) 5.7 37
1 msk (15 g) 17 112
100 g 1— 753
H ÚTSALA ÚTSALA ÚTSALA ÚTSALA ÚTSALA ÚTSALA ÚTSALA
^ ÚTSALA ÚTSALA ÚTSALA ÚTSALA ÚTSALA ÚTSALA ÚTSALA
ÚTSALA UTSALA ÖTSALA