Morgunblaðið - 18.09.1990, Síða 17

MORGUNBLAÐIÐ ÞRIÐJUDAGUR 18. SEPTEMBER 1990
17
skiptabanka sínum til að bæta fjár-
hagsstöðuna árið 1987 og var búið
að fá heimild menntamálaráðherra
og fjármálaráðherra til þess. Þau
skilaboð komu frá bankastjðrninni,
að stjórnvöld ættu að sjá til þess að
stofnunin fengi að hækka gjaldskrá
sína. Svo einfalt var það og lánið
fékkst aldrei. Var svo_ einhver að
tala um „aðstöðumun"? í bönkunum?
Stærsta markaðssvæðið
illa nýtt
Ég hef látið hafa eftir mér, að
rekstur Stöðvar 2 hefði verið ein-
dæma klúður frá upphafi. Það sjá
allir sem vilja sjá. Ég hef ennfremur
lýst þeirri skoðun minni, að byggja
hefði mátt upp arðvænlegan sjón-
varpsrekstur í samkeppni við
Ríkisútvarpið á suðvestur-horni
landsins og færa út kvíarnar seinna,
þegar fyrirtækið væri búið að treysta
sig í sessi.
Þetta er sett fram út frá hreinu
hagkvæmnis- og hagnaðarsjónar-
miði. Stærsta markaðssvæði lands-
ins mátti nýta mun betur en Stöð 2
hefur nokkurn tímann gert. En
mönnum lá reiðinnar býsn á.
Það er í sjálfu sér virðingarvert
áhugamál að vilja veita landsbyggð-
arfólki þjónustu en Stöð 2 er ekki
fær um það nema að takmörkuðu
leyti. Það geta þær þúsundir vottað,
sem búa úti á landi og aldrei ná
sendingum Stöðvar 2. Vafalaust
kemur þetta enn betur í ljós, þegar
og ef byijað verður að senda út á
svokallaðri Sýnar-rás.
Þjónusta við landsbyggðina felst
í öðru og meiru en að gera samning
við Póst og síma um að dreifa efninu
og selja fólkinu myndlykla. Það þarf
að gera dagskrá úti um landið. Starf-
rækja fréttaöflunarkerfi. Játað skal
að Sjónvarpið á talsvert verk óunnið
á því sviði eftir nærri 25 ára starf.
En dýrt er það. Stöð 2 hefur gert
fáeinar góðar tilraunir í þá veru og
aðrar síðri, eins og spurningakeppni
milli landshluta, sem fataðist flugið.
Misheppnuð eftiröpun á spurninga-
þáttum Sjónvarpsins. Hafði Stöð 2
nokkur efni á þessari „byggða-
stefnu", þegar öllu er á botninn
hvolft, eða hveiju hafði hún ekki
efni á? Hvað skyldu menn segja í
Verzlunarbankanum?
Enginn mælikvarði á hæfni
einkaframtaksins
Af samtölum við stofnendur
Stöðvar 2 varð mér ljóst, að þeir
höfðu mjög óljós upphafleg mark-
mið. Einu sinni ætluðu þeir að dreifa
SKY Channel og öðrum gervihnatt-
arásum í endurvarpi um höfuðborg-
arsvæðið. Þeir færðust öllu meira í
fang án þess að vita nokkurn tímann
hvert þeir stefndu. Helzt leit út fyr-
ir að leifturstríð gegn Ríkisútvarpinu
væri takmark í sjálfu sér. Menn
börðu sér á bijóst. Hve oft heyrðum
við og lásum, að Sjónvarpið væri
endanlega úr leik í samkeppni um
áhorf ogtekjur? Stríðsrekstur Stöðv-
ar 2 fór á annan veg og hlaut alvar-
legri endi en upphafsmennirnir sáu
fyrir.
Hrapallegur slysafaraldur á Stöð
2, sem allir sjá nú hveijir eiga sök
á og hvers vegna, getur aldrei orðið
marktækur mælikvarði eða próf-
steinn á hæfni og skilyrði einkafram-
taks í samkeppni við Ríkisútvarpið.
Því verður tæplega trúað, að
málsmetandi forystumenn í verzlun
og viðskiptum, þar á meðal hinir
nýju eigendur Stöðvar 2, ætli að
festa sig í vonlausri varnarstöðu
fyrir þessa taumlausu ævintýra-
mennsku, sem dæmd var til að enda
með skipbroti.
Góður kostur fyrir þá sem eru vel á veg
komnir í sparnaði!
Sparileiö 4 býöur hœstu vexti innan Sparileiöanna!
Með tilliti til þeirrar staðreyndar að engir tveir sparifjáreigendur eru eins
er Sparileið 4 í rökréttu framhaldi af öðrum Sparileiðum íslandsbanka. Þar bjóðast
hœstu vextir innan Sparileiðanna, enda er féð bundið ía.m.k. 24 mánuði.
Reikninaurinn er verbtrvaaður oa ber 6% vexti.
Sparileiö 4 býöur vaxtatryggtngu á bundiö fé!
Vextirnir eru endurskoðaðir á sex mánaða fresti. Það veitir eigendum
reikninganna ákveðna vaxtatryggingu, því vextirnir haldast óbreyttir í sex
mánuði í senn.
Sparileiö 4 er opin til úttektar tvo mánuöi á ári!
Sparileið 4 er einföld og reikningurinn er opinn til úttektar tvo mánuði á ári,
í janúarog júlí, svo fremi að binditími reikningsins sé orðinn a.m.k. 24 mánuðir.
Láttu tímann vinna með þér og kynntu þér vel nýju Sparileiðina frá
íslandsbanka, Sparileið 4.
Þú getur hringt eftir leiðarvísi eða komið á nœsta afgreiðslustað
til skrafs og ráðagerða við starfsfólk bankans.
- í takt við nýja tíma!
Sparíleidir íslandsbanka - fyrír fólk sem
fer sínar eigin leidir í spamadi!
Höfundur er útvarpsstjóri.
YDDA F.26.48 / SÍA