Morgunblaðið - 29.09.1990, Blaðsíða 31

MORGUNBLAÐIÐ LAUGARDAGUR 29. SEPTEMBER 1990
31
Greips er mikill harmur kveðinn við
fráfall hans. Hann var mikill og
traustur vinur vina sinna og það
var sönn ánægja og uppörvun að
vera með honum og vinna með hon-
um að verndun lands og gróðurs.
Aðalstarfsvettvangur Greips var
að sjá um uppstillingu girðinga og
viðhald þeirra á landgræðslu- og
skógræktarsvæðum um land allt,
en umfang þeirra nemur hundruð-
um kílómetra. Þar á meðal voru
hólf í beitartilraunum á tilrauna-
stöðvum og víðar um landið. Afköst
og vandvirkni Greips við þessi störf
voru slík að það verður erfitt að
ímynda sér eftirmann sem getur
tekist á við þessi erfiðu og vanda-
sömu verkefni af sömu vandvirkni
og hraða. í þessu starfi naut Greip-
ur þess að vera heljarmenni að
burðum og margra manna maki,
auk þess að vera fullur af áhuga á
verkefnunum og því sem af þeim
leiddi og manna samstarfsfúsastur.
Greipur Sigurðsson og hans góða
kona, Kristín Sigurðardóttir, voru
sannkallaðir höfðingjar, glæsileg á
velli og geislandi af lífi og hlýju.
Það er erfitt að sætta sig við það
skarð sem hér er höggvið í einni
svipan. Hugur og samúð okkar
Helgu er með Kristínu og börnum
þeirra, Hrönn og Sigurði.
Við biðjum Guð að blessa
Kristínu og börnin og minninguna
um okkar góða vin.
Björn Sigurbjörnsson
+
Faðir okkar og tengdafaðir,
SIGURÐUR BJARNASON,
fyrrum bifreiðastjóri hjá BSR,
lést í Hrafnistu í Reykjavík 27. september.
Börn og tengdabörn.
Faðir okkar og tengdafaðir,
GÍSLI TÓMASSON,
Melhól,
Meðallandi,
V-Skaftafellssýslu,
andaðist í Sjúkrahúsi Suðurlands fimrhtudaginn 27. september sl.
Börn og tengdabörn.
+
Móðir okkar, tengdamóðir, amma og langamma,
GUÐLAUG JÓHANNESDÓTTIR,
andaðist í Landakotsspítala 28. september.
Jóhanna Helgadóttir, Haraldur Helgason,
Magnea Helgadóttir, Sigurjón Guðjónsson,
Magnús Helgason, Kolbrún Ástráðsdóttir,
Dóra Stfna Helgadóttir,
barnabörn og barnabarnabörn.
+
Elskuleg móðir okkar,
SIGURRÓS GUÐMUNDSDÓTTIR
frá Guðnabæ,
Akranesi,
er látin.
Börnin.
+
Faðir okkar, tengdafaðir, afi og langafi,
INGIMAR RAGNAR SVEINSSON,
Rofabæ 45,
verður jarðsunginn frá Fossvogskirkju þriðjudaginn 2. okt. kl. 15.
Álfhildur Ingimarsdóttir, Baldvin S. Jónsson,
Guðmundur Ingimarsson, Guðný Skeggjadóttir,
barnabörn og barnabarnabörn.
+
Útför bróður míns,
JÓNATANS JÓNSSONAR,
fer fram mánudaginn 1. október kl. 3 eftir hádegi. Jarðsett verður
í Fossvogskirkju.
Fyrir hönd annarra vandamanna.
Ástríður JÓnsdóttir.
Þær eiti margar stundirnar sem
ég átti með Greipi á þeim ellefu
árum sem ég þekkti hann.
Greipur kenndi mér svo margt.
Hann sagði mér sögur, skrítlur og
vísur. Ég man álltaf eftir fyrstu
vísunni sem hann kenndi mér:
Lubbi minn er loðið dýr,
loðið mjög í framan.
Með honum rak ég margar kýr,
mikið var það gaman.
Greipur lagði mikið kapp á að
ég stundaði heilbrigt líferni. Hann
hvatti mig til að stunda íþróttir og
fylgdist vel með mér.
Greipur var mikill húmoristi og
sagði brandara eins og honum ein-
um var lagið enda kom hann öllum
í gott skap.
Ég á Greip svo margt að þakka,
alla þá hlýju, umhyggju og kærleika
sem hann sýndi mér í gegnum
tíðina. En eftir lifa minningarnar
sem ég á um Greip.
Elsku Stína, Hrönn og Siggi,
megi Guð styðja ykkur í þeirri miklu
sorg sem þið eigið nú í.
Bragi
Eigi má sköpum renna.
Hvorn hefði rennt í grun á yndis-
góðri vinarstundu örstuttum tíma
héðanfrá, að annars skapadægur
væri þá niðursett.
En dauðans óvissutími er ætíð
nálægur.
Það var mitt gæfuspor og gleði
að eiga vakra og létta vinarstund
með Greip um sólarhringsbil fyrstu
daga tvímánaðar þessa árs, því
áður en varði var hann allur. Oft
höfðum við áður þreytt kapp við
líkamlegt og andlegt atgei-vi okkar
og ögrað óminnishegranum, en
sjaldan haft betur en þá.
Hugur minn geymir mynd af
hetju, broshýrri, kankvísri, hjarta-
stórri, sem hvers manns götu vildi
greiða.
Þreklundaður íslendingur, þjóð-
arsómi, er fallinn í valinn.
Minning lifir, og burar hans erfa
frá uppeldi, ævin var stutt en gjöful.
Sú er mín ósk, að hans saga
verði sögð, og lærð, því mannkostir
þeir er hann var gæddur, grunda
sjálfstæða vitund íslenskrar þjóðar.
Söknuður býr nú í hans ranni,
hugsanir blíðar taka við. En létt
rennur ævi í góðs manns spor.
Megi ísland, landið sem hann
elskaði, ræktaði, virti og dáði, eign-
ast hans líka.
Drottinn gefi dauðum ró
og hinum líkn sem lifa.
Pétur Einarsson
Fleiri greinar um Greip Sigurðs-
son bíða birtingar. Þær /nunu
birtast í blaðinu næstu daga.