Morgunblaðið - 26.10.1990, Síða 21

MORGUNBLAÐIÐ FÖSTUDAGUR 26. OKTÓBER 1990
21
Guðríður St. Anna Málfríður Halldór Haraldsson
Sigurðardóttir Sigurðardóttir
Jónas Sen
Nína Margrét
Grímsdóttir
Þorsteinn Gauti
Sigurðsson.
EPTA-tónleik-
ar að hefjast
Sex píanótónleikar í vetur
SEX íslenskir píanóleikarar
munu leika á píanótónleikum
EPTA (Evrópusambands píanó-
kennara) í vetur, en þetta er
þriðja árið í röð, sem þessir tón-
leikar hafa verið haldnir.
Að þessu sinni verða allir tónleik-
arnir haldnir í íslensku óperunni á
mánudagskvöldum og síðan endur-
teknir síðdegis næsta laugardag á
eftir í Kirkjuhvoli í Garðabæ. Önd-
vegjs hljóðfæri eru nú á báðum
þessum stöðum, tveggja ára Stein-
way & Sons flygill í Óperunni og
nýr Fazioli flygill í Kirkjuhvoli, báð-
ir af stærstu konsertstærð.
Röð píanóleikaranna hefst með
tónleikum Þorsteins Gauta Sigurðs-
sonar í íslensku óperunni mánudag-
inn 29. október nk. kl. 20.30, sem
hann síðan endurtekur laugardag-
inn 3. nóvember kl. 17.00 í Kirkju-
hvoli. Gauti leikur að þessu sinni
verk, sem gera óhemju miklar kröf-
ur til flytjanda, en meðal verka á
efnisskrá eru 5. sónata Skrjabíns
og allar níu Etudes-tableaux op.
39 eftir Rachmaninoff, en þær hafa
aldrei áður verið leiknar í heild hér
á landi. Má því telja þetta mjög
forvitnilega efnisskrá fyrir unnend-
ur píanótónlistar.
Seint í nóvember heldur Anna
Málfríður Sigurðardóttir tónleika á
sömu stöðum með verkum eftir
Bach, Beethoven, Chopin, Rachm-
aninoff og Liszt. Eftir áramót mun
Halldór Haraldsson halda þriðju
EPTA-tónleikana í lok janúar með
verkum eftir Beethoven, Kjartan
Ólafsson, Debussy og Chopin, Guð-
ríður St. Sigurðardóttir heldur tón-
leika um miðjan febrúar, Jónas Sen
í byrjun apríl og Nína Margrét
Grímsdóttir í lok maí. Efnisskrá
þriggja síðastnefndu verður til-
kynnt síðar.
(Fréttatilkynning)
Mál og menning:
Sextíu bókatitl-
ar fyrir jólin
Ný skáldsaga eftir Pétur Gunnarsson
BÓKAÚTGÁFA Máls og menn-
ingar sendir frá sér sextíu bó-
katitla fyrir jólin og skiptast þeir
jafnt milli fullorðis- og barna-
bóka.
Meðal nýrra verka íslenska höf-
unda, eru skáldsaga eftir Pétur
Gunnarsson, sem enn hefur ekki
hlotið nafn en fimm ár eru síðan
síðasta skáldsaga hans kom út.
Svefnhjólið nefnist skáldsaga eftir
Gyrði Elíasson, Hella heitir skáld-
verk eftir Hallgrím Helgason, og
smásögur Vegurinn upp á fjallið,
eftir Jakobínu Sigurðardóttur og
Mýrarenglarnir falla, eftir Sigfús
Bjartmarsson.
Sex Ijóðabækur eru væntanlegar
og meðal þeirra er bókin, Sannstæð-
ur, eftir Geirlaug Magnússon en
þetta er níunda ljóðabók hans. Blint
í sjóinn, eftir Guðlaug Arason er
fyrsta ljóðabók höfundar og Einn
dag enn, eftir Kristján Arason. Þar
er að finna um þrjátíu ljóð eftir
höfundinn auk þýðinga á erlendum
ljóðum. Bláþráður, eftir Lindu Vil-
hjálmsdóttur, Skuggar vindsins,
eftir Stefán Sigurkarlsson og Baki
við hafið, eftir Jónas Guðlaugsson.
Af þýddum skáldverkum má
nefna, Eva Luna segir frá, í þýð-
ingu Tómasar R. Einarssonar en
þetta eru nýjar smásögur efir skáld-
konuna Isabel Allende. Karamasov
bræðurnir I, eftir F. Dostójevskí, í
þýðingu Ingibjargar Haraldsdóttur
og Grískur harmleikur, í þýðingu
Helga Hálfdanarsonar. Um er að
ræða alla forn-grísku harmleikina,
sem varðveist hafa, eftir skáldin
Æskílos, Sófókles og Evripídes.
Ódauðleikinn, eftir Milan Kundera
í þýðingu Friðriks Rafnssonar og
Heimur feigrar stéttar, eftir Nadine
Gordimer í þýðingu Ólafar Eldjárn.
Þá er væntanleg ævisaga Ás-
björns Morthens, Buddi, sem Silja
Aðalsteinsdóttir hefur skráð, Is-
lenskt vættatal, eftir Árna Björns-
son, Ljóshærða villidýrið eftir Art-
húr Björgvin Bollason og endurút-
gáfa á bók Björns Th. Björnssonar,
A íslendingaslóðum í Kaupmanna-
höfn.
Af barna- og unglingabókum má
nefna, Mundu mig! Ég man þig!,
eftir Andrés Indriðason og Markús
Árelius, eftir Helga Guðmundsson.
Þrjár nýjar myndabækur um Einar
Áskel eru væntanlegar og tvær um
Karólínu. í bókarflokknum litlir
lestrarhestar má nefna, Börnin í
Ólátagarði, eftir Astrid Lindgren í
þýðingu Sigrúnar Árnadóttur og
Fleiri sögur af Frans, í þýðingu
Jórunnar Sigurðardóttur.
Kosningaskrifstofa
BJÖRNS
BJARNASONAR
Kosningaskrifstofa Björns
Bjarnasonar er opin á meðan
kosningu stendur, báða kjördagana,
í dag (13.00-22.00) og á morgun
(9.00-22.00). ❖ Upplýsingar veittar
um kosningarnar. ❖ Akstur á
kjörstað fyrir þá, sem þess óska.
❖ Allir stuðningsmenn Björns eru
velkomnir á skrifstofuna, þar sem
kaffiveitingar verða á boðstólum.
BJÖRN BJARNASON
óskar eftir stuðningi í
. SÆTI
framboðslistans.
Kosningaskrifstofa Björns Bjarnasonar er að
Laugavegi 170 (eldra Hekluhúsinu), jarðhæð.
Sími bílaþjónustu: 25821 og 695691. Upplýsingasími: 25820.