Morgunblaðið - 10.11.1990, Side 13

MOR&t/NÖLAÐIÐ LAUGARDAGUR 10. NÓVEMBER 1990
ISLAN DSBAN Kl
Reykjavík, nóvember 1990
Opið bref til viðskiptavina Islandsbanka
Kœri viðskiptavinur.
Undanfama daga hefur íslandsbanki lent í sviðsljósi fjölmiðla í kjölfar ákvörðunar
okkar að hverfa aftur til vaxtakjara sem giltu frá 1. apríl til 1. október sl. Með þessu bréfi
viljum við skýra fáeinar staðreyndir málsins sem ekki hafa komið nœgilega skýrt fram.
Allar vaxtabreytingar eru viðkvœmar og snerta flesta viðskiptavini banka og
sparisjóða. Þess vegna eru þœr ákveðnar að vandlega yfirveguðu ráði.
Vaxtaákvörðun íslandsbanka er eins og aðrar slíkar ákvarðanir byggð á spám og
upplýsingum um verðbólgu frá Seðlabanka íslands. Þœr sýndu að fullt tilefni var til
vaxtabreytinga.
í byrjun árs 1990 ákváðu bankamir, með íslandsbanka í fararbroddi, að taka
þátt íþjóðarsáttinni með því að lækka vextina mjög ört. Eftir vaxtalækkun í síðasta
mánuði jukust útlán verulega og innlán drógust saman. Lausafjárstaðan versnaði og
þenslumerki komu í Ijós. Því var skynsamlegt að hækka vexti til að draga úr útlánum,
vinna gegn yfirvofandi verðbólguhækkun og um leið tryggja raunhæfa ávöxtun á spari-
fé almennings.
Bankar verða ætíð að standa vörð um óverðtryggðar innstæður fólks á almennum
launa- og bankareikningum. Slíkir reikningar skipta tugþúsundum í okkar banka.
íslandsbanki vill ekki vísvitandi taka þátt íþví að skerða hag sparifjáreigenda. Okkur
ber að gæta hagsmuna þeirra til jafns við hagsmuni lántakenda.
Ef sparifjáreigendur eru ekki tilbúnir að ávaxta sparifé sitt á bankareikningum
verður heldur ekkert fjármagn til útlána. Sparifjáreigendur gera kröfur um raunávöxtun
sparifjár og sætta sig ekki við að horfið verði á ný til þess tíma þegar sparifé lands-
manna brann upp á báli verðbólgu. Okkur hjá íslandsbanka hefur verið falið að
ávaxta fé almennings og við getum ekki leyft okkur að láta eins og eigendur þess fjár-
magns séu ekki til.
Við sem störfum í íslandsbanka þökkum viðskiptavinum góð viðskipti og stuðn-
ing, hér eftir sem hingað til. Við viljum afheilum hug vinna samkvæmt stefnu okkar
að bankinn verði aflvaki framfara og velmegunar landsmanna. Við eigum þá ósk að
þjóna sem best öllum okkar viðskiptavinum og veita góða fjármálaþjónustu, bæði nú
og í framtíðinni.
Bestu kveðjur,

Valur Valsson
Björn Björnsson