Morgunblaðið - 27.11.1990, Blaðsíða 19

MORGUNBLAÐIÐ ÞRIÐJUDAGUR 27. NÓVEMBER 1990
19
Mál er að linni
eftir Guðbjörgu Eddu
Eggertsdóttur
Herferðin gegn lyfj'afræðinga-
stéttinni virðist vera orðin að þrá-
hyggju. Fyrir nokkru birtist í tíma-
ritinu Fijálsri verslun grein eftir
Valþór Hlöðversson um lyijamál.
Var greinin uppfull af rangfærslum,
misskilningi og vitleysum. Nokkrir
lyíjafræðingar, apótekarar sem aðr-
ir, hafa fundið sig knúna til að leið-
rétta verstu rangfærslurnar, en samt
hafði Valþór Hlöðversson geð í sér
til að „leiðrétta" leiðréttingarnar í
grein hér í blaðinu fyrir nokkru. Nú
hefur honum borist liðsauki, því
Sveinn Guðjónsson, blaðamaður á
Morgunblaðinu, skrifaði grein undir
fyrirsögninni „Okur“ í Mbl. 20. nóv-
ember sl. Það er óvanalegt að sjá
svo ógeðfellda grein á síðum Morg-
unblaðsins, og miður að einn af
blaðamönnum þess skuli standa þar
að baki. Allt orðalag í greininni
minnti á erlend sorprit. Þar leggur
Sveinn til, að grein Valþórs úr
Frjálsri verslun verði sérprentuð og
dreift á öll heimili í landinu, sem
skyldulesning! Sveinn slær að vísu
nokkra varnagla, svo sem . .. ef
marka má........ef satt er ... og
tekur fram að „einstaka lyíjafræð-
ingar hafi reynt að . .. bera af sér
okurorðið", en ákveður síðan að taka
ekkert mark á þeim, enda skipti það
ekki máli, hvort „álagningin sé einu
prósentustiginu hærri eða lægri“.
Sveinn talar í greininni um „fá-
menna klíku lyfsala, sem í skjóli
úrelts einokunarkerfis hefur um ára-
tuga skeið teygt gráðugar klærnar
í vasa sjúkra og aldraðra . . .“. Nú
er það svo, að hversu „gráðug“ sem
hin fámenna lyfsalaklíka gæti orðið
(hún telur raunar 43 menn), þá
ræður hún engu um það hvað lyfin
kosta né hve há álagningin er. Ekki
heldur hversu mikið hún selur. Jafn-
vel þótt hún reyndi eftir megni að
teygja „gráðugar klærnar“ ofan í
vasa sjúkra og aldraðra, næðist ekk-
ert upp, nema læknir sjúklingsins
teldi hann þurfa á lyijum að halda.
Læknirinn ákveðut- þá hvaða lyf
sjúklingurinn skuli fá og lyfsalinn
hefur engin áhrif þar á. Sama hversu
mikið hann reyndi að teygja sig.
Raunar hefst grein Sveins á um-
ræðu um það, að allar vörur, stórar
sem smáar, séu margfalt dýrari á
Islandi en í öðrum löndum. Skyldu
ekki sömu ástæður liggja til þess,
að einnig lyf eru nokkru dýrari hér
en erlendis, þ.e. smæð markaðarins
og stærð landsins fyrst og fremst?
Nú eru lyf ekki margfalt dýrari hér
á landi en í nágrannalöndunum, en
vissulega eru þau heldur dýrari en
í Svíþjóð. Heilbrigðisyfirvöld hafa á
undanförnum misserum unnið mark-
visst að því að lækka lyfjakostnað
Islendinga. Þessar aðgerðir hafa
skilað misjöfnum árangri, en sumar
hafa tekist ágætlega. M.a. hefur
lyfjaálagning verið lækkuð verulega
og verður vart komist lengra á þeirri
braut, þar eð mörg apótek beijast
nú í bökkum, gagnstætt því sem
haldið er fram. Núna stefna yfirvöld
að því að breyta þessu „úrelta einok-
unarkerfi" (sem u.þ.b. 50 fyrirtæki
sinna) sem allra fyrst og fagnar
Sveinn því mjög. Og hver eru úrræð-
in: Jú, stofna á eitt einokunarfyrir-
tæki, sem ráða skal öllum lyijamál-
um í landinu, innflutningi og dreif-
ingu! Var einhver að tala um að ein-
okun væri úrelt kerfi?
Lyíjafræðingar eru heilbrigðis-
stétt, sem hefur menntað sig til að
sjá um lyíjaþáttinn í heilbrigðiskerf-
inu. Því hefur lítt verið haldið á
lofti, en staðreyndin er sú, að við
meðhöndlun sjúkdóma er lyfjameð-
ferð oftast ódýrasti kosturinn og
þægilegastur fyrir sjúklinginn. Líkt
og aðrar heilbrigðisstéttir lifa lyfja-
fræðingar á því að veita sjúklingum
þjónustu. Alveg eins og læknar,
hjúkrunarfræðingar, sjúkraliðar og
Guðbjörg Edda Eggertsdóttir
„Það er atvinna heil-
brigðisstéttanna að
veita sjúklingum þjón-
ustu, gera þeim lífið
léttbærara og fyrir-
byggja sjúkdóma. Þetta
á við um lyfjafræðinga,
þar með talda lyfsala,
sem aðrar heilbrigðis-
stéttir.“
margir fleiri. Engar raddir hafa
heyrst um það að þessar stéttir lifðu
á eyrhd annarra. Sem betur fer. Það
er atvinna heilbrigðisstéttanna að
veita sjúklingum þjónustu, gera
þeim lífið léttbærara og fyrirbyggja
sjúkdóma. Þetta á við um lyíjafræð-
inga, þar með talda lyfsala, sem
aðrar heilbrigðisstéttir. Er ekki mál
til komið, að árásum á lyljafræðinga
linni?
Höfundur er formaður
Lyfjafræðingafélags Islands.
KVOLDKAFFI
...og þú sefur betur.
sími 24000
Verö kr. l.TOI
Pantiö borð tímanlega
ísíma 17759.
Tilvaldir staðir
fyrir jólaglögg
fyrirtaskjanna í
desember.
tiö borö tímanlega í síma 17759.
\ . •. .. ■■■ gsy•<rv. \ ^V''

}
•’ #/■■■ ■■fm: m m. am 0