Morgunblaðið - 12.12.1990, Qupperneq 60

60
MORGUNBLAÐIÐ MIÐVIKUDAGUR 12. DESEMBER 1990
*
Ast er...
... að hugsa um framtíð
hennar.
TM Reg. U.S. Pat Off.—ali rights reservod
® 1990 Los Angeles Times Syndicate
Nei, þá sjaldan hann lyftir
fingri þá er það sá fingur-
inn sem hann rennir gegn-
um seðlabunkana sína.
Með
morgnnkaffínu
Hvar er tengillinn fyrir
kaffikönnuna?
Nafn á endurhæfingarstöð SÁA
Til Velvakanda.
Ég fékk eins og margir aðrir
heimsendan happdrættismiða frá
SÁÁ. Auðvitað ætla ég að greiða
hann, þó mér sé nú ekkert vel við
svona sendingar yfírleitt. En öll
hjálpin sem fólk hefur fengið hjá
SÁA er svo mikil', svo ég tali nú
bara um þá sem ég þekki sjálf, að
ég vil endilega leggja mitt af mörk-
sjá í þessu kynningarblaði sem
fylgdi með miðanum og það var að
nú ætlar SÁÁ að fara að byggja
nýja endurhæfingarstöð og þarf að
fá nafn á hana. Ég fór að hugsa
um málið og duttu þá tvö nöfn í
hug. Annað er Ytri-Vogur eða Efri-
Vogur sem er þá í góðu samræmi
við sjúkrastöðina Vog. Hitt er
Sólhlíð, sem ei; bæði bjart og hlýtt
nafn á svona stað. Auðvitað getur
fólk haft misjafnar skoðanir á nafni
á endurhæfingarstöðina, en auðvit-
að skiptir mestu máli að sem allra
flestir séu með, þannig að stöðin
fái reglulega fallegt og viðeigandi
nafn.
Ánægður stuðnings-
maður SÁÁ
Fordómar
Til Velvakanda.
Hvernig má það vera að vinsæll
og landsfrægur leikari, Þórhallur
Sigurðsson, þurfí að lúta svo lágt
sem hann gerir í nýútkominni plötu
sinni. Kynþáttafordómar og kven-
fyrirlitning einkennir þessa plötu
sem börnin okkar, einlægir aðdá-
endur grínleikarans, hlusta á með
athygli, nema hvert orð og læra af.
Og hvað læra þau? Jú, að fólk af
öðrum kynþáttum sé stórskrítið,
hagi sér með undarlegasta hætti
og sé vart til annars fallið en að
gera grín að og hlæga að. Þau
læra að séu konur ekki í ákveðnum
þyngdarflokki séu þær ekki fyrir
hann (Þórhall) og því ekki gjald-
gengar. Eru þetta viðhorf sem við
viljum ala börn okkar upp við? Svari
hver fyrir sig.
Ég hef ávalt verið þeirrar skoð-
unar að fordómar, hvaða nafni sem
þeir nefnast, séu ekki gott vegar-
nesti fyrir börnin okkar né heldur
góðir eiginleikar í fari einstaklinga
og því beri að varast þá. Þórhallur
má teljast heppinn að hafa ekki
gefið plötu þessa út í Bandaríkjun-
um. Þá er nokkuð ljóst að kvenn-
réttindakonur og minnihlutahópar
væru búnir að lögsækja hann. Hér
á íslandi eiga minnihlutahópar
lítinn rétt, hér má misbjóða hveijum
sem er í gegn um ljósvakamiðlana
mörgum sinnum á dag án þess að
nokkur taki eftir því.
Sigríður S. Gunnarsdóttir
um.
En annað þótti mér gaman að
Aðventan er tími eftirvæntingar.
Kertaljós gefa heimilinu hátíðlegan blæ. Gætum þess
vandlega að þau séu ekki nærri eldfimum efnum og slökkv-
um á þeim ef farið er út úr herberginu.
Yíkveiji skrifar
HÖGNI HREKKVÍSI
aHAwn B^esjAlfur.tiljólacsjíafibnar iÁe."
*
Adögunum hlustaði Víkverji á
Ellert B. Schram, ritstjóra
DV og fyrrverandi alþingismann
Sjálfstæðisflokksins, flytja ræðu,
þar sem hann lýsti þeirri skoðun
sinni, að íslenska flokkakerfíð væri
úr sér gengið. Var raunar sagt frá
hluta af þessari ræðu hér í blaðinu
á föstudaginn í síðustu viku.
Mörg af gömlu ágreiningsefnum
flokkanna eru úr sögunni, vinstri-
sinnar erd hættir að boða áætlunar-
búskap undir foi-ystu ríkisins og
forsjárhyggjan er á undanhaldi
undan markaðskerfinu. Flokkunum
hefur gengið misjafnlega vel að ná
samstöðu um ný mál. Hvað sem
þessu líður er samt grundvallar-
munur á áherslum og efnistökum í
stefnmótun flokkanna. Lífsskoðun
ræður mjög afstöðu manna til
stjórnmálaflokka. Flokkarnir halda
áfram en samsetningin á fylgi
þeirra breytist. Er ekki slíkt umrót
nú hér á landi?
xxx
Abreytingatímum eins og þeim
sem við lifum núna hvílir rík
skylda a öllum sem fjalla um stjórn-
mál og þróun þeirra að missa ekki
sjónar á grundvallaratriðum. Þegar
Víkveiji fylgdist með kosningabar-
áttunni í Þýskalandi á dögunum sá
hann þann mun helstan á stjórn-
málaumræðum þar og hér, hve
stjórnmálamennirnir vitnuðu oft til
leikreglnanna, sem gilda um starf-
semi þeirra og þjóðfélagsins alls.
Þeir voru einnig með sagnfræðileg-
ar skírskotanir og vísuðu hvað eftir
annað til þess að þeir og þjóðin
sýndi ábyrgð inn á við og út á við.
Þeir voru ekki fastir í dægurþrasinu
og skyndilausnunum sem við eigum
að venjast.
Flokkaskipanin er í föstum
skorðum í Þýskalandi og festa á
þingi er tryggð með því að flokkar
koma þar ekki að manni nema þeir
fái yfír 5% atkvæða. Svonefndir
græningjar hafa sótt gegn þýsku
gömlu flokkunum og fengu kosna
þingmenn á sambandsþingið í Bonn
1983 og aftur 1987 en nú nutu
þeir ekki 5% stuðnings í vesturhluta
Þýskalands. Kjósendur höfnuðu
flokki utan hinnar hefðbundnu og
traustu flokkaskipunar á tímum
óvissu vegna sameiningarinnar.
egar íslenska flokkakerfið er
gagnrýnt færa menn ekki að-
eins fram þau rök að flokkarnir
hafi gengið sér til húðar heldur
einnig hitt að þeir séu svo margir,
að ógjörlegt sé að mynda hér styrka
ríkisstjórn. Þetta myndi breytast
með fækkun flokka. í Þýskalandi
voru 24 flokkar í framboði, þannig
að ekki skortir fjölbreytnina. Skorð-
urnar við áhrifum smáflokka eru
settaf með 5%-reglunni.
í Bretlandi eru þrír meginflokkar
eins og í Þýskalandi en þar bjóða
auk þess margir smærri flokkar
fram í kosningunum. Festuna á
breska þinginu, þar sem flokkarnir
eru ekki fleiri en raun ber vitni,
má rekja til kosningalaganna, ein-
menningskjördæmanna. Við slíka
skipan er ákaflega erfitt fyrir smá-
flokka að koma mönnum inn á þing.
Ef gagnrýni á íslenska flokka-
kerfið byggist á því að flokkarnir
séu of margir á Alþingj, er skyn-
samlegasta leiðin til að bregðast
Við henni sú að breyta kosningalög-
unum. Það þarf hins vegar að efla
og styrkja stóra flokka til að þing-
meirihluti náist fyrir slíkri breyt-
ingu.