Morgunblaðið - 08.01.1991, Blaðsíða 46

46
MORGUNBLAÐIÐ ÞRIÐJUDAGUR 8. JANÚAR 1991
Islenska málfræðifélagið:
Hvað varð um joð-
ið í sögninni að sá
Guðrún Þórhallsdóttir heldur
fyrirlestur sem nefnist Hvað
varð um joðið í sögninni að sá á
vegtim íslenska málfræðifélags-
ins í stofu 101 í Odda fimmtudag-
inn 10. janúar klukkan 16.15.
Hún lauk BA-prófi í almennum
málvísindum frá Háskóla íslands
og MA-prófi í samanburðarmál-
fræði frá Cornell-háskóla og
vinnur nú að doktorsritgerð í
indóevrópskri samanburðarmál-
fræði við þann skóla.
í fréttatilkynningu frá íslenska
málfræðifélaginu kemur fram að
10.-11. árgangur tímaritsins /s-
lenskt mál og almenn málfræði er
kominn út. Ritstjóri er Halldór Ár-
mann Sigurðsson dósent. Meðal
efnis í tímaritinu er grein eftir Gísla
Jónsson um nöfn Norð-Mýlinga
1703-1845; Höskuldur Þráinsson
og Sigríður Magnúsdóttir skrifa um
heilastöðvar, máltruflanir og mál-
fræði. Auk þess eru greinar eftir
Jörund Hilmarsson, Margréti Jóns-
dóttur, Sigríði Siguijónsdóttur,
Gísla Gunnarsson o.fl. Eipnig er þar
að finna skrá um íslensk málfræði-
rit til 1925, ritdóma og greinar um
orðfræði eftir Guðrúnu Kvaran og
Gunnlaug Ingólfsson.
Tímaritið er til sölu í Bóksölu
stúdenta.
Morgunblaðið/Sigurður Jónssson
Frá fundi í Tryggvabúð á Selfossi um tómstundaakstur á vélsleðum.
Selfoss:
Tómstundaakstur
á vélsleðum rædd-
ur af ahugamönnum
^ Selfossi.
ÁHUGAMENN á Selfossi um akstur á vélsleðum komu saman til
fundar í Tryggvabúð til þess að ræða akstur á vélsleðum í þéttbýli
og möguleika til að auðvelda mönnum að stunda þetta tómstunda-
gaman.
Á fundinum kom fram að vél-
sleðaeign hefur aukist til muna á
nokkrum árum og nú munu nálægt
fimmtíu brúklegir vélsleðar vera
til staðar á Selfossi. Margir eigend-
anna eru ungir og með brennandi
áhuga á málefninu. Þetta kom
fram í máli eins fundarboðandans,
Agnars Péturssonar. Hann vakti
og máls á þeim atriðum sem vél-
sleðamenn þurfa að hafa í huga
við akstur og viðhald sleða sinna.
Olafur Ishólm lögreglumaður
fór nokkrum orðum um lög og
reglur sem gilda um akstur vél-
sleða og fram kom meðal annars
í máli hans að óheimilt er að aka
vélsleða hraðar en 40 kílómetra
um götur í þéttbýli. Ekki má valda
ónæði eða truflunum með akstrin-
um og ökumenn þurfa að gæta
þess að valda ekki skemmdum á
landi sem ekið er um. Þá þarf sleð- ’
inn að vera skráður og rétt til að
aka sleðunum hafa þeir sem orðn-
ir eru 15 ára og hafa að minnsta
kosti próf á vélhjól.
Ungir vélsleðamenn voru í meiri-
hluta á fundinum og hjá fundar-
mönnum kom fram mikill áhúgi á
því að hafa áðgang að landi í ná-
grenni bæjarins þar sem unnt
væri að Stunda vélsleðaakstur sem
tómstundagaman án þess að valda
öðrum óþægindum.
Sig. Jóns.
Skoðanakönnun Skáís fyrir Stöð 2:
Sjálfstæðismenn fengju
52,3% í Reykjavík
SAMKVÆMT skoðanakönnun sem Skáís framkvæmdi fyrir Stöð 2
dagana 5. og 6. janúar fengi Sjálfstæðisflokkurinn 44,1% atkvæða
ef gengið yrði til alþingiskosninga nú, Framsóknarflokkur 20%, AI-
þýðuflokkur 12,3%, Alþýðubandalag 11,5% og Kvennalisti 9%.
Fylgi flokkanna er mjög mismun-
andi eftir landshlutum. Þannig
fengi til dæmis Sjálfstæðisflokkur
52,3% atkvæða í Reykjavík, sam-
kvæmt könnuninni, Álþýðuflokkur
20,7% atkvæða á Reykjanesi og
Framsóknarflokkur 32,9% atkvæða
á landsbyggðinni.
Við framkvæmd könnunarinnar
var hringt í 750 númera úrtak og
spurningum beint til þeirra sem
svöruðu í síma og'voru 18 ára og
eldri. Alls náðist-í 79,1% úrtaksins
og voru _ niðurstöðurnar leiðréttar
eftir aldri og kyni.
Tölvuspá var gerð um fjölda og
dreifingu þfngsæta. Samkvæmt
henni hlyti Alþýðuflokkur 8 þing-
menn, Framsóknarflokkur 13-15
þingmenn, Sjálfstæðisflokkur
28-29 þingmenn, Alþýðubandalag
7 þingmenn og Kvennalisti 6 þing-
TTienrn—--------------------
Ijlli
íbúar Krókatúns 3 með umhverfisverðlaunin.
Morgunblaðið/Steinunn osk Kolbeinsdóttir
Umhverfisverðlaun afhent
Hvolsvelli.
Fyrir nokkru voru veitt Um-
hverfisverðlaun Hvolhrepps
fyrir árið 1990. Verðlaunað er
fyrir umhirðu, snyrtimennsku
og fegrun umhverfisins.
Að þessu sinni komu verðlaunin
í hlut íbúanna í Krókatúni 3,
þeirra Brynju Döddu Sverrisdótt-
ur, Hafþórs Bjarnasonar og barna
þeirra. Garður þeirra þótti bera
af þetta árið og ber umhyggju og
natni eigendanna gott vitni. Mest-
an svip á garðinn setur handverk
húsbóndans, gamaldags vatns-
brunnur og sérstæð og frumleg
fuglahús. Þessir hlutir gera það
að verkum að garðurinn nýtur sín
vel jafnt á sumri sem vetri. Snjó-
tittlingar kunna auk þess vel að
meta fuglahúsið þar sem þeim er
gefið.
Verðlaunaafhendingin fór fram
í Hvolnum að viðstaddri hrepps-
nefnd og dómnefnd. — SÓK
Forsætisráðherra um vaxtahækkun ríkisvíxla:
Undirstrikar þörfina á að
raunvextir verði lækkaðir
STEINGRÍMUR Hermannsson
forsætisráðherra segir að vaxta-
hækkun ríkisvíxla undirstriki þörf
á að lækka raunvexti og Seðla-
bankinn eigi að sjá til þess að
raunvextir verði ekki hærri en í
helstu viðskiptalöndum okkar.
„Ég tel að það eigi að lækka raun-
vextina. Það er búið að sýna sig, af
reynslu hér og alls staðar annars
staðar, að raunvextir koma ekki að
gagni til að draga úr þenslu fyrr en
fyrirtækin verða gjaldþrota,“ sagði
Steingrímur Hermannsson við Morg-
unblaðið.
I'jármálaráðuneytið hefur hækkað
almenna vexti á ríkisvíxlum úr 10%
í 11%, og að auki eru 1% viðbótar-
vextir til banka og annarra stórkaup-
enda. Ástæða þessarar hækkunar
var - almenn hækkun nafnvaxta
banka og sparisjóða. Síðustu dagana
fyrir áramót var einnig boðið 1,5%
álag á vexti til stórkaupenda en það
tilboð stóð aðeins fram að áramótum.
„Þetta eru eins og krakkar í sand-
kassaleik. Hver eltir annan og kenn-
ir hinum um,“ sagði Steingrímur en
hann hefur gagmýnt vaxtahækkanir
bankanna harðlega.
„Að vísu segja þeir, að fyrir ára-
mótin hafi streymt fjármunir úr ríkis-
sjóði, 4-5 milljarðar á 2-3 dögum,
en það náðist inn aftur og komið var
í veg fyrir að taka þyrfti erlend lán
til að ná saman endum. En ég hef
nú talið að það mætti lækka vextina
í' fyrra horf núna. Hins vegar er
þetta skýringin, að þeir selji ekki
ríkisvíxlana í þessu kapphlaupi, sem
er byijað aftur eins og árið 1987 og
verður að stöðva, hvað sem frjáls-
hyggjumenn segja. í mínum huga
er þetta enn ein undirstrikun undir
það, að Seðlabankinn verður að full-
nægja 9. grein Seðlabankalaganna
og sjá til þess áð raunvextir verði
ekki hærri hér en í okkar helstu við-
skiptalöndum. Bankinn er með bréf
frá okkur um það, og ég vænti þess
að heyra frá honum Ójótlega,“ sagði
Steingrímur Hermannsson:
Már Guðmundsjjon efnahagsráð-
gjafi fjármálaráðherra sagði að nú
væri viss hætta á að raunvextir tækju
stökk upp á við, m.a. vegna mikillar
lánsfjáreftirspurnar ríkissjóðs og
ýmissa tappa í fjármögnun húsnæði-
skerfisins,- -„Það verður ekki komið í
veg fyrir það nema með samræmdum
aðgerðum ríkissjóðs, Seðlabanka og
fleiri aðila,“ sagði Már, en bætti við
að þar með væri hann ekki að segja
að ástæða væri til að grípa til að-
gerða til að lækka núverandi vexti.
ÚR DAGBOK
LÖGREGLUNNAR í REYKJAVÍK:
7. janúar 1990.
í heild má segja að helgin hafi
verið óvenju róleg. Einungis voru
skráðar 416 bókanir frá föstu-
dagsmorgni til mánudagsmorg-
uns. Af þessum bókunum voru
53 beinlínis, vegna ölvunar, 28
vegna umferðaróhappa (þar af 2
umferðarslys), 94 vegna umferð-
arlagabrota og 21 vegna aðstoðar
ýmiss konar, auk þess sem skrán-
ingarnúmer voru ljarlægð af 33
ökutækjum vegna vanrækslu eig-
enda þeirra að færa þau til aðal-
skoðunar á sl. ári.
Umferðarslysin urðu á föstu-
dágsmorgun þegar árekstur
tveggja bifreiða varð á gatnamót-
um Sóleyjargötu og Njarðargötu,
og á föstudag þegar bifreið valt
út af Þingvallarvegi gegnt Stard-
al. í fyrra tilvikinu var tvennt flutt
á slysadeild en fimm í því síðara.
Tilkynnt var um 8 þjófnaði og
8 innbrot. Reiðhjóli var stolið frá
húsi við Álfheima, bjór og gosi
úr húsi á Seltjarnarnesi, pening-
um úr penirrgakassa pylsuvagns
í Austurstræti, dekki úndan bíl í
Skeiðarvogi, 22 cal. riffli úr húsi
í Breiðholti, bensíni af bíl á Selt-
jarnarnesi og vínflösku úr kjallara
húss í Breiðholti. Brotist var inn
í hús í Grafarvogi, í verslun í
Kringlunni, í hús í Barmahlíð, í
bíl í Ánalandi, í verslun við Hjarð-
arhaga, í bíl við Flúðasel, í
geymslu húss við Grettisgötu og
í fyrirtæki í Súðarvogi.
Tilkynnt var um 7 líkamsmeið-
ingar. Maður var handtekinn eftir
að hafa veist að starfsmanni versl-
unar í Kringlunni á föstudags-
kvöld. Þrír menn voru handteknir
eftir slagsmál í Aðalstræti á föstu-
dagsnótt. Tveir menn voru fluttir
á slysadeild eftir átök í húsi í Þing-
holtunum. Þrír voru handteknir
eftir slagsmál á Vesturgötu við
Grófina á laugardagsnótt og maðr
ur var handtekinn eftir átök við
Reykjavíkurapótek sömu nótt. Þá
var maður handtekinn eftir að
hafa veitt kvenmanni áverka í
húsi á sunnudagsmorgun.
Tilkynnt var um 8 skemmdar-
verk og 6 rúðubrot. M.a. var
stungið á hjólbarða bíls á bifreiða-
stæði við Vesturberg, bílar voru
skemmdir við Hverfisgötu, við
Austurbrún, við Lækjargötu, við
Hraunbæ, á Grettisgötu og við
Öldugranda. Þá voru unnin
skemmdarverk á símaklefa við
Kirkjustræti. Rúður voru brotnar
í bíl í Austurstræti, í verslun við
Hafnarstræti, í húsi við Spítal-
astíg, í húsi við Stangarhyl, í
húsi við Grundarstíg og í verslun
við Hverfisgötu.
11 ökumenn, sem stöðvaðir
voru um helgina, eru grunaðir um
ölvun við akstur.
Einhver sagði að gefnu tilefni
að rétt væri að forðast boð og
bönn, enda sýndi reynslan, að slíkt
leiddi alltaf til spillingar. Það má
til sanns vegar færa að afbrot séu
einungis talin slík þegar þau
bijóta í bága við boð og bönn.
Ef engin boð væru til og engin
bönn, væru engin afbrot. En það
er ekki þar með sagt að afleiðing-
arnar væru ekki þær sömu eða
jafnvel verri... óskipulögð af-
brotavarnastarfsemi er þannig
talin auka líkur á að þeir, sem
aðhyllast óskipulagt fijálsræði á
sem flestum sviðum, nái settum
markmiðum með þeim afleiðing-
um sem því fylgir. Hins vegar er
skipulögð afbrotavarnastarfsemi
viðleitni og einn af grundvallar-
þáttunum til viðhalds frelsi og
fijálsræði innan ákveðins ramma
gildandi laga og réttar. Hún bygg-
ir að miklu’ leyti á eðlilegum boð-