Morgunblaðið - 23.04.1991, Blaðsíða 28
MORGUNBLAÐIÐi ÞRIÐJUDAGUR 23. APRIL 1991
H VESTURLAND Fylgi stjórnmálaflokka
fcy í Alþingiskosningum 1983, 1987 og 1991
DANFRÍÐUR
SKARPHÉÐINSDÓTTIR:
Undrandi á
úrslitunum
„ÉG ER mjög undrandi á því að
Sjálfstæðisflokkurinn án stefnu-
skrár skyldi fá tvo fulltrúa
kjörna og sá hljómgrunnur sem
við höfum fengið í orði hefur
ekki skilað sér á borði,“ sagði
Danfríður Skarphéðinsdóttir
Samtökum um kvennalista, en
listinn tapaði þingsæti sínu í
Vesturlandskjördæmi til Sjálf-
stæðisflokks.
Danfi'íður sagðí
að úrslitin á
landsvísu væru
eins og búist hefði
verið við. Hún
kvaðst undrast
uppsveiflu Al-
þýðubandalagsins
þar sem flokkur-
inn hefði sýnt það
á þessu kjörtíma-
bili að hann skirrðist ekki við að
taka allan rétt af launþegum ef svo
ber undir.
Danfríður sagði að starfi
Kvennalistans á Vesturlandi væri
ekki lokið þrátt fyrir þessi úrslit.
„Ein leið í kvennabaráttu er að
bjóða fram til Alþingis en það er
svo ótal margt annað sem þarf að
gera. Ég hef persónulega ekki tek-
ið neina ákvörðun um mína framtíð,
það e_r svo stutt síðan úrslitin urðu
ljós. Ég er nokkuð undrandi á þess-
ari stundu á úrslitunum og hefði
talið það mikilvægt að sú reynsla
sem ég og Málmfríður Sigurðar-
dóttir höfum í okkar kjördæmum
og málefnum hefði nýst áfram,“
sagði Danfríður.
STURLA
BÖÐVARSSON:
Morgun-
blaðið gerði
okkur grikk
„ÉG er mjög ánægður með úrslit-
in í okkar kjördæmi. Við náðum
því sem við stefndum að, fyrsta
þingsætinu og tveimur mönn-
um,“ sagði Sturla Böðvarsson
Sjálfstæðisflokki, fyrsti þing-
maður í Vesturlandskjördæmi.
Sturla sagði að
samhentur fram-
boðslisti hefði skil-
að fylgisaukningu
Sjálfstæðisflokks-
ins í kjördæminu.
„Einhugur um list-
ann skipti veru-
legu máli og svo
einnig áhersla sú
sem við lögðum á
atvinnumál hér í kjördæminu,"
sagði Sturla. Hann sagði að nú
yrði að láta á það reyna að hvaða
samkomulagi yrði komist með hin-
um flokkunum, en það yrði að
ganga hart fram í því að Sjálfstæð-
isflokkurinn myndaði næstu ríkis-
stjórn.
Hann sagði að sjávarútvegsmálin
hefðu verið ofarlega á baugi og það
hefði vakið mikla athygli þegar
Alþýðubandalagið fékk Guðjón A.
Kristjánsson frambjóðanda Sjálf-
stæðisflokksins á Vestfjörðum til
að skrifa upp á nýjar hugmyndir
flokksins um auðlindaskatt og
skrapdagakerfi. Kjósendur hefðu
tekið það mjög hátíðlega þegar
Morgunblaðip hefði skrifað um
þetta mál. „Ég tel að Morgunblaðið
hafi gert Sjálfstæðisflokknum mik-
inn grikk í þessari kosningabaráttu
bæði með skrifum um sjávarútvegs-
málin og þegar blaðið hefur látið
að því liggja að það skorti eitthvað
á stefnu hjá flokknum. Á landsfund-
inum var samþykkt ályktun um
heildarendurskoðun á sjávarútvegs-
stefnunni og tengsl fiskveiða,
vinnslu og sölumála og flokkurinn
gekk til þessara kosninga með
skýra stefnu," sagði Sturla.
Sturla sagði að það legðist vel í
sig að hefja störf á Alþingi þótt á
vissan hátt fylgdi því nokkur kvíði.
„Þetta eru mjög erfið viðfangsefni
sem tekist er á við á þingi. Störf
bæjarstjóra eru töluvert ólík þing-
störfum,“ sagði Sturla.
JÓHANN
ÁRSÆLSSQN:
Þingstörf
leggjast vel
í mig
„VIÐ fengum mjög góða kosn-
ingu í kjördæminu, veruleg fylg-
isaukning frá 1987 og ég þakka
það helst mikilli samstöðu um
listann. Það var allstaðar góður
baráttuandi og margir sem tóku
þátt í starfínu,“ sagði Jóhann
Ársælsson Alþýðubandalagi,
þriðji þingmaður Vesturlands-
kjördæmis.
„Okkar mál-
flutningur virtist
ná í gegn. Við vor-
um með nýjar hug-
myndir um stjórn-
un fiskveiða í þess-
ari kosningabar-
áttu og ég tel að
þær hafi skipt
máli og gert okkur
gildandi í þessum
umræðum. Ég efaðist aldrei um að
þessar hugmyndir sem höfðu verið
til umræðu milli manna úr ýmsum
flokkum kæmu inn í umræðuna í
Morgunblaðinu. Með því að setja
saman þessa grein við tveir, þ.e.a.s.
ég pg Guðjón A. Frjðriksson, átti
ég von á umræðu í kjölfarið. Til-
gangurinn er að finna einhvetja
þverpólitíska samstöðu um að
breyta núverandi kerfi,“ sagði Jó-
hann/
Jóhann sagði að það legðist vel
í sig að hefja störf á þingi, hann
hefði lengi verið viðloðandi félags-
málastörf en hann hefur starfað
sem skipasmiður í sjálfstæðum
verkefnum á Akranesi. „Ef ég get
einhvers staðar komið á framfæri
sjónarmiðum skipasmíðaiðnaðarins
mun ég örugglega gera það. Þetta
er sá iðnaður sem við megum
skammast okkar fyrir að hafa ekki
öflugri því þetta er stærsti heima-
markaður sem við eigum á iðnaðar-
sviðinu,“ sagði Jóhann.
GUÐJÓN
GUÐMUNDSSQN:
Góð kosning
að fá 26
þingmenn
„ÞETTA er góð kosning að fá
26 þingmenn en ég gerði ráð
fyrir að Sjálfstæðisflokkurinn
fengi þó um 40% í heildina,"
sagði Guðjón Guðmundsson
Sjálfstæðisflokki sem komst inn
sem jöfnunarþingmaður Vestur-
landskjördæmis.
„Sem þingmað-
ur Vesturlands-
kjördæmis mun ég
beita mér fyrir úr-
bótum í atvinnu-
málum í kjördæm-
inu, en ástandið í
þeim efnum er
heldur bágborið.
Atvinnumál eru
mjög þýðingar-
mikil í þessu kjördæmi," sagði Guð-
jón. Haifn sagði að mest fólksfækk-
un hefði orðið í Vesturlandskjör-
dæmi og það væri þróun sem þing-
menn kjördæmisins yrðu að snúa
við.
„Við leggjum áherslu á að kom-
ast í stjórn og ég hef enga trú á
því að þessi stjórn hangi saman á
einum þingmanni. Ég held að Sjálf-
stæðisflokkurinn hljóti að koma til
með einhveijum öðrum þingflokki,"
sagði Guðjón.
Hann sagði að það yrði töluverð
breyting á sínum högum við að
fara inn á þing en hann hyggst búa
áfram á Akranesi. „Ég held það sé
til bóta fyrir þingmenn að búa í
sínu kjördæmi og halda sem bestu
sambandi við fólkið svo eru vega-
lengdirnar ekki miklar hér á milli,“
sagði Guðjón.
INGIBJÖRG
PÁLMADÓTTIR:
Spennandi
kosningar
„ÞETTA voru mjög spennandi
kosningar.- Úrslitin voru ekki
mjög óvænt en það gat allt
gerst,“ sagði Ingibjörg Pálma-
dóttir, 2. þingmaður Framsókn-
arflokks í Vesturlandskjördæmi.
Framsóknar-
flokkurinn jók
tæpum 3% við
fylgi sitt á Vest-
urlandi og þakkaði
Ingibjörg það
meðal annars
stuðningi bænda
við annan mann á
lista Framsóknar-
flokksins, Sigurð
Þórólfsson. j&x,
„Ég býst við því að það verði
mikil breyting á mínum högum við
það að setjast á þing. Ég er ijög-
urra barna móðir, en ég er samt
nokkuð vel í sveit sett hvað varðar
samgöngur. Þetta leggst vel í mig,
ég hef verið í bæjarmálunum síðan
1982 og verið á kafi í pólitík og
ég hlakka til að takast á við nýjá
hluti,“ sagði Ingibjörg.
Hún var ánægð með útkomu
Framsóknarflokksins í kosningun-
um og sagði að miðað við þau erf-
iðu mál sem flokkurinn hefði þurft
að taka á í 20 ára stjórnartíð þá
mætti túlka úrslitin sem sigur
Framsóknarflokksins. „Ég vil
áframhaldandi vinstristjórn sömu
flokka og á alveg eins von á því
að svo verði. Ég er að vona að Jón
Baldvin sofi úr sér löngunin til að
starfa með Sjálfstæðisflokknum,
hann hefur svo lítið sofið að undan-
förnu,“ sagði Ingibjörg.
Strætó
Heimaey
V estmannaeyj u m.
STRÆTIS VAGN hóf áætlunar-
akstur í Vestmannaeyjum á
föstudag en rekstrinum var
síðan hætt í gærkvöldi.
Ekki voru rekstrarörðugleikar
ástæða þess að akstrinum var
hætt heldur var strætisvagna-
akstur þessi ein af uppákomum
í kosningabaráttu stjórnmála-
flokkanna í Eyjum. Eyveijar, fé-
lag ungra Sjálfstæðismanna,
leigði vagninn af fastalandinu, til
að aka í Eyjum þessa tvo daga,
og gáfu fyrirtækinu nafnið
Strætó Heimaey. Ferðir með
vagninum voru fríar og kunnu
Eyjamenn vel að meta þessa þjón-
ustu. Sérstaklega voru börnin
ánægð með þetta uppátæki og
sum þeirra fóru vart úr vagninum
meðan hann gekk.
Grímur
VESTFIRÐIR Fylgi stjórnmálaflokka
í Alþlngiskosningum 1983, 1987 og 1991
. r. i
i ■ M !
5-
A
V ASrir
JÓNA YALGERÐUR
KRIST JÁN SDÓTTIR:
Mjög ánægð
með að hafa
komist inn
„ÉG er auðvitað mjög ánægð með
að hafa náð þeim árangri að
komast inn, og að nú eigi Vest-
firðingar þingmenn í öllum
flokkum. Búsetuskilyrði hér eru
erfið og þingmennirnir þurfa að
koma því á að jafna orkuverð,
en við verðum að líta á auðlind-
irnar í jörðinni sem sameign
þjóðarinnar eins og auðlindirnar
í hafinu, og þær þurfa að deilast
með einhverri jöfnun. Einnig
þarf að byggja upp fjölbreytni í
atvinnulífinu á Vestfjörðum svo
fólk hafi um meira að velja við
að búa hér,“ sagði Jóna Valgerð-
ur Kristjánsdóttir, þingmaður
Kvennalistans í Vestfjarðakjör-
dæmi.
Jóna Valgerður
var ekki langt frá
því að komast inn
á þing í alþingis-
kosningunum
1987, en þá var
hún í fyrsta sæti á
lista Þjóðarflokks-
ins, sem fékk
11,1% fylgi á
Vestfjörðum. „Það
fylgi hefur reyndar ekki skilað sér
allt í kosningunum nú, en ég held
að þarna sé að einhveiju leyti mitt
persónufylgi að ræða. Kvennalist-
inn hefur þó verið í uppsveiflu á
Vestfjörðum, og ég hef fundið að
fólk hefur verið lilynnt málflutningi
okkar. Á landsvísú er það alveg í
járnum að Kvennalsitinn standi, en
ég tel að við höfum allar unnið vel
í þessari kosningabaráttu.“
EINAR K.
GUÐFINNSSON:
Atkvæða-
magnið
stórsigur
„ÉG er mjög ánægður með at-
kvæðamagnið hjá okkur í kjör-
dæminu, sem er ekkert minna
en stórsigur, og bendi á að úrslil-
in hérna eru þau hagstæðustu
síðan 1974. Við settum okkur það
markmið að ná inn þriðja manni
á listanum, og það vantaði ekki
mikið upp á að það tækist. Þetta
eru því mjög ánægjuleg úrslit,“
sagði Einar K. Guðfinnsson,
þingmaður Sjálfstæðisflokksins í
Vestfjarðakjördæmi.
Einar sagði ljóst
að úrslitin fyrir
Sjálfstæðisflokk-
inn á landinu í
heild væru mjög
misjöfn, en þing-
mannatalan væri
þó nálægt því sem
hann hefði gert sér
í hugarlund fyrir
kosningarnar.
„Það er ekki hægt að segja annað
en að staða flokksins hafi styrkst
mjög við þessar kosningar."
Hann sagði að nú þegar hann
tæki sæti á Alþingi sem þingrnaður
Vestfirðinga væri sér ofarlega í
huga ýmis hagsmunamá! Vest-
ijarðakjördæmis. Nefndi hann sérs-
taklega atvinnumál, samgöngumál
og sjávarútvegsmál, en ekki síst
jöfnun orkuverðs.