Morgunblaðið - 23.04.1991, Blaðsíða 4
ífókfWMjáy ÞálÐjtíÖÁ&tjR ‘23. ÁPRÍL '1991
*
Isafjarðarkirkja:
Niðurtaka stöðvuð
Agreiningur milli sóknarnefndar og húsfriðunarnefndar
ísafirði.
SÓKNARNEFND ísafjarðar áformaði að hefja niðurtöku ísafjarðar-
kirkju í morgun, þriðjudag, en vegna ágreinings við húsfriðunar-
nefnd ríkisins hefur verið ákveðið að fresta því til 2. maí. Nú eru
tæp fjögur ár síðan kirkjan brann. Kirkjulegar athafnir í ísafjarðar-
sókn hafa farið fram í samkomusal menntaskólans.
Mikil átök hafa verið um málefni
kirkjunnar allt frá því hún brann í
júlí 1987. Eftir að athuganir höfðu
farið fram á kirkjunni eftir brunann
var ákveðið að hefjast handa við
byggingu nýrrar kirkju, þar sem
sú sem brann var bæði mikið
skemmd og talin of lftil. Sóknar-
nefnd lét í framhaldi af því hanna
kirkju á lóð handan götunnar, en
þegar sú-teikning var sýnd almenn-
ingi kom upp mikil andstaða við
þær hugmyndir, sem endaði mað
því að aðalsafnaðarfundur ákvað
að láta teikna nýja kirkju á grunni
þeirra gömlu, en hún yrði flutt í
burtu. Sóknamefnd klofnaði í af-
stöðu sinni til kirkjubyggingarinn-
ar, meirihlutinn vildi láta teikna
nýja kirkju á stækkaðri lóð þeirrar
gömlu og á lóðum austan kirkjunn-
ar sem keyptar höfðu verið í því
augnamiði, samkvæmt forsögn sem
nefndin lét semja. Minnihlutinn viidi
að gamla kirkjan yrði endurbyggð
að hluta og stækkuð og safnaðar-
heimili byggt sér.
Meirihlutinn ákvað að bjóða til
samkeppni um hönnun kirkjunnar
en minnihlutinn fékk húsfriðunar-
nefnd til að senda teikningar af
fyrirhugaðri stækkun. Samkeppnin
um hönnunina fór aldrei af stað þar
sem stjórn Arkitektafélagsins neit-
aði að senda út gögn, þar sem hún
taldi að lóðamál kirkjunnar væru
ekki leyst. Um- áramótin ítrekaði
sóknarnefndin ákvörðun sína um
að byggja nýja kirkju á lóð þeirrar
gömlu og tilkynnti jafnframt hús-
friðunarnefnd um málið og ítrekaði
lögsögu sína í málinu. Jafnframt
var ákveðið að taka gömlu kirkjuna
niður til varðveislu þar til úr því
fengist skorið hver bæri fjárhags-
lega ábyrgð á varðveislu hennar.
Síðan hefur verið unnið að fram-
gangi málsins og er búið að rífa
hluta þeirra húsa sem stóðu á lóðun-
um við Sólgötu og laust dót hefur
verið íjarlægt úr kirkjunni.
Formaður húsfriðunarnefndar er
erlendis og ritari nefndarinnar sagði
Morgunblaðinu að á þessu stigi
málsins vildi nefndin ekkert láta
hafa eftir sér um málin en fundur
hefur verið boðaður hjá nefndinni
á morgun.
Nú fara allar kirkjulegar athafn-
ir á ísafirði fram í samkomusal
menntaskólans.
- Úlfar
VEÐUR
ÍDAG kl. 12.00
Heimild: Veðurstofa islands
(BlfggtávaöurspáKl. I6.15lgær)
I/EÐURHORFUR í DAG, 23. APRÍL
YFIRLIT: Við vesturströnd íslands er allvíðáttumikil 988 mb lægð
sem þokast suðaustur, en vaxandi hæð fyrir vestan Grænland á
austurleið. Heldurmun kólna íveðri, fyrstvestan- og norðanlands.
SPÁ: Sunnan- og suðvestanátt, kaldi eða stinningskaldi með all-
hvössum eða hvössum skúrum eða slydduéljum um mest allt land
fram á nóttina en gengur þá í norðaustanátt. Hvassviðri eða storm-
ur á vestanverðu landinu með éljum þegar líður á nóttina. Annars
staðar verður mun hægara og úrkomuminna. Veður fer kólnandi
og verður vægt frost norðan- og vestanlands á morgun. Sunnan-
og suðaustanlands má búast við 1-2 stiga hita.
VEÐURHORFUR NÆSTU DAGA:
HORFUR Á MIÐVIKUDAG OG FIMMTUDAG: Norðaustanátt um
allt land. Éljagangur um norðanvert landið en skýjað og úrkomu-
lítið sunnanlands. Heldur mun kólna í veðri.
y, Norðan, 4 vindstig:
^ Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
r r r
f f f f Rigning
r r r
* r *
r * r * Slydda
r * r
* * *
* * * * Snjókoma
* * *
10 Hitastig:
10 gráður á Celsíus
SJ Skúrir
*
V
Él
— Þoka
= Þokumóða
’, ’ Súld
OO Mistur
—j- Skafrenningur
Þrumuveður
VEÐUR V 'IÐA UM HEIM
kl. 12.00 í gær að fsl. tíma
hltl veður
Akureyri 8 alskýjað
Reykjavik 5 snjóél
Bergen 6 skýjað
Helsinki 3 snjóél
Kaupmannahöfn 3 rigning
Narssarssuaq léttskýjað
Nuuk +7 snjókoma
Ósló 7 alskýjað
Stokkhólmur 5 skýjað
Þórshöfn S alskýjað
Algarve 17 skýjað
Amsterdam 8 haglél
Barcelona vantar
Berlín 9 skýjað
Chicago 2 heiðskírt
Feneyjar 11 skúrir
Frankfurt 7 rigning
Glasgow 9 skýjað
Hamborg S alskýjað
Las Palmas vantar
London 10 hálfskýjað
Los Angeles 13 skýjað
Lúxemborg 3 rigning
Madrfd vantar
Malaga vantar
Mallorca vantar
Montreal 6 rigning
New York 6 skúrir
Orlando 16 þokumóða
París 7 rigning
Róm 14 léttskýjað
Vfn 9 skýjað
Washington 9 alskýjað
Winnipeg 1 snjókoma
Morgunblaðið/Úlfar Ágústsson
Sigurður Finnbogason Iandformaður á Guðnýju ÍS með steinbít-
inn sem veiddist á mb. Guðnýju í síðustu viku. Bandspottinn er
kyrfilega bundinn svo fiskurinn geti ekki með nokkru móti losn-
að við hann.
Snærisspotti hengdur
við haus steinbítsins
og fisknum svo sleppt
ísafirdi.
EINHVER hefur gert sér leik að gera gat 1 hnakka steinbítsins
og draga þar í gegn bandspotta og binda fastan og hent siðan
steinbítnum í sjóinn aftur. Landmennirnir á Guðnýju sem sýndu
fréttaritara fiskinn töldu að hann hefði verið með þráðinn í sér
i nokkurn tíma, jafnvel marga mánuði.
Steinbíturinn kom á línuna hjá
Guðnýju síðastliðinn miðvikudag
á miðunum út af Barða. Þótti sjó-
mönnum misvel við sladdann eins
og vestfirskir sjómenn kalla oft
steinbítinn, þá var heitt í mönnum
í beitingaskúrunum hjá Guðnýju.
Fannst þeim þetta lítilmannlegar
aðgerðir og vildu þeir að eigand-
inn eins og þeir kölluðu þann sem
verknaðinn vann, kæmi og sækti
fiskinn. Þeir sögðust lifa af fisk-
veiðum og sladdinn væri þeirra
lifibrauð. Það kemur við menn að
sjá illa meðferð á dýrum og eru
þar fiskarnir engin undantekning.
Það er til marks um lífseiglu stein-
bítsins að hann hlýtur að hafa
verið nokkurn tíma uppi á dekki
á meðan verið var að misþyrma
honum og síðan hefur hann mátt
dragnast með bandspottann úr
gerviefni í opnu sárinu.
- Úlfar
Áfengisútsölur heimil-
aðar á tveimur stöðum
KJÓSENDUR á Eskifirði og í
Stykkishólmi samþykktu í at-
kvæðagreiðslu samhliða alþingis-
kosningunum að heimila opnun
áfengisútsölu í kaupstöðunum.
Kjósendur á Ólafsfirði felldu slíka
heimild. Umsóknir um opnun
áfengisútsölu verða teknar til at-
hugunar lijá ÁTVR en ekki er
sjálfgefið að vínbúðir verði opnað-
ar, að sögn Þórs Oddgeirssonar
hjá ÁTVR.
Ölgerðin Egill
Skallagrímsson:
Auka framboð
á glerflöskum
FORRÁÐAMENN Ölgerðarinnar
Egils Skallagrimssonar hafa
ákveðið að auka á ný framboð á
gosdrykkjum og bjór í margnota
glerflöskum, í stað plastflaskna
og áldósa. Að sögn Lárusar Berg
Sigurbjörnssonar, framkvæmda-
stjóra hjá Agli, telja ölgerðarmenn
þetta þjóðhagslega hagkvæmt og
umhverfinu í hag.
Lárus sagði að sala á diykkjum í
margnota glerflöskum hefði aukizt
að undanförnu. Fyrirtækið teldi það
jákvætt og vildi ýta undir þá þróun.
Miklu fé væri sóað með því að farga
umbúðum eftir eina notkun, á meðan
hægt væri að nota glerflöskur 25-35
sinnum.
Á Eskifirði greiddu 524 kjósendur
atkvæði. Fylgjandi áfengisútsölu
voru 264 eða 50,4% en andvígir voru
238 eða 45,4%. Auðir og ógildir
seðlar voru 22. Að sögn fréttaritara
Morgunblaðsins á Eskifirði var óán-
ægja meðal þeirra sem greiddu at-
kvæði utankjörstaðar að fá ekki að
taka þátt í atkvæðagreiðslunni.
í Stykkishólmi tóku 650 þátt í
atkvæðagreiðslunni. 368 eða 56,6%
voru fylgjandi opnun áfengisútsölu
en 261 eða 40,2% á móti. Auðir
seðlar og ógildir voru 21.
Ólafsfirðingar felldu tillögu um
opnun áfengisútsölu. Fylgjandi voru
266 eða 42,8% en andvígir 334 eða
53,7%. Auðir og ógildir seðlar voru
12.
Ekki er sjáifgefið að Áfengis- og
tóbaksverslun ríkisins opni áfengis-
útsölu í Stykkishólmi og á Eskifirði
þó íbúamir hafi heimilað það. Þór
Oddgeirsson aðstoðarforstjóri ÁTVR
sagði að bæjarstjórnir viðkomandi
bæja muni væntanlega óska eftir því
við fjármálaráðherra að fá áfengisút-
sölu og beiðnin yrði síðan tekin til
athugunar hjá ÁTVR. Hann benti á
að enn hefði ekki verið ákveðið að
opna útsölur í nokkrum kaupstöðum
þó bæjarstjómirnar hefðu óskað þess
að undangenginni almennri at-
kvæðagreiðslu. Nefndi hann Borgar-
nes, Grindavík, Blönduós, Mosfells-
bæ og Garðabæ í þessu sambandi.
Hann sagði umsóknir væru skoðaðar
með hliðsjón af aðstæðum en ekki
væri talið að ÁTVR væri skylt að
verða við þessum óskum.