Morgunblaðið - 16.07.1991, Blaðsíða 22

22
MORGUNBLAÐIÐ ÞRIÐJUDAGUR 16. JÚLÍ 1991
MORGUNBLAÐIÐ ÞRIÐJUDAGUR 16. JULl 1991
23
Tónlist í listasafni Sigurjóns
Hildígunnur Halldórsdóttir og Anna Guðný Guðmundsdóttir.
Á þriðjudagstónleikum í Lista-
safni Sigurjóns Ólafssonar 16. júlí
kl. 20.30 leika þær Hildigunnur
Halldórsdóttir og Anna Guðný
Guðmundsdóttir tónlist fyrir fiðlu
og pianó. Á efnisskrá er sónata í
A-dúr KV 526 eftir W.A. Míozart,
Duo Concertant eftir Igor Stra-
vinskij ogtvö lög eftir Henri Wien-
iawsky.
Hildigunnur Halldórsdóttir lauk
einleikaraprófi frá Tónlistarskólan-
uni í Reykjavík árið 1987 en kennar-
ar hennar voru Mark Reedman og
Guðný Guðmundsdóttir. Hildigunnur
hefur síðan stundað nám við East-
man School of Music í Rochester,
Bandaríkjunum, þar sem hún lauk
BM-prófi vorið 1990 og hún stundar
nú framhaldsnám í fiðluleik við sama
skóla með söng sem aukagrein. Aðal-
kennarar hennar ei-u Catherine Tait,
Jean Barr, félagar úr Cleveland
kvartettinum, Abraham Loft og John
Graham. Hildigunnur hefur leikið
með Sinfóníuhljómsveit æskunnar
hér á landi og með unglingahljóm-
sveitum á Nprðurlöndum. Hún var
um tíma í íslensku hjómsveitinni,
hefur leikið í Kammersveit
Reykjavíkur og Sinfóníuhljómsveit
íslands. Frá því Hildigunnur hóf nám
í Bandaríkjunum hefur hún leikið í
Eastman Philmarmonia og farið með
hljómsveitinni um Bandaríkin og til
Þýskalands. Hildigunnur var meðal
flytjenda á Listahátíð í Garðabæ í
júní sl.
Anna Guðný Guðmundsdóttir
píanóleikari lauk burtfararprófi frá
Tónlistarskólanum í Reykjavík árið
1979 og stundaði framhaldsnám við
Guildhall School of Music í London.
Hún er löngu landsþekkt sem einleik-
ari og j samleik, bæði á tónleikum
víða um land og í útvarpi og sjón-
varpi. Hún hefur starfað með ís-
lensku hljómsveitinni frá stofnun
hennar, leikið með Sinfóníuhljóm-
sveit íslands, haldið tónleika erlendis
og leikið inn á hljómplötur. Hún
kennir nú við Tónlistarskólann í
Reykjavík.
Þúsund manna varalið
frá Bandaríkjunum
væntanlegt til landsins
Flutningur Turandot í Verona:
Söng Kristjáns
afar vel tekið
Verona. Frá Sigrúnu Davíðsdóttur, fréttaritara Morgunblaðsins.
NÝ UPPFÆRSLA óperunnar Turandot eftir Puccini var frumflutt í
Verona á Ítalíu á sunnudagskvöld. Kristján Jóhannsson söng aðalkarl-
hlutverkið, Kalaf prins. í samtali við Morgunblaðið í gær sagði Krist-
ján að þetta hefði í raun verið stórsigur fyrir sig, allt hefði gengið
eins og best varð á kosið, en sýningin stöðvaðist eftir að Kristján söng
aðalaríu óperunnar og fleiri þúsund manns hrópuðu „bravó, bravó!“.
Öperan var flutt undir b'erum
himni í 2.000 ára gömlu hringleika-
húsi, Arena di Verona, að viðstöddum
um 15.000 manns. Söng Kristjáns
var gríðarlega vel tekið og er óhætt
að segja að hann hafi verið sá söngv-
aranna sem bestar viðtökur hlaut.
Hlutverk Turandot var sungið af
bandarísku söngkonunni Grace
Bumbry sem fyrir löngu er orðin
víðkunn fyrir söng sinn, ekki síst
fyrir hlutverk Turandot.
Nokkrir íslendingar voru í hópi
áhorfenda, þ.á.m. Fanney Oddgeirs-
dóttir, móðir Kristjáns.
Kristján Jóhannsson
Höggmyndagarður í Hafnar-
firði vígður á Víðistaðatúni
LISTAHÁTÍÐ í Hafnarfirði lauk
s.l. laugardag með formlegri
vígslu Höggmyndagarðs Hafnar-
fjarðar á Víðistaðatúni.
í garðinum hefur verið komið fyr-
ir höggmyndum sem smíðaðar voru
í alþjóðlegu vinnustofunni í Straumi
í maí og júní. Listamennirnir, þar
af níu útlendingar, gáfu verkin og
er áætlað að verðmæti þeirra sé á
bilinu 200-250 milljónir króna.
Höggmyndagarðurinn er fyrsti garð-
ur sinnar tegundar hér á landi. Fyrir
eru þrír höggmyndagarðar en þeir
eru allir í tengslum við söfn þeirra
jafnmörgu listamanna sem í hlut
eiga. Garðurinn á Víðistaðatúni verð-
ur frábrugðinn hinum að því leyti
að þar verða til sýnis nútímalistaverk
eftir marga listamenn.
SJÖTTA reglulega varnaræfing Atlantshafsbandalagsins á íslandi
verður haldin 30. júlí til 7. ágúst næstkomandi. Um eitt þúsund
liðsmenn úr varaliði Bandaríkjahers munu taka þátt í æfingunni
þar sem æfð verður framkvæmd liðsflutninga og vamir hernaðar-
lega mikilvægra staða, einkum með stjórnstöðvaræfingum. Æfing-
ar þessar, sem ganga undir nafninu Norðurvíkingur, hafa verið
haldnar annað hvert ár siðan 1981. Meðal þátttakenda eru liðs-
menn og varaliðsmenn úr landher, flugher og flota Bandaríkjanna,
auk landgönguliða, og strandgæslumanna. Æfingin er haldin á
vegum yfirstjórnar Atlantshafsflota Bandaríkjanna en með sljórn
hennar fer yfirmaður varnarliðsins á Keflavíkurflugvelli, Thomas
F. Hall flotaforingi. Einnig kemur til landsins vegna æfinganna
Edney flotaforingi, yfirmaður Atlantshafshersljórna Bandaríkjanna
og Atlantshafsbandalagsins.
Bandaríkjamennirnir sem fluttir
verða hingað vegna æfinganna eru
úr varaliði því sem ætlað er að
verja ísland á hættu- og ófrið-
artímum, og er að jafnaði staðsett
í Pennsylvaniu í Bandaríkjunum.
Það er skipað mönnum sem ein-
ungis gegna herskyldu einn mánuð
á ári. Alls komu hingað um 1.000
varaliðsmenn, sem er 17% þeirra
landhermanna sem áætlað er að
verði hér á ófriðartímum og 10%
alls herafla hérlendis á ófriðartím-
um.
Sá hluti varnaráætlunarinnar
sem lýtur að vömum alls landsins
verður m.a. æfður með flutningi
hópa varaliðsmannanna með þyrl-
um til allra landsfjórðunga, þ.e.
til ratsjárstöðvanna á Bolafjalli,
Gunnólfsvíkurfjalli og Stokksnesi
svo og á æfingasvæði þyrluflug-
björgunarsveitar varnarliðsins í
uppsveitum Árnessýslu, þar sem
Umsvif Sovétmanna á Kólaskaga:
2 Vi stundar flug
héðan til stærstu
herstöðvar heims
TALIÐ er að hvergi sé jafnmik-
inn hernaðarstyrk að finna og í
herstöðvum Sovétmanna á Kóla-
skaga, sem er stærsta herstöð í
veröldinni. Frá íslandi er þangað
um 2Vi klukkustundar flug eða
um þriggja daga sigling.
Á Kólaskaga eru, samkvæmt
upplýsingum varnarmálaskrifstofu
utanríkisráðuneytisins, staðsett um
70% kjarnorkueldflaugaflota Sov-
étríkjanna og þar eru 7 stórar flota-
stöðvar fyrir kafbáta. Þar eru einn-
ig 9 stórar landherstöðvar og 22
stærri flugvellir með sprengjuheld-
um flugvélaskýlum, 2 stórar stöðv-
ar fyrir kjarnorkukafbáta og 2 flug-
vellir fyrir sprengjuvélar sem borið
geta kjarnorkusprengjur og 2 eftir-
lits- og aðvörunarstöðvar.
Á Kólaskaga er skotsvæði og
stjórnunarkerfi fyrir skammdrægar
kjarnorkueldflaugar. Þar var ný
flotastöð fyrir kjarnorkukafbáta
tekin í notkun 50 km frá norsku
landamærunum um áramótin
1987-1988. Samtals eru 917 orr-
ustuflugvélar, 90 kafbátaleitarflug-
vélar, 110 þyrlur og flutningavélar
staðsettar á eða við Kólaskaga og
6 ratsjárflugvélar.
Þá er talið að uppbyggingu og
endurnýjun hernaðarstyrks á Kóla-
skaga sé haldið áfram meðal ann-
ars á þann hátt að hluti þess her-
afla sem draga átti úr Ungveqa-
landi samkvæmt CFE-samningnum
og laut landher eða flugher, hafi
verið færður á Kólaskaga og felldur
undir stjórn flotans, sem var undan-
skilinn CFE-samningnum.
Talið er að áformað sé að flug-
móðurskipið Kutsnetsoff verði flutt
af Svartahafi til Kólaskaga.
Ekkí rætt um heræfing-
ar í utanríkismálanefnd
- segir starfsmaður varnarmálaskrifstofu
AÐ SÖGN Arnórs Siguijónssonar hjá varnarmálaskrifstofu utanríkis-
ráðuneytisins hefur ekki tíðkast að fjalla um framkvæmd reglubund-
inna heræfinga hér á landi í utanríkismálanefnd. Hann segir að Norð-
urvíkingur 91, séu reglubundnar æfingar, sem haldnar hafi verið
annað hvert ár frá 1981 og taki færri hermenn þátt í þeim nú en
1987 en jafnmargir og 1989.
Hann sagði að ekki væri í raun
um breytingar á, æfingunum að
ræða en kalla mætti það áherslu-
breytingu að æfa aðra nú aðra hluti
í varnaráætlun en það eitt sem lúti
að Keflavíkurstöðinni.
Hann sagði að þótt framkvæmd
æfinganna 1989 hefði ekki verið
kynnt utanríkismálanefnd fyrir-
fram hefði nefndarmönnum verið
afhent skýrsla um þær að þeim
loknum, þar sem fyrirspurnum var
svarað. „Þessar æfingar eru reglu-
bundið og venjubundið verkefni og
það alfarið á vegum utanríkisráð-
herra, með hvaða hætti þær eru
kynntar alþingi," sagði Arnór Sig-
uijónsson.
Morgunblaðið/Þorkell
Gunnar Gunnarsson, sem sæti átti í listahátíðarnefnd, undirritar gjafabréf erlendu listamannanna.
Við hlið hans standa þau Sverrir Ólafsson myndlistarmaður og Sonja Renard, frá Frakklandi, en hún
afhenti gjafabréfin fyrir hönd erlendu listamannanna.
Óiafur Ragnar Grímsson segir heræfingarnar ámælisverðar:
Óskar eftir fundi í utanríkis-
málanefnd um ákvörðunina
Telur ákveðna stefnumótun felast í að æf-
ingar takmarkist ekki við Keflavíkursvæðið
ÓLAFUR Ragnar Grímsson alþingismaður og nefndarmaður í utanrík-
ismálanefnd Alþingis hefur ritað utanríkisráðherra bréf þar sem
hann segir ámælisvert að leyfa svo umfangsmiklar heræfingar Banda-
ríkjanna á íslandi á sama tíma og afvopnun og samdráttur einkenni
þróun mála í okkar heimshluta. Sérstaklega er mótmælt því að ut-
anríkisráðherra hafi ekki tekið málið til umfjöllunar á vettangi ut-
anríkismálanefndar „þótt samkvæmt lögum landsins eigi ríkissljórnin
að hafa samráð við utanrikismálanefnd", segir í bréfi þingmannsins.
Þá segir að óskað hafi verið eftir því við formann utanríkismálanefnd-
ar að nefndin verði þegar kölluð til fundar um þessa ákvörðun.
Ólafur Ragnar sagði í samtali
við Morgunblaðið að í þingskapar-
lögum væru skýr ákvæði um það
að utanríkismálanefnd skuli vera
stjórnvöldum til ráðuneytis um
stefnumótun í utanríkismálum og
hann teldi felast ákveðna stefnu-
mótun í því að heræfingar væru
nú útvíkkaðar þannig að þær væru
nú leyfðar í öllum landshlutum en
ekki takmarkaðar við Keflavíkur-
flugvallarsvæðið. Hann kvaðst þó
ekki vilja nota orðið lögbrot í þessu
sambandi en ítrekaði að það væri
skýrt að hafa ætti samráð við ut-
anríkismálanefnd í tilvikum sem
þessum.
Hann sagðist telja forsendur
breyttar frá 1989 þegar þessar
æfingar voru síðast haldnar með
sama mannafla, en aðeins á
Keflavíkursvæðinu. Ólafur Ragnar
sagði að þá hefði verið degið úr
umfangi æfinganna að frumkvæði
ríkisstjórnarinnar, sem hann sat í.
„Forsendur eru gjörbreyttar að því
leyti að það hernaðarbandalag sem
NATO var stofnað til að veijast er
ekki lengur til, það hefur verið
formlega lagt niður með mikilli við-
höfn og það hefur breyst á þeim
tíma að forseti Bandaríkjanna hefur
lýst því yfir að kalda stríðinu sé
lokið. Hann er nú að velta fyrir
sér, ekki hvernig hann eigi að her-
væðast gegn Sovétríkjunum, heldur
hvað hann eigi að láta þau fá marg-
ar milljónir dollara í fjárhagsað-
stoð,“ ^agði Ólafur Ragnar. í bréf-
inu segir að varnaráætlun sú sem
farið verði eftir í væntanlegri her-
æfingu sé frá þeim tíma þegar
Varsjárbandalagið stóð grátt fyrir
járnum og spurt hvort utanríkis-
ráðuneytið ætli að leyfa heræfingar
sem byggist á heimi fortíðarinnar.
„Hér á Islandi virðist eiga að
halda áfram eins og ógnunin hafi
aukist. Sitji utanríkisráðuneytið
með einhveijar upplýsingar um það,
ber að koma þeim á framfæri við
utanríkismálanefnd og það er þess
vegna alrangt sem segir í tilkynn-
ingu utanríkisráðuneytisins að haft
hafi verið samband við stjórnvöld
sem hlut eiga að máli,“ sagði Ólaf- -
ur Ragnar Grímsson. Hann sagði
að i samtali sínu við formann ut-
anríkismálanefndar í tilefni af þessu
hefðu komið fram hugmyndir um
að halda fund í nefndinni um eða
eftir næstu helgi.
haldin verður björgunaræfing.
Einnig verður m.a. reist og
starfrækt sérstakt færanlegt
sjúkrahús á Keflavíkurflugvelli og
viðgerð flugbrauta verður æfð. Þá
verður björgunaræfíng á sjó og
hópslysaæfing, auk reglubundinna
æfinga flugsveita og fjarskiptaæf-
ing_a.
Á upplýsingafundi hjá varnar-
máladeild utanríkisráðuneytisins
kom fram að heræfingarnar séu
hér litlar að umfangi í samanburði
við aðrar æfíngar á vegum Atl-
antshafsbandalagsins. Venjulega
sé þar um að ræða flutning á
5 - 25 þúsund manna herafla, og
verði 23 æfíngar af þeirri stærð-
argráðu í ár, þar af 11 í Dan-
mörku og Noregi, en hingað komi
1 þúsund manns vegna æfing-
anna, sem sé sami fjöldi og 1989
og heldur færri en 1987. Vegna
lítils umfangs æfínganna séu þær
ekki tilkynningaskyldar sam-
kvæmt Stokkhólmssamkomulagi
RÖSE-ríkjanna.
Með varaliðinu koma til landsins
120 - 130 herlögreglumenn sem
kynnt verður starfsemi lögregl-
unnar í Reykjavík en komi til ófrið-
ar mun herlögreglumönnum, að
sögn talsmanna varnarmálaskrif-
stofu, eingöngu ætlað að greiða
fyrir birgðaflutningum frá
Reykjavíkurhöfn og til varnar-
svæðisins. Reykjavíkurhöfn mun
hafa mikla þýðingu fyrir birgða-
flutninga vegna varna á ófrið-
artímum.
Stærstur hluti, rúmlega 600
varaliðsmenn, verða við stjórn-
stöðvaræfingar þar sem æfðar eru
þær ráðstafanir sem gera þyrfti
við raunverulegar aðstæður, svo
sem framkvæmd varnaráætlunar
og undirbúningur fyrir móttöku
liðsauka.
CH-47 Chinook þyrla, eins og sú sem notuð verður við æfingarnar
og hreinsun Straumnesfjalls.
Hreinsun Straumnesfjalls:
Risaþyrlum púslað
saman í Keflavík
í DAG koma til landsins í tengslum við æfinguna „Norðurvíkingur"
tvær Chinook CH-47 risaþyrlur. Þyrlurnar eru fluttar til landsins í
pörtum og verða þær næstu daga settar saman á Keflavíkurflugvelli.
Ónnur þyrlan fær það hlutverk frá 22. - 26. júlí að annast flutninga
mannafla og tækjakosts upp á Straumnesfjall frá ísafjarðarflugvelli,
en eins og Morgunblaðið hefur greint frá verða þá afmáð ummerki
um gamla bandaríska ratsjárstöð sem starfrækt var á fjallinu til ársins
1960 og var afhent íslenskum sljórnvöldum á árinu 1962. Einnig munu
þyrlurnar flylja það drasl ofan af fjallinu sem ekki verður unnt að urða.
Varnarmálaskrifstofa utanríkis-
ráðuneytisins hefur yfirumsjón með
hreinsuninni í samvinnu við landeig-
endur, umhverfísráðuneyti og nátt-
úruvemdarráð.
Risaþyrlan er fengin til verksins
þar sem ekki er unnt með öðru
móti að flytja nauðsynlegan búnað
upp á fjallið án þess að valda um-
hverfísspjöllum með jarðraski. Meðal
1 annars verða gröfur og ýtur fluttar
upp á fjallið í þyrlunni, sem ber um
8 tonn.
Björgunarsveitir á ísafirði,
Hnífsdal, Súðavík og Bolungarvík,
munu starfa við hreinsunina, alls
40-50 manns, gegn greiðslu, sem
áætlað er að nemi frá 1-1,5 millj-
óna króna, samkvæmt upplýsingum
varnarmálaskrifstofu.
Auk risaþyrlanna verða fluttar
hingað vegna æfínganna 76 bifreið-
ar og 3 þyrlur af gerðinni UH-1
Iroquois.
JMtargtsn&lfifrfr
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
BjörnJóhannsson,.
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1100 kr. á mánuði innanlands. I lausasölu 100 kr. eintakið.
Oleyst vandamál
Palestínumanna
A ð Flóastríðinu loknu virtust
flestir þeirrar skoðunar að eitt
mál umfram annað yrði að leysa,
Palestínumálið. Stríðið hafði að
sönnu ekki snúist beinlínis um þetta
en ýmsir þættir þess tengdust því
og þræðir lágu víða um völl. Tíu
dögum eftir að Saddam Hussein
réðst inn í Kúveit og hernam landið
hélt íraksforseti ræðu þar sem hann
kvaðst mundu hverfa á brott frá
Kúveit jafnskjótt og ísraelar færu
af Vesturbakkanum og frá Gaza og
Sýrlendingar hyrfu frá Líbanon.
Eftir þessa yfírlýsingu varð mikill
stuðningur við Saddam Hussein
meðal Palestínumanna og hann
vakti blendnar tilfinningar hjá
mörgum. Það skyldi þó haft hugfast
Palestínumenn (hér er ekki átt við
PLO) studdu ekki innrásina heldur
litu þeir svo á að með þessu væri
máli þeirra loksins gaumur gefinn
og væntanlega hafa margir Pal-
estínumenn trúað að einlægni lægi
á bak við orðin.
Nú verður einnig að líta á þetta
í samhengi við söguna. Palestínu-
menn hafa verið undirokuð þjóð í
eigin landi síðan ísraelsríki var
stofnað. Þeir höfðu búið á þessu
svæði svo skipti öldum og áttu þar
sínar rætur. Þó svo að Theodore
Herzl sem fyrstur boðaði síonism-
ann — sem felur í sér mjög einfald-
an boðskap, það er að gyðingar
skuli gera sér heimili í Palestínu —
legði áherslu á að þeir fengju að
stofna ríki í Palestínu, hefur sjálf-
sagt hvorki honum né öðrum dottið
í hug í alvöru að gyðingar gætu
orðið herraþjóð í landi þar sem önn-
ur þjóð, Palestínumenn, var fyrir.
Gyðingar í Palestínu um það leyti
sem Herzl kynnti síonismann í Bas-
el 1897 voru teljandi á fingrum sér
og sýndu ekki tilburði til að gera
tilkall til landsins.
Þegar gyðingaofsóknir hófust
enn á ný í Sovétríkjunum upp úr
aldamótunum fóru gyðingar að
flytjast í auknum mæli til Palestínu,
og þeir komu víðar að einkum frá
Bandaríkjunum og nokkrum
Austur-Evrópuríkjum, aðallega Pól-
landi. Palestínumönnum sem voru
fyrir í landinu er varla láandi þó
þeir litu með tortryggni á þetta
aðkomufólk. Ári áður en fyrri
heimsstyijöldinni lauk gaf utanrík-
isráðherra Breta, Balfour lávarður,
út sérstakt plagg og innihald þess
varð afdrifaríkt: þar segir að breska
stjórnin líti á það með velþóknun
að gyðingar eignist framtíðarheimili
í Palestínu en tryggð verði í hvívetna
réttindi íbúa sem fyrireru í landinu.
Eftir að síðari heimsstyijöldinni
lauk og sex milljónum gyðinga hafði
verið útrýmt í helför nasista var
vestrænum ríkjum ljóst að fínna
yrði lausn á vanda gyðinga og boð-
ið var upp á að tvö ríki yrðu í land-
inu, gyðingaríki og Palestínumann-
aríki. Þegar hér var komið sögu
mátti ekki á milli sjá hvort risti
dýpra reiði og beiskja Palestínu-
manna vegna þess þeim þótti frek-
lega á rétt sinn gengið eða skelfíng
gyðinga vegna helfararinnar. Pa-
lestínumenn höfnuðu að landinu
yrði skipt og eftir að Ísraelsríki
varð til réðust herir nokkurra ara-
baríkja á það og síðan hefur verið
stöðugur ófriður á svæðinu og
magnast stöðugt og þarf ekki að
fjölyrða um það.
Eftir því sem árin hafa liðið hefur
sambúð gyðinga og araba versnað
enn. Með hernámi Vesturbakkans
og Gaza og innlimun Golan-hæða
búa um tvær milljónir Palestínu-
manna undir hernámi gyðinga.
Hernámi sem hefur í vaxandi mæli
einkennst af ósveigjanleika og
hörku. Palestínumenn hafa verið
undirmálsmenn og njóta ekki þeirra
mannréttinda sem sjálfsögð þykja.
Þróunin hefur orðið sú að ísraelar
hafa beint öllum sínum tvö þúsund
ára sársauka að Palestínumönnum
og öðrum arabískum nágrönnum.
Ekki er horft til þess að gyðingar
sem bjuggu í arabalöndum fyrir
stofnun Israelsríkis höfðu notið þar
forréttinda og fæstir þeirra hugðust
flytja til ísraels. Það var naumast
fyrr en upp úr 1950 er farið var
að hitna í kolunum og sýnt var að
gyðingar í ísrael lékju arabíska íbúa
innan ísraels grátt. Gyðingar í Evr-
ópu höfðu ekki hug á Israel fyrr en
þeim var ekki lengur vært og því
má álykta að þörf gyðinga fyrir að
snúa til Síons hafí verið misjafnlega
rík.
Langþreyttir og örvæntingarfullir
hófu Palestínumenn uppreisn sína á
herteknu svæðunum fyrir hartnær
fjórum árum. Framkoma ísraelsku
hermannanna hefur vakið hryggð
margra vina ísraels. Harðræði sem
þeir hafa sýnt palestínskum börnum
og konum sæmir ekki siðaðri þjóð
og kallar fram hatur.
Arabískir nágrannar Palestínu-
manna hafa ekki sýnt þeim þá sam-
stöðu sem mætti teljast sjálfsögð.
Palestínumenn hafa staðið einir í
baráttunni og þó æ fleiri hafi gert
sér grein fyrir misréttinu sem þeir
hafa sætt hefur lítil alvara verið í
að fínna sómasamlega lausn sem
allir gætu sætt sig við. Afstöðu-
breyting er þó að verða og Jórdanía
hefur til dæmis mikilvægu hlutverki
að gegna. Ný stjórn þar mun vænt-
anlega huga að því af meiri alvöru
en gert hefur verið.
Eins og fram kom í upphafi virt-
ist samstaða um það eftir Flóastríð-
ið. James Baker utanríkisráðherra
Bandaríkjanna var sendur marg-
sinnis til Miðausturlanda að vinna
að þessu máli. ísraelar hafa því
miður ekki sýnt vilja til samstarfs
og segjast aðeins semja upp á sín
býti. Þó er ekki gott að sjá hver þau
býti eru þar sem þeir hafa hafnað
samþykktum Sameinuðu þjóðanna
númer 242 og 338 sem þeir kröfð-
ust árum saman að Palestínumenn
féllust á. Það hafa þeir nú gert en
þá setur ísrael fram ný skilyrði.
Framkoma þeirra við Palestínu-
menn — með þeim skelfílegu afleið-
ingum sem við blasa — er fyrir neð-
an virðingu þeirra.
ísraelar ættu að skilja öðrum
betur að með því að viðurkenna
rétt Palestínumanna til lands er
ekki verið að hafna ísrael heldur
er með því viðurkenndur réttur nið-
urlægðrar landlausrar þjóðar til að
eignast föðurland á ný.
HERÆFINGIN „NQRÐURVIKINGUR“ 1991 HALDIN HER 30. JULI - 2. AGUST: