Morgunblaðið - 16.07.1991, Blaðsíða 33

33
__________________________MORGUNBLAÐIÐ ÞRIÐJUDAGUR 16. JÚLÍ 1991
Þuríður Guðjóns-
dóttír - Minning
Fædd 19. mars 1908
Dáin 2. júlí 1991
Tengdamóðir mín, Þuríður Guð-
jónsdóttir, er látin, 83 ára að aldri.
Góð kona er kvödd með virðingu
og þökk.
Hún var fædd 19. mars 1908,
að Auðsholti í Biskupstungum,
dóttir hjónanna Kristjönu Jóns-
dóttur frá Grímsfjósum á Stokks-
eyri og Guðjóns Jónssonar frá
Syðra-Seli í Hrunamannahreppi,
er þar bjuggu.
Þuríður átti sjö systkini, þau
voru Siguijón, Sigþrúður og
Hjálmar sem voru eldri og Bene-
dikt, Jón, Olgeir og Sesselja,yngri.
Nú er aðeins Sesselja, sú yngsta,
á lífi.
Ólust þau systkini upp við
ástríki og alúð, þó efni væru aldr-
ei mikil. Minnisstætt var þeim
hvað móðirin gat gert öll skyldu-
störf að leik, með lagni og vin-
semd. Elsti drengurinn, Siguijón,
varð eftir á Syðra-Seli hjá afa sín-
um þegar ungu hjónin fluttu að
Auðsholti. Að' þeirra tíma hætti
var spurningin um atlæti oft sú,
hvort nóg væri að borða. Seinna
kom í ljós að Siguijóni fannst
hann hafa farið mikils á mis að
alast ekki upp með systkinum sín-
um. Þegar Þuríði barst þetta til
eyrna varð hún hrygg, sem nærri
má geta og sagði, að þetta með
matinn hefði verið svo ríkur hugs-
unarháttur, af eðlilegum orsökum,
að móður þeirra hefði víst síst
dottið í hug, að ekki væri betra
fyrir drenginn að vera þar sem
hann var, á grónu heimili. Þessum
örlögum máttu svo margir sæta
fyrr á tíð.
Þegar Þuríður var sjö ára göm-
ul fluttist ijölskyldan frá Auðs-
holti að Leiðólfsstöðum í Stokks-
eyrarhreppi. Var það minnistætt
ferðalag og uppspretta margrar
sögunnar.
Haustið 1922 dó Kristjana úr
iungnabólgu, varð þá heldur breyt-
ing hjá barnahópnum, næsta vor
leystist heimilið upp og systkinin
fóru sitt í hvora áttina, til vina
og vandamanna. Þuríður fór að
næsta bæ, Tóftum í Stokkseyrar-
hreppi, þar bjuggu mæt hjón, Ing-
unn og Einar, ásamt uppkomnum
börnum sínum. Þar var hún heimil-
isföst til fullorðinsára. Þrátt fyrir
aðskilnaðinn héldu systkinin mjög
góðu sambandi alla tíð.
Þuríður hafði mikla menntaþrá
og tókst henni að setj'ast í Héraðs-
skólann að Laugai’vatni. Þar var
hún í tvo vetur og síðan fór hún
í Kennaraskólann og lauk þaðan
námi. Kenndi hún við Barnaskóla
Hafnarfjarðar í nokkra vetur. Á
sumrin var hún forstöðukona dag-
heimilis, sem verkakvennafélagið
Framtíðin kom á fót, fyrst í gamla
barnaskólanum og síðar á Hörðu-
völlum, er það dagheimili enn
starfrækt við góðan orðstir nær
60 árum síðar. Jafnframt tók við
umönnun bús og barna. í Hafnar-
firði hitti hún lífsförunaut sinn,
Benedikt Guðnason. Þau giftu sig
21. desember 1935, bjuggu þau
fyrst á Tjarnarbraut 9, síðan í fjög-
ur ár á Austurgötu 27 og önnur
fjögur að Hraunstíg 7, en 1946
fluttu þau í hús er þau byggðu í
hrauninu vestur með sjónum og
nefndu Ljósaklif. Þar hófust þau
handa við ræktun og lagfæringu
lóðar, var þetta Þuríði mikill un-
aðsreitur, þótt erfitt væri og lítill
árangur sæist á stundum.
Þuríður og Benedikt eignuðust
þijú börn, Droplaugu, Gunnar og
Órlyg, eru þau öll gift og eiga
afkomendur. Barnabörnin eru 10
og 7 barnabarnabörn.
Langar mig sérstaklega að
þakka tengdaforeldrum mínum
sambúðina og alla aðstoðina fyrstu
búskaparár okkar Droplaugar.
Það hefðu fáir farið í þeirra spor.
Aldrei var orði hallað, en hlúð að
smáum sem stórum.
Árið 1971 veiktist Benedikt og
var frá vinnu um tima. Þá fór
Þuríður í fiskvinnu, fyrst á Malirn-
ar en síðan í Bæjarútgerð Hafnar-
fjarðar. Þar var hún til ársins
1980 og naut hún sín þar vel í
góðum félagsskap.
Barnabörnum sínum var hún
sérstök amma og tvær dóttur-
dótturdætúr hafði hún í skjóli sínu
um_ tíma.
Árið 1986 fékk hún heilablóð-
fall og lamaðist og næstu fimm
árin dvaldi hún á Elli- og hjúkrun-
arheimilinu á Sólvangi og naut þar
bestu umönnunar. Kallið kom svo
2. júlí sl. Utför hennar verður
gerð frá Víðistaðakirkju í dag.
Að leiðarlokum þakka ég henni
samfylgdina, veri hún kært kvödd.
Jón S. Hannesson
Minning:
Kristján Þorsteins-
son aðalbókari
Fæddur 29. maí 1921
Dáinn 4. júlí 1991
Góður vinur og samstarfsmaður
er nú farinn frá okkur og hugurinn
fyllist trega og tómleikakennd. Þó
aldurinn væri nokkurð hár og
heilsan ekki góð, þá er eins og
maður vilji ekki horfast í augu við
dauðann.
Kynni mín af Kristjáni Þor-
steinssyni hófust 1985 þegar hann
gerðist starfsmaður Landmælinga
Islands. Tíminn síðan er ekki lang-
ur, en hann mótaðist af sérstakri
vináttu okkar á milli og hans per-
sónulegu lífsreynslu og hans já-
kvæðu lífsskoðunum sem hann
miðlaði til mín.
Kristján fæddist þann 29. maí
1921 á Syðri-Brekkum á Langa-
nesi, foreldrar hans vora hjónin
Þorsteinn Einarsson og Halldóra
Halldórsdóttir, en börn þeirra urðu
átta og var Kristján yngstur
þeirra. Hann lauk prófi frá Lauga-
skóla í Suður-Þingeyjarsýslu og
fór svo í Samvinnuskólann 1941
og lauk þaðan prófi 1943.
Kristján kvæntist þann 19. júlí
1947, Amöndu Susönnu, fædd
Joensen, frá Vág, Suðurey í Fær-
eyjum. Börn þeirra eru fimm,
Ingrid Marlena, Einar Guttormur,
Margrét Snælaug, Halldóra
Margrét og Anna Soffía, og eru
barnabörnin orðin þijú.
Störf Kristjáns vora lengst af
tengd verslun og skrifstofustörf-
um, aðallega við bókhald. Vann
hann um tíma hjá Kaupfélagi
Langnesinga á Þórshöfn og Kaup-
félagi Hvammsfjarðar í Búðardal
við afgreiðslu og skrifstofustörf,
þaðan fór hann til starfa hjá end-
urtiyggingadeild Brunabótafélags
íslands.
Árið 1953 stofnaði hann um-
boðs-og heildverslunina K. Þor-
steinsson & Co. hf. og rak hana
ásamt meðeiganda tii ársins 1965,
en seldi þá sinn hlut. Vorið 1966
hóf hann störf hjá Fosskraft, sem
þá var nýstofnað og annaðist
byggingu Búrfellsvirkjunar. Þegar
byggingu Búrfellsvirkjunar lauk,
hóf Kristján störf hjá Istak hf. og
starfaði þar meðan byggð var
vatnsmiðlun í Þórisvatni. Störf
Kristjáns við virkjunarfram-
kvæmdir fólust meðal annars í
umsjón með innkaupum, launa-
greiðslum og samskiptum við er-
lenda starfsmenn. Frá árinu 1974
starfaði hann sem bókari hjá
Timburverslun Árna Jónsson &
Co. hf. þar til fyrirtækið hætti
störfum.
Árið 1985 kemur Kristján til
starfa sem aðalbókari hjá Land-
mælingum Islands og hefst þá
okkar samstarf og vinátta. Á þess-
um tíma var verið að taka í notk-
un nýtt tölvubókhaldskerfi hjá rík-
inu sem öllu átti að bjarga. Það
var því ekki létt starf fyrir hann
að koma sér inn í þessa nýjung
sem hann hafði ekki starfað við
áður og reyndar fáir aðrir en höf-
undur kerfisins. Við þessar rót-
tæku breytingar á bókhaldskerfi
stofnunarinnar kom reynsla
Kristjáns betur í ljós. Hann hafði
skap og kröfur til síns sjálfs um
að gera eins og hann best kunni,
geta léyfði og hætta ekki fyrr en
uppgjör væri afstemmt. Kristján
gekk ekki heill til skógar og veik-
indi hans ágerðust með árunum
sem varð til þess að hann fór í
minna kerfjandi starf. Samstarfs-
fólki Kristjáns fannst með ólíkind-
um hvað hann var ósérhlífinn og
harður af sér i sínum veikindum
og lagði sig fram við sin störf.
Þegar orðað var við hann að
taka sér frí var svar hans: „Ég
vil halda áfram að stafa þar til
ég get ekki meira.
Það var árlegur viðburður hjá
okkur Kristjáni að fara í Laxveiði
í háifan dag, en hann hafði mikinn
áhuga á sliku. Þrátt fyrir að hann
gæti ekki orðið veitt sjálfur vegna
heilsu sinnar, vildi hann vera með,
sjá um beitingu, veitingar o. fl.
Þessar stundir munu varðveitast í
minningunni, í sögunum sem hann
sagði og skemmtilegu samveru-
stundunum.
í júní sl. ræddum við um veiði-
ferð sumarsins, þá kom í ljós hjá
honum að ekki væri víst að hann
kæmi með á hinn venjubundna
hátt en lagði áherslu á að sonur
sinn Einar, yrði þátttakandi.
Við starfsmenn Landmælinga
íslands sendum eiginkonu, börn-
um, barnabörnum og öðrum ást-
vinum okkar dýpstu samúðar-
kveðjur.
Kristján var jarðsettur frá Foss-
vogskapellu 11. júlí síðastliðinn,
fór athöfnin fram í kyrrþey að ósk
hins látna.
Blessuð sé minning Kristjáns
Þorsteinssonar.
Ágúst GuðmMndsson
VARMO
SNJÓBRÆÐSLA
Þeir byggja
á stálinu okkar
- til framtíðar
SINDRI
-sterkur í verki
ratuga reynsla okkar í stálinnflutningi
Log sérþekking á steypustáli
fyrir íslenskar aðstæður skilar sér
til byggingaraðila í hörkusterku stáli
(opinber staðall ASTM A/615 Grade 60)
sem endist til framtíðar.
Allur stállager innandyra. Sendum á
staðinn (krani óþarfur). Hagstætt verð.
Fáið ráð hjá fagmönnum okkar og
leitið tilboða.
BORGARTÚNI 31 -SÍMI:62 72 22 • FAX: 62 30 24
HfKiNÚAUGlÝ!