Morgunblaðið - 09.08.1991, Blaðsíða 4

4
MORGUNBLAÐIÐ FÖSTUDAGUR 9. ÁGÚST 1991
Miðfjörður:
Lagt hald á silungsnet
og sjö menn handteknir
LÖGREGLAN á Blönduósi handtók sjö menn frá Hvammstanga í fyrri-
nótt fyrir meinta ólöglega netalögn út af Vatnsnesi í Miðfirði og aðför
að opinberum. starfsmönnum. Veiðieftirlitsmaður landbúnaðarráðu-
neytisins og lögregluþjónn frá Blönduósi höfðu gert netið upptækt í
eftirlitsför í fyrrakvöld. Eigandi netsins og nokkrir félagar hans tóku
það úr vörslu þeirra er bátur þeirra lagði að landi á Skagaströnd og
hugðust flytja það til Hvammstanga. Lögreglan á Blönduósi gerði
mönnunum fyrirsát og handtók þá á Blöndubrú.
Veiðieftirlitsmaðurinn fékk
lánaðan bát slysavarnadeildarinnar
á Skagaströnd til að fara í umrædda
eftirlitsferð og slóst lögreglumaður
frá Blönduósi í för með honum.
Þeir fundu þrjú net, tvö norðan
Hvammstangahafnar og eitt sunnan
hennar. Tvö netanna voru lögð sam-
kvæmt reglugerð þar að lútandi,
þ.e. möskvastærð þeirra var rétt,
þau voru landföst og voru merkt
eigendum þeirra. Þriðja netið var
hins vegar talið vera ósamræmi við
reglugerð um netaveiði göngusil-
ungs í sjó. Það var ekki landfast
og möskvastærð þess var yfir leyfí-
legum mörkum. Samkvæmt reglu-
gerð mega möskvarnir vera 3,5-4,5
sentimetrar á legg, en möskvar
þessa nets voru 4,7-5 sentimetrar á
legg. Lagði eftirlitsmaðurinn hald á
það og afhenti lögreglumanninum
til vörslu. Sneru þeir síðan til hafn-
ar á Skagaströnd og beið þá þeirra
nokkur mannfjöldi, þar á meðal eig-
andi netsins. Krafðist hann og félag-
ar hans þess að eftirlitsmaðurinn
afhenti þeim netið og reyndu að
hindra hann í að færa það og fylgi-
búnað þess upp á bryggjuna. Er hér
var komið sögu hvarf lögreglumað-
urinn frá til að sækja lögreglubif-
reiðina sem þeir höfðu komið á.
Gengu mennimir þá harðar fram í
því að veiðieftirlitsmaðurinn afhenti
þeim netið og höfðu í hótunum við
hann, samkvæmt upplýsingum
Morgunblaðsins og neyttu síðan
aflsmunar og óku á brott með netið
í tveimur bifreiðum.
Haft var samband við lögregluna
á Blönduósi og henni tilkynnt um
atburðinn. Bílarnir voru síðan stöðv-
aðir á Blöndubrú og aftur lagt hald
á netið. Sjö menn í bílunum, allir
frá Hvammstanga, voru handteknir.
Fjórir þeirra voru látnir lausir strax
en þrír þeirra, sem mest höfðu sig
í frammi, voru látnir lausir í gær.
Leitað var liðsinnis Rannsóknarlög-
reglu ríkisins við rannsókn málsins
og fóru menn norður í gær.
Að sögn Jóns ísberg, sýslumanns
í Húnavatnssýslu, blossa deilur um
netalagnir við Vatnsnes alltaf upp
með reglulegu millibilí. Slík deila
hefði komið upp 1980 og aftur 1988
og einnig fyrir réttu ári síðan.
VEÐUR
VEÐURHORFUR í DAG, 9. ÁGÚST
YFIRLIT: Skammt sunður af Jan Mayen er 1.002 mb lægð sem
grynnist en um 400 km suður af Hvarfi/er 992 mb lægð sem þok-
ast austur.
SPÁ: Súld á miðum og annesjum fyrir norðan. Hæg norðlæg eða
breytileg átt. Skýjað á Norður-, Austur- og Suðausturlandi en bjart
að mestu suðvestan- og vestanlands. Síðdegisskúrir.
VEÐURHORFUR NÆSTU DAGA:
HORFUR Á LAUGARDAG: Suðaustan og síðar breytileg átt. Rign-
ingum mestan hluta landsins. Hiti 10-13 stig.
HORFUR Á SUNNUDAG: Norðvestlæg átt og lítið eitt svalara norð-
anlands. Rigning eða súld við norðurströndina en skúrir í öðrum
landshlutum.
Svarsfmi Veðurstofu íslands — Veðurfregnir: 990600.
TÁKN:
Heiðskírt
Léttskýjað
Hálfskýjað
Skýjað
Alskýjað
x Norðan, 4 vindstig:
Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
r f r
f f f f Rigning
f f f
* r *
r * r * Slydda
r * r
* * *
* * * * Snjókoma
* * *
■JO Hitastig:,
10 gráður á Celsius
V Skúrir
*
V El
= Þoka
= Þokumóða
’, ’ Súld
CO Mistur
—j- Skafrenningur
[T Þrumuveður
—ntiT^* 'V ^ . w / VEÐUR VÍÐA UM HEIM kl. 12:00 í gær að ísl. tíma hltí veöur Akureyri 12 skýjað Reykjavík 14 léttskýjað
Bergen 16 léttskýjað
Helsinkl 24 léttskýjað
Kaupmannahðfn 23 hálfskýjað
Narssarssuaq 16 úrkoma ígrennd
Nuuk 12 heiðskírt
Ósló 21 skýjað
Stokkhólmur 22 skýjaö
Þórshöfn 14 skýjað
Algarve 25 heiðskirt
Amsterdam 18 alskýjað
Barcelona 23 alskýjað
Berlín 23 mistur
Chicago 18 þrumuveður
Feneyjar 30 þokumóða
Frankfurt 25 skýjað
Glasgow 17 skýjað
Hamborg 17 rigning
London 22 léttskýjað
LosAngeles 17 léttskýjað
Lúxemborg 18 skúr
Madríd 27 skýjað
Malaga vantar
Mallorca 28 hálfskýjað
Montreal 20 skýjað
NewYork 24 léttskýjað
Orlando 27 alskýjað
París 17 rigning
Madeira 22 skýjað
Róm 30 heiðskfrt
Vín 30 léttskýjað
Washington 24. þokumóða
Winnipeg 12 heiðskírt
Morgunblaðið/Björn Blöndal
Flugvélin eftir að hún var rétt við í gærmorgun.
Keflavíkurflugvöllur:
Lítilli flugyél hvolfdi
Flugbraut tepptist í tvo tíma
LÍTILLI flugvél af gerðinni Cessna 180 hvolfdi út fyrir braut skömmu
eftir lendingu á Keflavíkurflugvelli snemma í gærmorgun. Flug-
manninn, sem var einn á ferð, sakaði ekki. Rannsókn atviksins er
ekki lokið, en samkvæmt upplýsingum frá loftferðaeftirlitinu missti
flugmaðurinn stjórn á vélinni við lendingu með fyrrgreindum afleið-
ingum.
Vélin, sem er fjögurra sæta og
ber einkennisstafina TF-FKI, er
mikið skemmd eftir atvikið, sem
átti sér stað á áttunda tímanum.
Hún hafnaði sem fyrr segir á hvolfi,
um 50 metra fyrir utan flugbraut-
ina. Við atvikið tepptist flugbrautin
í um tvo klukkutíma, og varð að
beina annarri umferð um Keflavík-
urflugvöll á aðra braut á meðan.
Ágætt veður var þegar vélinni
hlekktist á.
Lögreglan í Reykjavík:
Sextán manns sóttu um
stöðu yfirlögregluþjóns
SEXTÁN manns sóttu um stöðu
yfirlögregluþjóns í Reykjavík.
Nauðgun í Herjólfsdal:
Leitað að
manni sem
grunaður er
19 ARA gamalli stúlku var nauðg-
að um verslunarmannahelgina í
Heijólfsdal í Vestmannaeyjum.
Að sögn rannsóknadeildar lög-
reglunnar í Vestmannaeyjum er
beðið eftir niðurstöðum úr rann-
sókn á sýnum sem tekin voru úr
stúlkunni.
Að sögn lögreglunnar liggur viss
maður undir grun um að hafa fram-
ið verknaðinn, og er verið að leita
hans. Er þar um mann frá Reykja-
vík að ræða. Einn maður var hand-
tekinn í tengslum við þetta mál og
var hann í haldi í einn sólarhring.
Hann hefur verið látinn laus.
Stúlkan sem um ræðir er af höfuð-
borgarsvæðinu.
Umsóknarfrestur um stöðuna
rann út um síðustu mánaðamót.
Stöðuna skipar nú Páll Eiríksson
en hann lætur af störfum vegna
aldurs 1. október nk. Þeir sem sóttu
um voru Arnþór Ingólfsson, aðstoð-
aryfirlögregluþjónn I Reykjavík,
Árni Vigfússon, aðalvarðstjóri í
Reykjavík, Baldvin Ottósson, aðal-
varðstjóri í Reykjavík, Friðrik G.
Gunnarsson, aðstoðaryfirlögreglu-
þjónn í Reykjavík, Geir Jón Þóris-
son, lögreglufulltrúi frá Vest-
mannaeyjum, Gylfi Jónsson, lögre-
glufulltrúi í Reykjavík, Helgi Jónas-
son, lögregluþjónn í Reykjavík,
Helgi Skúlason, aðstoðarvarðstjóri
í Reykjavík, Hilmar Þorbjörnsson,
aðstoðaryfirlögregluþjónn, Jón
Friðrik Bjartmarz, aðalvarðstjóri í
Reykjavík, Jónas Hallsson, aðal-
varðstjóri í Reykjavík, Jónmundur
Kjartansson, aðstoðaryfirlögreglu-
þjónn á Norðurlandi, Omar Smári
Armannsson, aðstoðaryfirlögreglu-
þjónn í Reykjavík og Sigurður M.
Sigurgeirsson, varðstjóri í Reykja-
vík.
Tveir umsækjenda óskuðu eftir
nafnleynd. Lögreglustjóri mun gera
tillögu um ráðningu í stöðuna en
dómsmálaráðherra skipar í hana.
Álviðræður í Reykjavík:
Faríð yfír stöðu samn-
inga og tímaáætlanir
JÓHANNES Nordal, formaður íslensku álviðræðunefndarinnar, seg-
ir að fundi forstjóra Atlantsálfyrirtækjanna með iðnaðarráðherra
og íslenskum samningamönnum, sem hefst á mánudag í Reykjavík,
sé ætlað að taka út stöðu viðræðnanna og meta árangurinn að und-
anförnu. Hins vegar sé akki stefnt undirritun samninga á fundinum.
í athugasemd sem borist hefur
frá Hans van der Ros, fram-
kvæmdastjóra hollenska álfyrir-
tækisins Hoogovens, segir að til að
forða misskilningi, sé ekki stefnt
að undirritun samkomulags á
Reykjavíkurfundinum, eins og
ranglega hafi verið eftir honum í
frétt Morgunblaðsins í síðasta mán-
uði. „Þetta er og er ekki ætlun allra
aðila málsins fyrir fund okkar í
ágúst,“ segir Van der Ros í athuga-
semdinni. „Við ætlum okkur að
leysa helstu atriðin sem eftir
standa," segir hann ennfremur um
fundinn í Reykjavík.
Jóhannes Nordal segist vonast
til að fjáröflunarvinna Atlantsáls-
fyrirtækjanna sé að komast í gang.
„Það verður farið yfir tímaáætlun
á fundinum þó ekki sé búist við
endanlegri staðfestingu og undirrit-
un fyrr en eftir áramót. Væntanlega
verður gefin út sameiginleg tilkynn-
ing um stöðu málsins í lok fundar-
ins,“ sagði Jóhannes.