Morgunblaðið - 09.08.1991, Blaðsíða 5

MORGUNBLAÐIÐ FÖSTUDAGUR 9. ÁGÚST 1991
5
Að leik í Grasagarðinum. Morgunbiaðið/KGA
Hestamennska og
leikir í sumarblíðu
ÍÞRÓTTA- og tómstundaráð Reykjavíkur hefur staðið fyrir ýmis
konar námskeiðum fyrir börn og unglinga í sumar eins og mörg
undanfarin sumur. Meðal þess sem hefur verið boðið upp á yru
leikjanámskeið hjá félagsmiðstöðvum fyrir börn á aldrinum 6-10
ára og reiðnámskeið í Reiðhöllinni í Víðidal.
Hópur frá félagsmiðstöðinni
Frostaskjóli var að leik í Grasa-
garðinum í Laugardal í góða veðr-
inu í gær. Þetta voru um 35 börn
í fylgd með 9 leiðbeinendum. Lára
Baldursdóttir, einn af leiðbeinend-
unum, kvaðst hafa unnið á þessum
leikjanámskeiðum í nokkur sumar
og líkaði vel. Hún sagði að nám-
skeiðin stæðu í tvær vikur hvert.
Börnin eru á milli klukkan 10 og
16 á daginn á námskeiðunum en
einnig er boðið upp á gæslu milli
9-10 og 16-17. Margt er sér til
gamans gert á námskeiðunum.
Farið er í sund, siglingu og ferðir
í Húsadýragarðinn og í Öskjuhlíð.
Tvíburasysturnar Helga Snót og
Hildur Sif eru á.námskeiði Frosta-
skjóls samt vinkonu sinni Hildi.
Þær stöllur eru allar 8 ára. Allar
hafa þær verið á leikjanámskeiði
áður og sögðu þær að þau væru
mjög skemmtileg. Eftir dvölina í
Grasagarðinum var stefnt að því
að fara í sund og ætluðu þær stöll-
ur að leika sér í vatnsrennibraut-
inni í Laugardalslauginni. Þær
sögðu að næsta dag ætti síðan að
fara með allan hópinn til Þingvalla
þar sem yrði grillað og farið í leiki.
Lára Baldursdóttir sagði að á
hverju námskeiði væri farið í eina
langa dagferð og þá væri t.d. farið
til Þingvalla eins og nú eða út í
Viðey. Einnig væri stundum farið
upp á Akranes. Að sögn Láru hef-
ur samkeppni í svona námskeiða-
haldi aukist á síðustu árum því að
íþróttafélögin bjóða upp á áþekk
námskeið. Hún sagði að vegna
þessarar samkeppni leggði ITR
mikið upp úr því að hafa námskeið-
in sem fjölbreytust.
í Reiðhöllinni í Víðidal hafa ver-
ið haldin reiðnámskeið á vegum
ÍTR fyrir börn á áldrinum 8-13 ára
í sumar. Þegar blaðamann Morgun-
blaðsins bar þar að garði var hópur
af börnum að undirbúa hesta fyrir
útreiðatúr. Lára Helen Óladóttir,
reiðkennari, sagði að á námskeið-
inu væru 80 börn en þeim væri
skipt í 4 hópa þar sem öll börnin
gætu ekki farið á hestbak samtím-
is. Fimm reiðkennarar leiðbeina
börnunum. Deginum er skipt í
tvennt hjá hveijum hópi. Hálfan
daginn eru börnin með hestunum
og hinn helminginn eru þau í bók-
legu námi um hestamennsku auk
þess sem þau fara í leiki.
Sara, 8 ára, var í óða önn við
*að leggja á Glettu þegar blaðamað-
ur truflaði hana og spurði hvernig
henni líkaði á reiðnámskeiðinu.
Sara kvaðst hafa gaman að því.
Hún er ekki óvön hestum því að
fjölskylda hennar er með 4 hesta.
Sara kann því réttu handbrögðin
og umgengnina við hesta.
Sara setur hnakkinn á Glettu.
Hildur Sif, Hildur og Helga Snót.
Farið á bak í Reiðhöllinni i Víðidal.'