Morgunblaðið - 09.08.1991, Blaðsíða 18
18
MORGUNBLAÐIÐ FÖSTUDAGUR 9. ÁGÚST 1991
Samtökin Líf í Fossvogsdal:
Athugasemdir við
stofnbraut í Fossvogsdal
SAMTÖKIN Líf í Fossvogsdal hafa sent Borgarskipulagi Reykjavíkur
og Skipulagsnefnd Kópavogs bréf þar sem gerðar eru athugasemdir
við Aðalskipulag Reykjavíkur 1990-2010 varðandi breytingar á stofn-
brautarkerfi borgarinnar, þ. e. möguleika á gerð yfirbyggðrar stofn-
brautar í Fossvogsdal. Telja samtökin að þar sé vikið frá helstu
markmiðum Aðalskipulags Reykjavíkur í veigamiklum atriðum.
Samtökin Líf 1 Fossvogsdal vitna
til fylgirits með uppdrætti Aðalskip-
ulags Reykjavíkur þar sem segir
að markmiðið sé að búa íbúum
borgarinnar sem best lífskilyrði og
umhverfí og gera Reykjavík kleift
að sinna sem best hlutverki sínu
sem höfuðborg landsins. Telja sam-
tökin að akbraut um Fossvog sé í
andstöðu við þessi markmið. Slík
framkvæmd falli undir umhverfis-
spjöll og lífskilyrði 12 þúsund íbúa
landsins yrði stefnt í hættu af slíku
mannvirki, m.a. vegna óhjákvæmi-
legrar loftmengunar og titrings frá
umferð. Þá telja samtökin hug-
myndina í mótsögn við markmið
skipulagsins í umferðarmálum þar
sem segir að stefnan sé að stuðla
að sem minnstri mengun frá um-
ferð og atvinnurekstri í borginni,
þ.e. hljóð-, loft- og vatnsmengun.
í kafla um opin svæði segir í
Aðalskipulaginu að stefnt sé að því
að tryggja sem öruggastar göngu-
leiðir skólabama og annarra veg-
farenda um borgarlandið, stuðla að
fjölbreyttri notkun útivistarsvæða
og aukinni tijárækt. í tengslum við
þennan hluta vekja samtökin at-
hygli á að í Fossvogsdal eru starf-
ræktir tveir fjölmennir skólar, Snæ-
landsskóli og Fossvogsskóli. Hvergi
sé í fylgiriti minnst á öraggar göng-
uleiðir barna, aukna trjá rækt eða
uppbyggingu útivistarsvæða í daln-
um.
Samkvæmt fylgiriti skipulagsins
koma aðrar vestur - austur veg-
tengingar- á höfuðborgarsvæðinu
s.s. Arnarnesvegur eða breikkun
Miklubrautar ekki í stað tengingar
í gegnum Fossvogsdal eða undir
Nýbýlaveg. Skipulagið yrði á allan
hátt sveigjanlegt, t.d. yrði auðveld-
ara að leysa beygjustrauma á um-
ferðaþyngstu gatnamótum stofn-
brautakerfisins með Fossvogsdals-
tengingu. Samtökin telja þessi rök
hæpin. í skipulagsuppdrætti sé
hvergi að finna útfærslu á fyrirferð-
amiklum umferðarslaufum sem
slíkum gatnamótum óhjákæmilega
fylgi. Breikkun Miklubrautar liggi
beint við en beinn og breiður vegur
um Amarneshæð væri einföld
lausn.
í skipulaginu era Aimannavarn-
arsjónarmið sett fram sem rök fyr-
ir braut um Fossvogsdai en samtök-
in telja að frá öryggissjónarmiði
eigi stofnbraut höfuðborgarsvæðis-
ins ekki að liggja um dalbotn. Þær
hættur sem borgarbúar gætu staðið
frammi fyrir séu annað hvort frá
landi eða sjó, af eldgosi, jarð-
skjálfta eða flóðbylgju. í eldgosi
færi hraunstraumurinn niður El-
liðaárdal og Fossvogsdal. í jarð-
skjálfta sé hætt á að jarðgöng
hryndu saman og í flóðbylgju
myndu þessir daiir verða fyrstir til
að hverfa undir vatn.
Undir athugasemdir Samtak-
anna Líf í Fossvogsdal skrifa Hallur
Baldursson, Margrét Þorvaldsdótt-
ir, Reynir Guðsteinsson og Elín G.
Óskarsdóttir.
Bessí Jóhannsdóttir.
Menntamálaráð:
Bessí Jó-
hannsdótt-
ir formaður
FYRSTI fundur nýkjörins
Menntamálaráðs íslands, sem
Alþingi kýs hverju sinni að
loknum alþingiskosningum,
var haldinn 18. júlí.
Samkvæmt lögum ber Mennt-
amálaráði að skipta með sér
verkum. Bessí Jóhannsdóttir
framkvæmdastjóri var kjörin
formaður, Helga K. Möller kenn-
ari varaformaður og Helga
Kress dósent ritari. Aðrir með-
limir ráðsins eru Áslaug Brynj-
ólfsdóttir fræðslustjóri og Sig-
urður Björnsson söngvari.
Fráfarandi formaður er Sól-
rún Jensdóttir skrifstofustjóri,
fráfarandi varaformaður Áslaug
Brynjólfsdóttir fræðslustjóri.
Framkvæmdastjóri Mennta-
málaráðs og Menningarsjóðs er
Einar Laxness.
(Fréttatilkynning.)
Bændur krefjast þess að hætt verði við
áform um rýmkun innflutningsheimilda:
Fráleitt að búvöru-
samingur komi í
veg fyrir EES aðild
- segir Davíð Oddsson forsætisráðherra
STÉTTARSAMBAND bænda krefst þess í bréfi til forsætisráðherra
að dregin verði til baka öll fyrirheit um rýmkaðar innflutningsheimild-
ir fyrir búvöru, sem gefin hafi verið í samningum um Evrópskt efna-
hagssvæði. Sambandið vísar í búvörusamning og segir að innflutningur
tiltckinna mjólkurvara myndi á engan hátt samrýmast ákvæðum samn-
ingsins um jafnvægi innlendrar framleiðslu og heimamarkaðar. Davíð
Oddsson forsætisráðherra segir þessar vörur lítið atriði í heildarmynd
EES samninganna. „Það er fráleitt að álykta að búvörusamningur komi
í veg fyrir aðild að samningi af þessu tagi,“ segir Davíð. Hann bætir
við að málið verði rætt á fundi ríkisstjórnarinnar í dag og bréf Stéttar-
sambandsins kynnt þar.
Davíð Oddsson segir að hugmynd-
ir um varning á frílista EFTA og
EB hafí verið kynntar í fyrri ríkis-
stjóm og málið margrætt. Áðspurður
um ástæðu þess að ekki hafí verið
rætt um mjólkurvörumar á listanum
í ríkisstjórn hans, segir Davíð ekki
hægt að fara ofan í allt sem ijallað
sé um í ráðuneytunum. Hann kveðst
ekki telja að hreinsa þurfí til milli
ráðherra landbúnaðar og utanríkis-
mála. Eins og fram hefur komið í
blaðinu hefur Halldór Blöndal sagt
að Jón Baldvin Hannibalsson hafi
svarað neitandi spumingum sínum
um hvort landbúnaðarvörar væra til
umræðu í EES viðræðunum.
Davíð Oddsson segir að mjólkur-
vörumar sem nú sé talað um séu
aðeins lítill hluti heildarsamninga um
evrópskt efnahagssvæði. „Málið er
blásið upp af Ólafí Ragnari Gríms-
syni og minnir á storm í vatnsglasi,“
segir Davíð. „Það skiptir ekki megin-
máli hvort þessar vörur eru kallaðar
landbúnaðar- eða iðnaðarvörar. Að-
alatriðið er að samkeppnisstaða inn-
lendrar framleiðslu verður tryggð ef
Nýr útvarpsstjóri tekur við í haust:
Vona að ég geti tek-
ið með mér eitthvað
af anda Þingvalla
- segir séra Heimir Steinsson
SÉRA Heimir Steinsson, prestur og þjóðgarðsvörður á Þingvöll-
um, tekur við embætti útvarpsstjóra Ríkisútvarpsins þann 1. októ-
ber næstkomandi. Hann segist hlakka mjög til að takast á við
þau störf, sem embættinu fylgi, enda hafi hann Iengi haft áhuga
á þessari stofnun og hlutverki hennar. Hann leggur mikla áherslu
á menningarlegt hlutverk útvarpsins, bæði hvað varðar íslenska
menningu og kynningu erlendrar menningar hér á landi, og seg-
ist te\ja, að þar beri stofnunin meiri ábyrgð en flestir aðrir fjölm-
iðlar í landinu. Heimir segist munu sakna Þingvalla eftir tíu ára
veru þar, en hann vonist til að geta flutt með sér eitthvað af
anda staðarins í Efstaleitið.
Heimir Steinsson er fæddur á
Seyðisfírði árið 1937. Hann varð
stúdent frá Menntaskólanum á
Akureyri 1957, stundaði nám í
fornleifafræði við Kaupmanna-
hafnarháskóla og í íslenskum
fræðum við Háskóla íslands á
áranum 1958 til 1961 og lauk
embættisprófi í guðfræði frá Há-
skóla íslands 1966. Hann stund-
aði um tíma kennslu í Reykjavík
og á Seyðisfírði, var sóknarprest-
ur þar eystra 1966 til 1968, var
við framhaldsnám í Edinborg
1968 til 1969, kenndi í lýðháskól-
um í Danmörku og Noregi á árun-
um 1969 til 1972, stýrði lýðháskó-
lanum í Skálholti frá 1972 og var
rektor hans frá 1977 til 1981. Frá
því ári hefur hann verið þjóð-
garðsvörður á Þingvöllum. Heimir
er kvæntur Dóra Þórhallsdóttur.
Heimir Steinsson sagði f sam-
tali við Morgunblaðið í gær að
hann hefði lengi haft áhuga á
útvarpi og hefði töluvert fengist
við þáttagerð og fleira allt frá
árinu 1959. Þegar embætti út-
varpsstjóra hefði losnað í sumar
hefði hann tekið ákvörðun um að
sækja um það. „Ég hlakka mjög
til að takast á við þetta emb-
ætti,“ segir Heimir. „Ríkisútvarp-
ið, bæði hljóðvarp og sjónvarp, er
í nokkram skilningi hjarta ís-
lenskrar nútímamenningar. Það
er einnig kynningarmiðstöð er-
lendrar menningar og smiðja, þar
sem erlend áhrif era steypt í ís-
lenska deiglu og rennt í íslenskt
mót. í Ríkisútvarpinu kemur fram
sjálfsmynd íslensku þjóðarinnar
og miklu máli skiptir hvernig því
tekst að flytja erlenda menningu
inn í íslenskan veruleika. í þeim
efnum ber Ríkisútvarpið að mínu
mati meiri ábyrgð en flestir aðrir
fjölmiðlar þessa lands.“
Hann segist telja að hann taki
við góðu búi menningarlega í Rík-
isútvarpinu. „Stofnunin býr að 60
ára arfleifð, sem fráfarandi út-
varpsstjóri hefur gert prýðileg
skil í þáttum nú nýverið. Þarna
er gott til görs að taka, eins og
segir á fornum stað. Hjá útvarp-
inu vinnur fjöldi sérfróðra manna
og ég mun væntanlega nota tím-
Morgunblaðið/Bjarni
Séra Heimir Steinsson útvarpsstjóri og kona hans Dóra Þórhalls-
dóttir.
ann í upphafí til að kynnast þeim,
starfsaðstöðu þeirra og viðhorfum
og vænti góðs af samvinnu við
þá alla. Ég vænti einnig góðs af
samvinnu við útvarpsráð og form-
ann þess.“
Heimir segist hafa ýmsar hug-
myndir um breytingar hjá Ríkisút-
varpinu en hann teldi það hins
vegar framhlaup af sinni hálfu
að orðfæra þær nú. „Eitt vil ég
þó nefna og það er að mig langar
til að fjalla um málefni Ríkisút-
varpsins, hljóðvarps og sjónvarps,
einstakra rása þess og svæðis-
stöðvanna í útvarpinu. Það má
vera að ég verði með þætti 'um
stofnunina og þá sem þjónustu
hennar njóta í vetur. Eins vil ég
segja við vini mína á dagblöðum
þessa lands að ég hlakka til beinn-
ar og óbeinnar samvinnu við þá.
Ég er til dæmis afar þakklátur
fyrir blaðaumijöllun um Ríkisút-
varpið og útvarpsefni og harmaði
ekki þótt hún yrði meiri á kom-
andi tíð. Ég tel einnig að Ríkisút-
varpið og dagblöðin eigi að taka
höndum saman um að varðveita
það fjöregg sem við nefnum ís-
lenska sjálfsmynd, sjálfstæði,
tungu og menningararfleifð.“
Heimir Steinsson segir að lok-
um, að auðvitað verði mikil breyt-
ing á sínum högum við að taka
við embætti útvarpsstjóra. „Við
hjónin munum auðvitað sakna
Þingvalla mjög mikið. Það getur
enginn dvalist hér í áratug án
þess að sakna þessa staðar og
biðja honum blessunar, sem og
þeim, sem hér tekur við. Ég vona
að ég geti tekið með mér í Efsta-
leitið eitthvað af anda Þingvalla
enda eru þeir eru helgistaður allra
íslendinga."
af innflutningi viðbits verður."
í bréfi Atéttarsambands bænda
er tekið fram að áform stjórnvalda
um að leyfa innflutning á unnum
mjólkurvörum, eins og jógúrt,
Smjörva, Léttu og laggóðu og ísefn-
um, hafí ekki á nokkru stigi málsins
verið kynnt forsvarsmönnum sam-
bandsins. Minnt er á að í mars hafí
þáverandi ráðherrar landbúnaðar og
fjármála skrifað undir samning við
stéttarsambandið um stefnumörkun
í mjólkurframleiðslu og sauðfjár-
rækt. Samningurinn gildi til 1998
og markmið hans séu að laga búvöra-
framleiðslu að innlendri markaðsþörf
og gefa landbúnaði svigrúm til þró-
unar að aukinni hagkvæmni, til að
mæta betur óskum neytenda og frek-
ari samkeppni.
í bréfínu segir síðan orðrétt: „Til
þess að tryggja landbúnaðinum
starfsfrið á þessum aðlögunartíma
vora eftirfarandi ákvæði sett í samn-
inginn: „Aðilar eru sammála um að
forsenda samnings þessa sé að regl-
um verði ekki breytt eða ákvarðanir
teknar um innflutning búfjárafurða
þannig að teflt verði í tvísýnu því
jafnvægi og þeim árangri sem að er
stefnt. Þetta hindrar þó ekki að ís-
land gerist aðili að alþjóðasamning-
um sem gerðir kunna að verða og
snerta viðskipti með landbúnaðarvö-
raur, enda samrýmist framkvæmd
þeirra ofangreindum markmiðum um
jafnvægi innlendrar framleiðslu og
heimamarkaðar." Samkvæmt út-
reikningum sem fyrir liggja gæti
magn þeirra unnu mjólkurvara sem
um er rætt í þessu sambandi numið
allt að 20% af markaðshlutdeild
mjólkurvara á matvöramarkaðnum
hér á landi.“
Stéttarsamband bænda vísar í
bréfínu á bug þeirri túlkun, sem fram
hefur komið hjá utanríkisráðherra,
að umræddar mjólkurvörar séu iðn-
aðarvara og því óviðkomandi búvöru-
samningnum. Þá segir að ákvörðun
um að leyfa innflutning þessara vara
hefði bein áhrif á þá hagsmuni sem
samningnum er ætlað að tryggja og
sé því óijúfanlega tengd framkvæmd
hans. Loks krefst sambandið þess í
bréfinu til forsætisráðherra að fullt
samráð verði haft við bændur um
málið, verði um frekari samningavið-
ræður að tefla.
--------*-*-•---------
Milljón króna
styrkveiting
til doktorsnáms
STJÓRN Minningarsjóðs Helgu
Jónsdóttur og Sigurliða Kristjáns-
sonar kaupmanns hefur ákveðið
að veita nokkra styrki handa efni-
legum ncmendum í námi á sviði
verkfræði og raunvísinda.
Samkvæmt erfðaskrá hjónanna
Helgu Jónsdóttur og Sigurliða Kristj-
ánssonar kaupmanns var stofnaður
sjóður til styrktar efnilegum nemend-
um í verkfræði- og raunvísindanámi.
Stofnfé sjóðsins var ákveðinn hluti
af eignum þeim er þau létu eftir sig,
en heimilt er skv. skipulagsskrá að
veita styrki af þeim vöxtum sem sjóð-
urinn ber. /
Á sl. ári voru veittar samtals 3
miilj. kr. úr sjóðnum.
Umsóknarfrestur er til 10. sept-
ember nk.