Morgunblaðið - 09.08.1991, Blaðsíða 36

36
MORGUNBLAÐIÐ PÖSTUDAGUR' 9, ÁGÚST 1991
BEINT 1 FLÆKJU
Kvikmyndir
Arnaldur Indriðason
Beint á ská 2Vi: Lyktin af ótt-
a(„The Naked Gun 2Vi: „The
Smell of Fear“). Sýnd í Há-
skólabíói. Leikstjóri: David
Zucker. Handrit: Zucker og Pat
Proft. Aðalhlutverk: Leslie
Nielsen, Priscilla Presley, Ge-
orge Kennedy, O. J. Simpson.
Paramount. 1991.
LÖgregluforinginn Frank
Drebin (Leslie Nielsen) hefur
drepið sinn þúsundasta eiturlyfja-
sala („verð að viðurkenna að ég
bakkaði yfir tvo vegfarendur en
sem betur fer reyndust þeir vera
dópsalar“) og situr kvöldverðar-
boð forseta Bandaríkjanna, Ge-
orge Bush. Þar er starfsmanna-
stjórinn John Sununu einnig og
þekktir athafnamenn sem allir eru
frægir fyrir að menga jörðina með
efnaúrgangi sínum. Og loks er
þar umhverfísráðgjafi forsetans,
sem ætlar að skrúfa fyrir úrgang-
inn o g boða umhverfisvænni orku-
gjafa í framtíðinni. En það skiptir
ekki máli núna. Drebin lögreglu-
foringi hefur á slysalegan hátt
steinrotað sessunaut sinn, frú
Barböru Bush.
Líklega er einhver versti glæp-
urinn í umsögnum um bíómyndir,
fyrir utan að segja frá endinum,
að segja frá bröndurunum í gam-
anmynd en Beint á ská 2'h, fram-
hald hinnar bráðskemmtilegu
löggusögu um Frank Drebin, er
svo yfírfull af þeim að það er erf-
itt að fjalla um hana án þess að
nefna einn eða tvo. Það er eins
og leikstjórinn David Zucker úr
ZAZ-genginu (samstarfsmennirn-
ir David Zucker, Jim Abrahams
og Jerry Zucker) hafi viljað hafa
brandara í hveiju skoti. Fyrir þá
sem nutu fyrri myndarinnar í botn
er hér komið miklu meira af sama
kolgeggjaða, bráðhlægilega,
óborganlega, snarruglaða og fjar-
stæðukennda húmornum. Myndin
er auðvitað kjánaleg á köflum en
það er líka partur af skemmtun-
inni og hún er mestanpart yndis-
leg skemmtun.
Það er umhverfisvænn blær
yfir Drebin í þetta sinn því vondu
kallarnir eru verksmiðjubarónar
og mengunarvaldar all ógurlegir
sem ræna umhverfisráðgjafa for-
setans og setja tvífara hans í stað-
in, sem boðar óbreytt ástand.
Sumt er fyndnara en annað í
eltingaleik Drebins við vondu kall-
ana, sumt fer kannski framhjá
fólki í látunum en samt er nóg
eftir til að hlæja að. Og stóri plús-
inn við myndina er Leslie Nielsen
sem fyrr í hlutverki Drebins. Hann
er alltaf jafngóður. Það er ekki
síst honum að þakka hversu vel
tekst til. Erfitt er að ímynda sér
annan gamanleikara fást við
þennan nýjasta „Inspector Clo-
useau“ kvikmyndanna. Nielsen á
sína seinni tíma frægð að þakka
ZAZ-genginu eða frá því hann lék
í myndinni „Airplane!“ þeirra fé-
laga. Hann lék Drebin í sjónvarps-
þáttum þeirra, „Police Squad“,
sem Beint á ská myndirnar eru
gerðar eftir. Nielsen fellur ein-
staklega vel inní gamansemi
ZAZ-hópsins. Sem Drebin er hann
heimskasta núlifandi lögga ver-
aldar og hinn fullkomni sauðar-
svipur Nielsens undirstrikar það
í hveiju atriði. Allt sem hann kem-
ur nálægt verður að stórfelldum
mistökum (les: bröndurum) ogþað
er áf hreinum misgáningi og að-
eins eftir heilu skipsfarmana af
misskilningi sem honum tekst að
leysa málin. Allt sem hann segir
og gerir fer beint á ská og veröld-
in í kringum hann er aldrei hrein
og bein heldur. Þegar hann fyllist
depurð sest hann inná þunglyndis-
barinn Bláu nótuna þar sem eru
seldar snörur með sígarettunum
og á veggjunum hanga myndir
af helstu stórslysum sögunnar,
Zeppelin-loftfarið, Titanic, Micha-
el Dukakis.
Aðrar persónur eru allar vel
með á nótunum. Bush forseti er
brakandi ekta á að líta og Sununu
einnig, sem virðist reyndar á
bandi vondu kallanna (hefur ekki
beint almenningsálitið með sér
þessa dagana), en aðrar persónur
eru kunnar úr fyrri myndinni eins
og félagi Drebins, sem George
Kennedy leikur, O.J. Simpson sem
hrakfallabálkurinn og síðast en
ekki síst Priscilla Presley, sem
stóra ástin í lífi Drebins. Allt er
þetta fólk frábærlega eðlilegt í
hinum undirfurðulega heimi
myndarinnar.
Missið ekki af leikkonunni Za
Za Gabor rétta eyrnafíkju í upp-
hafskynningunni og sitjið áfram
og lesið kreditlistann eftir sýningu
því þar leynist margur gullmolinn.
Hljómsveitin Gömlu brýnin: Sveinn Guðjónson, Halldór Olgeirsson,
Björgvin Gíslason og Sigurður Björgvinson.
Gömlu brýnin:
Gullaldarrokk á veit-
ingahúsinu Dansbamum
HLJÓMSVEITIN Gömlu brýnin
leikur fyrir dansi í veitingahús-
inu Dansbarnum við Grensásveg
nú um helgina, föstudags- og
laugardagskvöld. Hljómsveitin
leikur alhliða danstónlist, en
uppistaðan í efnisskránni er tónl-
ist frá gullaldarárum rokksins
og frá bresku poppbylgjunni á
sjöunda áratugnum.
Hljómsveitina skipa Björgvin
Gíslason gítar, Halldór Olgeirsson
trommur, Sigurður Björgvinsson
bassi og Sveinn Guðjónsson hljóm-
borð og sönginn annast þeir félagar
í sameiningu.
Dansbarinn er við hlið matsölu-
staðarins Mongolian Barbeque á
Grensásvegi, og er innangengt á
milli, enda geta gestir matsölustað-
arins litið inn á Dansbarinn að lok-
inni máltíð án þess að greiða að-
gangseyri.
■ „THE GOLDEN ANGELS"
koma fram á Hótel Islandi föstu-
daginn 9. og laugardaginn 10. ág-
úst, og gefst gestum okkar þá kost-
ur á að sjá sýningarhópinn í fyrsta
sinn á íslandi. „The Golden Angels“
eru með undirfatasýningu. í hópn-
um eru fjórar atvinnufyrirsætur
sem hafa frá upphafi verið sérstak-
lega valdar fyrir þessar sýningar.
ÖLKJALLARINN
Pósthússtræti 17,
sími 13344.
Hljómsveit
Jóns SigupQssonar
ásamt söngkonunni Matty Jóhanns.
Fyrir þá, sem ekki vita, þá þjóðum við gestum okkar
upp á stærsta og Pesta dansgólf borgarinnar
B.B. bandið spilar í kvöld til kl. 3
með Ellý Vilhjálms í farabroddi
LAUGARDAGSKVÖLD:
Heldur Feðgabandið uppi stuðinu til kl. 3
SUNNUDAGSKVÖLD:
Spilar hinn frábæri trúbador
Jón Víkingtil kl. 1
MÁNUDAGSKVÖLD:
Spilar trúbadorinn Einar Jónsson til kl. 1
Þar sem dansinn dunar mest
skemmtir íólkiö sér best „
INGÓLFS CAFÉ
Opiö föstudag og laugardag frá kt. 23.00.
Eyjólfur Kristjánsson veröur á efri hæóinni bæöi kvöldin
Snyrtilegurklæðnaður
Ingóifscafé, Ingólfsstræti, sími 14944.

ÞAÐ VERÐUR
FJÖR í KVÖLD !
Smellir og Raggi Bjarna eru til alls
líklegir í kvöld og flakka vítt og
breytt um dægurlönd á leikandi
léttum nótum.
BREYTT OG BETRA DANSHÚS !
Klæönaöur.
Aögangseyrir kr. 800.- Snyrtilegur
Opiö frá kl. 22 - 03.
DAMSHÚSID CLÆSIBÆ SÍMI686220
LIFANDI TÓNLIST
FÖSTUDAGS- OG LAUGARDAGSKVÖLD
GARÐATORGI 1, GARÐABÆ • SÍMI 657676 20 ára