Morgunblaðið - 09.08.1991, Blaðsíða 29

MORGUNBLAÐIÐ FÖSTUDAGUR 9. ÁGLIST 1991
29
Fiskur á grillið
Við íslendingar höfum svo sannarlega hellt okkur útí
„grillinenningu". Þegar ekið er um sveitir landsins, eink-
um þær sem hýsa sumarbústaða- og útilegufólk, má
víða sjá reyk stíga upp í loftið. Oftast er þess indíána-
reykur merki þess, að kviknað hefur í fitunni af kjötinu, sem
bráðnar og rennur ofan í kolin. Lambakjötið okkar, sem er ny'ög
gott grillað, er nær alltaf með alltof miklu fitulagi. Þótt Sam-
starfsnefnd um sölu lambakjöts auglýsi árlega grillkjöt að miklum
móð, er enn langt í land að það sé nægilega fituhreinsað í hend-
urnar á neytendum. Oftast er indíánareykurinn frá grillinu afleið-
ing feitu rifjanna, sem alveg mega missa sín, bæði ein sér eða
sem langir angar á kótelettunum. Það myndast bráðóhollt ösku-
lag á kjötinu, en fitan sjálf er nógu óholl fyrir og treysti ég mér
til að fullyrða að sala lambakjöts ykist verulega ef kjötið væri
fituhreinsað meira en gert er.
En fleira kjöt er hægt að grilla
en lambakjöt, auk þess sem grilla
má fleira en kjöt. Fiskur hentar
mjög vel á grillið. Ekki rennur
úr honum fitan og hann myndar
engan indíánareyk. Hann má setja
á misstórar fiskgrindur, sem ætl-
aðar eru á grillið, auk þes sem
setja má hann í álpappír og er
þá gott að setja ýmiskonar græn-
meti og ávexti með. Allur fiskur
hentar á grillið. Ysan okkar er
alltaf vinsæl - því ekki að grilla
hana - hún verður hátíðarmatur
þannig.
Mikið er talað um að setja blóð-
berg á grillmat. Það er ágætt
fyrri part sumars, en þegar þessi
árstími er kominn, er það nánanst
bragðlaust. Miklu nær er að næla
sér í birkilauf að ég tali ekki um
lauf af rifsberjarunnum. Þau eru
afbragðs krydd, en við skulum
taka þau af áður en við borðum
fiskinn.
Ýsa I álpappir.
1 kg ýsuflak
safi úr 'Á sítrónu
1 Vi tsk salt
nýmalaður pipar
fiskkrydd, ef ykkur sýnist
1 pk hreinn ijómaostur, lOOg
1 meðalstór blaðlaukur (púrra)
eða stór laukur
10 meðalstórir sveppir, ferskir eða
frystir
1 meðalstór paprika, gul, græn
eða rauð
3 meðalstórar gulrætur
4 álpappírsbútar, 30*25 cm.
1. Hitið grillið.
2. Roðdragið og beinhreinsið
flökin, skerið í 4 jafnstóra bita.
3. Stráið salti og pipar á fiskbit-
ana og látið þá standa í 10
mínútur. Nota má fiskikrydd í
staðinn, það er yfirleitt saltað.
4. Kreistið safa úr 'h sítrónu,
blandið saman við ijómaostinn
með gaffli, smyijið yfir fiskbit-
ana.
5. Hreinsið blaðlauk eða lauk og
gulrætur. Blaðlaukur er oft
mjög óhreinn. Skafið ekki gulr-
ætur, þvoið bara. Mest vítamín
er við hýðið. Skerið blaðlauk í
þunnar sneiðar eða saxið lauk
fínt og rífíð gulrætur fínt.
Umsjón: KRISTÍN GESTSDÓTTIR
Teikningar: SIGURÐUR ÞORKELSSON
6. Takið steina og stilk úr paprik-
unni, saxið síðan smátt.
7. Þerrið ferska sveppi vel með
eldhúspappír, þvoið ekki. Sker-
ið síðan í sneiðar.
8. Blandið öllu grænmetinu sam-
an.
9. Skiptið fískinum á álpappírsb-
útana, skiptið síðan grænmet-
ismaukinu jafnt yfir fiskinn.
Lokið pappírnum vel og vefjið
jaðrana saman.
10. Leggið fískbögglana ofan á
grindina á grillinu. Hafíð þar
í um 15 mínútur. Takið þá af
grillinu, látið standa óopnaða
í 3-5 mínútur. Setjið þá á disk.
Klippið gat ofan í álpappírinn
og borðið upp úr honum. Gæt-
ið þess að brenna ykkur ekki
á gufunni úr álbögglunum,
þegar þið opnið þá.
Athugið. Ekki þarf að hafa allar
þessar grænmetistegundir, og
nota má ýmsar aðrar í staðinn.
Grillaður lax eða silungur
l*/2 kg flakaður lax eða silungur
2 tsk. salt
safí úr 1 appelsínu
safi úr 1 sítrónu
nýmalaður pipar
1 stór appelsína í sneiðum
mörg blöð rifsbeija- eða birkilauf
1. Hitið grillið
2. Hellið sjóðandi vatni á roðhlið
flakanna, reynið að láta það
ekki fara á fiskholdið. Skafið
síðan roðið án þes's að meija
fískinn. Beinhreinsið síðan
flökin. Gott er að stijúka fingr-
inum niður eftir beingarðinum
og kippa beinunum upp með
flísatöng.
3. Stráið salti og pipar yfír físk-
inn og látið bíða í 10-15 mínút-
ur.
4. Þvoið rifs- eða birkilaufin,
sléttið úr þeim og raðið ofan
á fiskholdið. Hafið ekki mjög
þétt.
5. Afhýðið appelsínumar, skerið
í örþunnar sneiðar og setjið
milli laufblaðanna.
6. Smyijið fiskgrind með olíu.
7. Leggið flökin saman, roðið
snúi upp, grillið fiskinn í um
10 mínútur á hvorri hlið. Fylg-
ist með, þykkt fisksins og fjar-
lægð frá glóð ræður tímanum.
8. Fjarlægið appelsínusneiðarnar
og laufblöðin.
Meðlæti: Soðið grænmeti og
kartöflur eða heitt snittubrauð,
sem setja má í álpappír og hita
með. Kryddsmjör eða annað smjör
er líka gott með.
Leiðrétting:
í síðasta þætti, indverskt og
íslenskt flatbrauð á grillið, var
villa í uppskriftinni af íslenska
flatbrauðinu. í báðum uppskrift-
unum átti að vera hveiti líka, en
heilhveiti var sett í staðinn. I upp-
skrift nr. 1 á að vera 4 dl hveiti,
2 dl haframjöl, 3 dl heilhveiti og
1 dl rúgmjöl, 1 tsk salt og 4 dl
sjóðandi vatn, en í uppskrift nr 2
á að vera 4 dl hveiti, 2 dl hveit-
iklíð og 4 dl heilhveiti 1 tsk. salt
og 4 dl sjóðandi vatn.
Joan Backes sýnir í
Hafnarborg í Hafnarfírði
BANDARÍSKA listakonan Joan
Backes opnar málverkasýningu
10. ágúst nk. kl. 14.00 í Hafnar-
borg, menningar- og listastofnun
Hafnarfjarðar.
Joan Backes er fædd í Mil-
waukee, Wisconsin en er nú búsett
í Kansas þar sem hún, jafnframt
því að vinna að list sinni, kennir
við The Kansas City Art Institute.
Hún lauk MFA-námi í listmálun
frá Northwestern University í 111-
inois árið 1985. Henni voru veitt
starfslaun frá Fullbright-stofnun-
inni til að starfa hér á íslandi árið
1989 og nýlega hlaut hún styrk úr
sjóði The American-Scandinavian
Foundation til að vinna að verkum
sínum í vinnustofu Edvard Munch
í Noregi.
Joan Backes hefur haldið einka-
sýningar í heimalandi sínu og víðar
og tekið þátt í fjölda samsýninga.
Sýningin verður opin alla daga
nema þriðjudaga frá kl. 14-19 og
stendur til 25. ágúst nk.
Án titils, 1991, egg-tempera á panel.
■ HÓPUR áhugafólks um uppeld-
isfræði Rudolfs Steiner stóð fyrir
umræðufundi í kaffistofu Hlaðvarp-
ans mánudaginn 6. júlí sl. Hrafnkell
Karlsson kennari við Steiner-skóla í
Svíþjóð greindi frá reynslu sinni og
áherslum í starfí. Steiner-skólar leit-
ast við að gefa barninu breiða
lífsmynd og gera því kleift að setja
sig í samhengi við náttúruna og
umhverfið. Lögð er áhersla á að
skapa börnunum skilyrði til alhliða
þroska og er tilfinningum, vilja og
vitsmunum gert jafn hátt undir höfði.
Til staðar eru foreldarar sem vilja
að til verði slíkur skóli hér á landi.
Framhaldsumræðufundur um
Steiner-skóla verður mánudagana
12. og 19. ágúst í Kaffistofu Hlað-
varpans. Allir áhugasamir velkomnir.

KENNSLA
Vélritunarkennsla
Ný námskeið byrja 12. ágúst.
Vélritunarskólinn, s. 28040.
FÉLAGSLÍF
NSB og Hans Inge Fagervik
halda útitónleika á Lækjartorgi í
dag, föstudag, kl. 16.00. Tón-
leikar í Fíladelfíu kl. 20.30.
Komið og hlustið á þessa frá-
bæru hljómsveit og söngvara.
Hvítasunnukirkjan
Fíladelfía
Tónleikar með norsku hjálpræð-
ishershljómsveitinni NSB í kvöld
kl. 20.30. Ókeypis aðgangur.
Allir hjartanlega velkomnir.
Kynningarfundur
um heilsubót og heilsurækt fyrir
tilverknað svæðameðferðar,
Kinesologi og heilunar verður
haldinn laugardaginn 10. ágúst
kl. 20.00 í kaffistofu Hafnarborg-
ar, Strandgötu, Hafnarfirði. Fyr-
irspurnir og umræður.
Frummælendur: Oda Fuglo og
Maren Bláhammer. Sjá fréttatil-
kynningu í blaðinu í dag, einnig
uppl. í síma 52108.
FERÐAFELAG
ÍSLANDS
ÖLDUGÖTU3S. 11798 19533
Helgarferðir
9.-11.ágúst
1a. Síðsumarsferð í Þórsmörk
(Einhyrningsflatir - Markarfljóts-
gljúfur). Fjölbreytt ferð við allra
hæfi. Hin stórkostlegu Markar-
fljótsgljúfur skoðuð á laugardeg-
inum. Gönguferðir um Mörkina.
Tilvalin fjölskylduferð.
1 b. Landgræðsluferð í Þórsmörk.
Við óskum eftir nokkrum sjálf-
boðaliðum i landgræðsluferð um
helgina. Einnig vantar sjálf-
boðaliða tii gæslu 1 Hvítárnes-
skála nú í ágúst.
2. Álftavatn - Strútslaug. Gist
í skála F.l Mjög spennandi ferð
um svæðið kringum Fjallabaks-
leið syðri. Ekið á Mælifellssand
og gengið að Strútslaug og
kringum Hólmsárlón.
3. Landmannalaugar - Eldgjá.
Gist í sæluhúsi F.l. Gönguferðir
um nágrenni Lauga. Ekið í
Eldgjá. Upplýsingar og farm. á
skrifstofunni Öldugötu 3, simar
19533 og 11798.
Ferðafélag islands.
ÚTIVIST
GRÓFINN11 • REYKJAVÍK • SÍMIAÍMSVARIH606
Munið fjölskylduferðina i Bása
núna um helgina. Einnig ferð
yfir Fimmvörðuháls.
Laugardagur 10. ágúst.
KI.08: Hekla
Níunda ferðin í fjallasyrpunni.
Gengið verður upp frá Rauðu-
skál. Gangan tekur um 8 klst.
ATH.:Fjallaskírteinin liggja nú
fyrir á skrifstofu Útivistar og
geta þátttakendur í fjallasyrp-
unni nálgast þau þar og fengiö
stimpil við þær ferðir sem þeir
hafa tekiö þátt í.
Sunnudagur 11. ágúst
Kl. 08: Básar
Dagsferð, 3-4 klst. i Básum.
Einnig hægt að dvelja í Básum
fram á miðvikudag eða föstu-
dag.
Póstgangan 16. áfangi
Kl. 08: Oddgeirshólar
- Egilsstaðir
Kl. 10.30: Skálmholtshraun -
Egilsstaðir
Kl. 13 Selatangar - ísólfsskáli
Kl. 13 Hjólreiðaferð.
FERÐAFELAG
ÍSLANDS
ÖLDUGÖTU3S: 11798 19533
Helgarferðir
9.-11. ágúst
1. Síðsumarferð í Þórsmörk
(Einhyrningsflatir-Markar-
fljótsgljúfur). Fjölbreytt ferð við
allra hæfi. Hin stórkostlegu Mar-
karfljótsgljúfur skoðuð á laugar-
deginum. Gönguferðir um Mörk-
ina. Tilvalin fjölskylduferð. Góð
gisting í Skagfjörðsskála í
Langadal. 2. Landgræðsluferð
í Þórsmörk. Við óskum eftir
nokkrum sjálfboðaliðum í land-
græðsluferð um helgina. Takið
þátt i uppgræðslu Merkurran-
ans. Frí ferð. Takmarkað pláss.
Félagar sem aðrir eru velkomnir.
3. Álftavatn-Strútslaug. Gist í
skála F.í. Mjög spennandi ferð
um svæðið kringum Fjallabaks-
leið syðri. Ekið á Mælifellssand
og gengið að Strútslaug og
kringum Hólmsárlón.
4. Landmannalaugar-Eldgjá.
Gist í sæluhúsi F.í. Gönguferðir
um nágrenni Lauga. Ekið i
Eldgjá. Upplýsingar og farmiðar
á skrifstofu, Öldugötu 3, símar
19533 og 11798.
Sumarleyfi i Þórsmörk.
Tilvalið að dvelja í góðu yfirlæti
á milli ferða. T.d. frá föstudegi
eða sunnudegi til miðvikudags
eða föstudags. Kynnið ykkur til-
boðsverð og fjölskylduafslátt.
Hvítárnesskáli. Okkur vantar
sjálfboðaliða í skálavörslu nú í
ágúst viku í senn eða styttri
tíma. Upplýsingar og farmiðar á
skrifstofu, Öldugötu 3. símar
19533 og 11798.
Ferðafélag Islands.
r*