Morgunblaðið - 10.08.1991, Síða 36
36
MORGUNBLAÐIÐ LAUGARDAGUR 10. ÁGÚST 1991
Ast er...
... að gæla við fætur hennar.
TMReg U.S. PatOff. — all rightsreserved
® 199 ] Los Angeles Times Syndicate
Ég hélt þú væri á fundi í
heimilisfriðar-nefndinni.
Með
morgimkaffmu
Bravó. Þú hefur klárað
megrunarkúrinn ...
Sofnum ekki á verðinum
EES-menn bíða færis
Samningaviðræðumar um EES
sigldu í strand vegna smámuna,
segja EB-aðdáendur í flokki krata.
Þeir ganga jafnvel svo langt að segja
þetta vera áfall fyrir íslensku þjóð-
ina! Sannir Islendingar munu hins-
vegar telja mikið Guðs-lán, enda
hefðum við glatað miklu af því sem
okkur ætti að vera helgast, hefðum
við verið dregnir á eyrunum inn í
þetta anddyri Evrópubandalagsins.
Þjóðin hefir verið illa blekkt af full-
trúum okkar í þessum samningum.
Henni hefur ekki verið greint undan-
bragðalaust frá þeim fórnum sem
íslendingar hefðu mátt færa og þola
með þessum samningi, en sitthvað
skuggalegt hefir komið í ljós um
undanslátt nú upp á síðkastið. Því
síður hefir þjóðinni verið sagður
sannleikurinn um þann augljósa
ásetning margra þeirra, sem fara
með völd á íslandi, að ætla sér að
troða andvaralausum löndum sínum
inn í Evrópubandalagið að loknum
þessum EES áfanga. Vitanlega er
EES ekkert annað en biðstofa fyrir
inngöngu í sjálft efnahags- og hem-
aðarbandalagið, sem nú þegar hug-
leiðir að senda hersveitir inn í Júgó-
slavíu til að skakka þar leik. íslend-
ingar ættu að hugleiða herskyldu-
möguleikann verði EB-aðdáendunum
að vilja sínum.
Islenski utanríkisráðherrann stað-
hæfir að ekki sé um fullveidisafsal
að ræða með samningi um EES.
Hver tekur mark á þeirri yfirlýsingu?
Sé það ekki fullveldisafsal að verða
að lúta erlendum dómstóli í öllum
ágreiningsmálum, sem snerta þetta
viðamikla samningssvið, samþykkja
að öll lög, samþykktir og reglugerðir
Evrópubandalagsins gildi, en ekki
íslensk lög, þá veit ég ekki hvað er
afsal og uppgjöf. Við mættum með
þessum samningi iúta erlendum lög-
um sem væru 9.650 fleiri blaðsíður
heldur en allt íslenska lagasafnið!
Þessu hafa íslensku samningamenn-
irnir kyngt hóstalaust fyrir hönd ís-
lensku þjóðarinnar, og ég spyr: eru
menn að ganga af vitinu? En þetta
er nú ekki allt, því fer fjarri. Með
EES samningi hefðum við veitt meira
en 350 milljónum útlendinga hindr-
analausan aðgang að íslenskum
vinnumarkaði ásamt búseturétti,
rétti til þess að kaupa og reka fyrir-
tæki hverskonar, og rétti til þess að
kaupa fasteignir ásamt gögnum og
gæðum landsins, hvað svo sem sagt
er um fyrirvara, aðlögunartíma
o.s.frv., en fyrirvarar íslendinga hafa
hrunið hver af öðrum vegna undir-
lægjuháttar og vanmats á íslending-
um og gæðum lands okkar. Erlend
stórfyrirtæki í sjávarútvegi myndu
fljótlega hasla sér völl hér og færu
þá létt með að leika á landann og
kerfið, sem útsmognum fjárplógs-
mönnum einum er lagið. Fijáls flutn-
ingur vinnuafls milli aðiidarríkjanna
ætti að vera umhugsunarefni fyrir
verkalýðshreyfinguna á íslandi, verði
af þessum EES samningi. Við mynd-
um þurfa að horfa upp á erlend stór-
fyrirtæki flytja hingað ódýrt vinnu-
afl, ekki síst ef um stórframkvæmd-
ir væri að ræða, og til þess hefðu
þau fullan rétt. Hætt er við að þá
myndi vera einum of seint að vakna
til meðvitundar um að með EES
hefðum við glatað frelsinu og sjáifsá-
kvörðunarréttinum í lífshagsmuna-
málum þjóðarinnar. Við skulum ekki
láta fljótfærni og ráðstefnugleði
fárra manna verða til þess, að við
afhendum iandið í undirgefni og
skríðum undir pilsfald þeirra sem
síst skyld.
Jóhannes R. Snorrason
-----------------
Vonina vantar
í Biblíunni kennir margra grasa
af hinum góðu jurtum andans og
hefur öll siðmenningin tekið sneiðar
úr forðabúri hennar í aldanna rás.
Vottar Jehóva eru nú að færa rök
fyrir því, hvernig þýðingar úr frum-
texta hennar hafa tekið stakkaskipt-
um eftir aðstæðum hveiju sinni og
eiga þeir þakkir skyldar fyrir þær
ábendingar til leiðréttingar á þeim í
núverandi heimskerfi, þar sem ekki
er nóg að hafa bæði trúna og kær-
leikann, heldur má vonina ekki vanta
þar.
í brjálæðislegu kapphlaupi við tím-
ann hefur verðmætahamstur ís-
lenskra afkomenda víkinga til forna
orðið viðskila við kristnar hugmyndir
forfeðranna og þær hugmyndir, sem
vöktu fólk til vonar, trúar og kær-
leika hjá þeim, sem viðurkenna heil-
agan anda í þeim hluta jarðarsí-
mans, sem telst til höfuðburðs
mannsins. Höfuðburðir í heilögum
anda eru þeim ekki að skapi, sem
aðhyllast verðmætahamstur, sem
mölur og ryð fá grandað og sem
ekki verður talið til tekna í hinni
endurheimtu Paradís á jörðu, sem
vottar Jehóva hafa svo ötullega boð-
að fólki til viðvörunar.
Björn Sigurjónsson
Ljós og myrkur
Að gefnu tilefni vill undirritaður
benda á nokkur grundvallaratriði
varðandi túlkun á Biblíunni og öðrum
helgiritum varðandi t.d. himnaríki
og helvíti.
Opinberendur Guðs miða kennslu
sína ætíð við móttökugetu þeirra sem
á þá hlýða. Hafa ber einnig í huga
að þeir eru einkum að fræða um
andlega hluti sem oft er erfitt að
gera án þess að nota „samlíkinga-
mál“!. Þess vegna er alltaf hætta á
„bókstafs“ túlkun þar sem andlegu
merkingunni er ýtt til hliðar þannig
samlíkingin ein stendur eftir. Gott
dæmi um þetta er helvíti. Þar er
andlegt ástand orðið að stað!!
Ef menn gerðu sér almennt grein
fyrir því að efnisleg lögmái og and-
leg iögmái eru aldrei í andstöðu (mót-
sögn) við hvort annað, þá væri ekki
eins mikið um rangtúlkanir á helgi-
ritum og raun ber vitni. Öll lögmál
í efnisheiminum eiga sér samsvörun
í andlega heiminum. Alveg eins og
það er til efnisieg sól þá er einnig
til andleg sói (opinberandi Guðs).
Efnislegt ljós á sér samsvörun í and-
iegu ljósi. Efnislegt myrkur á sér
samsvörun í andlegu myrkri. Okkar
upplýsta kynslóð veit að það ástand
sem eftir er þegar ljós (ljósgjafi) er
fjarlægt er myrkur! Það ástand sem
ríkir þegar andlegt ljós er horfíð er
andlegt myrkur (helvíti). Það hefur
ekkert með stað að gera heldur
ástand. Við getum skapað okkur
helvíti strax hér á þessu tilverustigi,
við þurfum ekki að bíða eftir næsta
tilverustigi til þess. Ljósgjafi er til,
það er hægt að fara með hann og
breyta myrkri í ljós. Það er enginn
myrkragjafi til sem hægt er að fara
með og breyta ljósi í myrkur. Eins
og að framan sögðu, ef það er ekki
til efnislegur myrkragjafi er heldur
ekki til neinn andlegur myrkragjafi
(„Kölski") til að hafa áhrif á bók-
menntir eins og Andrés Önd, eins
og sumir hafa haldið fram í fjölmiðl-
um undanfarið.
Guðm. S. Guðmundsson.
Víkveiji skrifar
Nú andar suðrið sæla vindum
þýðurn."
Þannig kvað Jónas Hallgrímsson
fyrir meira en hundrað árum þegar
hann bað „vorboðann ljúfa“ fyrir
kærar kveðjur heim í íslenzka sum-
ardalinn til lokkaprúðrar stúlku við
Galtará.
Víkveiji dagsins hefur notið þess
vikum saman að suðrið sæla hefur
andað vindum þýðum yfír hraun-
dranga og sumardali. Fátt hefur
skyggt á sólbros umhverfísins. Fjöl-
miðlar tíunda að vísu fjallháar for-
tíðarskuldir ríkisins, strandaðar
EES-umræður með hugsanlegu
milljarða tekjutapi vegna tolla á
útflutta sjávarvöru til Evrópuríkja
og hrikalegan samdrátt í sjávarafla
vegna hættu á hruni þorskstofns-
ins. Allt er þetta áhyggjuefni. Að
dómi Víkveija dagsins er þyngsta
áhyggjuefnið mikill fjöldi slysa á
þessu sólríka sumri, einkum um-
ferðarslysa, sem kostað hafa mörg
mannsiíf, varanleg og tímabundin
meiðsl fjölda einstaklinga og ómælt
eignatjón.
XXX
að er sorgleg staðreynd að síð-
astliðin ár hafa að meðaltali
látizt um 24 einstaklingar í umferð-
arslysum hér á landi, eða tveir í
mánuði hveijum, auk meiri og minni
meiðsla fjölda einstaklinga, á stund-
um ævilangra örkumla. Það þætti
áreiðanlega saga til næsta bæjar —
með tilheyrandi fjöimiðlafári — ef
24 einstaklingar féllu í óeirðum hér
á landi og mun fleiri væru sárir í
valnum. En þetta er árlegt „mann-
fall“ á vígaslóðum umferðarinnar í
landinu.
Ljóst er að árið 1991 hefur tryggt
sér sæti sem meiriháttar slysaár.
Hvað veldur? Verri vegir hér en í
grannríkjum? Verri akstursskilyrði,
t.d. veðurfarsleg? Ónógar merking-
ar á blindhæðum og öðrum var-
hugaverðum vegarköflum? Slæmt
ásigkomulag ökutækja? Ónóg virð-
ing fyrir umferðarreglum og tillits-
leysi [frekja] í garð náungans í
umferðinni?
Víkveiji kveður ekki upp neina
dóma hér um. Hann hvetur lesend-
ur sína til íhuga þetta stóra vanda-
mál; til að sýna fyllstu aðgæziu og
tillitssemi í umferðinni. Hver vill
lifa með það á samvizkunni að hafa
valdið dauða eða örkumlum annars
manns með ónógri aðgæzlu eða ölv-
unarakstri? Það er of seint að ið-
rast eftir á! Engum liggur svo mik-
ið á í umferðinni að hann megi
ekki vera að því að lifa dulítið leng-
ur.
xxx
• •
Onnur hlið er á þessu máii.
Kvartanir vegna hárra ið-
gjalda af bifreiðatryggingum verða
æ háværari. Samanburður á ið-
gjöldum, einkum hjá þeim sem eiga
fjölmörg tjónalaus ökuár að baki,
sýna, að þau eru mun lægri í grann-
ríkjum en hér. Þó herma fréttir að
þessi háu iðgjöld nægi hvergi nærri
fyrir útgjöldum (bótaskyldum)
tryggingarfélaga.
Hvað er til ráða? Strangari um-
ferðarkennsla? Strangari ökupróf?
Hærra aldurstakmark ökuréttinda?
Stórátak í varanlegri vegagerð og
vegamerkingum? Harðari viðuriög
gegn umferðarbrotum (hærri sekt-
ir, svipting ökuréttinda)? Breytt
hugarfar, meiri löghlýðni og meiri
tillitssemi við náungann í umferð-
inni?
Víkveiji dagsins telur að hækka
beri verulega iðgjöld ökumanna,
sem lenda mun tíðar í umferðar-
óhöppum en meðaljóninn, en lækka
að sama skapi iðgjöld þeirra, sem
eiga 5, 10 og 15 ára slysalausan
ökuferil að baki.