Morgunblaðið - 21.08.1991, Blaðsíða 13

MORGUNBLAÐIÐ MIÐVIKUDAGUR 21. ÁGÚST 1991
13
MorgunDiaoio/öjorn öionaai
Við hina nýju upplýsingamiðstöð fyrir ferðamenn í flugstöð Leifs
Eiríkssonar. A myndinni eru fyrir framan borðið frá vinstri til hægri:
Steindór Sigurðsson formaður ferðamálasamtaka Suðurnesja, María
Guðmundsdóttir forstöðumaður upplýsingamiðstöðvar ferðamála á
Islandi og Jóhann D. Jónsson ferðamálafulltrúi Suðurnesja. Fyrir
aftan borðið frá vinstri til hægri: Helga Guðjónsdóttir og Heiða
Heiðarsdóttir starfsmenn upplýsingamiðstöðvarinnar.
Leifsstöð:
Opnuð upplýsingamið
stöð fyrir ferðamenn
Keflavík.
OPNUÐ hefur verið upplýsingamiðstöð fyrir ferðamenn í flugstöð
Leifs Eiríkssonar á Miðnesheiði, en það hefur verið til margra ára
baráttumál að sögn Steindórs Sigurðssonar formanns ferðamálasam-
taka Suðurnesja. „Við opnuðum í byijun júlí og sú miðlun sem þar
hefur átt sér stað sýnir og sannar að upplýsingamiðstöðin hefur svo
sannarlega átt rétt á sér, ekki aðeins fyrir þetta svæði heldur allt
landið,“ sagði Steindór Sigurðsson ennfremur.
Jóhann D. Jónsson ferðamála-
fulltrúi Suðumesja sagði að á milli
60-70 fyrirspurnir kæmu daglega
og í ljós hefði komið að talsvert
væri um að erlendir ferðamenn
kæmu til landsins án þess að hafa
skipulagt ferð sína fyrirfram. Þessu
fólki væri veitt liðsinni við að finna
gistingu við hæfi og upplýst hvað
væri í boði fyrir ferðamenn sem
ætluðu sér að ferðast um ísland.
-BB
Heiðarfjall:
Stendur ekki til
að leyna neinu
- segir umhverfisráðherra í svar-
bréfi til formanns Blaðamannaf élagsins
EIÐUR Guðnason, umhverfisráðherra, segir það koma sér á óvart
að formaður Blaðamannafélags Islands skuli kalla bréf það sem
ráðherrann sendi landeigendum á Heiðarfjalli á dögunum aðför að
frelsi fjölmiðla. Bréfið segir Eiður einungis hafa miðað að því að
tryggja starfsmönnum ráðuneytisins vinnufrið á fjallinu. Þetta kem-
ur fram i svarbréfi_ sem ráðherra sendi Lúðvík Geirssyni, formanni
Blaðamannafélags Islands, á mánudag. I bréfinu segir ráðherra að
umhverfisráðuneytið hafi ekki í hyggju að leyna einu né neinu og
segir það álit sitt að mikilvægt sé að eiga gott samstarf við fjölmiðla.
Jafnframt segir í bréfi Eiðs að á
fundi ráðuneytismanna með land-
eigendum fyrr í mánuðinum hafi
komið fram að landeigendur hefðu
boðið aðmírálnum á Keflavíkurflug-
velli að senda fulltrúa sinn á vett-
vang til að vera viðstaddur rann-
sóknina, auk þess sem búast mætti
við mörgum öðrum m. a. blaða-
mönnum. Þessar aðstæður segir
Eiður að vísindamennirnir hafi ekki
treyst sér til að vinna við og því
hafi hann sent landeigendum þau
tilmæli að takmarkaður yrði að-
gangur fólks að rannsóknasvæðinu.
Ráðherra segir að þau tilmæli bein-
ist alls ekki sérstaklega að blaða-
mönnum.
Tímarit í upplagskönnun Verslunarráðsins:
Heimsmynd prent-
uð í stærstu upplagi
HEIMSMYND er prentuð í stærstu upplagi þeirra íslenskra tíma-
rita, sem Verslunarráð íslands hefur upplagseftirlit með. Heims-
mynd var að meðaltali prentuð í 9.163 eintökum á tímabilinu frá
nóvember 1990 til júní í ár. Alls fylgist Verslunarráðið með upplagi
6 tímarita.
Þjóðlíf er í öðru sæti hvað upplag
snertir með 8.863 eintök og Æskan
fylgir fast á eftir, en hún var að
meðaltali prentuð í 8.606 eintökum
á tímabilinu. Hin tímaritin sem
Verslunarráðið hefur upplagseftirlit
með eru Heilbrigðismál, sem var
prentað í 7.650 eintökum á tímabil-
inu, 3 T, sem prentað var í 6.360
eintökum og Uppeldi, en upplag
þess var að meðaltali 7.250 eintök
á fyrrgreindu tímabili.
Auk tímaritanna fylgist Versiun-
arráðið með upplagi nokkurra
fréttablaða og kynningarrita, en
samkvæmt tilkynningu frá Verslun-
arráði íslands er Morgunblaðið eina
dagblaðið sem nýtir sér þessa þjón-
ustu þess.
Heimskórinn:
Tækifæri til að syngja
með Pavarotti í vor
FYRSTU æfingar íslandsdeildar
heimskórsins svokallaða eða
World Festval Choir fara fram
um miðjan september. Söngfólk-
ið mun æfa Requiem eftir Verdi
fyrir tónleika í Globen tónlistar-
höllinni í Stokkhólmi 11. apríl
Leiðrétting-
Síðastliðinn föstudag birtist í
blaðinu grein um ellimisþyrmingar.
Ætlunin var að gera myndina þann-
ig úr garði að einstaklingar þekkt-
ust ekki og yrðu ekki bendlaðir við
greinina. Hinsvegar hefur komið í
ljós að hægt er að greina aðila á
myndinni sem um ræðir og er það
miður því það var á alls engan hátt
tengt þessu viðkvæma umfjöllunar-
efni. Eru hlutaðeigandi beðnir vel-
virðingar á þessum mistökum.
1992. Meðal einsöngvara á tón-
leikunum er Luciano Pavarotti.
I heimskórnum eru um 3000
söngvarar víðsvegar að úr heimin-
um. Þeir æfa fyrir tónleika í heima-
löndum sínum en hitta aðra félaga
í kórnum á tónleikum sem haldnir
eru öðru hveiju í hinum ýmsu lönd-
um. Þess er ekki krafist að söng-
fólkið lesi nótur og engin raddpróf
eru í kórinn. Þeir sem syngja í öðr-
um kórum þurfa ekki að hætta til
þess að taka þátt í kórstarfinu.
Fyrstu tónleikarnir sem íslenska
söngfólkinu gefst kostur á að taka
þátt í fara fram í Globen tónlistar-
höllinni í Stokkhólmi 11. apríl 1992.
Þeim sem vilja verða með, áhuga-
mönnum og atvinnufólki alls Staðar
að af landinu, er bent á að hafa
samband við Hafdísi Magnúsdóttur,
framkvæmdastjóra kórsins á ís-
Iandi.
íslendingum gefst kostur á að
syngja með stórsöngvaranum
Luciano Pavarotti 11. apríl á
næsta ári.
Siðferði og samfélagsgerð í íslendingasögum:
Komið til varnar hetjunni
- segir Vilhjálmur Árnason dósent
NÝLEGA birtist í virtu bandarísku tímariti, Journal of English
and Germanic Philology (J.E.G.P), grein eftir Vilhjálm Arnason
dósent í heimspeki við Háskóla Islands sem nefnist „Morality and
Social Structure in the Icelandic Sagas“ (Siðferði og samfélags-
gerð í íslendingasögunum) þar sem Vilhjálmur gagnrýnir fyrri
skrif um íslendingasögurnar og bendir á mikilvægi þess að um-
ræða um þær taki tillit, bæði til félagslegra og siðferðilegra þátta.
í samtali við Morgunblaðið
sagði Vilhjálmur að þessi grein
væri eins konar framhald af grein
sem hann skrifaði í Tímarit Máls
og Menningar árið 1985. „Mér
var boðið á ráðstefnu í Salt Lake
City í Bandaríkjunum þegar ég
bjó þar í landi veturinn 1988-1989
og skömmu síðar til Viktoríuborg-
ar á Vancouvereyju í Kanada á
vegum Richard Beck stofnunar-
innar. Þar flutti ég fyrirlestra sem
greinin í J.E.G.P byggist á.“
I grein sinni gagmýnir Vil-
hjálmur hefðbundnar aðferðir til
að nálgast siðferði söguhetja ís-
lendingasagnanna, þ.e. út frá trú-
arbrögðum. Hann telur skila betri
árangri að athuga samfélagsgerð-
ina, þ.e. tengsl siðferðis og samfé-
lagsgerðar. Á íslandi var samfé-
lag án ríkisvalds þar sem ekkert
tryggði öryggi þegnanna og því
varð einstaklingurinn að reiða sig
á ættingja, vini og bandamenn
og leiða má rök að því að þetta
endurspeglist í siðferðinu.
„Hins vegar er hætt við að ef
einblínt er á tengsl siðferðis við
samfélagsgerð missi menn sjónar
á siðferðinu og taki að sjá allt sem
ópersónulegt félagslegt ferli,“
sagði Vilhjálmur. „Þegar rætt er
um íslendingasögurnar má ekki
gleyma hlutverki dyggðanna inn-
an samfélagsins.
Það má segja að í greininni sé
komið hetjunni til varnar því að
henni hefur verið sótt úr öllum
áttum undanfarið. Af þeim sem
telja að í sögunum megi finna
gagnrýni á hetjuskapinn út frá
kristilegu siðferði, af þeim sem
lýsa hetjunum sem félagslega
vanhæfum einstaklingum sem
ógni röð og reglu og af þeim sem
álíta að í sumum sögum sé verið
að draga dár af hetjuskapnum."
Vilhjálmur sagði að eftir sem
áður væri óneitanlega til hetju-
skapur í sögunum og yrði ekki
útskýrður í burtu. „Hann er til
Vilhjálmur Árnason
vitnisburðar um sammannlegan
siðferðilegan þátt í þeim. Síðan
draga félagslegar aðstæður fram
þessa mannkosti og láta reyna á
þá á óvenjulegan hátt. í raun og
veru eru átökin í íslendingasögun-
um ekki á milli kristins og heiðins
siðferðis heldur á milli hetjuhug-
sjónarinnar með öllu tilheyrandi
(sæmd, drengskapur og hefnd)
og félagslegrar þarfar á að
tryggja frið og reglu,“ sagði Vil-
hjálmur Árnason.
(fí
RAFKNÚNAR DÆLUR
0,5 til 3,0 hp.
Hringrásardælur, brunndælur,
sjódælur úr kopar, neyslu-
vatnsdælur með jöfnunarkút,
djúpvatnsdælur og fleiri
útfærslur,
Úrvalsvara á ótrúlega
lágu verði.
LASALAN H.F.
ÁNANAUST 1, REYKJAVÍK. SÍMI 91-26122