Morgunblaðið - 19.03.1992, Blaðsíða 4

4
MORGUNBLAÐIÐ FIMMTUDAGUR 19. MARZ 1992
Lífeyrisréttindi starfsfólks einkabanka og ríkisbanka:
Málflutningnr í Félags-
dómi hefst í aprflmánuði
LÖGMAÐUR Sambands íslenskra bankamanna lagði fram greinargerð
í félagsdómi á þriðjudag vegna stefnu íslandsbanka á hendur samband-
inu til að fá úr því skorið hvemig bæri að túlka ákvæði kjarasamn-
inga um að starfsmenn einkabanka njóti sambærilegra lífeyrisréttinda
og starfsmenn ríkisbankanna. Að sögn Garðars Gíslasonar, forseta
Félagsdóms, var málinu frestað til 26. mars til frekari skoðunar og
kveðst hann búast við að málflutningur hefjist í fyrri hluta apríl. Sam-
band bankamanna tekur ekki þátt. í samfloti samtaka vinnumarkaðar
og starfsmanna rikisins fyrr en leyst hefur verið úr deilunni sem snýst
um hvort starfsfólk einkabankanna eigi að njóta að öllu leyti sambæri-
iegra lífeyrisréttinda og starfsfólk ríkisbankanna.
Hann sagði að ein megin sérkrafa
Sambands bankamanna í viðræðun-
um um nýjan kjarasamning væri að
tekin yrðu af öll tvímæli að starfs-
fólk bankanna nyti sömu lífeyrisrétt-
inda þar sem miðað yrði við ákvæði
reglugerðar um eftirlaunasjóð starfs-
fólks Landsbankans og Seðlabank-
ans. Sagði Baldur að ekki yrði stað-
ið upp frá samningaborðinu fyrr en
gengið hefði verið frá þessu máli.
íslandsbanki stefndi Sambandi
bankamanna fyrir Félagsdóm í des-
ember þar sem þess er krafist að
viðurkenndur verði sá skilningur
bankans, að í ákvæðum kjarasamn-
inga um sambærileg réttindi starfs-
manna ríkisbanka og einkabanka
felist eingöngu ábyrgð á verðtrygg-
ingu lífeyris en ekki loforð sem tryggi
starfsfólki fullkomlega sambærileg
lífeyrisréttindi, s.s. varðandi eftir-
launarétt, makalífeyrir, örorkulífeyr-
ir og bamalífeyrir.
Baldur Óskarsson, framkvæmda-
stjóri Sambands bankamanna, sagði
að starfsfólk einkabankanna hafi
fengið eftirlaun með sambærilegum
hætti og starfsfólk ríkisbankanna.
Einkabankar hefðu lagt til hliðar í
varasjóði á efnahagsreikningi til að
mæta þessum skuldbindingum. Sam-
band bankamanna hefði því talið að
bankamir túlkuðu ákvæði kjara-
samninga með sama hætti og banka-
starfsmenn en í desember sl. hefði
íslandsbanki hins vegar ákveðið að
skjóta þessu máli til úrskurðar Fé-
lagsdóms.
Jóhannes Siggeirsson, fram-
kvæmdastjóri íslandsbanka, sagði
mál þetta eiga sér langa forsögu en
samningaviðræður á undanfömum
ámm hefðu ekki borið árangur og
því verið talið eðlilegast að Félags-
dómur úrskurðaði um túlkun ákvæð-
is kjarasamninga, sem væri mjög
óljós um um þetta álitaefni.
„Bankinn hefur haft frumkvæði
að viðræðum á milli aðila um þetta
mál og talið mjög brýnt fyrir báða
aðila að fá úrskurð í því,“ sagði Jó-
hannes.
VEÐURHORFUR I DAG, 19. MARZ
YFIRLIT: Yfir Grænlandshafi er 992 mb lægð sem grynnist og mjakast
norðaustur. Um 1600 km suður af Hvarfi er 985 mb lægð sem er á
leið austnorðaustur.
SPÁ; Suðlæg breytíleg eða vestlæg átt, smáél norðvestan og norðaust-
anlands, en annars víðast þurrt. Hiti 3 til 6 stig.
VEÐURHORFUR NÆSTU DAGA:
HORFUR Á FÖSTUDAG: Suðaustlæg átt og heldur hlýnandi. Víða slydda
um sunnanvert landið en annars þurrt.
HORFUR Á LAUGARDAG: Hæg austlæg eða breytíleg átt og hiti víðast
nálægt forstmarki. Skúri’r eða slydduél við suður- og austurströndina
en annars þurrt að mestu.
Svarsími Veðurstofu íslands — Veðurfregnir: 990600.
Heiðskírt Léttskýjað Hálfskýjað
r r r * / * ***
r r * r * *
r r r r * r ***
Rigning Slydda Snjókoma
FÆRÐA VEGUM:
Skýjað Alskýjað
v ^ ý
Skúrir Slydduél Él
Sunnan, 4 vindstig.
Vindörín sýnir vindstefnu
og fjaðrirnar vindstyrk,
heil fjöður er 2 vindstig.
10° Hitastig
V Súld
= Þoka
5«9v
ÍKI. 17.30ígær)
Ágæt færð er í nágrenni Reykjavíkur. Greiðfært er4il Suðurnesja, um
Mosfelisheiöí, Þrengsli og Hellisheíði. Greiðfært er um Suðurland og
með suðurströndinni austur á Austfirði. Góö færð er á Hóraði. Greið-
fært er fyrir Hvalfjörð um Borgarfjörð og Snæfellsnes í Dali og þaðan
til Reykhóla. Greiðfært er frá Brjánslæk til Patreksfjarðar og þaðan tii
Bíldudals. Botns- og Breiðadalsheiðar eru færar og greiðfært er á milli
Bolungarvfkur, ísafjarðar, Súðavíkur og inn í (safjarðardjúp. Greiðfært
er um Holtavörðuheiði til Hólmavíkur og Drangsness, en Steingrímsfjarð-
arheiði er fær stórum bílum og jeppum. Fært er um Norðurland tíl Siglu-
fjarðar, Ólafsfjarðar, Akureyrar og þaðan um Þingeyjarsýslur með strönd-
inni til Vopnafjarðar. Mývatns og Möðrudalsöræfi eru jeppafær og fært
er um Vopnafjarðarheiði fyrir jeppa og stærri bíla. Víða er snjór og hálka
á vegum landsins.
/ VEÐUR VÍÐA UM HEIM kl. 12.00 í gær að ísl. tíma hiti veður Akureyri 3 skýjað Reykjavik 1 snjóél
Bergen 6 rigning
Helsinki 3 súld
Kaupmannahöfn 5 þokumóða
Narssarssuaq +6 skýjBð
Nuuk 8 skýjað
Ósld 7 skýjað
Stokkhólmur 8 hálfskýjað
Þórshöfn 5 rigning
Algarve 17 skýjað
Amsterdam 10 þokumóöa
Barcelona 12 þokumóða
Berlín 10 léttskýjað
Chicago 2 alskýjað
Feneyjar 9 skýjað
Frankfurt 13 léttskýjað
Glasgow 7 skýjað
Hamborg 11 léttskýjað
London 12 skýjað
LosAngeles 17 alskýjað
Lúxemborg 12 léttskýjað
Madríd vantar
Malaga 16 mistur
Mallorca 14 skýjað
Montreal +5 léttskýjað
New York 6 skýjað
Orlando 24 skýjað
Parls 13 skýjað
Madeira 16 skýjaö
Róm 11 heiðskírt
Vírt 5 léttskýjað
Washington 6 alskýjað
Winnipeg +6 alskýjað
Hollenskir dagar á Eyrarbakka:
Guölaugur Pálsson elsti
kaupmaður í heiminum
er selur hollenskar vörur
Selfossi.
HOLLENSKIR listamenn og fleiri sem standa að hollenskum
dögum á íslandi heimsóttu Guðlaug Pálsson kaupmann á Eyrar-
bakka, sungu fyrir hann hollensk lög og færðu honum blóm og
gjafir. Þetta gerðu þeir í tilefni þess að Guðlaugur er að þeirra
sögn elsti kaupmaðurinn í heiminum sem selur hollenskar vörur.
Guðlaugur, sem nýlega varð
96 ára, hefur stundað verslunar-
rekstur í 74 ár. Hann sagði að
hér áður, fyrir 50-55 árum, hefði
hann flutt inn sjálfur vörur frá
mörgum löndum. Frá Hollandi
flutti hann ihn álnavöru og
kvenkápur. „Og þær seldust mjög
vel,“ sagði Guðlaugur sem var
hinn ánægðasti með heimsóknina.
Gestunum þótti greinilega mik-
ið til þess koma að hitta Guðlaug
og sjá hjá honum verslunina. Þeir
færðu honum að gjöf listaverka-
bók um Rembrandt og blómvönd.
Harm W. de Boer, sem hafði orð
fyrir gestunum, sagði að þeir
hefðu séð nafn Guðlaugs í blöðum
frá Englandi og Þýskalandi og
það væri þeim sönn ánægja að
hitta hann.
Hollendingarnir spiluðu á
harmonikkur og sungu, bæði inni
í búðinni og úti á tröppum. Þetta
vakti að vonum nokkra athygli
vegfarenda sem stöldruðu við og
urðu vitni að heimsfrægð Guð-
laugs Pálssonar kaupmanns.
Sig. Jóns.
Morgunblaðið/Sigurður Jónsson
Spilað á harmonikkur og sungið á tröppum verslunar Guðlaugs
Pálssonar.
14 sóttu um sýslumannsembætti í Hafnarfírði;
Flestir umsækjendur eru
sýslumenn eða í ráðuneyti
MEÐAL fjórtán umsækjenda um
embætti sýslumanns í Hafnar-
firði, sem veitt er frá 1. júlí
næstkomandi, er lög um aðskiln-
að dóms- og umboðsvalds taka
gildi, eru þrír sýslumenn og tveir
bæjarfógetar á landsbyggðinni
og þrír starfsmenn dómsmála-
ráðuneytisins. Að auki sækir um
embættið staðgengill núverandi
sýslumanns og bæjarfógeta, Más
Péturssonar, sem kosið hefur að
neyta forgangs til dómaraemb-
ættis við héraðsdóm Reykjaness.
Þrír umsækjendanna óska nafn-
leyndar, en hinir eru:
Erlingur Óskarsson, bæjarfógeti
á Siglufirði, Friðjón Guðröðarson,
sýslumaður í Rangárvallasýslu,
Guðmundur Sophusson, fulltrúi
sýslumanns og bæjarfógeta í Hafn-
arfirði, Jón Thors, skrifstofustjóri
í dómsmálaráðuneytinu, Krístján
Torfason, bæjarfógeti f Vest-
mannaeyjum, Magnús Brynjólfs-
son, deildarstjóri hjá Gjaldheimt-
unni í Reykjavík, Ríkarður Másson,
sýslumaður í Strandasýslu, Stefán
Skarphéðinsson, sýslumaður í
Barðastrandarsýslu, Þorleifur Páls-
son, skrifstofustjóri í dómsmála-
ráðuneyti og Þorsteinn A. Jónsson,
deildarstjóri í dómsmálaráðuneyti.
Ekið á öðru
hundraðinu
HRAÐI í umferðinni eykst í
sama hlutfalli og birtan með
hækkandi sól, að sögn lögregl-
unnar í Reykjavík. Fjöldi öku-
manna hefur undanfarna daga
mælst á yfir 100 kílómetra
hraða I borginni.
Við hraðamælingar á Gullinbrú
á þriðjudag reyndist einn öku-
maður aka á nær 110 kílómetra
hraða og var sviptur ökuréttind-
um fyrir vikið. Hámarkshraði á
brúnni er 60 km. Nokkur alvarleg
slys hafa orðið á brúnni og ætti
að vera full ástæða til að fara
varlega þar.
Annar ökumaður var að flýta
sér milli Reykjavíkur og Mosfells-
bæjar og mældist aka á nær 120
km hraða á Vesturlandsvegi.