Morgunblaðið - 21.06.1992, Blaðsíða 44

KJÖRBÓK
Landsbanki
íslands
Banki allra larvdsmanna
MORGUNBLAÐIÐ, AÐALSTRÆTI 6, 101 REYKJAVÍK
SÍMI 691100, SÍMBRÉF 691181, PÓSTHÓLF 1555 / AKUREYRI: HAFNARSTRÆTI 85
SUNNUDAGUR 21. JÚNÍ 1992
VERÐ í LAUSASÖLU 110 KR.
*
Astæðulaust
að óttast
leðjufyllingu
•—t Tjörninni
Reykjavikurtjörn er ekki að
grynnast og óþarfi að hafa
áhyggjur af leðjufyllingu þar,
eins og menn hafa gert í áratugi
og rætt um hvernig megi hindra
það án þess að skaða lífríkið.
Mælingar sýna að hún hefur
haldist nokkurn veginn jafn djúp
frá upphafi. Vatnsborðið hefur
hækkað jafnmikið og botnsetið
þykknar. Þetta hefur m.a. komið
fram í rannsóknum fræðimanna,
sem á undanförnum 4 árum hafa
unnið skipulega að úttekt á
Tjöminni og vatnasviði hennar á
... -vegum Reykjavíkurborgar og
Náttúruvemdarráðs.
í niðurstöðum fræðimannanna
kemur fram að Tjörnin er á marga
vegu eitt af merkustu vötnum
landsins. Um þriðjungur íslensku
fuglafánunnar hefur sést þar.
Tjörnin er stærsta þekkta fellistöð
stokkanda á íslandi. Stærsti hópur
álfta, sem hafa vetrardvöl á ís-
landi, dveljast á Tjörninni og hefur
aliur Innnesjahópurinn, 150 álftir,
þar vetursetu nú. Þá er Tjömin einn
mikilvægasti vetrardvalarstaður
grágæsa og skúfanda á landinu,
eins og fram kemur í viðtali við
Ólaf K. Nielsen fuglafræðing.
Sjá bls. 16.

Erill hjá
lögreglu í
Hafnarfirði
s TALSVERÐUR erill var hjá lög-
^reglunni í Hafnarfirði aðfaranótt
*íaugardags og þó nokkur ölvun
í miðbænum. Einn ökumaður var
tekinn ölvaður við akstur á Hafn-
arfjarðarvegi á sjötta tímanum.
Samkvæmt upplýsingum frá lög-
reglunni var engin sérstök sjáanleg
ástæða fyrir ólátunum og virtist
sem fólk væri bara að reyna að
gera sér glaðan dag, þó geyst væri
farið. Brotin var rúða i áfengisversl-
uninni en ekki er kunnugt um frek-
ari skemmdir.
VIÐ ARNARSTAPA A SNÆFELLSNESI
Morgunblaðið/Ámi Sæberg
Unglingameðferðarheimilið Tindar:
Færri koma í meðferð vegna
aukins framboðs fíkniefna
AÐSÓKN að unglingameðferðarheimili ríkisins á Tindum hefur verið
með minna móti að undanförnu en er nú aftur að aukast. Sigrún Hv.
Magnúsdóttir, deildarstjóri á Tindum, segir að ætíð séu einhverjar
sveiflur í umsóknum um meðferð og bendir á að samdrátturinn hafi
m.a. verið rakinn til aukins framboðs á fíkniefnum á markaðnum.
Sigrún Hv. Magnúsdóttir sagði að
aðeins minni starfsemi hefði verið á
meðferðarheimilinu nú framan af
sumri en að umsóknum væri aftur
að fjölga. Sigrún benti á að samdrátt-
ur þessi sé talinn hafa skapast m.a.
vegna mikils framboðs á fíkniefnum
á markaðnum sem auðveldi ungling-
um að komast í vímu og komi í veg
fyrir að þeir sæki eftir aðstoð. Hún
sagði að lögregla tengi saman fjölg-
un á innbrotum við aukið framboð á
fíkniefnum.
Sigrún sagði að frá því að með-
ferðarheimilið opnaði á síðasta ári
hafi ásókn í meðferð verið stöðug
og það væri ekki óeðlilegt þar sem
boðið væri upp á nýja þjónustu en
oftast væru nokkrar sveiflur í fjölda
umsækjenda í svona meðferð. Pláss
er fyrir tíu unglinga á aldrinum
13-18 ára á meðferðarheimilinu og
á seinasta ári voru að meðaltali sjö
unglingar í meðferð á mánuði en í
sumar eru þeir fjórir til fimm. Að
sögn Sigrúnar tekur meðferðin þijá
mánuði en síðan tekur við eins árs
eftirmeðferð og eru um 15 unglingar
í henni núna. Að sögn Sigrúnar hef-
ur þess misskilnings gætt hjá al-
menningi að unglingur yrði að vera
mjög langt leiddur í vímuefnanotkun
til þess að leita eftir meðferð og vildi
hún benda á að það væri ekki raun-
in. Sigrún sagði að meðferðin á
unglingaheimilinu væri hönnuð sér-
staklega fyrir unglinga, t.d. væri
mikil áhersla lögð á samvinnu við
foreldra á öllum stigum meðferðar-
innar.
Fjörutíu biskupar
hittast hér á fundi
íslensk kona gaf skóla-
hús til fátækra í Kenýa
Fénu er vel varið og þakklæti fólksins verður mér
ógleymanlegt, segir Margrét Hjálmtýsdóttir
ÍSLENSK kona, Margrét Hjálmtýsdóttir, hefur gefið fé til bygging-
ar grunnskóla I Monogrion í hinu fátæka Pókot-héraði í Kenýa.
Skólinn hefur hlotið nafnið „Margrét Monogrion Primary School.“
Skólinn, sem er átta kennslustofur, um 50 fermetrar hver, er með-
al þeirra myndarlegustu í héraðinu. Leysti hann af hólmi hálfhrun-
ið kofaskrifli úr stráum.
„fjarskyldur ættingi minn í
Danmörku arfleiddi mig, ásamt
mörgum öðrum, að eigum sínum.
Þessi góði maður hafði sagt að ég
ætti að nota peningana mér til
skemmtunar í útlöndum. Ég mátti
ekki eyða þeim á íslandi,“ sagði
. Margrét. Hugmyndina að byggingu
skólahúss kvaðst hún hafa fengið
er hún las grein í Morgunblaðinu
eftir sr. Kjartan Jónsson, kristni-
boða, um sára þörf fyrir skólahús
þar sem hann starfaði í Kenýa.
Margrét var ásamt Kjartani við-
stödd formlega opnun skólans þann
8. maí. Hún kvað móttökumar
hafa verið þjóðhöfðingja sæmandi.
Henni voru gefnar táknrænar gjaf-
ir, dansaðir fyrir hana dansar og
sungin frumsamin lög.
Aðspurð kvaðst Margrét sér
þykja fénu vel varið. „Skólinn sem
þau höfðu áður var hálfhruninn
strákofi og mestöll kennslan fór
fram undir beru lofti," sagði hún.
„Vinsemd og þakklæti fólksins í
Pókot verður mér óglejmianlegt.“
Sjá nánar bls. 14, „Gaf grunn-
skóla ...“
FJÖRUTÍU biskupar þjóðkirkn-
anna á Norðurlöndum koma sam-
an á íslandi dagana 26.-30. júní.
Aldrei fyrr hafa jafnmargir bisk-
upar verið á landinu í einu.
Biskupar hinna evangelisk-lút-
ersku þjóðkirkna á Norðurlöndum
koma saman þriðja hvert ár til að
viðræðna, samveru og helgihalds.
Að þessu sinni er nprræni biskupa-
fundurinn haldinn á íslandi. Að sögn
séra Þorbjörns Hlyns Ámasonar
biskupsritara eru biskupar þjóð-
kirknanna á Norðurlöndum um 50
og er von á 37 þeirra hingað til lands
ásamt eiginkonum. Á fundinum
verða því með biskupi íslands og
vígslubiskupum Skálholtsstiftis og
Hólastiftis, alls 40 starfandi biskup-
ar. Þar verða tveir erkibiskupar, frá
Svíþjóð og Finnlandi, en að auki verð-
ur þeim þrem biskupum íslenskum,
sem látið hafa af embætti, boðið að
vera viðstaddir.
Síðast funduðu biskupar Norður-
landa á íslandi árið 1976 en þá voru
þeir 33, 30 útlendir og 3 íslenskir.
Hafa aldrei venð fleiri biskupar sam-
ankomnir á íslandi en um næstu
helgi.
Herra Ólafur Skúlason biskup ís-
lands setur biskupafundinn með
ræðu í Neskirkju föstudaginn 26.
júní. Einn fulltrúi frá hveiju landi
gerir grein fyrir því hvað helst hefur
borið við á heimaslóð frá síðasta
fundi. Einnig munu kirkjuleiðtogarn-
ir fjalla um samræður þjóðkirknanna
við ensku biskupakirkjuna.
Biskup íslands herra Ólafur Skúl-
ason benti á í samtali við Morg-
unblaðið að miklir atburðir hefðu átt
sér stað í Evrópu frá því að síðasta
biskupastefna var haldin í Finnlandi
fyrir þrem árum. Kirkjumálaráðherra
Þorsteinn Pálsson mun flytja erindi
um breytingar þær sem gengið hafa
yfír Evrópu og þá menningarlegu og
trúarlegu strauma sem fylgja auknu
frelsi. Síðan munu biskuparnir ræða
um hlut kirknanna í þessari nýju og
breyttu Evrópu.
Herra Ólafur Skútason sagði
kirkjuleiðtogana ekki einungis koma
til ræðuhalda heldur ekki síður til
samvtru og helgihalds.
Biskupafundi lýkur þriðjudaginn
30. júní.