Morgunblaðið - 25.06.1992, Qupperneq 7

MORGUNBLAÐIÐ FIMMTUDAGUR 25. JÚNÍ 4992
7
Morgunblaðið/Bjami
Séra Bolli Gústavsson vígslubiskup Hólastiftis, séra Jónas Gislason
vigslubiskup Skálholtsstiftis og herra Ólafur Skúlason biskup ís-
lands hlýða á erindi sr. Arnar Bárðar Jónssonar.
Prestastefna 1992;
Rætt um hlutverk og
valdsvið kirkjunnar
PRESTASTEFNU 1992 var framhaldið í gær í Neskirlqu. Fundar-
mönnum varð tíðrætt um hlutverk kirkjunnar, sérstaklega safnaðar-
ins. Einnig var rætt um í hve miklum mæli kirkjan skyldi láta verald-
leg mál til sín taka. Þrjú erindi voru flutt, Þjóðfélagið og kirkjan,
Hlutverk safnaðarins í samfélaginu og Sókn á markaðstorgi guðanna.
í erindi sínu um þjóðfélagið og
kirkju fjallaði dr. Pétur Pétursson
um „trúverðugleika" kirkjunnar í
augum fólks. Aður fyrr hefði kirkj-
an verið skýr hluti af félagslegu
umhverfi fólks. Menningin, upp-
fræðsla og þjónusta verið hlutverk
kirkjunnar. Svo væri ekki lengur,
nútíminn einkenndist af aukinni
fjölhyggju, mörg sjónarmið og við-
horf væru skoðuð og metin. Hvern-
ig hefði kirkjunni reitt af?
Margt benti til að íslenska þjóð-
kirkjan væri tengdari íslenskri þjóð-
arsál sem stofnun, heldur en að
sóst væri eftir boðun hennar og
fagnaðarerindi. íslendingar virtu
kirkjuna, hefðu sterka kirkjuvitund.
En þó væri það nú svo að fólkið
hefði fjarlægst kirkjuna eða kirkjan
fólkið.
Fólk hefði væntingar til kirkjunn-
ar og teldi eðlilegt að kirkjan sinnti
félagsmálum og mannúðarmálum
og væri jákvætt gagnvart áhrifum
kristinnar siðfræði í þjóðfélaginu.
Pétur tók undir þau orð sem herra
Ólafur Skúlason biskup lét falla í
sinni setningarræðu um að efla
þyrfti safnaðarvitund. Opna yrði
safnaðarstarfíð, fræðslu hjónaefna,
foreldra við skírn, leshringum og
starfshópum o.s.frv. í safnaðar-
starfi ætti að takast á við nútímann
og því sem sem honum fylgdi en
ekki loka sig frá honum. En Pétur
varaði við því að gera safnaðarupp-
byggingu að einhvers konar skóla-
hreyfingu. Trúin væri samband við
Guð og líta yrði heilstætt á mann-
inn / söfnuðinn sem virkt afl í sam-
félaginu.
Sr. Baldur Kristjánsson ræddi
um „hlutverk safnaða í samfélag-
inu“. Hann sagði áhrif kirkjunnar
og kristinna gilda í íslensku velferð-
arsamfélagi vera umtalsverð. En
hins vegar, kirkjan hefði farið mjög
varlega í að nota það vald sem hún
hefði. Baldur taldi kirkjuna alls
ekki hafa verið nógu virka og
mætti að skaðlausu færa út vald-
svið sitt. Kirkjan og söfnuðirnir
ættu að vera óþreytandi í því að
veija þá á jöðrum samfélagsins sem
troðið væri á og hvetja þá til þátt-
töku í lýðræðissamfélagi. Kirkjan
ætti ekki að vera vímuefni heldur
innbyggð í hið veraldlega samfélag
og helga það.
Sr. Hjálmar Jónsson benti á að
víðsvegar í samfélaginu störfuðu
kristnir menn á grundvelli sinna
lífsskoðana. Kirkjan gegnsýrði að
þessu leyti þjóðfélagið býsna vel.
Hjálmar innti viðstadda eftir því
hvort þeir teldu aukna veraldlega
umsýslu kirkjunnar vera mikið til
bóta.
Sr. Örn Bárður Jónsson talaði
um „sókn á markaðstorgi guð-
anna“. Kirkjan yrði að vera í sókn
en ekki vörn. Og sóknin, þ.e. kirkju-
sóknin; söfnuðurinn væri lykilatriði.
Örn Bárður sagði að kirkjan gæti
að sönnu nýtt sér margháttaða
þekkingu, m.a. frá markaðsfræðun-
um, en sú þekkinþ ætti auðvitað
ekki að stýra starfinu heldur náðar-
gáfan, frumþjónustan, boðunin.
Ræðumaður rakti allar þær kröfur
sem gerðar væru til presta. Aðeins
„sr. Súpermann" gæti risið undir
þessu. Öm Bárður sagði presta
vera lykilmenn í safnaðarstarfinu
en prestarnir yrðu að læra að fram-
selja ábyrgð og virkja aðra til starfs.
Sr. Sigurður Sigurðarson vildi
að menn reyndu að gera sér skýr-
ari grein fyrir því að hverju þeir
væru að leita. Benti m.a. á að fyrr-
nefnd kirkjuvitund væri talin til
styrkleika hinnar rómversk-kaþ-
ólsku kirkju. Og í margbrotnu nú-
tímaþjóðfélagi þéttbýlis væri erfítt
að halda fram einhliða safnaðarvit-
und.
Fundarmenn ræddu nokkuð efni
erinda. Hve vítt valdsvið kirkjunnar
skyldi vera. Markviss þjóðfélagsleg
gagnrýni til viðbótar við boðun
orðsins og útdeilingu sakrament-
anna? Hvernig skyldi boða orðið eða
„markaðssetja" það.
Prestastefnu lýkur síðdegis í dag.
Borgarráð:
24,5 millj. vegna loka-
áfanga við Hlíðaskóla
BORGARRAÐ hefur samþykkt,
að taka 24,5 milljóna króna til-
boði lægstbjóðanda, Artaks hf.,
í uppsteypu lokaáfanga Hlíða-
skóla. Tilboðið er 88,73% af
kostnaðaráætlun sem er 27,7
milljónir.
Sjö tilboð bárust í verkið auk
frávikstilboðs frá einum aðila. Næst
lægsta boð var frávikstilboð frá
Sveinbirni Sigurðssyni, 24,6 millj.
eða 88,92% af kostnaðaráætlun, þá
bauð Örn Úlfar Andrésson rúmar
25,6 millj. eða 92,85% af kostnaðar-
áætlun, Al-verk hf., bauð 27 millj.
eða 97,61% af kostnaðaráætlun,
Þorsteinn Sveinsson bauð 27,2 millj.
eða 98,57% af kostnaðaráætlun og
Sveinbjörn Sigurðsson bauð 27,3
millj., eða 98,86% af kostnaðaráætl-
un.
ísvirki hf., bauð 29,8 millj. eða
107,78% af kostnaðaráætlun og
Bragi Grétarsson bauð 30,2 millj.
eða 109,14% af kostnaðaráætlun.

knn mém iiiBOtt
fi TILiiNl SUMAIS
SÓLSTÓLL
Fallegur, sterkur, stöðugur.
Staflast mjög vel.
Verð án sessu. Aðeins
MALASÍUPOTTAR
Henta allsstaðar, inni sem úti,
kjömir í garðskálann.
XllSO^ -ZSdfr- jnnr,
■zsocn-
SUMARBLÓM ^
i mj***
Pelagóníur
FJALLAFURA
- Brosandi blóm á betra verði
Rósabúnt, Fresíubúnt,
Blandaðir blómavendir.
Falleg blómabúnt á sumarverði.
ámat-
- ‘ "wnv$TA
Æír.rr i
Opið alla daga frá kl. 9-22. Sími 689070.
m
1 Metsölublað á hverjum degi!