Morgunblaðið - 08.01.1993, Qupperneq 28

28
MORGUNBLAÐIÐ FÖSTUDAGUR 8. JANÚAR 1993
Ágúst Lárusson
frá Kötluholti
Fæddur 27. ágúst 1902
Dáinn 2. janúar 1992
Þeim fækkar mínum gömlu og
góðu vinum sem aldrei brugðust og
alltaf var hægt að treysta í blíðu sem
stríðu. Nú hefír einn þeirra, Ágúst
Lárusson, kvatt eftir mikið og far-
sælt starf. Hann var dugnaðarforkur
að hveiju sem hann gekk og var
ekki alltaf að líta á klukkuna. Það
var honum aðalatriði að geta unnið
húsbændum sínum vel og að hvert
það starf sem hann gekk að þyldi
alla gagnrýni. Það er erfitt að gera
starfsvangi hans skil í fáum orðum.
Hann var jafnvígur á penna og pál.
Hann var ekki gamall þegar hann
fór gangandi með skrínuna á baki
til sjóróðra í Grindavík. Þar komst
hann í skiprúm sem honum var bæði
skóli og ábati. Var svo heppinn að
komast í skipsrúm til hins merka
sjósóknara Árna frá Teigi. Þau ár
sem hann var þar entust í minning-
unni alla ævi. Ámi er látinn fyrir
skömmu. Ég man glampann í augum
hans er ég skilaði kveðju frá Gústa.
„Já, hann Gústi, hann Gústi. Hann
átti ekki sinn líka“, og svo komu
fram minningamar. „Blessaður veri
hann Gústi." Það var ekki einungis
að Ágúst stæði sig vel í erfíði dags-
ins. Hann mátti ekki vamm sitt vita,
og eitt loforð hans þurfti ekki að
skjalfesta. Þau stóðu, jafnvel þau
sem erfitt var að glíma við. En það
er önnur saga.
Hvemig Agúst tók bæði sigrum
og ósigmm, gleði og sorg, var alveg
sérstakt og væri góð hugvekja fyrir
eftirkomendur. Hann varð fyrir
mörgum áföllum og sorgin gleymdi
karlmannslund og yfírvegaðri ró. Og
hvert áfall dró hann nær Drottni,
það get ég með gleði vitnað. Og
traust hans og tilbéiðsla til Jesú
Krists brást ekki. Drottinn leggur
ekki meira á mann en maður getur
borið. Þá kom þrekið fram. Hann var
fæddur í Stykkishólmi, móðir hans
var þar vinnukona. Óx upp hjá afa
sínum Lárusi Þorgeirssyni í Hrísum
hér fyrir ofan bæinn. Og kenndi sig
við hann. Fimmtán ára réðist hann
í vinnumennsku og skömmu síðar til
sjós. Hann kvæntist traustri konu,
Ástrósu Halldórsdóttur frá Kot-
hrauni, og eignuðust þau fjögur börn.
Guðrúnu dóttur sína missti hann
snemma frá fjórum ungum börnum
og eins á efri árum Hjálmtý son sinn
af hræðilegu slysi í Ólafsvík, frá
mörgum börnum og konuna fýrir
nokkrum árum, mikið áfall. Þau
höfðu búið saman bæði að Búlands-
höfða og Kötluholti í Fróðárhreppi,
en voru þá flutt inn í Hólm.
Þá var Ágúst svo lánsamur að til
hans réðst indæl kona, Ingibjörg
Bjamadóttir, sem varð honum bæði
gleðigjafi og stoð og stytta, en því
miður stóð þessi sæla ekki lengi, þvl
hún lést eftir skamma samveru
þeirra. Og í þeirri sorg dáðist ég að
styrk hans.
Ágúst var hraustmenni og dugn-
aðarforkur að öllu sem hann gekk.
Seinnihluta ævinnar gekk hann ekki
heill til skógar en söm var lundin og
áhuginn. Hann fór í aðgerð. Missti
fótinn, en það lét hann ekki aftra
sér að heimsækja vini og kunningja,
göngugrindin og hjólastólinn komu
sér vel. Hann fékkst við fræðistörf
og er mikið af óprentuðu efni sem
hann skildi eftir og örðu kom hann
í góða vörslu. Hann var fræðasjór
og ótrúlega minnugur og fróður um
ættir og atburði. Flest af þessu skráði
hann. Sjómannasögur létu honum vel
og viðburði hans sjósóknar skráði
hann. Hann sannaði mér að til góðs
vinar liggja gagnvegir og því kom
ég til hans og varði mörgum stundum
mér til fróðleiks og uppörvunar. Þar
náðum við vel saman. Kynni okkar
hófust fijótt eftir að ég kom í sýsl-
una 1942. Þá var hann í ýmsum
málum fyrir sveit sína og sýslu.
Hann var hreppsnefndarmaður bæði
í Eyrarsveit og Fróðárhreppi, sýslu-
nefndarmaður og fjölmörgum öðrum
trúnaðarstörfum gegndi hann. Hann
rannsakaði og kynnti sér málin og
því þurfti ekki að fara yfír það sem
hann kom með til mín á sýsluskrif-
stofuna.
Mér er mikill söknuður að mínum
góða vini og geta nú ekki gengið í
forðabúrið sem ég aus svo miklu úr.
Ég finn nú strax að mikils er að
sakna. Það er tómlegra í hugarranni
mínum eftir burtför góðs vinar. En
í bili. Ágúst átti svo sterka og ein-
læga trú á Drottin sinn og frelsara.
Það brást honum ekki. Hann las
mikið trúarleg rit og Biblíuna skildi
hann aldrei við sig. Þessi bamslega
trú var stoð hans í lífinu. Hann efað-
ist aldrei um aðra tilveru þar sem
ástvinir mætast og þótt hann hafði
lifað langa og viðburðaríka ævi og
margt hafí brugðist, tók heimurinn
aldrei þessa trú frá honum. Þar var
aðalsmerkið. Heimurinn kvaddur í
sátt við Guð og menn eins og hann
orðaði það. Ég er honum þakklátur
fyrir samfylgdina, tel mig auðugri
eftir að hafa fylgt honum langa
ævi. Það sem hann gaf minu lífi fær
hvorki mölur eða ryð grandað. Sólar-
stundir lífs míns i dag, föstudag,
verður minningarathöfn í Stykkis-
hólmskirkju en á morgun fer fram
útför frá Brimilsvallarkirkju, þar
verður leg hans við hlið hans ágætu
eiginkonu. Við Ingibjörg minnumst
góðs vinar með þökk fyrir sérstaka
samfylgd. Guð blessi hann og hans
nánustu. Fari kær vinur í friði.
Árni Helgason.
En hvað þessi heimur er undarleg-
ur verustaður. Hér getur allt virst
svo hverfult. Þannig getur heimur
mannsins orðið svo tómur en veran
full af trega.
Það fínnur maður svo glöggt þeg-
ar genginn er einhver, sem stendur
manni næst.
Þær tilfinningar koma mér í bijóst,
nú, þegar farinn er sá, sem áður var
mér athvarf og skjól. Sá sem á bú-
stað í hjarta mínu, er ekki lengur á
meðal okkar, ekki lengur til að veita
fyllingu í tómi timans. Hann afí minn
sem var mér svo kær er dáinn. Ég
geri ráð fyrir að allir hans nánustu
verði varir við það skarð þar sem
hann áður var. Svona vinnur tíminn
í hverfulum heimi. Hinir dauðlegu
menn fara ekki varhluta af þvi og
verða þess stundum varir. Eitt sinn
skal hver deyja og þeir sem eru orðn-
ir lúnir á löngum og erfíðum reynslu-
gangi lífsleiðarinnar, á þá sækir
þreyta og þeir þrá hvíldina. Vissulega
átti afi minn blessaður lífsgleði og
mikinn viljastyrk og á erfiðum stund-
um barðist hann eins og hetja. Mér
fannst hann sérstakur persónuleiki
þar sem bæði gætti djúpra tilfínninga
og mikillar festu.
Nú hefír afí minn fengið hvíldina.
Þökk fyrir allar ógleymanlegu
stundir, umhyggju og önn, allt sem
hann veitti mér af ástúð og tryggð
af gæsku sinni. Hvíli hann nú í Drott-
ins náð og friði. Guð blessi afa.
Ágúst Gunnarsson.
Löng þá sjúkdómsleiðin verður,
lífið hvergi vægir þér,
þrautir magnast, þijóta kraftar,
þungt og sárt hvert sporið er,
honum treystu, hjálpin kemur,
hann af raunum sigur ber.
Drottinn elskar, - Drottinn vakir.
daga og nætur yfir þér.
(S.Kr. Pétursson)
Mér fínnst þessi orð eiga vel við
þegar ég minnist Ágústar Lárusson-
ar eða Ágústar afa eins og hann var
alltaf kallaður á mínu heimili.
Hvíldin var honum kærkomin eftir
erfíða sjúkdómsbaráttu síðasta árið.
Á milli komu góðir dagar og sat
hann þá ekki auðum höndum, heldur
skrifaði ýmsan fróðleik á blað eða
miðlaði til annarra.
Það er ekki ætlun mín að rekja
ævi hans hér, heldur aðeins að minn-
ast hans þau ár sem við þekktumst.
Fyrir tólf árum kom ég fyrst inn
á heimili hans á Skúlagötu 1 í Stykk-
ishólmi með dóttursyni hans. Hann
var mér ekki alveg ókunnugur, var
búinn að búa í Stykkishólmi í nokkur
ár og bjó í næsta húsi við ömmu sína
og afa. Þá var hann búinn að missa
eiginkonu sína Ástrósu Halldórsdótt-
ur fyrir nokkrum árum.
Ágúst var nokkuð hress en farinn
að tapa heym. í júlí 1982 varð hann
fyrir þvi að taka varð annan fótinn
fyrir ofan hné vegna meinsemdar.
En heim í Stykkishólm ætlaði hann
sér aftur og það tókst honum í októ-
ber sama ár.
Hann varð fyrir þeirri gæfu að fá
heim til sín einstaka hjálp þegar Ingi-
björg Bjamadóttir flutti til hans og
annaðist hann af mikilli alúð, þar til
hún lést svo sviplega árið 1987. Það
varð honum mikið áfall.
Kom að því að hann gat ekki ver-
ið lengur einn og flutti hann á Dval-
arheimilið í Stykkishólmi vorið 1989.
Þar undi hann sér við skriftir, föndur
og lestur. Fróðari mann og minnugri
held ég að erfítt sé að fínna.
Nokkrum dögum áður en hann
lést var hann fluttur á Sjúkrahúsið
í Stykkishólmi. Var hann þá búinn
að eiga við vanheilsu að stríða síð-
ustu vikumar.
Fyrir hönd aðstandenda vil ég
þakka starfsfólki Dvalarheimilisins
og Sjúkrahússins fyrir ágæta
umönnun og velvild í hans garð.
Einnig vil ég þakka góðum nágrönn-
um fyrir alla hjálp og vináttu í gegn-
um árin. Það fáum við seint fullþakk-
að.
Ég kveð Ágúst með innilegu þakk-
læti fyrir allt sem hann var okkur
Herði og dætmm okkar. Við geymum
minninguna um allar stundimar með
honum.
Sigurborg Leifsdóttir.
RADAUGÍ YSINGAR
Óska eftir
4-5 herb. íbúð, raðhúsi eða einbýlishúsi.
Leigutími 1-3 ár eftir samkomulagi.
Upplýsingar í síma 44769 eða 43003.
Stangaveiðimenn
Nýtt flugukastnámskeið hefst nk.
sunnudag kl. 10.20 árdegis í Laugar-
dalshöllinni. Nýtið ykkur þessa
ágætu kennslu. Við leggjum til
stangirnar. Kennt verður 10., 24. og
31. janúar, 7. og 21. febrúar.
K.K.R. og kastnefndirnar.
Miðskólinn er grunnskóli fyrir börn á aldr-
inum 9-12 ára. Miðskólinn er einsetinn, sam-
felldur heilsdagsskóli, þar sem börn fá heita
máltíð í hádeginu og Ijúka við allt heimanám
undir leiðsögn kennara áður en skóladegi
lýkur. í skólanum er einnig aðstaða fyrir nem-
endur til að æfa sig á hljóðfæri.
Miðskólinn er einkaskóli. Skólagjöld eru
kr. 15.000 á mánuði. Hádegismatur kostar
kr. 350 á dag.
Nánari upplýsingar eru veittar á skrifstofu
skólans, Fríkirkjuvegi 1 (í gamla Miðbæjar-
skólanum) eða í síma 62 92 22 milli kl. 10-12.
Greta Kaldalóns,
skólastjóri.
Kennsla hefst 11. janúar.
Eftirtalin námskeið eru í boði:
Hugtakatengsl (5-7 ára), Tengsl manns og
náttúru (8-9 ára), Mál og hugsun (9-10 ára),
Ráðgátur og rökleikni (11-13 ára), Siðfræði
(13-14 ára), Ráðgátur og rökleikni (16 ára
og eldri).
Upplýsingar og innritun í símum 628083 og
628283. Geymið auglýsinguna.

/. . '•s. ,
„ s '■v s__ ^
FERÐAFÉLAG
® ÍSLANDS
MÖRKINNI 6 ■ SÍMI 682533
Sunnudagsferðir
10. janúar kl. 11
1. Saurbær - Músarnes,
strandganga. Tilvalin fjölskyldu-
ganga.
2. Skíðaganga á Hellisheiðl.
Heimkoma kl. 15.30-16. Brott-
för frá BSf, austanmegin (stans-
að við Mörkina).
Þorrablót og vættaferð að
Leirubakka I Landsveit 6;-7.
febrúar.
Vetrarfagnaður að Flúðum
20.-21. mars. Byrjið nýja árið
með Ferðafélaginu.
Ferðafólag Islands,
félag allra landsmanna.

Frá Sálarrannsóknafélagi
íslands
Opið hús er fyrir félagsmenn á
morgun, 9. janúar, frá kl. 14.00-
16.00 í Garðastræti 8. Flutt
verður erindi, kynnt heilun og
teiknuð ára meðan á heilun
stendur. Kaffi á könnunni.
Stjórnin.
Toyota skíðagöngu-
mótið 1993
fer fram á Miklatúni nk. laugar-
dag, 9. janúar, kl. 14.00. Þátt-
tökutilkynning á mótstað kl.
13.00. Gengnir verða 2 km I sex
flokkum og allir ræstir í einu.
Mótstjórn skipa Lilja, Pálmi og
Einar. Ef veður verður óhag-
stætt kemur tilkynning í Ríkisút-
varpinu kl. 10.00 f.h. keppnis-
daginn.
Allar upplýsingar í síma 12371.
Stjórn Skíðafélags
Reykjavíkur.
UTIVIST
Hallvoigarstig 1 • simi 614330
Föstudaginn 8. janúar kl. 20.00:
Tunglskinsganga. Gengið verður
frá Maríuhelli inneftir Vífilstaða-
hlíð og til baka um skógarstíga.
Kveikt veröur bál að venju. Brott-
för frá BSf bensínsölu. Verð kr.
500,-, frítt fyrir börn í fylgd með
fullorðnum.
Sunnudaginn 10. janúar.
Kl. 10.30: Nýárs- og kirkjuferð í
Skálholt og 1. áfangi skólagöngu.
Kl. 10.30: Stóri-Bolli, gamall gíg-
ur í Grindaskörðum.
Útivist.
Frá Guðspeki-
fólaginu
IngóHsatrætl 22.
Aakrlftarafmi
G«nnl*ra mr
39673.
kvöld kl. 21 heldur Kristján Fr.
Guðmundsson erindi, „Laun-
helgar að fornu og nýju", í húsi
fólagsins, Ingólfsstræti 22. Á
laugardag er opið hús frá kl.
15.00-17.00 með fræðslu og
umræðu í umsjá Birgis Bjarna-
sonar. Á sunnudag kl. 17.00-
18.00 er kyrrðarstund með tón-
list. Allir eru velkomnir og að-
gangur ókeypis.
I.O.O.F. 12 = 174188V2 =
I.O.O.F. 1 = 174188V2 = Á.
St.St. 5993010916 I Rh. kl.
16.00.
Einbýlis- eða raðhús
óskast á leigu i Garðabæ
Upplýsingar í síma 656167.