Morgunblaðið - 10.03.1993, Blaðsíða 7

MORGUNBLAÐIÐ MIÐVIKUDAGUR 10. MARZ 1993
7
Flórgoði
Flórgoðinn er eina goðategundin sem verpir hér á landi. Nú er talið
að aðeins 250 pör séu eftir. Fuglinn er á stærð við litla önd.
Vestmannaeyingar aftur farnir að hirða lifrina
Vinnslustöðin semur við
Dani um lifrarvinnslu
VINNSLUSTÖÐIN hf. í Vestmannaeyjum hefur samið við danskt
fyrirtæki um sölu á niðurlagðri þorsklifur. Framleiðslustjóri frá
danska fyrirtækinu er væntanlegur til Vestmannaeyja til þess að
stýra vinnslunni. Lifrin verður markaðssett undir danska vörumerk-
inu í dósum frá danska fyrirtækinu.
Sighvatur Bjarnason, fram-
kvæmdastjóri Vinnslustöðvarinnar,
sagði að til að byija með yrði lifur
niðurlögð í eina milljón dósa, en vel
gæti orðið um framhald á samstarf-
inu að ræða. Hann sagði að væntan-
lega fengju 15 til 20 manns vinnu
við þetta verkefni og rætt væri um
að Vestmannaeyingarnir lærðu
framleiðslutæknina af Dananum
sem væntanlegur er hingað til lands
til þess að stýra verkefninu.
„Við vonumst auðvitað eftir því
að komast inn á þennan markað,
sem við vorum dottnir út af. Dani
vantar lifur og þess vegna ákvaðum
við að leita eftir samstarfi við þá,
til þess að reyna að opna okkur
leið inn á markaðinn. Það tókst
með hjálp Eyþórs Ólafssonar,"
sagði Sighvatur. Hann áætlar að
þetta verkefni geti þýtt 30 til 40
milljóna króna tekjuauka fyrir
Vinnslustöðina. „Og það er auðvitað
jákvætt að menn eru aftur farnir
að hirða lifrina, sem áður var hent
í sjóinn," sagði Sighvatur Bjarna-
son.
Stórfelld
fækkun
flórgoða
FLÓRGOÐUM hefur fækkað til
muna hér á landi á undanförn-
um árum. Aðeins eru eftir 250
pör á landinu öllu og ljóst að
tegundin er að mestu horfin úr
heilu landshlutunum, að því er
segir í fréttabréfi Fuglavernd-
arfélags íslands.
Vorið 1990 taldi hópur frá Há-
skóla Islands flórgoða á Mývatni
og komst hann að því að þeim
hefði fækkað úr um 250 pörum á
árunum 1958-1974 í um 140 pör
(44% fækkun).
Aðeins á Mývatni
í kjölfarið var efnt til allsherjar-
úttektar í fyrrasumar og kom þá
í ljós að flórgoði var að mestu
horfínn úr heilu landshlutunum.
Heildarstofninn, þ.m.t. á Mývatni,
var um 250 pör. Ekki er vitað
hvað veldur þessari miklu fækkun.
Sums staðar hafa tjarnir verið
eyðilagðar með framræslu en á
öðrum stöðum er ekki að sjá að
búsetuskilyrði hafi versnað.
---♦ ♦ ♦-
Grindavík
Fækkar á
atvinnu-
leysisskrá
Grindavík.
FÓLKI án atvinnu hefur fækk-
að að undanförnu í kjölfar
loðnufrystingar.
Fækkunin er umtalsverð, eða
úr 126 fyrir hálfum mánuði niður
í 75 í síðustu viku. Konur á skrá
voru 57 en karlar 18. Mest er um
landverkafólk að ræða en meðal
kvenna eru verkakonur flestar á
skrá. Eitthvað hefur verið um að
fólk detti af skrá þegar það neitar
vinnu en það kemst á skrá að sex
vikum liðnum ef það vinnur ekki
annað á milli.
75 atvinnulausir
Þegar flest var á atvinnuleysis-
skrá í Grindavík um áramót voru
144 á skrá. Þeim hefur farið fækk-
andi jafnt og þétt síðan og er
minnst nú um þessar mundir, eða
75. Ekki er vitað hvað verður þeg-
ar loðnufrystingu lýkur en vonast
er til að vertíðarvinna veiti fólki
atvinnu.
FÓ
Jakkapeysa 3.690
Buxur 2.990,-
Peysa 2.990,-
Kynningar
Háskólabolir 690
Sendum í
velkomin!
Laugavegi 81, s. 21444