Morgunblaðið - 24.03.1993, Blaðsíða 27

MORGUNBLAÐIÐ MIÐVIKUDAGUR 24. MARZ 1993
27
Endurvinnslan
kaupir Sagaplast
ENDURVINNSLAN hf. keypti í gær fyrirtækið Sagaplast,
sem rekið hefur verið á Akureyri síðustu þrjú ár. Starf-
semi Sagaplasts hefur verið á sviði endurvinnslu plasts.
Endurvinnslan mun reka fyrirtækið á svipuðum nótum og
var, en getur samnýtt dreifikerfi sitt og mannskap.
Sagaplast var í eigu fjögurra
einstaklinga á Akureyri sem jafn-
framt reka bifvélaverkstæði í bæn-
um og var starfsemi Sagaplasts
nokkurs konar hliðargrein við
rekstur verkstæðisins. „Við gátum
ekki sinnt þessu máli eins og þörf
var á, starfsemin á verkstæðinu
lamaðist þegar helmingur starfs-
mannanna ferðaðist um landið til
að safna plastinu. Við erum mjög
ánægðir með að þessu starfí verð-
ur haldið áfram því það er virkileg
þörf fyrir að halda þessu gang-
andi,“ sagði Bjarni Jónsson, einn
þeirra sem stóðu að Sagaplasti.
Verksmiðjubíll
Félagamir settu saman sér-
stakan bíl, sem auk þess að vera
nokkurs konar verksmiðja, sem
tekur við t.d. fískikössum úr plasti
og malar, inniheldur einnig smá-
íbúð sem starfsmennirnir notast
við í ferðum sínum. Á síðustu
þremur árum hefur fyrirtækið
framleitt um 500 tonn af möluðu
plasti sem selt hefur verið til Bret-
lands og Spánar þar sem það er
notað að nýju. Þetta er efni sem
að öðrum kosti hefði lent á haugun-
um. Afkastageta bílsins er um 100
fiskikassar á klukkutíma, en áætl-
að er að um 100 til 150 tonn af
slíkum kössum falli til árlega hér
á landi.
Gunnar Bragason fram-
kvæmdastjóri Endurvinnslunnar
sagði að mikið frumkvöðlastarf
hefði verið unnið á þessu sviði og
vildu forráðamenn fyrirtækisins
umfram allt halda því áfram. „Það
eru ekki endilega arðsemissjón-
armið sem ráða heldur einnig og
ekki síður umhverfissjónarmiðin,“
sagði Gunnar.
íslandsmeistarar öðru sinni
ÞAÐ er ekkert gefið eftir þegar lið Skautafélags Akur-
eyrar og Skautafélags Reykjavíkur leiða saman hesta
sína í ísknattleik og eflaust ganga margir leikmanna
bláir og marðir af velli að leik loknum. Um síðustu helgi
mættust erkifjendurnir í úrslitaleikjum um íslandsmeist-
aratitilinn, en það lið sem fyrr vinnur þijá leiki hlýtur
þann titil. Akureyringar unnu fyrsta leikinn syðra og
svo fór einnig í þeim tveimur leikjum sem leiknir voru
á laugardag og sunnudag í blíðskaparveðri áskautasvæð-
inu við Krókeyri. Akureyringar hlutu því íslandsmeist-
aratitilinn í íshokký öðru sinni, en í fyrra þegar fyrst
var leikið fóru þeir einnig með sigur af hólmi.
■ ÞÓRARINN Stefánsson
píanóleikari mun
halda tónleika í
Safnaðarheimili
Akureyrarkirkju
annað kvöld,
fímmtudagskvöld-
ið 25. mars, og
hefjast þeir kl.
20.30. Þórarinn mun leika verk eft-
ir W.A. Mozart, Chopin og Beethov-
en ásamt nýju verki eftir Oliver
Kentish sem samið var sérstaklega
fyrir hann fyrr á þessu ári.
É HÁSKÓLAKORINN mun að
morgni föstudags 26. mars heim-
sækja Verkmenntaskólann og
Menntaskólann á Akureyri og
syngja fyrir nemendur. Þann sama
dag heldur kórinn tónleika á Húsa-
vík í sal tónlistarskólans og hefjast
þeir kl. 20.30. Laugardaginn 27.
mars kl. 16 syngur kórinn í Dalvík-
urkirkju. Á efnisskránni eru ís-
lensk verk af ólíkum toga s.s sálm-
ar, tvísöngslög, nýjar útsetningar á
gömlum þjóðlögum svo og ný verk
sem sum hafa gagngert verið sam-
in fyrir kórinn. Stjórnandi kórsins
er Hákon Leifsson.
Byg’gðastofnun heimilað
að festa kaup á Dagshúsinu
STJÓRN Byggðastofnunar samþykkti á fundi í gær að
heimila forstjóra stofnunarinnar að ganga til samninga um
kaup á húsnæði fyrir stofnunina við Strandgötu 31 á Akur-
eyri, en þar er um að ræða húsnæði dagblaðsins Dags.
Fleiri flytja með
Byggðastofnun hefur frá því
skrifstofa var opnuð á Akureyri
verið til húsa í húsnæði Búnaðar-
banka íslands við Geislagötu. Fyr-
irsjáanlegt er að bankinn þarf á
því húsnæði að halda á næstu
misserum og hefur sagt Byggða-
stofnun upp leigusamningi, sem
tekur gildi 1. febrúar 1994. Á
hæðinni sem Byggðastofnun leigði
í Búnaðarbankahúsinu var einnig
starfsemi Iðnþróunarfélags Eyja-
fjarðar til húsa og atvinnumála-
fulltrúi Akureyrarbæjar hafði þar
einnig starfsaðstöðu, en þessir
aðilar endurleigðu hluta húsnæðis-
ins af Byggðastofnun. Gert er ráð
fyrir að bæði Iðnþróunarfélagið
og atvinnumálafulltrúinn flytji
með Byggðastofnun í Dagshúsið
og jafnvel fleiri aðilar.
Þijár hæðir
Dagshúsið við Strandgötu er um
900 fermetrar að stærð, en
Byggðastofnun hefur hug á að
kaupa framhúsið, þ.e. nýbyggingu
sem tekin var í notkun sumarið
1988. Húsið er á þremur hæðum,
en þriðja hæðin hefur aldrei verið
tekin í notkun. Ritstjórn blaðsins
er á annarri hæðinni, en á þeirri
fyrstu m.a. auglýsingar, dreifíng
og bókhald.
Valtýr Sigurbjarnarson for-
stöðumaður Byggðastofnunar á
Akureyri sagði að í framhaldi af
samþykkt stjórnar stofnunarinnar
yrði farið að vinna að málinu, en
á síðustu vikum hafa Byggða-
stofnunarmenn verið að skoða
húsnæði er hentaði fyrir starfsemi
stofnunarinnar. Nú lægi ljóst fyrir
hvaða húsnæði menn hefðu auga-
stað á og yrði væntanlega á næstu
vikum gengið frá kaupunum.
----» » »
Aðalfund-
ur 30. apríl
AÐALFUNDUR Útgerðarfélags
Akureyringa fyrir árið 1992 verður
haldinn í húsakynnum félagsins
föstudaginn 30. apríl næstkomancji,
en ekki 16. eins og sagði í frétt
blaðsins í gær þar sem sagt var frá
bráðabirgðayfírliti yfír afkomu fé-
lagsins síðasta ár. Fundurinn hefst
hins vegar kl. 16 þennan dag, 30.
apríl.
Ingaló verðlaunuð á kvikmyndahátíð í Rúðuborg
Hjálpar upp á dreif-
ingu myndarinnar
KVIKMYND Ásdísar Thoroddsen, Ingaló, fékk fyrstu verðlaun á
norrænni kvikmyndahátíð í Rúðuborg í Frakklandi 10.-21. mars.
sl. Sólveig Arnarsdóttir, aðalleikkona myndarinnar, fékk fyrstu
verðlaun fyrir leik í kvenhlutverki. Ásdísi hefur verið boðið að
sýna Inguló á árlegri kvikmyndahátíð Museum of Modern Arts og
kvikmyndaklúbbs Lincoln Center i New York i byijun apríl.
Verðlaunaðar
ÁSDÍS Thoroddsen og Sólveig
Arnarsdóttir.
Norræna kvikmyndahátíðin er
ein af fimm stærstu kvikmyndahá-
tíðum í Frakklandi og stóð valið
að þessu sinni á milli 10 útnefndra
norræna kvikmynda. Samtals voru
sýndar um 100 myndir frá Norður-
löndunum og Eystrasaltsríkjunum
á hátíðinni.
Hlýnaði um hjartarætur
Ásdís Thoroddsen sagði að sú
viðurkenning sem fælist í vaiinu á
Inguló væri jákvæð að tvennu leyti,
þ.e. tilfinningalega og veraldlega.
„Aðallega hlýnaði mér um hjarta-
rætur en viðurkenningin hefur
ekki síður gildi fyrir dreifingu
myndarinnar því hún felur í sér
eins milljón króna fjárframlag tii
að koma henni á markað í Frakk-
landi,“ sagði Ásdís og minnti á að
erfitt væri að koma norrænum
myndum á framfæri í Frakklandi.
Sjónvarpstöðvar í fimm löndum,
Þýskalandi, SJóveníu, Indlandi,
Færeyjum og Islandi, hafa keypt
sýningarrétt myndarinnar.
Sömuleiðis opnast með kvik-
myndahátíðinni í New York, „New
Directors/New Horizons in Film“,
möguleikar á dreifingu í Banda-
ríkjunum. Þátttaka í hátíðinni hef-
ur markað fyrstu spor margra
ungra leikstjóra á framabrautinni.
Ásdís sagði að sér hefði þótt
afar vænt um viðurkenningu Sól-
veigar Arnarsdóttur. „Mér finnst
það líka dálítið merkilegt vegna
þess hversu ung hún er. Hún er
heldur ekki leikaramenntuð en aliri
upp við þetta, dæmin sanna að það
skiptir rnáli," sagði hún og bætti
við að það gæti haft áhrif að sú
persóna sem Sólveig léki í mynd-
inni væri sjaldséð á hvíta tjaldinu.
Hvað framtíðina varðaði sagðist
Ásdis vera að vinna að tveimur
kvikmyndum og væri áætlað að
tökur á annarri hæfust í byrjun
þessa árs á íslandi.
Varaformaður Dagsbrúnar um styrktarsjóð
Engin ástæða til
að breyta reglum
„ÞESSIR sjóðir safnast ekki upp í sama mæli og þeir gerðu og ég
sé enga ástæðu til að breyta reglum um sjúkrasjóð okkar, styrktar-
sjóðinn," sagði Halldór Björnsson, varaformaður verkamannafélags-
ins Dagsbrúnar, í samtali við Morgunblaðið.
Eins og fram kom i Morgunblað-
inu i gær var styrktarsjóður Dags-
brúnar sterkasti sjóður félagsins í
árslok 1991 og átti þá 290 milljón-
ir króna. Atvinnurekendur greiða
1% af launum í sjóðinn. Halldór var
inntur eftir því, hvort ekki væri
unnt að reka sjóðina á va^tatekjum
og greiða launþegum þessi 1%
greidd beint. „Ég sé engin rök fyr-
ir breytingum í þá átt,“ svaraði
hann. „Þegar þessum greiðslum var
komið á þótti best að safna í sjóð
til að hjálpa félagsmönnum í áföll-
um. Á timabili, þegar vextir voru
sem hæstir, söfnuðust þessir sjóðir
upp, en álagið á þá hefur aukist
núna. Bætur hafa verið auknar og
Dagsbrún notar einnig fé sjóðsins
til að kaupa líftryggingu fyrir alla
félagsmenn sína. Þá eru veittir
ýmsir styrkir, til dæmis vegna
kostnaðarsamra aðgerða erlendis."
Öryggissjóðir
Halldór sagðist ekki sjá að þo
menn hefðu 1% hærri laun þá gætu
þeir lagt fyrir einhvetja þá fjárhæð,
sem myndi gagnast þeim ef á bját-
aði. „Eg tel þess vegna betra að
nota sjóðina til upprunalegs verk-
efnis síns. Þetta eru öryggissjóðir
og hafa komið að góðum notum sem
slíkir,“ sagði Halldór Björnsson,
varaformaður Dagsbrúnar.