Morgunblaðið - 22.05.1993, Blaðsíða 24
24
MORGUNBLAÐIÐ LAUGARDAGUR 22. MAI 1993
OPINBER HEIMSOKN GRO HARLEM BRUNDTLANDS FORSÆTISRAÐHERRA NOREGS
Morgunblaðið/Sverrir
Gluggað í handritin
JÓNAS Kristjánsson sýnir Gro Harlem Brundtland handrit í Stofn-
un Árna Magnússonar.
Fólkið vekur
mestanáhuga
„ÉG Á MJÖG erfitt með að gera upp á milli þess sem ég hef
séð. Og hvernig er hægt að greina á milli? Eru Reykholt og
handritin ekki greinar af sama meiði? Annars vekur fólkið sem
verður á vegi mínum í ferðum sem þessum alltaf mestan áhuga
minn, líka hér á íslandi, sagði Gro Harlem Brundtland, forsæt-
isráðherra Noregs, þegar hún var innt eftir því hvað henni
hefði fundist áhugaverðast í heimsókn sinni og var hún þá stödd
í Stofnun Árna Magnússonar á lóð Háskóla Islands.
Eftir að hafa þegið hádegis-
verðarboð frú Vigdisar Finn-
bogadóttur, forseta íslands, að
Bessastöðum heimsóttu norsku
forsætisráðherrahjónin Stofnun
Áma Magnússonar og voru þau
komin þangað ásamt fylgdarliði
um kl. 14. 50.
Jónas Kristjánsson, forstöðu-
maður stofnunarinnar, tók á
móti gestunum og flutti nokkur
inngangsorð. Hann vék þá m.a.
að því af hverju íslendingar
hefðu lagt sig meira fram um
ritun á miðöldum en flestar aðr-
ar þjóðir og benti í því samhengi
á að auðvelt hefði verið að rekja
ættir fólks aftur til landnámsins
og sterk staða kirkjunnar hefði
ýtt undir skrásetningu ýmiss
konar fróðleiks. Jónas minntist
líka á tengsl íslands við Noreg
og seinna Danmörku og sagði í
nokkrum orðum frá hinni svo-
kölluðu handritadeilu íslendinga
og Dana. Því næst sýndi Jónas
hjónunum nokkur handrit stofn-
unarinnar en meðal þeirra voru
íslendingabók Ara fróða, Landn-
ámabók, Snorra-Edda og Njáls-
saga.
Áhugi og þekking
Jónas sagði að hinir erlendu
gestir hefðu sýnt öllum hand-
ritunum áhuga. „Mér fannst sér-
staklega gaman að sýna þeim
handritin vegna þess að þau
höfðu bæði áhuga og þekkingu
á þéim,“ sagði Jónas og játti því
að þau hefðu sýnt því sem sér-
staklega tengdist Noregi meiri
áhuga en öðru. Eftir að hann
hafði sýnt gestunum handritin
sýndi hann þeim nokkrar útgáfur
fomrita óg gaf þeim að skilnaði
eintak af bók sinni Eddas and
Sagas sem er saga íslenskra
fombókmennta.
Að heimsókninni lokinni héldu
forsætisráðherrahjónin á fund
Alþýðuflokksmanna í Reykjavík
en dagskránni lauk með móttöku
Gro Harlem Brundtland í veit-
ingahúsinu Perlunni. Hún heldur
ásamt eiginmanni sínum og
fylgdarliði til Noregs kl. 9 árdeg-
is í dag, laugardag.
Gro Harlem Brundtland á blaðamannafundi
Símtal Gore skiptí
ekki miklu máli
SAMTAL A1 Gore varaforseta
Bandaríkjanna við Gro Harlem
Brundtland forsætisráðherra
Noregs fyrir skömmu, þar sem
varaforsetinn varaði Brundt-
land við mögulegum afleiðing-
um hvalveiða Norðmanna,
skipti ekki miklu máli, að mati
Gro Harlem. Það hefði þó kom-
ið sér vel fyrir Norðmenn að
varaforsetinn skyldi með þess-
um hætti fyrir fund Alþjóða-
hvalveiðiráðsins í Kyoto gera
skýra grein fyrir því sjónarmiði
Bandaríkjamanna að vísinda-
legar niðurstöður myndu ekki
breyta andstöðu þeirra við allar
hvalveiðar. Þetta kom fram á
blaðamannafundi norska for-
sætisráðherrans í gær.
Þriggja daga opinberri heimsókn
Gro Harlem Brundtland, forsætis-
ráðherra Noregs, var fram haldið
á uppstigningardag og átti hún
viðræður við forsætisráðherra,
Davíð Oddsson, í stjórnarráðinu og
hitti einnig utanríkismálanefnd Al-
þingis að máli. Brundtland og"eig-
inmaður hennar, Arne Olav
Brundtland, skoðuðu Ráðhúsið í
Reykjavík undir leiðsögn Markúsar
Amar Antonssonar borgarstjóra.
Að því loknu var haldið til hádegis-
verðar í Höfða i boði borgarstjóra-
hjónanna. Fram var borið ijúpna-
seyði, kinnfiskur með hunangs-
sósu, vorgrænmeti og í lokin gul-
rótarterta með ostakremi.
Brundtland-hjónin heimsótti
Reykholt í Borgarfirði og þar tóku
á móti þeim Olafur G. Einarsson
menntamálaráðherra og sóknar-
presturinn, séra Geir Waage, er
sýndi gestum staðinn. Norski for-
sætisráðherrann þá að gjöf Nýja
testamenti Odds Gottskálkssonar.
Um kvöldið buðu Davíð Oddsson
og eiginkona hans, Ástríður Thor-
arensen, til kvöldverðar í Viðeyjar-
stofu. Á borðum var grafín villibráð
með grænmeti og vinaigrette-sósu,
humarseyði, lambahryggur með
ferskum kryddjurtum, grænmeti
og rauðvínsmyntusósu, skyr með
blábeijakrapi í sykurkörfu og loks
kaffí og konfekt. í ræðu sinni lagði
Brundtland áherslu á að þótt svo
gæti farið að öll Norðurlönd að
Islandi undanskildu gengju í Evr-
ópubandalagið yrði tryggt að það
yrði ekki útundan í Evrópusam-
starfínu.
£ —^ - - . • Morgunblaðiö/RAX
I Reykholti
GRO Harlem Brundtland ásamt Ólafi G. Einarssyni menntamála-
ráðherra og Geir Waage sóknarpresti við Snorralaug í Reykholti
á uppstigningardag.
Refsiaðgerðir
Á blaðamannafundi Brundtland
og Davíðs Oddssonar voru hval-
veiðar Norðmanna efst á dag-
skránni. Morgunblaðið spurði hvort
Brundtland teldi að afskipti A1
Gore, varaforseta Bandaríkjanna,
sem hringdi til Brundtland til að
vara Norðmenn við að hefja hrefnu-
veiðar, hefðu haft góð áhrif á hval-
veiðiumræðuna. Hún sagðist ekki
telja að upphringing Gore hefði
skipt miklu máii. Það hefði þó kom-
ið sér vel fyrir Norðmenn að vara-
forsetinn skyldi með þessum hætti
fyrir fund Álþjóðahvalveiðiráðsins
í Kyoto gera skýra grein fyrir því
sjónarmiði Bandaríkjamanna að
vísindalegar niðurstöður myndu
ekki breyta andstöðu þeirra við
allar hvalveiðar.
Brundtland var spurð hvort hún
óttaðist meira, viðskiptalegar refsi-
aðgerðir af hálfu ríkisstjóma eða
frumkvæði fyrirtækja og fijálsra
samtaka almennings gegn veiðun-
um. Hún sagði hvort tveggja geta
valdið Norðmönnum miklum vanda
en minnti á að gripu stjómvöld til
refsiaðgerða gegn Noregi yrði um
að ræða brot á GATT-samningun-
um um alþjóðaviðskipti.
Margs var spurt um
Nesjavallaveituna
GRO Harlem Brundtland, forsætisráðherra Noregs, vildi vita
hver væri hámarkshiti vatns úr borholum á Nesjavöllum þegar
hún skoðaði starfsemi veitunnar í gærmorgun. Gunnar Kristins-
son hitaveitustjóri veitti norsku forsætisráðherrahjónunum leið-
sögn um svæðið og svaraði hann því til að hæstur hiti vatns
úr holunum hefði mælst 380 gráður.
Gro Harlem Brundtland og
Arne Olav Brundtlands, eigin-
maður hennar, komu ásamt
fylgdarliði sínu og Gunnari
Kristinssyni hitaveitustjóra að
borholu númer 6 á Nesjavöllum
um kl. 10 í gærmorgun. Létt var
yfír fólkinu, sem ekið hafði verið
með í rútu, og lét norski forsætis-
ráðherrann engan bilbug á sér
finna þegar holan spjó vatni yfír
viðstadda og fékk lánaða regn-
hlíf til þess að komast nær henni.
Hún spjallaði því næst nokkra
stund við hitaveitustjóra og ís-
lensku forsætisráðherrahjónin
en að því loknu var haldið að
sjálfu veituhúsinu.
Sérstaklega áhugaverð
heimsókn
Þegar þangað var komið skrif-
uðu gestirnir í gestabók staðar-
ins og bar Gro Harlem Brundt-
land þar fram þakkir sínar fyrir
sérstaklega áhugaverða heim-
sókn. Því næst hlýddi hún á út-
skýringar Gunnars Kristinssonar
á yfirlitsmynd af veitukerfinu.
Hann lét þess m.a. getið að Hita-
veita Reykjavíkur þjónaði
Reykjavík og sex nágrannasveit-
arfélögum og nytu hennar því
um 144.000 manns, eða 55%
þjóðarinnar. Næst útskýrði
Gunnar vinnsluráS veitunnar fyr-
ir forsætisráðherrahjónunum og
sýndu þau henni mikinn áhuga.
Þess má geta í þessu sambandi
að Norðmenn þekkja lítið til hita-
veitu enda hita þeir flest hús sín
upp með rafmagni. Þó hitar svo-
kölluð varmadæla upp hluta
Óslóar.
Eftir þetta var gestunum vísað
um vélarsal í stjómstöð þar sem
staldrað var við skamma stund.
Áður en haldið var til Reykjavík-
ur að nýju þáðu gestimir kaffí
og kökur í veituhúsinu.
Morgunblaðið/Sverrir
Við borholu 6
DAVÍÐ Oddsson, Arne Olav Brundtland, Gro Harlem Brundtland,
Gunnar Kristinsson og Ástríður Thorarensen við borholu 6.