Morgunblaðið - 22.05.1993, Blaðsíða 60
MORGUNBLAVID, KRINGLAN 1 103 REYKJA VÍK
SÍMI 691100, SÍMBRÉF 691181, PÓSTHÓLF 15S5 / AKUREYRI: HAFNARSTRÆTI 85
LAUGARDAGUR 22. MAÍ 1993
VERÐ í LAUSASÖLU 110 KR.
Stóra kókaínmálið
Hæstiréttur
staðfesti dóm
Héraðsdóms
HÆSTIRÉTTUR hefur staðfest
dóm Héraðsdóms Reykjavíkur
um sjö ára fangelsi yfir Steini
Armanni Stefánssyni, sem hand-
tekinn vár 18. ágúst sl. eftir að
hafa ekið á lögreglubíl með 1,2
kg af kókaíni sem hann hafði
flutt inn frá Kólumbíu.
Hæstiréttur telur að rannsóknar-
aðferðir Bjöms Halldórssonar, lög-
reglufulltrúa fíkniefnadeildar, hafí
verið innan þeirra marka sem verða
að vera við svo sérstakar aðstæður.
Steinn Ármann var sakfeildur
fyrir að flytja inn fíkniefnin og fyr-
ir að raska almennu umferðarör-
yggi með flóttaakstri og stofna lífí
fólks í hættu á ófyrirleitinn hátt.
Einnig er hann sakfelldur fyrir stór-
felldar líkamsmeiðingar af gáleysi
og stórfellda líkamsárás.
Sjá bls. 25: „Rannsóknarað-
ferðir innan ...“
Forsætisráðherra segir aukin útgjöld vegna Iqarasamningaima réttlætanleg
FORSETI íslands, frú Vigdís Finnbogadóttir, og forsætisráðherra Noregs, Gro Harlem Bmndtland, ræða
um daginn og veginn á Bessastöðum í gærdag, m.a um gróðurvemd og umhverfismál, sem er sameigin-
legt áhugamál þeirra beggja. gjá bls, 24: „Fólkið vekur ...“
Halli ríkissjóðs er talinn
geta orðið á 13. milljarð
KOSTNAÐUR ríkissjóðs í tengslum við ný-
gerða kjarasamninga er, að mati sérfróðra
aðila um fjármál ríkisins, 2,6 milljarðar
króna á þessu ári og rekstrarhalli ríkissjóðs
er samkvæmt heimiidum Morgunblaðsins
talinn geta orðið á 13. milljarð króna á ár-
inu. Davíð Oddsson forsætisráðherra segir
að aukin útgjöld í kjölfar kjarasamninganna
séu réttlætanleg en hann telur að útgjalda-
aukinn á þessu ári sé eitthvað innan við tvo
rnilljarða kr. og eitthvað á þriðja milljarð á
næsta ári. Sérfræðingar Alþýðusambands
íslands og Vinnuveitendasambands íslands
te\ja aftur á móti að nettókostnaður ríkis-
sjóðs verði talsvert lægri, eða um 1,5 millj-
arðar kr. á þessu ári.
Kjarasamningurinn sem undirritaður var að-
faranótt fímmtudags gildir til ársloka 1994. Eng-
ar launahækkanir verða á samningstímabilinu en
kveðið er á um greiðslu launabóta til þeirra sem
höfðu heildartekjur undir 80 þús. kr. á ákveðnu
viðmiðunartímabili með sama sniði og í eldri
samningi, allt að 8.000 kr. orlofsuppbót og að
desemberuppbót hækki í 13 þús. kr. Ríkisstjómin
gefur fyrirheit um greiða niður tilteknar kjötvör-
ur og mjólkurafurðir frá 1. júní til áramóta þeg-
ar virðisaukaskattur á þeim verður lækkaður í
14% en með því er talið að verð á kjötvörunum
lækki um 3‘/2%-5% og á mjólkurvörum um 8,4%.
Lág verðbólga
Davíð Oddsson sagði að af samningnum leiddi
að nú stefndi í að verðbólga yrði mjög lág á
næstu mánuðum og að svigrúm ætti að skapast
til að vinna sig út úr þeim vanda sem við væri
að glíma. ASÍ telur að verðbólga verði 0,7% frá
upphafi til loka næsta árs. Að mati VSÍ mun
samningurinn leiða til þess að samkeppnisstaða
atvinnuveganna batni um allt að 8%.
Sjómannasambandið og nokkur aðildarfélög
ASI undirrituðu ekki samningana og stendur
verkfallsboðun Flugvirkjafélags íslands. Samn-
ingsaðilar þurfa að hafa lokið afgreiðslu samning-
anna fyrir hádegi næstkomandi miðvikudag og
er talið er að hann verði borinn upp í félögum
rúmlega 60 þúsund félagsmanna innan ASÍ.
Sjá kjarasamninginn í heild á bls. 28 og
viðtöl og fréttir á miðopnu.
Tvíhöfðanefnd
skilar lokaáliti
Styðja ekki
málamiðlun
ráðherra
um smábáta
MEIRIHLUTI Tvíhöfðanefndar-
innar svokölluðu, sem unnið hefur
að endurskoðun fiskveiðistefn-
unnar, telur sig ekki geta stutt
þá málamiðlun varðandi veiðar
smábáta, sem Þorsteinn Pálsson
sjávarútvegsráðherra lagði til í
drögum að frumvarpi um fisk-
veiðistjórnun sem hann birti í
vor. Þetta kemur fram í bréfi, sem
fylgir lokaáliti nefndarinnar til
ráðherra. Nefndin hefur nú skilað
af sér og lokið störfum.
I fyrsta lagi segja nefndarmenn
að hugmyndir þeirra um að setja
utankvótategundir í aflamark bygg-
ist á að veiðiþol stofnanna verði
kannað betur. „Ekki er gert ráð fyr-
ir að tegundir fari í aflamark ef við-
komandi stofnar þola þær veiðar sem
á þeim eru,“ segir í bréfinu.
í annan stað leggur nefndin til að
„við afnám línutvöföldunar sé reynt
að leita leiða til þess að úthlutun
viðbótaraflamarks hafi ekki í för með
sér minni afla í mánuðunum nóvem-
ber til febrúar", en það eru þeir
mánuðir, sem tvöföldun er nú í gildi.
Halda við tillögur um smábáta
í þriðja lagi segist nefndin hafa
rætt sérstaklega um kvótasetningu
krókaleyfisbáta í ljósi harðrar gagn-
rýni á tillögur hennar í því efni.
Meirihluti nefndarinnar ítrekar fyrri
afstöðu sem skynsamlegustu leiðina
í því efni. Þeir benda hins vegar á
tvær aðrar leiðir; annars vegar að
útfæra banndagakerfí með hámarks-
afla á einstökum tímabilum þannig
að umframafli á einu tímabili leiði
til fækkunar róðrardaga á því næsta,
og hins vegar að aflamarki verði að
hluta eða öllu leyti úthlutað eftir
stærð báta, en ekki veiðireynslu.
„Nefndin bendir þó á að allar leiðir
aðrar en sú sem meirihluti nefndar-
innar lagði til koma verr út fyrir þá
sem hafa útgerð smábáta að aðal-
starfí."
Morgunblaðið/Júlíus
Rússar í viðskiptum við SH
FRYSTITOGARINN Ozherelye í Hafnarfjarðarhöfn. SH stefnir að
þvi að taka 1.500-2.000 tonna úthafskarfaafla hans í umboðssölu.
Karfí í umboðssölu
SÖLUMIÐSTÖÐ hraðfrystihúsanna hefur tekið i umboðssölu um
100 tonn af hausuðum heilfrystum úthafskarfa af rússneskum frysti-
togara og er allt útlit fyrir að framhald verði á þessum viðskiptum
og 1.500-2.000 tonn tekin í umboðssölu. Þetta er í fyrsta sinn sem
íslenskt fyrirtæki tekur afla rússnesks frystitogara i umboðssölu,
en stefnt er að þvi að selja hann í Japan.
Skipið er gert út frá Rostock í
Þýskalandi, en þýskir aðilar leigja
skipið. Eftirlitsmaður frá SH var
um borð i skipinu meðan á veiði-
ferðinni stóð og eru forsvarsmenn
fyrirtækisins ánægðir með gæði
físksins. Skipið, sem ber nafnið
Ozherelye, er hið snyrtilegastá og
ágætlega búið tækjum. Það er með
íslenskt troll og trollhlera og tæki
frá Marel.
Framtíðarferðum óheimilt að starfa sem ferðaskrifstofa
Ekkí lengur fuUtrúar
fyrir Domino do Sol
SAMGÖNGURÁÐUNEYTIÐ hefur sent Framtíðarferðum bréf þar
sem segir að fyrirtækið fái ekki ferðaskrifstofuleyfi þar sem það
uppfylli ekki nauðsynleg skilyrði. Þá hefur Neytendasamtökunum
borist i hendur bréf frá fyrirtækinu Domino do Sol í Portúgal
þess efnis að Framtíðarferðir hafi ekki lengur umboð fyrir sölu á
íbúðarréttindum á vegum þess.
Þórhallur Jósefsson deildarstjóri í
samgönguráðuneytinu segir að skil-
yrðin sem Framtíðarferðir gátu ekki
uppfyllt hafí verið 6 milljóna króna
bankatrygging og að starfandi væri
hjá fyrirtækinu fólk sem hefði þekk-
ingu á íslenskum ferðamannaiðnaði.
Töluverður fjöldi manna hefur
keypt sér íbúðarréttindi í Portúgal á
vegum Framtíðarferða. Erik Jensen
eigandi fyrirtækisins segir að unnið
sé að því að uppfylla skilyrði sam-
gönguráðuneytisins. Hvað varðar
samskiptin við Domino do Sol segir
Erik að þeim hafí fundist portúgalska
fyrirtækið of seinvirkt og því sé unn-
ið að breytingum og að fá annan
aðila í Portúgal til samstarfs.
Aðspurður um hagsmuni þess
fólks sem keypt hefur íbúðarréttinn
segir Erik að þeir séu tryggðir og
vitnar í bréf frá Antonio Rosado for-
stjóra Domino do Sol. Þar segir að
„sökum nýjustu markaðsáætlana" sé
fyrirtækið ekki lengur með sölufull-
trúa á íslandi en að „fjárfesting yðar
er í öruggum höndum“. Jafnframt
er það tekið fram að viðkomandi
verði að inna greiðslur sínar af hendi
beint inn á reikninga Domino do Sol
og aðrar greiðslur verði ekki teknar
til greina.
Neytendasamtökin kanna
málið
Jóhannes Gunnarsson formaður
Neytendasamtakanna segir að sam-
tökin séu að kanna málið og hafí
beðið neytendasamtökin í Portúgal
um aðstoð við þá könnun. „Við erum
að reyna að afla okkur upplýsinga
um hvaða tryggingar það fólk hefur,
sem greitt hefur fyrir íbúðarréttinn,"
segir Jóhannes. „Og við munum at-
huga hvort greiðslurnar til Framtíð-
arferða séu öruggar enda eru hags-
munir fjölda fólks í húfi.“