Morgunblaðið - 23.06.1993, Blaðsíða 20
20
MORGUNBLAÐIÐ MIÐVIKUDAGUR 23. JÚNÍ 1993
Mesta tap í 306
árasöguLloyd’s
Sum „nöfnin“ segja gjaldþrot eina úrræðið
London. Reuter.
LLOYD’S tryggingafélagið breska tilkynnti í gær að tapið á
rekstri félagsins árið 1990 hefði numið sem svarar 292 milljörð-
um íslenskra króna. Það mesta í 306 ára sögu félagsins, og öllu
verra en búist hafði verið við. Þetta gífurlega tap ógnar tilveru
félagsins, sem og afkomu margra þeirra rúmlega 30 þúsund
„nafna“ sem gengist hafa 1 ábyrgðir á vegum þess. Sum þeirra
telja koma til greina að gera félagið gjaldþrota, sjái þau hag
sínum best borgið á þann hátt.
Ástæður tapsins árið 1990, sem
kemur í kjölfar 200 milljarða halla
árið 1989 og 50 milljarða árið
1988, eru sagðar vera meðal ann-
arra tjón af völdum fellibyls sem
fór yfir Bandaríkin; Exxon Valdez
olíuslysið; og auk þess aftakaveður
sem ollu tjóni í Evrópu. Stjórnar-
formaður félagsins, David Row-
land, hefur tilkynnt um björgunar-
aðgerðir sem standa fyrir dyrum,
og felast í því að bjóða fyrirtækjum
að ganga í ábyrgðir fyrir félagið.
En sum „nöfnin“ í félaginu, það
er, þeir aðilar sem gangast í ótak-
markaðar ábyrgðir fyrir félagið,
segja Lloyd’s hafa snúið við sér
baki. Eitt nafnið, John Rew, sagði:
„Lloyd’s hefur tekist að gera stór-
slys að listformi. Það er verið að
henda okkur út, til þess að verði
pláss fyrir fjármagn frá fyrirtækj-
um.“ Meðal nafna í félaginu eru
rúmlega 40 þingmenn íhalds-
flokksins, þar á meðal nokkrir
ráðherrar.
Enn önnur nöfn hafa hótað að
sjái þau hag sínum best borgið
með því að gera félagið gjald-
þrota, þá geti þau og muni hlutast
til um að svo verði gert.
Reuter
Hálfbróðir Clintons?
HENRY Leon Ritzenthaler, maðurinn sem segist vera hálfbróðir Bill Clintons, Bandaríkjaforseta, er hér ásamt
Judy konu sinni í morgunþætti ABC-sjónvarpsstöðvarinnar bandarísku í gær. Ritzenthaler, sem er fyrrverandi
húsvörður, hefur haft nóg að gera í viðtölum við fjölmiðla eftir að fregnir bárust um að hann segði sig og
forsetann eiga sama föður. Ritzenthaler sagðist endilega vilja hitta Clinton. „Ég veit ekki hvað ég myndi segja
við hann,“ sagði Ritzenthaler við CBS-sjónvarpið. „En ég yrði ákaflega stoltur."
Var hafnað
vegna sam-
kynhneigðar
Kaupmannahöfn. Frá Sigrúnu Davíðs-
dóttur, fréttaritara Morgunblaðsins.
Bæjarráðsframbjóðanda
Jafnaðarflokksins danska
hefur verið hafnað af upp-
stillingarnefnd flokksins,
daginn eftir að hann skrifaði
grein um afstöðu sína í kyn-
ferðismálum. Frambjóðand-
inn er ung stúlka, Rikke
Holst, sem hefur verið for-
maður kvennahóps í lands-
samtökum homma og lesbía.
Formleg skýring kjördæmis-
ráðsins er að hún hafi ekki
verið nógu iengi í flokknum til
að geta verið á lista, en ýmsir
framámenn flokksins í kjör-
dæminu draga ekki fjöður yfir
að greinin sé hin raunverulega
ástæða. Enginn frambjóðandi
jafnaðarmanna hefur hingað til
lýst því yfir að hann sé samkyn-
hneigður, þó vitað sé um þá í
flokksforystunni.
Uffízi-safnið opnað aftur
Upplausnarástand innan Frjálslynda lýðræðisflokksins í Japan
Klofningsflokkur nýtur
fylgis meðal kjósenda
Tókýó. Reuter.
KLOFNINGSFLOKKUR úr Fijálslynda lýð-
ræðisflokknum, stjórnarflokknum í Japan,
fengi fleiri atkvæði en helsti stjórnarand-
stöðuflokkurinn í kosningunum í næsta mán-
uði, ef marka má niðurstöður úr skoðana-
könnun sem japanskt dagblað gerði um síð-
ustu helgi. Um er að ræða flokk sem rúm-
lega 40 þingmenn, sem sögðu sig í gær úr
stjórnarflokknum, hyggjast stofna í dag
undir forystu Tsutomu Hata, fyrrum fjár-
málaráðherra. Fyrsti klofningsflokkurinn
var stofnaður á mánudag, aðeins þremur
dögum eftir að vantrauststillaga á stjórn
Kiichis Miyazawa forsætisráðherra var sam-
þykkt með stuðningi margra stjórnarþing-
manna.
Af þeim 49% sem sögðust hafa gert upp hug
sinn studdu 13 prósent stjórnarflokkinn, átta pró-
sent kváðust styðja Sósíalista, sem eru helsti
stjórnarandstöðuflokkurinn, en níu prósent sögð-
ust myndu styðja klofningshreyfingu undir for-
ystu Hata, sem var helsti foringi uppreisnarmann-
anna gegn Miyazawa á föstudag. Um 40 þing-
menn eru í hreyfingunni, og hyggjast þeir stofna
nýjan miðjuflokk. Þeir hafa rætt við aðra miðju-
menn og hreyfingar utan stjórnarflokksins um
myndun kosningabandalags og samsteypustjóm-
Annar klofningsflokkur
Tíu þingmenn undir forystu Masayoshi Take-
mura, sem hefur barist fyrir stjómmálaumbótum,
gengu úr Fijálslynda lýðræðisflokknum og stofn-
uðu Brautryðjendaflokkinn sl. mánudag. Sam-
starfsmenn Takemura sögðu að flokkurinn hefði
þegar hafið óformlegar viðræður við aðrar hreyf-
ingar miðjumanna með það að markmiði að mynda
kosningabandalag sem gæti bundið enda á 38
ára valdatíma Frjálslynda lýðræðisflokksins.
Umrótið í stjómmálunum hefur valdið miklum
óróa á fjármálamörkuðunum. Verð hlutabréfa
hefur lækkað um 3% í kauphöllinni í Tókýó og
gengi jensins( gagnvart Bandaríkjadollar lækkað
úr 104 jenum í 97.
Miyzawa opnaði kosningaskrifstofu í Tókýó og
hét því að leiða stjómarflokkinn til sigurs í kosn-
ingunum. Fréttaskýrendur sögðu hins vegar lík-
legt að Fijálslyndi lýðræðisflokkurinn myndi tapa
þingmeirihluta sínum.
Flórens. Frá Bergljótu Leifsdóttur,
fréttaritara Morgunblaðsins.
ÞANN 20. júní var Uffizi opnað
aftur 24 dögum eftir sprenging-
una sem varð fimm manns að
bana þann 27. maí síðastliðinn.
Þakka má sjálfboðaliðum og
starfsmönnum safnsins að það
var opnað aftur á mettíma.
Skemmdirnar voru metnar um
100 milljarða líra en daginn eft-
ir sprenginguna fékk safnið út-
hlutað 30 milljörðum frá ríkis-
sljórninni.
Safnið var opið frá klukkan 12
til 18 og var fólk farið að stilla sér
upp í biðröð klukkan 1 aðfaranótt
20. júní. 6.034 manns skoðuðu
safnið og komu þeir alls staðar að
frá Ítalíu en einnig voru margir
útlendingar. 74 ára gömul kona
kom frá Suður-Ítalíu, en hún hafði
síðast heimsótt Uffízi safnið þegar
hún var 18 ára. Af öryggisástæðum
getur safnið einungis tekið á móti
560 manns í einu.
Uffizi-höllin var byggð á árunum
1560 til 1580 til að hýsa Dómara-
höll Medici-ríkisins, en fljótlega var
efri hæðin gerð að einkalistasafni
Francesco I. af Medici og er þetta
elsta listasafn í heiminum. Árið
1992 heimsótti yflr ein milljón
manna safnið.
25 salir eru núna opnir en 20
Reuter
Minning í Moskvu
EFTIR að hafa lagt blóm að grafhýsi óþekkta hermannsins í Moskvu
felur konan andlitið í höndum sér. Rússar minntust þess í gær, þann
22. júní, að 52 ár voru liðin frá upphafi heimsstyijaldarinnar síðari.
í þeim hildarleik létu rúmlega 22 milljónir Sovétmanna lífið.
Gersemum Uffízi var komið á öruggari stað eftir sprenginguna.
eru lokaðir og eru þeir salir sá hluti
safnsins sem hafði verið endur-
bættur á síðastliðnum árum. 350
málverk eru í þessum 20 sölum,
en starfsfólk safnsins valdi úr þeim
sex meistaraverk og var þeim kom-
ið fyrir í S. Pietro Scheraggio kap-
ellunni, sem er inni í safninu. Þessi
verk eru: Sjálfsmynd af
Rembrandt, „Gjafímar", frægt
kringlótt málverk eftir Michelang-
elo, „Bakkus" eftir Caravaggio og
verk eftir Veronese, Tiziano og
Raffaello. Þijú verk gjöreyðilögð-
ust í sprengingunni og 30 þarfnast
viðgerðar.
Á næstu þremur árum er stefnt
að því að opna 30 sali, sem hýstu
áður Þjóðskjalasafnið og verður þar
komið fyrir hundruðum verka sem
nú eru í geymslum.
Þrátt fyrir að Ufflzi-safnið hafí
verið opnað aftur má ekki gleyma
því að 70 fjölskyldur misstu heim-
ili sín og margar af þeim aleiguna
og hafði ríkisstjómin ákveðið að
þær fái samtals 50 milljarða en enn
hafa þessir peningar ekki sést.
Þann 27. júní verður haldin minn-
ingarathöfn til að minnast þess að
mánuður er liðinn frá sprenging-
unni.