Morgunblaðið - 23.06.1993, Blaðsíða 21
MORGUNBLAÐIÐ MIÐVIKUDAGUR 23. JÚNÍ 1993
21
Engin
hátíð á
Kúbu í ár
KOMMÚNI-
STAFLOKK-
URINN á
Kúbu hefur
gefið út þá til-
skipun að sök-
um bágs efna-
hagsástands
verði engin
hátíðahöld
þann 26. júlí í
ár, sem er einn
sögulegasti dagurinn í stjórn-
málasögu landsins. Daginn þann
árið 1953 leiddi Fidel Castro
byltingarmenn sína til árásar á
hersveitir hægrisinnaða einræð-
isherrans Fulgencio Batista.
Árásin mistókst að vísu, en var
upphafið að sigri kommúnista á
Batista. Alla jafna taka tugir
þúsunda þátt í hátíðahöldunum,
en í ár verður í staðinn haldinn
stjórnmálafundur í borginni
Santiago de Cuba, þar sem árás-
in var gerð fyrir 40 árum.
Engisprettu-
faraldur í
Ungverjalandi
IBÚAR í Ungverska bænum Tat-
arszentgyorgy fylgdust hjálpar-
vana með sverm engisprettna
nálgast bæinn í fyrradag. I fyrsta
skipti í 60 ár sem þesskonar
óværu verður vart í landinu.
Bændur eiga nú þegar í fjárhags-
vanda og hafa engin efni á skor-
dýraeitri. Ungverska útvarpið
sagði engisprettumar nú þegar
hafa eyðilagt um þúsund hektara
ræktaðs lands.
Efnahagsbati í
Bretlandi
HAGVÖXTUR á fyrsta fjórðungi
þessa árs var 0,4 prósent í Bret-
landi og er hann öllu meiri en
ijármálaráðuneytið hafði spáð
fyrir þrem mánuðum. Hagfræð-
ingar reikna með að hagvöxtur
á þessu ári verið um 1,8%, sem
er meira en ráðuneytið spáði
Flóttamanna-
stefnan lögleg
HÆSTIRÉTTUR Bandaríkjanna
dæmdi í gær með átta atkvæðum
gegn einu að sú stefna Banda-
ríkjanna að stöðva bátafólk frá
Haítí á úthafinu og flytja það
heim til sín stangaðist ekki á við
lög. Hins vegar gæti hún vart
talist í anda þjóðréttarsáttmála
um flóttamenn. Yfirmaður
Flóttamannahjálpar Sameinuðu
þjóðanna gagnrýndi þessa niður-
stöðu harkalega í gær og kvað
hana mikið áfall.
Lausna leitað í
Azerbajdzhan
HERMENN úr liði uppreisnar-
manna í Azerbajdzhan streymdu
inn í Baku, höfuðborgina, í gær
og gerðu stjórnarhermenn enga
tilraun til að afvopna þá. Svo
virðist sem einhveijar tilraunir
fari fram til að leysa stjórnmála-
kreppuna og er haft eftir heimild-
um, að hugsanleg lausn sé, að
Abulfaz Elchibey verði áfram
forseti, Geidar Aliyev, ráðamaður
í Azerbajdzhan í tíð Sovétríkj-
anna, verði forseti þingsins, Mut-
alibov, fyrrverandi forseti, for-
sætisráðherra og Guseinov, leið-
togi uppreisnarmanna, varnar-
málaráðherra.
Pat Nixon látin
New York. Reuter.
PAT Nixon, fyrrverandi for-
setafrú í Bandaríkjunum, lést
í gær úr lungnakrabba, 81 árs
gömul.
Pat Nixon þótti ætíð standa
sem klettur við hlið eiginmanns
síns, Richards Nixons, ekki síst
í andstreymi því sem fylgdi Wat-
ergate-hneykslinu svokallaða.
Forsetafrúin fyrrverandi var
aldrei bersögul opinberlega um
einkalíf sitt og sýndi yfírleitt lít-
il geðbrigði. Haft er á orði að
hún hafi einungis tvisvar tárfellt
opinberlega, en það var er eigin-
maður hennar tapaði kosningun-
um fyrir John F. Kennedy 1960,
og þegar hann flutti afsagnar-
ræðu sína 9. ágúst 1974. Margar
bandarískar konur litu til hennar
sem fyrirmyndar húsmóður og
dáðust að því hversu vel hún
hélt sér. Þegar hún fagnaði sex-
tugsafmæli sínu sagði hún við
blaðamann er spurði hana hvern-
ig hún færi að því að líta svona
vel út, að hún væri of upptekin
til að eldast.
Nixon-hjónin kynntust í leik- -
húsi í bænum Whittier í Kalifor-
níu en hann var þá ungur lög-
fræðingur en hún kennari. Strax
á þeirra fyrsta fundi á hann að
hafa beðið um hönd hennar.
Forsetinn sótti ætíð ráð til konu
sinnar sem var sérfræðingur í
viðskiptarétti og bókhaldi. Var
haft eftir Henry Kissinger fyrr-
verandi utanríkisráðherra og vini
Nixon-hjónanna að Pat hefði
ætíð verið áhugasamur hlustandi
án þess að trana sér fram og
Pat Nixon
mannþekkingu hennar hefði ver-
ið viðbrugðið.
Forsetahjónin fyrrverandi áttu
tvær dætur, Triciu og Julie, en
sú síðarnefnda giftist sonarsyni
Dwights Eisenhowers Banda-
ríkjaforseta.
Svíþjóð
Eyrarsunds-
brúin í bið
Stokkhólmi. Reuter.
SÆNSKI umhverfisráðherrann
Olof Johansson hefur hafnað
hugmyndinni um byggingu brúar
yfir Eyrarsund og sagt að hún
verði ekki að veruleika fái Mið-
flokkurinn einhverju um það ráð-
ið.
Ummæli ráðherrans hafa valdið
nokkru uppnámi innan stjómarinnar
því taka átti lokaákvörðun um brú-
arsmíðina innan skamms. Brúin yrði
rúmlega 16 kílómetrar að lengd og
áætlaður kostnaður við smíðina er
1,6 milljarðar Bandaríkjadala.
Sænskir stjómmálaskýrendur telja
að Johansson sé að reyna að stefna
stjórn Carls Bildts í voða. Miðflokk-
urinn stendur mjög höllum fæti í
skoðanakönnunum og gæti þessi
deila orðið til þess að rétta hlut
hans í sænskum stjórnmálum. Verk-
takafyrirtækið sem sér um fram-
kvæmdir í Danmörku hefur þegar
kostað til 94 milljónum Bandaríkja-
dala. Búið er að rífa nokkrar bygg-
ingar og áttu framkvæmdir að hefj-
ast innan tveggja vikna.
Reuter
Lögregluaðgerð
JAPANSKIR kvenlögregluþjónar ráðast með varnarskjöldum gegn
karlkyns kollegum sínum á æfingu í gær. Það er lögreglan í höfuð-
borginni Tókýó sem er þarna að undirbúa öryggisgæslu við Akasaka-
höllina fyrir fund Sjöríkjahópsins, sem fer fram þar í borg í næsta
mánuði.
Undirrita
„heitbréf“
umkynlífs-
bindindi
New York. The Daily Telegraph.
ÞÚSUNDIR bandarískra ungl-
inga hafa undirritað eins konar
„heitbréf" eða kort, sem prestur-
inn þeirra hefur látið þá fá, en
þar lofa þeir að halda sig frá
kynlífi þar til komið er í hjóna-
band. Virðist vera mikill áhugi
á þessu og kom hann vel í ljós
á árlegri samkomu Suðurríkja-
baptista í Houston í Texas fyrir
skömmu.
Tugir snyrtilegra unglinga
glöddu þá foreldra sína með því
að vitna um staðfestu sína og bind-
indissemi í kynferðislegum efnum.
Sögðu þeir, að heitbréfín hefðu
haft mjög góð og holl áhrif á bekkj-
arfélaga sína, sem margir vildu
forðast að ganga of langt í kynnum
sínum við hitt kynið.
„Þegar 100 unglingar geta gert
þetta, þá get ég það líka. Þetta er
jákvætt aðhald,“ sagði Lara McCal-
man, 17 ára gömul stúlka.
Suðurríkjabaptistar, sem eru
mjög strangir í trúarlegum efnum,
eru meðal stærstu safnaða í Banda-
ríkjunum en baptistaprestar segja,
að áhugi unglinga á kynlífsbindindi
sé ekki einskorðaður við þeirra
kirkjudeild. Áróðurinn fyrir því
hófst í apríl sl. og er stefnt að
því, að 100.000 unglingar hafi und-
irritað heitið að ári.
Ástin hefur biölund
Hugmyndin er sú, að unglingum
finnist þeir ekki standa einir þótt
þeir gefíst ekki upp fyrir þrýstingn-
um og fari að stunda kynlíf
snemma. Efst á heitbréfinu stendur
„Sönn ást bíður“ en síðan segir:
„Ég veit, að ástin hefur biðlund og
því heiti ég því frammi fyrir guði,
sjálfum mér, fjölskyldu minni, vin-
um, verðandi maka og börnum að
stunda ekki kynlíf fyrr en í hjóna-
bandi.“
„Ég hef skemmt mér konung-
lega við það eitt að segja nei,“ seg-
ir McCalman.
16
5" fyrir 3-5 ára
Verð 9.490 stgr.
FALKINN
Verð 9.685 stgr.
Suðurlandsbraut 8 - sími 814670
Mjódd - sími 670100
Á WHEELER BARNAHJÓLUM
23. - 26.JÚNÍ
Wheeler fjallahjólin hafa sarmarlega slegið í gegn á íslandi.
Fálkinn býður nú Wheeler barnahjólin fyrir stelpur og stráka með
35% KYNNINGARAFSLÆTTI (í kassa)
KYNNINGARTILB OÐ