Morgunblaðið - 08.09.1993, Blaðsíða 16

16
MORGUNBLAÐIÐ MIÐVlKUDAGUR 8. SEPTEMBER 1993
AEROSPATIALE 332L1 SUPER PUMA
Þyrlukaupanefnd leggur til að þessi tegund björgunarþyrlu verði keypt handa
Landhelgisgæzlunni.
Lengd skrokks: 16,29 m
Hæð: 4,95 m
Breidd: 3,76 m
Nýtanlegt rúmtak: 13,4 rámm.
Hámarksafl hreyfla: 2.800 kW
Flugþol: 7,2 klst.
Flugdrægi: 773 sjómílur
Flugdrægi frá eldsneytisstöð, m.v. hifingar í
45 mln. og 30 min. varaeldsneyti: 300 sjóm.
Hleðsla sem unnt er að hífa I þeirri fjariægð:
AEROSPATIALE SA-365N2 DAUPHIN
Þyrla af þessari tegund, TF-SIF, hefur verið I notkun hjá Landhelgisgæzlunni undanfarin ár.
Lengd skrokks: 13,68 m
Hæð: 3,97 m
Breidd: 3,21 m
c -úmm.
Nýtihleðsla (famiur og etdsneyti): 1.040 kg
Hámarksafl hreyfla: 1.094 kW
Flugþol: 4,3 klst.
Flugdrægi: 460 sjómflur
Flugdrægi frá eldsneytisstöð, m.v.
hifingar 145 mín. og 30 min. varaeldsneyti: 145 sjóm.
Hleðsla sem unnt er að hffa I þeirri fjarlægð: 634 kg.
Heimfld: Skýrsia ráðgjaíarhóps um þyrlukaup
Flugdrægi frá eldsneytisstöð
Hífing 145 mín. og 30 mín. varaeldsneyti -PUMA AS 332L1 300 sj6m.
__________ SIKORSKY HH-60J 255 sjóm.
...[ r- BELL 214 ST192 sjóm.
GRÆmND [p- SA365 N2145sj6m.
Reykjavík
Ríkísstjórnin frestar til næsta fundar ákvörðun um kaup á Super Puma-þyrlu
Helmiiigi lengra flugdrægi
og míklu meiri burðargeta
Ný þyrla myndi bæta mjög möguleika Landhelgisgæzlunnar til björgunarstarfa
RÍKISSTJÓRNIN ákvað á fundi sínum í gær að fresta til næsta
fundar ákvörðun um kaup á nýrri björgunarþyrlu fyrir Land-
helgisgæzluna og leggja tillögur þyrlukaupanefndar fyrir þing-
flokka stjórnarflokkanna til skoðunar. Þyrlukaupanefnd hefur
lagt til að keypt verði 12 ára gömul, en nýuppgerð, Aerospat-
iale Super Puma 332 Ll-þyrla frá fransk-þýzka framleiðandan-
um Eurocopter. Gerð hafa verið drög að kaupsamningi, en sam-
kvæmt honum myndi þyrlan kosta um 620 milljónir króna. Ráð-
gjafarhópur, sem skoðaði ýmsar þyrlutegundir, taldi Super
Puma henta bezt við íslenzkar aðstæður, auk þess sem hún
væri tiltölulega hagkvæm í rekstri. Þyrla af þessari tegund
myndi bæta til muna möguleika Landhelgisgæzlunnar til björg-
unarstarfa. Hún hefur um það bil helmingi meira flugþol en
núverandi þyrla Gæzlunnar og getur borið mun fleiri menn.
Með slíkri þyrlu væri hægt að bjarga heilli skipshöfn á hafi úti.
Mörg tilboð bárust
Að sögn Gunnars Bergsteins-
sónar, formanns þyrlukaupanefnd-
ar, er þyrlan, sem nefndin mælir
með, tólf ára gömul, og í eigu fram-
leiðandans, Eurocopter. Hún var
ein af fyrstu vélunum af þessari
tegund, og hefur framleiðslunúmer
Qögur. Gunnar segir að henni hafi
lítið verið flogið, og hafi hún eink-
um verið notuð sem sýningarvél á
vegum fyrirtækisins. „Þyrlan verð-
ur tekin alveg í gegn og settir í
hana aflmeiri mótorar en voru
upprunalega í þessum þyrlum. Að
öðru leyti verður hún útbúin á all-
an hátt sem fullkomin björgunar-
þyrla, með spili, fjölrása stýrikerfi
og öðrum búnaði,“ sagði Gunnar.
Mælt með Super-Puma
Ráðgjafarhópur um þyrlukaup,
sem mat tæknilega eiginleika og
hagkvæmni ýmissa þyrlutegunda,
ákvað á sínum tíma að mæla með
Super Puma-þyrlu. Einnig var talið
að Bell Super Transport og Sik-
orsky Jay Hawk fullnægðu lág-
markskröfum um tæknilega hæfni
björgunarþyrlu og myndu, líkt og
Super Puma-þyrlan, auka verulega
getu Landhelgisgæzlunnar til að
sinna björgunarhlutverki sínu.
Flugdrægi þeirra í björgunarflugi
væri hins vegar minna. Nefndin
taldi að rekstrarkostnaður Sik-
orsky-þyrlunnar væri svo hár að
hún kæmi ekki til greina, en hann
var áætlaður 289 milljónir króna
á ári miðað við 300 flugtíma, á
móti 165 milljónum vegna notaðrar
Super Puma-þyrlu. Rekstrarkostn-
aður Bell-þyrlu var áætlaður um
160 milljónir króna á ári. Þyrlu-
kaupanefnd hefur hins vegar með-
al annars horft til þess að fram-
leiðslu hennar hefur verið hætt,
en Super Puma er enn í fram-
leiðslu.
Þyrlukaupanefnd hafa að
undanförnu borizt ýmis tilboð. Auk
tilboðs Aerospatiale, upp á 620
milljóhir, hafa tveir aðrir aðilar
boðið Super Puma-þyrlur til kaups.
Annars vegar er um að ræða
þrotabú fjölmiðlakóngsins Roberts
Maxwelis heitins í Skotlandi, sem
bauð tveggja ára gamla og lítið
notaða þyrlu á um 600 milljónir
króna. Hún er hins vegar innréttuð
sem farþegavél, en ekki björgunar-
vél. Aukabúnaður með vélinni mun
hafa verið boðinn á 50-60 milljón-
ir. Hins vegar buðu Canadian
Helicopters átta ára gamla og
nokkuð mikið notaða Super Puma-
þyrlu á 490 milljónir króna. Auk
þessa buðu Bell-verksmiðjurnar
notaða þyrlu á um 590 milljónir.
Áður hafði borizt tilboð frá Sikor-
sky-verksmiðjunum, um nýja þyrlu
á 860 milljónir. Rússneskar þyrlur
stóðu einnig til boða.
Tryggasti kosturinn
Gunnar Bergsteinsson segir að
ekkert af þessum tilboðum hafi
þótt koma til greina nema helzt
tilboð Bell-verksmiðjanna. „Vélin,
sem Aerospatiale býður, hefur alit-
af verið í eigu framleiðandans.
Verksmiðjan veitir ákveðna
ábyrgð, og menn taka ekki áhættu
á að kaupa vél annars staðar, sem
þarf síðan að fara með til framleið-
andans og láta breyta og gera við.
Hinum Aerospatiale-vélunum þarf
að breyta mikið. Margt af tækjun-
um, sem þarf að setja í þessa vél,
er hvergi hægt að setja í hana
nema hjá framleiðandanum. Það
kann að vera hægt að fá ódýrari
vélar, en" þetta er áreiðanlega
tryggasti kosturinn,“ sagði Gunn-
ar.
165 milljóna rekstr-
arkostnaður
Ráðgjafarhópur um þyrlukaup
áætlaði rekstrarkostnað Super
Puma-þyrlu um 165 milljónir króna
á ári, miðað við 300 flugtíma.
TF-SIF, núverandi þyrla Landhelg-
isgæzlunnar, hefur mest flogið um
480 tíma á ári, og miðað við þann
flugtíma gæti rekstrarkostnaður
nýrrar þyrlu farið upp í um 190
milljónir, samkvæmt skýrslu ráð-
gjafarhópsins. 165 milljóna króna
árlegur kostnaður myndi að áliti
hópsins skiptast í 5 milljónir vegna
eldsneytis, 29 milljónir vegna vara-
hluta, 16 milljónir vegna flug-
manna, 5,5 milljónir vegna við-
halds, 25 milljónir vegna ýmiss
kostnaðar, 16 milljónir vegna
tryggingar, 37 milljónir vegna af-
skrifta og 33,5 milljónir vegna
vaxtakostnaðar.
Super Puma-þyrlan tekur
Dauphin-þyrlunni TF-SIF fram á
flestum sviðum, eins og sjá má á
myndinni hér að ofan, og hefur
lengra flugdrægi í björgunarflu'gi
en aðrar þær tegundir, sem helzt
voru taldar koma til greina. Hún
getur flogið í flestum veðrum, og
hægt er að búa hana afísingarbún-
aði.
Bannað með
lögnm að
veita afslátt
við olíukaup
KRISTINN Björnsson for-
stjóri Skeljungs segir að olíu-
félögunum sé bannað með lög-
um að veita staðgreiðsluaf-
slætti eða magnafslætti til
þeirra viðskiptavina - sem
kaupi olíu í miklu magni. Eins
og fram kom í máli Kristjáns
Ragnarssonar formanns LÍÚ
í frétt Morgunblaðsins á laug-
ardag taldi hann að ekki næði
nokkurri átt að útgerðarfyrir-
tæki ættu ekki kost á slíkum
afslætti. Kristinn segir hins
vegar að lög frá 1985 um að
sama olíuverð skuli gilda til
allra á landinu komi í veg
fyrir að slíkir afslættir séu
mögulegir.
„Samkvæmt lögunum skiptir
ekki máli hvort við erum að
senda 200 lítra af olíu með bíl
upp í Bláíjöll eða dæla 500.000
Iítrum beint í skip við bryggju
í Reykjavík, sama verð skal vera
á hverjum lítra,“ segir Kristinn.
„Erlendis hins vegar er algengt
að veittur sé staðgreiðslu- eða
magnafsláttur á olíu til fiski-
skipa og einnig að lagt sé 5-10%
álag á olíuna ef um lánsvið-
skipti er að ræða.“
Verkum
skiptí
stjórn SUS
Á FYRSTA fundi nýkjörinnar
stjórnar Sambands ungra sjálf-
stæðismanna, sem haldinn var
4. september, var kjörin fram-
kvæmdastjórn SUS til næstu
tveggja ára, starfsmenn SUS og
formaður utanríkismálanefndar.
í framkvæmdastjórn voru þessir
kjörnir, auk Guðlaugs Þórs Þórðar-
sonar, formanns SUS: 1. varafor-
maður: Valdimar Svavarsson, fram-
kvæmdastjóri auglýsingastofunnar
Atómstöðvarinnar. 2. varaformað-
ur: Inga Dóra Sigfúsdóttir, blaða-
maður. Gjaldkeri: Ármann Kr.
Ólafsson, framkvæmdastjóri aug-
lýsingastofunnar Nonna og Manna.
Ritari: Steinþór Gunnarsson, laga-
nemi.
Framkvæmdastjóri var kjörinn
Þórir Kjartansson verkfræðingur.
Ritstjóri Stefnis, tímarits Sambands
ungra sjálfstæðismanna, var kjör-
inn Þorsteinn Siglaugsson, BA í
heimspeki. Formaður utanríkis-
málanefndar SUS var kosinn Árni
Sigurðsson guðfræðinemi.
(Fréttatilkynning)
Skákþing íslands hefst í dag
SKÁK
Karl Þorsteins
Keppni í landsliðsflokki á Skák-
þingi Islands, hinu 79. í röðinni,
hefst í dag kl. 17.00 í salarkynn-
um Tafifélags Reykjavíkur í
Faxafeni 12. Mótið er vel skipað,
þrír stórmeistarar og fjórir alþjóð-
legir meistarar eru á meðal þátt-
takenda og meðalstigaljöldi kepp-
enda eru 2.385 Elo-skákstig.
Byko hf. er styrktaraðili mótsins
sem lýkur 23. september. Kepp-
endur á mótinu eru: Jóhann Hjart-
arson stórmeistari, 2.605, Helgi
Ólafsson stórmeistari, 2.530,
Hannes H. Stefánsson stórmeist-
ari, 2.500, Þröstur Þórhallsson
alþjóðle-gur meistari, 2.445,
Björgvin Jónsson alþjóðlegur
meistari, 2.405, Helgi Áss Grét-
arsson, 2.365, Jón G. Viðarsson,
2.325, Andri Áss Grétarsson,
2.310, Haukur Angantýsson al-
þjóðlegur meistari, 2.295, Sævar
Bjarnason alþjóðlegur meistari,
2.290, Tómas Björnsson, 2.290
og Guðmundur Gíslason, 2.270.
Helgi Ólafsson hefur titil að verja
og fyrirfram er líklegt að baráttan
um sæmdarheitið Skákmeistari
íslands 1993 verði á milli stór-
meistaranna þriggja. Jóhann
Hjartarson er langstigahæsti
keppandinn, en níu ár eru liðin
síðan hann sigraði síðast á Skák-
þingi íslands. Hannes Hlífar hefur
aldrei sigrað á Skákþinginu en
er til alls líklegur. Hann hefur
verið iðinn við kolann í sumar og
er nýkominn til landsins frá tveim-
ur skákmótum í Grikklandi ásamt
Þresti Þórhallssyni. Björgvin
Jónsson öðlaðist alþjóðlega meist-
aratign fyrr í sumar og Helgi Áss
er á góðri leið að sama áfanga
eftir góða frammistöðu á heims-
meistaramóti sveina og skákmóti
í Gausdal í síðasta mánuði. Til
þess að ná áfanga að titli alþjóð-
iegs meistara þarf sjö vinninga á
mótinu. Bryddað verður upp á
þeirri nýjung að efna til getraunar
um endanlega röð sex efstu
manna í mótinu. Allir gestir í 1.
umferð geta spreytt sig við að
spá, en útfylltum getraunaseðlum
þarf að skila áður en fyrstu úrslit
í umferðinni eru ljós. Veglegum
verðlaunum er heitið þeim sem
giskar á rétta röð.