Morgunblaðið - 08.09.1993, Blaðsíða 18

18
MORGUNBLAÐIÐ MIÐVIKUDAGUR 8. SEPTEMBER 1993
Morgunblaðið/Golli
Við upphaf skólagöngu
GRUNNSKÓLARNIR á Akureyri hófu starfsemi sína í gær, 7. september, og komu nemendur í skólann
að loknum sumarleyfi. Alls verða nemendur í grunnskólum bæjarins um 2.300 í vetur; fjölmennastur
er Síðuskóli með um 630 nemendur, en þar var þessi mynd tekin í gær.
Endurvinnslan í nýtt hús-
næði við Réttarhvamm
ENDURVINNSLAN tók til starfa í nýju húsnæði við Réttarhvamm 3
á Akureyri í gær, en fyrirtækið hafði áður verið staðsett í tjaldi
gegnt KA-húsinu.
Endurvinnslan leigij hluta af
húsnæði sem er í eigu Úrvinnslunn-
ar, fyrirtækis sem tekur til starfa
innan skamms á sviði endurvinnslu
á pappír og plasti.
Gunnar Þ. Garðarsson fram-
kvæmdastjóri Endurvinnslunnar
sagði nýju húsakynnin breyta mjög
til batnaðar aðstöðu fyrirtækisins
og eins væri umhverfi þess mun
vistlegra fyrir viðskipt.avinina.„Það
er mun snyrtilegra hjá okkur núna,“
sagði Gunnar, „en rýmið hefur einn-
ig aukist. Auk móttökunnar er stór
salur í húsinu til að geyma umbúð-
irnar, skrifstofuaðstaða, kaffistofa
og snyrtiaðstaða.
Um 70 manns daglega
í síðasta mánuði komu að jafnaði
65-70 manns daglega í Endur-
vinnsluna, en skil eru mjög góð, að
sögn Gunnars eða allt upp í 75%.
Fyrirtækið hefur starfað á Akur-
eyri í á fjórða ár og tekið á móti
um 13 milljónum umbúða á þeim
tíma.
Endurvinnslan keypti fyrr á þess
ári fyrirtækið Sagaplast, sem hefur
sérhæft sig í að mala fiskikassa og
kör og hefur það fengið aðstöðu í
tjaldi utan við húsið, en á síðustu
vikum hefur kössum verið safnað
saman víðs vegar að og er búið að
kurla hátt í 10 þúsund kassa sem
er um 50 tonn.
Tekið er á móti umbúðum hjá
Endurvinnslunni við Réttarhvamm
frá mánudegi til fimmtudags frá
kl. 10 til 17 og á föstudögum er
opið frá kl. 10 til 16.
Morgunblaðið/Golli
Fyrstu viðskiptavinirnir
FYRSTU viðskiptavinir Endurvinnslunnar í nýjum húsakynnum við
Réttarhvamm voru hjónin Jóhann Gunnar Benediktsson og Halldóra
Ingimarsdóttir og að sjálfsögðu var það framkvæmdastjórinn, Gunn-
ar Þ. Guðmundsson, sem afgreiddi þau.
Ný gönguleið,
Glerárdals-
hringnr, opnast
FÉLAGAR í Ferðafélagi Akureyrar lögðu um síðustu helgi göngu-
brú yfir Glerá, en hún er við Grenishóla í Glerárdal rétt norðan
við Lamba, einn skála félagsins.
Ingvar Teitsson formaður
göngunefndar Ferðafélags Akur-
eyrar sagði að allt frá því skálinn
var byggður árið 1975 hafi verið
rætt um að byggja brú yfir ána,
en gott brúarstæði verið vand-
fundið. í október á síðasta ári var
farinn leiðangur ferðafélags-
manna inn í Glerárdal í þeim til-
gangi að skoða hugsanleg brúar-
stæði og svæðið við Grenishóla
valið.
Haraldur Sveinbjörnsson verk-
fræðingur hjá verkfræðiskrifstofu
Sigurðar Thoroddssen var félags-
mönnum til aðstoðar við valið og
voru straummælingar gerðar
mánaðarlega allan síðasta vetur
og styrkti Haraldur brúna eftir
því sem á leið veturinn og snjó-
þunginn óx.
Brúin var smíðuð á Akureyri í
marsmánuði og hún síðan dregin
inn eftir með aðstoð tveggja snjó-
bíla frá Hjálparsveit skáta. Eftir
að snjóa leysti var félagsmönnum
ekkert að vanbúnaði að koma
brúnni upp og fór hópur manna
fram eftir um síðustu helgi til að
annast verkið. Búnaðurinn sem
farið var með vó um 250 kíló,
þannig að þrír trússahestar voru
hafðir með í för, en frá sorphaug-
unum ofan við Akureyri eru um
11 kílómetrar inn í Lamba.
Ingvar sagði að með tilkomu
nýju brúarinnar yrði til ný göngu-
leið, Glerárdalshringur, 6-8
klukkutíma góð ganga og einnig
væri nú auðveldara að skoða fjöll-
in vestan Glerár þegar dvalið
væri í skálanum Lamba. Sagði
Ingvar að fyrsta skipulagða
gönguferðin Glerárdalshringinn
yrði farin á vegum Ferðafélags
Akureyrar 18. september næst-
komandi.
Brúarsmiðir
HÓPUR félaga úr Ferðafélagi Akureyrar vann um helgina við
að setja upp göngubrú skammt norðan við Lamba, skála félagsins
í Glerárdal, en sú brú er sú tíunda sem lögð er yfir Glerána og
opnar nýja gönguleið, Glerárdalshring.
NÚ DREGUR að lokum veiði-
tímabilsins og þó? í Norðurá
hefur fengist leyfi til að fram-
lengja veiðitímann til reynslu.
Fékkst heimild til að selja fjórar
dagsstangir í ána á svæðinu frá
Vaðklöpp og inn á Holtavörðu-
heiði. Inni í því svæði eru marg-
ir af bestu veiðistöðum efri hluta
Norðurár. Mikill lax er á svæð-
inu, enda seldust leyfin eins og
heitar lumraur og hefur veiðst
vel.
Framlengingar á veiðitíma
hafa til þessa einungis fengist
undir yfirskriftinni „sjóbirtings-
veiði“ og hefur þá einungis verið
á neðstu svæðum örfárra áa. Til-
raunin í Norðurá er því athyglis-
verð tilraun og mun vera mikill
áhugi meðal bænda jafnt sem
stangaveiðimanna að ef mat
manna er, að mikill lax sé í ánum
sé möguleiki að framlengja veiði-
tíma lengra fram á haustið. Hug-
myndir eru uppi, bæði í Norðurá
og í I.axá á Ásum, að færa veiði-
tímann aftur, en í báðum ánum
hefst hann 1. júní. í vor byrjaði
veiði illa vegna flóða og vor-
kulda. Síðar, er skilyrði urðu
hagstæð, fylltust árnar af laxi. í
ágústlok var enn rífandi veiði í
Laxá og Norðurá var að ná sér
aftur vel á strik eftir óvenjulega
langa þurrka og samfarandi
vatnsleysi. Þótti mörgum því súrt
í broti að láta af veiðum.
Þverá fór yfir 1.500 laxa
Þverá ásamt Kjarrá fóru yfir
1500 fiska og voru síðustu veiðidag-
amir mjög góðir. Jón Ólafsson, einn
leigutaka árinnar, sagði í gærdag
að engin hemja hefði verið hversu
vatnslítil áin hefði verið orðin og
menn hefðu alveg verið búnir að
afskrifa hana, ér það gerði loks
hressilega rigningu í blálokin og
þá veiddist vel,“ sagði Jón. Hann
sagði lokatöluna vera á milli 1.550
og 1.560. Síðustu dagana hefðu
bændur og vinir þeirra verið að
veiðum og ekki væri búið að skrá
alla þeirra veiði en menn væru að
taka það sama þessa dagana. Mikill
lax var í Þverá og Kjarrá og hefði
vel mátt framlengja á þeim bæ eins
og Norðurá.
Dalar aftur í Dölunum
Það hefur dregið aftur úr veiði í
Laxá í Dölum eftir rigninguna í lok
ágúst og í septemberbyrjun. Fyrsta
hollið sem fékk rigninguna dró 82
laxa á land, síðan veiddust 67 fisk-
ar. Loks hrapaði þriðja holl ofan í
30 laxa, en síðan hefur veiðin verið
„svona í meðallagi" eins og Gunnar
Bjömsson kokkur sagði í samtali
við Morgunblaðið í gær. Þá voru
komnir um 800 laxar úr ánni, sem
er í lakari kantinum og sagði Gunn-
ar ennfremur að áin hefði ekki far-
ið undir 1.000 síðan 1984. Ekki er
þó víst að ekki náist fjögurra stafa
tala á sumrinu, því veitt er til 21.
september.
Hér og þar
Veiði á aðalsvæinu í Hítará hefur
gengið upp og ofan, verið slök á
•köflum, en góð á milli, svona eins
og gengur. Um helgina síðustu voru
komnir 243 laxar á land úr ánni
að sögn Jóns G. Borgþórssonar
framkvæmdastjóra SVFR. Hann
sagði tölur óljósar af efra svæði
Hítarár, en sagði þó ljóst að veiðin
hefði verið lakari en menn höfðu
gert sér vonir um. Eitthvað hefði
aflast af laxi eins og áður, en hin
væna bleikja sem á svæðinu ætti
að vera, hefði lítið látiðjl sér kræla
í sumar hvað svo sem því ylli.
Víkurá í Hrútafirði hefur gefið
rétt um 60 laxa og einhvem reyting
af ágætri sjóbleikju. Þetta er heldur
lakara en í fyrra, en munar þó ekki
miklu. Það óvenjulega fyrirkomulag
er í Víkurá, að þar er veitt í tvo
daga, síðan er hvílt næstu tvo daga
þannig að hvert holl kemur ævin-
lega að ánni vel hvíldri.
Fregnir herma, að þrátt fyrir
mikla þurrka stóran hluta sumars
hafi Álftá á Mýmm nú rofið 200
laxa múrinn. Vel á annað hundrað
sjóbirtingar hafa einnig veiðst í
ánni og sumir þeirra vænir, 3 til 4
pund. Hefur birtingurinn verið
sterkur í ánni síðustu þijú sumur.
Rangámar em nú samtals komn-
ar með um 900 laxa. Eystri-Rangá
hefur skilið Ytri-Rangá eftir og
hefur gefið vel á sjötta hundrað
laxa og auk þess hefur veiðst drjúgt
í Hólsá, beggja vegna, en svæði sem
gáfu stórveiði metsumarið 1990
hafa verið rólegri þótt eitthvað reyt-
ist þar alltaf upp. í Eystri-Rangá
em það einkum svæði 5 og 6 sem
hafa gefið vel og ef nokkrir mjög
gjöfulír veiðistaðir eru nefndir koma
strax upp nöfnin Stekkjartúnshyl-
ur, Móbakki, eyrin ofan hans og
Bergsnefið.