Morgunblaðið - 13.10.1993, Síða 3

MORGUNBLAÐIÐ MIÐVIKUDAGUR 13. OKTÓBER 1993
3
Morgunblaðið/Valdimar Kristinsson
Meðan allt lék í lyndi
HANS Pfaffen og Gammur frá Ingveldarstöðum á skeiðmeistaramót-
inu sem haldið var í Weiden fyrir ári þegar allt lék í lyndi.
Islenskur hestur fell-
ur á lyfjaprófí í Sviss
Eigandinn segist engar skýringar hafa
KUNNUR íslenskur gæðingur, Gammur frá Ingveldarstöðum, féll á
lyfjaprófi á móti íslenskra hesta sem haldið var um miðjan júlí í Sviss.
Voru bæði hesturinn og knapinn, Hans Pfaffen, sem er eigandi hests-
ins, dæmdir úr leik á mótinu auk þess sem þeim var meinuð þátttaka
í heimsmeistaramótinu í Hollandi en þeir höfðu unnið sér sæti í sviss-
neska liðinu sem þar átti að mæta til leiks.
Tvö sýni voru tekin úr hestinum
og reyndust bæði jákvæð en í grein-
argerð frá Hans Pfaffen segir að
leyfilegt magn lyfja í blóði í Sviss
sé 0,0 en með þeim aðferðum sem
notaðar eru við efnagreiningu sé
hægt að greina það sem hann kallar
„femto gramms“, eða fjórtán núll
fyrir aftan kommu, úr grammi.
Hann bendir á að fmna megi nokkur
tilfelli þar sem ólöglegefni hafi fund-
ist í venjulegu fóðri sem selt sé á
almennum markaði og einnig hafi
fundist ólögleg efni í áburði sem
notaður er við bólgu eða sýkingu í
augum hrossa.
Engin skýring
Hans Pfaffen segir að lyfjaprófið
sem hér um ræðir hafi verið gert á
svissneska meistaramótinu sem hafi
jafnframt verið úrtaka fyrir heims-
meistaramótið. Fyrir mótið hafi hann
og Gammur verið búnir að tryggja
sér sæti í liðinu og ekki þurft að
taka þátt í mótinu af þeim sökum.
Þá segist hann geta fullyrt að hvorki
dýralæknir hans né hann sjálfur eða
vinir hans sem umgangast hestinn
hafi gefíð honum vísvitandi ólögleg
lyf. Hann segist ekki hafa hugmynd
um eða skýringar á því hvers vegna
ólögleg lyf hafí fundist í blóði hests-
ins. Ekki kom fram í greinargerð
Hans Pfaffen hvaða efni fannst í
hestinum né hversu mikið magn var
um að ræða.
Ragnar Hinriksson tamningamað-
ur keppti á Gammi á heimsmeistara-
mótinu í Svíþjóð 1991 en Hans Pfaf-
fen keypti hestinn að móti loknu og
hefur keppt á honum þar til í sumar
að hann var dæmdur úr leik. Hans
Pfaffen hefur verið einn fremsti reið-
maður Svisslendinga á íslenskum
hestum um árabil.
Guðmundur Vignir
Jósefsson fv. gjald-
heimtustjóri látinn
GUÐMUNDUR Vignir Jósefsson,
fyrrverandi gjaldheimtustjóri,
lést á Landspítalanum í gær 72
ára að aldri.
Guðmundur Vignir fæddist í
Reykjavík 24. febrúar 1921, sonur
hjónanna Jósefs Gottfreðs Blöndals
Magnússonar trésmiðs og Guðríðar
Guðmundsdóttur. Hann varð stúdent
frá MR 1941, Cand. juris frá Há-
skóla íslands 1947, héraðsdómslög-
maður 1948 og hæstaréttarlögmað-
ur 1957. Hann sótti tíma í stjórn-
sýslurétti við Sorbonne-háskóla í
París 1949 til 1950.
Guðmundur Vignir var fulltrúi á
skrifstofu borgarstjórans í Reykjavík
1947 til 1951, skrifstofustjóri bæjar-
verkfræðings í Reykjavík 1951 til
1962 og gjaidheimtustjóri í Reykja-
vík og jafnframt lögmaður Gjald-
heimtunnar 1962 til 1992. Hann
átti sæti í ýmsum nefndum á vegum
Reykjavíkurborgar, var varadómari
í Félagsdómi 1961 til 1980 og dóm-
ari í Félagsdómi 1977 til 1980. Hann
var formaður stjórnar Innheimtu-
stofnunar sveitarfélaga 1971 til
1987, í yfirkjörstjórn við borgar-
stjórnarkosningar í Reykjavík 1974
til 1990 og oddviti hennar 1986 og
1990. Hann var vararíkissáttasemj-
ari 1980 til 1991 og fulltrúi hjá ríkis-
lögmanni frá 1992.
Guðmundur Vignir var formaður
Vöku, félags lýðræðissinnaðra stúd-
enta, 1942 til 1943 og formaður
Stúdentaráðs HÍ 1945. Hann var
formaður Stúdentafélags Reykjavík-
ur 1974 til 1975, varaformaður Lög-
fræðingafélags Islands 1978 til 1981
og formaður 1981 til 1982, og hann
var formaður Islandsdeildar Nor-
ræna embættismannasambandsins
1982 til 1985.
Eiginkona Guðmundar Vignis var
Jóhanna Sólveig Guðlaugsdóttir sem
lést á síðasta ári. Þau eignuðust
þijár dætur. Þá átti Guðmundur
Vignir eina dóttur fyrir hjónaband.
Tillögur nefndar um vaxtamyndun á lánsfjármarkaði
Verðtryg'ging* skemmri
lána afnnmin í áföngum
Fastir vextir af verötryggðum skuldabréfum frá áramótum
NEFND sem Sighvatur Björgvinsson viðskiptaráðherra skipaði í
sumar til að kanna vaxtamyndun á lánsfjármarkaði leggur til í
skýrslu sinni, sem kynnt var í ríkisstjórn í gær, að óheimilt verði
eftir næstu áramót að verðtryggja önnur innlán en þau sem bund-
in eru til a.m.k. eins árs. Telur nefndin eðlilegt að selja hömlur
á verðtryggingu skammtímaskuldbindinga þannig að hún hverfi
í hæfilegum áföngum en hins vegar kunni bann við notkun verð-
tryggingar að leiða til óæskilegs fjárstreymis úr landi og draga
úr sparnaði innanlands á meðan stöðugleiki í gengis- og verðlags-
málum hefur enn ekki fest sig í sessi.
Leggur nefndin til að ekki verði
heimilt að verðtryggja óbundna
innlánsreikninga bankanna og að
sérkjarareikningar og skiptikjara-
reikningar verði alfarið afnumdir
þannig að dregið verði úr verð-
tryggingarhalla banka og spari-
sjóða eða honum eytt. Frá og með
næstu áramótum verði einungis
heimilaðir fastir vextir af verð-
tryggðum skuldabréfum og óheim-
ilt verði að hækka vexti af verð-
tryggðum lánum með breytilegum
vöxtum sem veitt voru fyrir 1.
janúar 1994 umfram fasta vexti
nýrra lána. Nefndin vill að lág-
marksbinditími verðtryggðra innl-
ánsreikninga og lágmarkslánstími
verðtryggðra útlána verði lengdur
um leið og aðstæður hafa skapast
að mati Seðlabankans.
Ríkisábyrgðargjald í
húsbréfakerfinu
Nefndin segir nauðsynlegt að
draga úr lánsfjáreftirspurn opin-
berra aðila og heimila, t.d. með
því að dregið verði úr opinberum
stuðningi í húsnæðiskerfinu. Segir
hún eðlilegt að tekið verði upp
nokkurskonar ríkisábyrgðargjald í
húsbréfakerfinu, sem rynni til hús-
bréfadeildarinnar og einnig sé eðli-
legt að vextir á lánum lífeyrissjóða
til sjóðfélaga verði tengdir vöxtum
á markaði. Er talið að nauðsynlegt
kunni að vera að auka það bil sem
er á milli vaxta af fasteignaveðlán-
um og lánum til traustra fyrir-
tækja annars vegar og vaxta af
neyslulánum hins vegar. Telur
nefndin brýnt að bankar og spari-
sjóðir hagi vöxtum á óverðtryggð-
um inn- og útlánum meira í takt
við vexti og vaxtaþróun á peninga-
markaði, einkum vexti ríkisvíxla.
Viðskiptaráðherra sagði á
fréttamannafundi í gær, að hann
myndi síðar gera grein fyrir þeim
aðgerðum sem hann teldi að grípa
þyrfti til á grundvelli tillagna
nefndarinnar og hann ætlaði sér
ekki langan tíma í undirbúninginn.
í skýrslunni segir að brýnt sé
að leita leiða til að lækka vexti
ríkisskuldabréfa. Leggur nefndin
til að innlendri lánsfjárþörf opin-
berra aðila verði fullnægt sem
mest á markaði þannig að opinber-
ir aðilar og lífeyrissjóðir hætti að
semja sín á milli um kaup á skulda-
bréfum og sem mest af fjármagni
lífeyrissjóða renni um skipulegan
verðbréfamarkað. Sagði Finnur
Sveinbjörnsson formaður nefndar-
innar, að nefndarmenn hefðu verið
sammála um að opinberir aðilar
ættu að nota markaðinn sem allra
mest svo að öll vaxtamyndun verði
á markaði.
Lagt er til að ríkissjóður gefi
út fleiri tegundir af verðbréfum
en hann gerir nú, einkum óverð-
tryggð verðbréf til lengri tíma og
að hann einbeiti sér að heildsölu
ríkisverðbréfa fremur en smásölu.
Lagt er til að Seðlabankinn
haldi áfram að þróa stýritæki til
að hafa áhrif á vexti á skamm-
tímamarkaði, m.a. fái hann fullt
frelsi til að beita bindiskyldu og
breyta kjörum á bundnu fé í sam-
ræmi við márkmið í peningamálum
hveiju sinni og að samhliða því
verði lausafjárskyldan lækkuð.