Morgunblaðið - 13.10.1993, Qupperneq 14

14
MORGUNBLAÐIÐ MIÐVIKUDAGUR 13. OKTOBER 1993
Vanþekking á örygg-
ismálum sjómanna
eftir Pál
Guðmundsson
í Morgunblaðinu þann 23. sept-
ember er grein eftir Jóhann Pál
Símonarson sem hann nefnir
„Slóðaskapur í öryggismálum“.
Ekki verður komist hjá að svara
þessum skrifum að nokkru, þar
sem verulega er hallað réttu máli
og dregin upp neikvæð mynd af
góðum búnaði. Því ber að fagna
að sjómenn láti til sín heyra um
öryggismál, en æskilegt er að það
væri af meiri þekkingu og raunsæi
en kemur fram í grein Jóhanns. í
greininni kemur fram veruleg
gagnrýni á gúmmíbjörgunarbáta
sem öryggistæki og á þá menn sem
annast skoðanir þeirra og eftirlit.
Gúmmíbjörgunarbátamir eru
þau öryggistæki sem hafa staðist
betur flestum öðrum og mega ís-
lendingar vera ánægðir með þann
stóra þátt sem þeir eiga í þróun
gúmmfbjörgunarbáta sem hér eru
notaðir. Á síðustu fjórum árum
hafa að jafnaði um 2.500 gúmmí-
björgunarbátar komið til skoðunar
hjá þjónustustöðvunum á hverju
ári eða samtals 10.000 skoðanir
verið framkvæmdar, af þeim voru
7 eða 0,7% sem ekki höfðu blásist
upp eða á annan hátt ekki nýst
sem björgunartæki, ef til hefði
þurft að taka.
Þess má geta að í öllum íslensk-
um skipum 12 m og lengri eru
„í Morgunblaðinu þann
23. september er grein
eftir Jóhann Pál Símon-
arson sem hann nefnir
„Slóðaskapur í öryggis-
málum“. Ekki verður
komist hjá að svara
þessum skrifum að
nokkru, þar sem veru-
lega er hallað réttu
máli og dregin upp nei-
kvæð mynd af góðum
búnaði.“
björgunarbátar fyrir 200% skip-
veija auk björgunarbúninga.
Skal nú vikið að nokkrum þátt-
um í grein Jóhanns:
1. „Að komið hafi fram að
þrýstihylki sem opna gúmmíbjörg-
unarbáta tærist," sem veldur því
að bátamir opnast ekki. Það rétta
er að nær alveg óþekkt er að
þrýstihylki bátanna tærist, enda
engar forsendur til slíks, þar sem
þrýstihylkin eru þurr og pökkuð
inn í gúmmíbjörgunarbátinn sem
síðar er settur í þar til gerða kassa.
Hér er sennilega ruglað saman að
samskonar þrýstihylki og notuð
eru í 4ra manna gúmmíbáta voru
notuð í sjósetningarbúnað og lágu
þar við stálgrind, sem orsakaði
tæringu en á því var tekið með
einangrun hylkjanna fyrir 5 árum.
2. Þá ræðir Jóhann um seinkun
flugs, þar sem hefðbundnar
skoðanir hefðu ekki farið fram, en
segist aldrei hafa heyrt um seinkun
á ferðum skips af sömu ástæðum.
Líklega er Jóhann einn fárra
sjómanna sem ekki þekkir þess
dæmi og einnig að skipum hafi
verið vísað til hafnar af sömu
ástæðum. Það skal tekið fram, að
undantekningarlítið fara skoðanir
skipa og búnaðar fram í góðu sam-
starfi við sjómenn og útgerð og
að því viljum við standa að svo
verði, svo ekki þurfi að koma til
annarra aðgerða.
3. Um skoðanir gúmmíbjörgun-
arbáta segir Jóhann: „Skoðunar-
menn viðurkenna í einkasamtölum,
að ástand björgunarbáta sé oft
ansi slæmt. Gúmmíið er stundum
farið að morkna þótt báturinn sé
ekki kominn á tíma. Sumir eru
eins og gatasigti, svo illa eru þeir
farnir. Ætli að nokkrum manni
dytti í hug að hafa ónýtt björgun-
arvesti í flugvélum".
Hér er um órökstuddar dylgjur
að ræða, skoðunarmenn eru sakað-
ir um að setja áfram í notkun stór-
gallaða gúmmíbáta, ónýt öryggis-
tæki.
Reynslan hefur sýnt að skoðun-
armenn gúmmíbjörgunarbáta hafa
unnið störf sín af mikilli trú-
mennsku, enda er þeim ljós sú
ábyrgð sem á þeim hvílir. Þeir
Páll Guðmundsson
hafa allir hlotið þjálfun bæði innan-
lands og hjá viðurkenndum erlend-
um aðilum sem standa að fram-
leiðslu og eftirliti gúmmíbjörgun-
arbáta.
Með þessum skoðunarmönnum
hefur verið haldið námskeið annað
hvert ár, til nánari fræðslu og til
að fá fram frá þeim ábendingar
um hvað betur mætti fara. Farið
er á öll viðhaldsverkstæðin til eftir-
lits með húsnæði og starfseminni,
og nú síðast voru allar þjónustu-
stöðvar gúmmíbáta heimsóttar á
nýliðnu sumri.
Um skoðun gúmmíbjörgunar-
báta gilda fastar reglur og eru
bátar skilyrðislaust teknir úr um-
ferð ef veikleiki kemur fram við
skoðun þeirra. Þess vegna eru þess
dæmi að bátar séu teknir úr notk-
un 6 ára, þótt íjölmargir þeirra
komi vel út við skoðanir eftir að
hafa náð 20 ára aldri.
4. Dregin er fram frétt um sjó-
slys, sem birtist í Morgunblaðinu
9. mars síðastliðinn, en þar er haft
eftir skipstjóa skipsins að gúmmí-
bátar hafí ekki opnast og að „þessi
andskoti kom úr skoðun eftir ára-
mótin, þetta eru því góð handbrögð
eða hitt þó heldur“. Síðan segir
að þessi ummæli ættu að vera til
þess að Siglingamálastofnun rann-
saki eftirlit með gúmmíbátum á
öllu landinu.
Hér er því til að svara að strax
og frétt af umræddu sjóslysi (báts-
strand) barst fóru á staðinn starfs-
menn Siglingamálastofnunar
ásamt starfsmanni Rannsóknar-
nefndar sjóslysa. Þeir ásamt fleiri,
skoðuðu báða gúmmíbjörgunar-
báta skipsins. Eins og síðar kom
fram í sjóprófi voru báðir gúmmí-
bátarnir í góðu ásigkomulagi en
annar þeirra var blásinn upp þegar
skipið tók niðri og notaður. Hafði
hann tapað nokkru lofti þegar
hann var skoðaður, þar sem út-
blástursventlum bátsins hafði ekki
verið lokað. Á hinum bátnum hafði
línan aldrei verið dregin út til að
hefja uppblástur bátsins, en þegar
skoðunarmaður dró út línuná blés
báturinn sig upp á eðlilegan hátt.
Hér sem oftar var öðru um að
kenna en búnaðinum. Stóru orðin
sem áður voru sögð áttu ekki við
þá sem yfirfóru og pökkuðu
gúmmíbjörgunarbátunum um ára-
mótin.
Skoðunarmenn gúmmíbáta
njóta fylista trausts þeirra er best
þekkja til starfsemi þeirra og hafa
staðfest það með góðri útkomu á
virkni björgunarbátanna við skoð-
anir.
Höfundur er deildarstjóri hjá
Siglingamálastofnun ríkisins.
Láttu ekki svona Bryndís!
eftir Jón Ásgeir
Sigurðsson
Bryndís Hlöðversdóttir, einn af
stjórnarmönnum útgáfufélags
Tímans, freistar þess í Morgun-
blaðinu 5. október, að gera lítið
úr því að ég skyldi draga til baka
umsókn um starf ritstjóra Tímans.
I bréfi til stjómar útgáfufélags-
ins, nefndi ég engan stjómarmann
á nafn og vitnaði ekki í samtöl
við þá. En eftir að bréf mitt birtist
í Morgunblaðinu viðhafði Stefán
Ásgrímsson þáverandi fréttastjóri
Tímans ærumeiðandi ummæli um
mig í fjölmiðlum og Kristján Lofts-
son hluthafi í útgáfufélaginu gerð-
ist sekur um atvinnuróg í minn
garð. Þess vegna neyddist ég til
þess að skýra nánar frá þeirri at-
burðarás sem leiddi til þess að ég
hvarf frá umsókn um ritstjóra-
starf.
Ofar skilningi?
Ef marka má grein Bryndísar
Hlöðversdóttur, skilur hún ekki
kjarna málsins. Eg kom ekki tii
greina sem ritstjóri Tímans, enda
þótt ég væri samkvæmt orðum
Bryndísar „vel hæfur til að gegna
„En Tíminn átti að
verða óháð fréttablað,
og slík blöð afla sér því
aðeins trausts, að hlut-
hafar séu ekki í aðstöðu
til þess að setja ritétjóra
og blaðamönnum afar-
kosti eins og Olíufélag-
ið gerði.“
starfinu". Þessi orð Alþýðublaðs-
ins í ritstjómargein, skýra hugsan-
lega betur hvað gerðist:
„En hvers vegna tók Jón Ás-
geir umsókn sína aftur? Jú, pen-
ingamaður í hópi nýrra hluthafa
lét það koma skýrt fram við stjórn
Mótvægis hf. að fjárframlög fyrir-
tækis hans yrðu afturkölluð, og
það myndi ekki sjá sér fært að
láta blaðinu í té áður lofað hús-
næði, ef Jón Ásgeir yrði ritstjóri.
Ástæðan var einföld: umræddum
fjársýslumanni líkaði ekki við
meintar skoðanir Jóns Ásgeirs á
hvalveiðum! Hvílíkt og annað eins!
Hvemig á að vera hægt að treysta
blaði, sem byijar æviskeið sitt með
þessum hætti?“
Inflúensusprauta
íbúum svæðis Heilsugæslustöðvarinnar á
Seltjarnarnesi, sem eru 67 ára og eldri, er
boðið upp á inflúensusprautu dagana 14.,
15., 21. og 22. október kl. 15-17 alla dagana.
Kostnaður við sprautuna er 800 kr.
Gengið er inn gegnt Valhúsaskóla.
Starfsfólk
Heilsugæslustöðvarinnar
á Seltjarnarnesi.
Geymið auglýsinguna.
Úr því að Bryndís fullyrðir að
ég „hagræði sannleikanum", skal
upplýst að ég hafði þann hátt á
við öll samtöl vegna Tímans, að
ég skrifaði jafnharðan hjá mér ít-
arlega minnispunkta. Það skal tek-
ið fram að hvomgt okkar gaf á
neinn hátt til kynna að þarna
væri um trúnaðarsamtal að ræða.
Áhyggjur af Kristjáni?
Hinn 17. september hóf ég sam-
tal okkar Bryndísar á því að spyij-
ast fyrir um afskipti Kristjáns
Loftssonar stjórnarformanns Olíu-
félagsins af ráðningu ritstjóra og
við komum þráfalt aftur að því
umtalsefni á meðan þetta kortérs
samtal stóð. í lok símtalsins skýrði
ég Bryndísi frá því að ég væri á
báðum áttum, hvort ég ætti að
draga umsóknina til baka.
Þá svaraði Bryndís Hlöðvers-
dóttir svona: Það ræður auðvitað
afstöðu okkar, að ef þú yrðir kjör-
inn, þá ertu með þessa yfirlýstu
andstöðu Olíufélagsins á móti þér.
Og við lendum örugglega í vand-
ræðum með þessi húsaleigumál.
í Morgunblaðsgrein sinni segir
Bryndís réttilega, að stjórnarmenn
séu kjömir til þess að vinna fyrir
hluthafa, og þess vegna sé „ekki
rétt að haida fram að afstaða hlut-
hafa skipti ekki nokkru máli við
210 Itr. 1 karfa 38.990 stgr.
320 Itr. 1 karfa 43.990 stgr.
234 Itr. 2 körfur 42.990 stgr.
348 Itr. 3 körfur 48.990 stgr.
462 Itr. 4 körfur 56.990 stgr.
VISA og EURO raðgreiðslur
án útb. MUNALÁN m/25% útb.
ákvarðanatöku“. Hver mótmælir
því? En Tíminn átti að verða óháð
fréttablað, og slík blöð afla sér
því aðeins trausts, að hluthafar
séu ekki í aðstöðu til þess að setja
ritstjóra og blaðamönnum afar-
kosti eins og Olíufélagið gerði. Ég
dró umsóknina til baka, vegna
þess að mér þótti allt benda til
þess að óeðlilegra og skaðvæn-
legra áhrifa af því tagi mundi
gæta hjá Tímanum.
Persónulegt mat
Bryndís segist hafa sagt mér
frá því, hvað hún persónulega teldi
standa í vegi fyrir minni ráðningu,
en hún tilgreinir ekkert nánar í
Morgunblaðsgreininni. Ég skal
góðfúslega upplýsa að það eina
sem Bryndís taldi mér í óhag var
sú tiliaga mín, að ritstjóri annaðist
allar mannaráðningar. Ég benti
henni þá strax á að ég gæti ekki
haldið þeirri hugmynd til streitu,
því að samkvæmt samþykktum
Mótvægis hf. væri það einungis
framkvæmdastjóri, en ekki rit-
stjóri Tímans, sem annaðist allar
mannaráðningar.
Af óskiljanlegum ástæðum kýs
Bryndís að gera frænda minn Jón
Sigurðsson fyrrverandi stjórnar-
formann Tímans samábyrgan fyrir
grein sinni í Morgunblaðinu. Rétt
eins og Jón hafi tekið þátt í sam-
tali okkar Bryndísar og geti vitnað
um innihald þess!
Bryndís Hlöðversdóttir segir
Jón Ásgeir Sigurðsson.
réttilega, að ég hafi ekki verið
eini umsækjandinn um ritstjóra-
stöðu hjá útgáfufélagi Tímans, og
auðvitað var ekki búið að hafna
mér þegar ég dró umsóknina til
baka (skárra væri það nú). En þær
staðreyndir skipta ekki máli. Sök-
um afskipta Kristjáns Loftssonar,
sem hann hefur staðfest sjálfur í
Morgunbiaðinu, var fyrirfram ljóst
að ég kæmi ekki til greina, alveg
án tillits til þess hvort ég væri
hæfur til starfans. Þeirri ósvinnu
vildi ég ekki una.
5. október 1993.
Höfundur er fréttaritari RÚV í
Bandaríkjunum.
Fyrsta
flokks frá
/?n nix
HATUN 6B - SIMI (91)24420
Á undan timanum
i 100 ár.
fyrir
steinsteypu.
Léttir
meðfærilegir
viðhaldslitlir.
__Ávallt fyrirliggjandi. y
Góö varahlutaþjónusta.
Þ. ÞORGRÍMSSON & CO 29. simi 38640
FYRIRLIGGJANDI: GÚLFSLÍPIVÉLAR - RIPPER ÞJÖPPUR - DÆLUR
STEYPUSAGIR - HR/ERIVÉLAR - SA6ARBLÖD - VðndUÖ Iramleiðsla.